Ով ինչպես է կարդում

[Tigran-57777]

Հետաքրքրիր է իմանալ ով ինչպես է գիրք կարդում.նշումներ կատարում ե՞ք գրքից կամ ընդգծում կամ գուցե ուրիշ տարբերակներ կան գիրքը ավելի լավ հասկանալու և յուրացնելու համար:Խնդրում եմ կիսվեք

[Ռուֆուս]

Գրքի մեջ նշումներ երբեք չեմ արել, առավել ևս չեմ ընդգծել, որովհետև սա մինիմում վանդալիզմ ա իմ կարծիքով: Եթե գրքի մեջ ուրիշն ա նշումներ արել, կամ ընդգծել, էդ գիրքը ես չեմ կարող կարդալ:

Իսկ գիրքը կարդում եմ աչքերով, բացում եմ, առաջին էջից սկսում եմ, վերջին էջով վերջացնում:

[Շինարար]

Ես էլ ուղղակի կարդում եմ, գրվածից ավելի լավ հասկանալ չեմ էլ փորձում, եթե օտար լեզվով է, անծանոթ բառ հանդիպելիս, թեկուզ ընկալեմ էլ, ինչ ա ասում, մի հատ բառարանում կամ գուգլի թարգմանիչով ստուգում եմ իմաստը, ու տենց մինչև վերջ կարդում, ինչ մնաց հիշողությանս մեջ, ինչը չէ, եթե հավանած եմ լինում, կարող ա մյուս տարի մի հատ էլ կարդամ:

[Գալաթեա]

Նշումներ ես էլ երբեք չեմ արել ու տանել չեմ կարողանում, երբ ուրիշներն անում են:
Կարդում եմ ձախից աջ

Էս վերջերս՝ բացառապես անգլերեն ու մատիկի և թաչ էկրանի մեղմիկ ու խաղաղ համագործակցության շնորհիվ:
Կեցցե Կինդլը:

[Ռուֆուս]

Օտար լեզվով կարդալուց էլ բառարաններից չեմ օգտվում, միշտ փորձում եմ բառի կամ արտահայտության իմաստը կոնտեքստից հասկանալ: Եթե նույնիսկ կոնտեքստից էլ հնարավոր չէ հասկանալ կոնկրետ իմաստը, պարզապես անցնում եմ առաջ: Բառարանից օգտվում եմ խիստ հազվադեպ, երբ որ անծանոթ բառն անընդհատ կրկնվում է ու առանց դրա իմաստը հասկանալու անհնարին ա առաջ գնալ:

Հիմա արդեն սկսել են անսովոր դառնալ թղթից գրքերը

Հա ու գրքում եղած ամեն ինչն եմ կարդում, թե ներածական մասը, թե քննադատական մասը (եթե լինում ա), թե ծանոթագրությունները:

[Գալաթեա]

Հա ու գրքում եղած ամեն ինչն եմ կարդում, թե ներածական մասը, թե քննադատական մասը (եթե լինում ա), թե ծանոթագրությունները:

Իսկ այ ես ներածականն ու քննադատականները գրեթե երբեք չեմ կարդում...
Եթե շատ լավը լինի գիրքը՝ վերջում գուցե կարդամ: Բայց շատ հազվադեպ:

Միակ հեղինակը, որի ներածություններն անխտիր կարդացել եմ՝ Սթիվեն Կինգն ա:

[Շինարար]

Իհարկե, առանց բառարան շատ ավելի հարմար ա, բայց ես անգլերենին կոնկրետ քո պես չեմ տիրապետում, էդ հաստատ, իսկ ինտերնետի միջոցով հասանելի գրականությունը մեծ մասամբ անգլերեն ա, դրա համար ստիպված մի փոքր ինձ նեղություն տալիս եմ: Նախաբաններն ու ծանոթագրությունները, նույնիսկ տիրաժները ես էլ եմ կարդում:

[Շինարար]

Կարդում եմ ձախից աջ

Ես բազմաթիվ գրքեր կարդում եմ աջից ձախ, որովհետև ձախից աջ անհնար ա դրանք կարդալը

[Գալաթեա]

Ես բազմաթիվ գրքեր կարդում եմ աջից ձախ, որովհետև ձախից աջ անհնար ա դրանք կարդալը

Mazel tov

[Tigran-57777]

Իսկ առանձին բլոկնոտ կամ տետր չե՞ք պահում նշումների կամ գեղեցիկ մտքերի համար:

[Mephistopheles]

Հետաքրքրիր է իմանալ ով ինչպես է գիրք կարդում.նշումներ կատարում ե՞ք գրքից կամ ընդգծում կամ գուցե ուրիշ տարբերակներ կան գիրքը ավելի լավ հասկանալու և յուրացնելու համար:Խնդրում եմ կիսվեք

շատ լավ թեմա ա… ես, օրինակ դնում եմ մի շիշ արաղ ու ամեն թերթից հետո մի 10 գրամ քցում եմ… էդքան լավ չեմ հիշում գրքի վերջը սովորաբար, բայց ընթացքը շատ ազդեցիկ ա