Համամիտ չեմ Մեֆ ջան: Էսօր քաղաքացիական նախաձեռնությունները շատ ավելի մեծ հարցեր են կարողանում լուծել քան թե քաղաքականները: Մաշտոցի պուրակը քեզ օրինակ:
Իհարկե քաղաքացիական նախաձեռնությունները դեռ չունեն այն պոտենցիան, որ նրանց իմպոտենտ գնահատողները բան չունենան ասելու:
Բայց ես միշտ եղել եմ այն կարծիքին, որ անկախ իշխանության լեգիտիմ լինել չլինելուց, քաղաքացիական նախաձեռնությունների մեխանիզմն է միակ ճանապարհը իշխանություններին ԱՇԽԱՏԵԼ ստիպելու համար: Եթե ընտրվեց լեգիտիմ իշխանություն ու դաշտում չկան քաղաքացիական նախաձեռնությունների գործող մեխանիզմ, նշանակում է այդ իշխանություններն էլ են դատապարտված պորտաբույծների վերածվելուն: Մենք կոկորդներս ճղում ենք, որ ժողովրդավարոթյուն ենք ուզում: Բա էդ դեպքում ուզում ենք մատը մատին չտա՞լ: Ժողովրդավարություն ասվածը ենթադրում է հասարակության ակտիվ մասնակցություն երկրի բոլոր հարցերում: Նենց որ մենք բոլորս պիտի պատրաստ լինենք մեր միջոցների ու ժամանակի մի մասը ծախսել քաղաքացիական նախաձեռնությունների վրա: Դա է մեր ընտրությունը: Հակառակ դեպքում, եթե մենք չենք ուզում ակտիվ լինել, նշանակում է իրավունք էլ չունենք ժողովրդավարություն պահանջելու: Հենա թագավորը մեր փոխարեն կընդունի որոշումներ, մենք էլ ավելորդ ներվեր, միջոցներ ու ժամանակ չենք ծախքսի դրա վրա: Ժողովրդավարության մինուսը դա է, որ հասարակ քաղաքացին պարտավորվում է իր մասնակցությունը ցուցաբերել երկրում ծառացած խնդիրների լուծման համար:
Հիմա բնականաբար իշխանությունները պիտի ամեն գնով փորձեն վիժեցնել այս նախաձեռնությունները: Նորմալ ինքնապաշտպանական ռեակցիա է: Բայց ինչպես Չուկն է ասում, արդեն իսկ մեր հասարակության մեջ ձևավորվել է այն շերտը, որը պատրաստ է բոլոր տարաձայնությունները մի կողմն դնելով համախմբվել խնդրի շուրջ: Մնում է հասնել նրան, որ այդ շերտը մեծանա:
Իսկ Տրիբունի ասած լոմոի մասով էլ, այնքանով եմ համամիտ, որ այս նույն շերտը պիտի պատրաստ լինի լոմ վերցնելուն, եթե փորձեն այս շերտին հիմնովին վերացնել: Բայց միևնույն է լոմով հեղափոխություն անելուց հետո էլի ու էլի պիտի լինեն այս պրոցեսները, քանի որ նորից կրկնվեմ, եթե իշխանավորը ներքևից ճնշում չի զգում, նա վերածվում է պորտաբույծի:
Tig-ի խոսքերից
Համամիտ չեմ Մեֆ ջան: Էսօր քաղաքացիական նախաձեռնությունները շատ ավելի մեծ հարցեր են կարողանում լուծել քան թե քաղաքականները: Մաշտոցի պուրակը քեզ օրինակ:
Մեջբերել
Էջանիշներ