Տոլեդոն սովարական քաղաք չէ: Այս քաղաքն ունի յուրահատուկ բույր, գույն , համ: Ես բախտ եմ ունեցել լինել տարբեր բազմամիլիոնանոց մեգապոլիսներում, սակայն փոքր քաղաքները փոքր բնակչությամբ ինձ միշտ հրապուրել են: Ընդամենը 80,000 մարդ է ապրում այստեղ: Կյանքը չի եռում: Փողոցներում հիմնականում հանդիպում ես զբոսաշրջիկների ու տեղի տարեց բնակիչների, որոնք ոչ մի տեղ չեն շտապում: Ես մշակութային մարդ չեմ, ուստի մտադրություն էլ չունեմ այցելել օրինակ Էլ Գրեկոյի տուն-թանգարան, չնայած շատ մարդիկ հենց այդ նպատակով են գալիս այստեղ: Ես այստեղ կանգ եմ առել Կառլոս V հյուրանոցում: Ընտրությունը կատարել է կոորդինատորը: Ես ընդհանրապես քմահաճ չեմ հյուրնաոցների հարցում և ընդհանրապես թքած ունեմ հարմարավետության վրա: Ամեն դեպքում ակնհայտ է, որ իմ ուղևորության համար կոորդինատորը պատվիրատուից կլորիկ գումար է վերցրել: Սպանության պատվերի և իրագործման շղթան, իմիջայլոց որքան խճճված է լինում, այնքան քիչ է լինում այն բացահակտելու հավանականությունը: Տվյալ դեպքում ես հոգացել եմ , որ 4 իրարից անկախ միջնորդ ներգրավված լինեն: Մոտ մեկ ժամից Սանտա Տոմեո եկեղեցու մոտ ինձ պետք է մոտենա միջնորդների վերջին ներկայացուցիչը, որին ես չեմ ճանաչում, ինչպես նա ինձ չի ճանաչում: Նա ինձ կներկայացնի ցուցումները, զոհի մասին մանրամասներ և գործին վերաբերող այլ կարևոր մանրուքներ: Նաև պետք է ասեմ, որ միջնորդը չի իմնալու, որ կատարողն անմիջապես ես եմ, նա կարող է մտածել, որ ես հերթական միջնորդն եմ: Միջնորդները սովորաբար հասարակ մարդիկ են, չունեն քրեական անցյալ իրավապահների ուշադրությունը ավելորդ տեղը չգրավելու համար: Դա կարող է լինել 70-ամյա մի թոշակառու կամ մանկապարտեզի դաստիարակ: Ամեն դեպքում միջնորդները բոլոր հնարավոր ձևերով փորձարկվում են: Լռություն պահպանելու ունակությունը այս դեպքում ամենաշատն է կարևորվում միջնորդ ընտրելու գործում: Հիմնականում միջնորդներին շահագրգռում են յուղոտ գումարներով, սակայն ավելի հուսալի միջոց է կոմպրոմատը: Անանուն մեկը նրանց շանտաժի է ենթարկում և առաջարկում համագործակցել: Միջնորդը ինձ հետ խոսելու է անգլերեն, Իսպանիա է ժամանած լինելու մեկ այլ երկրից: Միջնորդը ոչ միայն իրավունք ունի ինձ իր մասին ոչինի չասել, այլև պարտավոր է, քանի որ կոնսպիրացիայի խախտումը կարող է ամեն ինչ տապալել և շատ վտանգավոր է:
Մեջբերել
Էջանիշներ