ԲՀԿ-ն կոալիցիա չի կազմում. ի՞նչ ընթացք է սպասվում

[Chuk]

Քննարկենք.

«Բարգավաճ Հայաստան» կուսակցության նախագահ Գագիկ Ծառուկյանի հայտարարությունը

Սիրելի հայրենակիցներ,

Քույրեր, եղբայրներ,

«Բարգավաճ Հայաստան» կուսակցության 6-րդ համագումարում իմ և իմ թիմակիցների ելույթների առանցքը կազմում էր երկրում և ժողովրդի կյանքում էական փոփոխությունների անհրաժեշտության գաղափարը:

Քարոզարշավի ողջ ընթացքում մենք հանդես ենք եկել նույն դիրքերից: ԲՀԿ-ն ժողովրդի դատին էր ներկայացրել համապարփակ ծրագիր: Ես իմ բոլոր հանդիպումների ժամանակ հայտարարել եմ, որ, մտնելով քաղաքականություն՝ չեմ հետապնդում որևէ անձնական շահ: Ավելին, ես հայտարարել եմ, որ պատրաստ եմ ունենալ կորուստներ, սակայն ժողովրդի վստահությունը սրբորեն պահպանելու եմ:

Խորհրդարանական ընտրությունների արդյունքում «Բարգավաճ Հայաստանը» ստացավ մոտ կես միլիոն ձայն: Այդ մարդիկ քվեարկել են ԲՀԿ-ի օգտին` վստահելով մեզ և պահանջելով երկրի սոցիալ-տնտեսական կյանքում իրական, տեսանելի փոփոխություններ:

Ընտրությունների արդյունքներով` ԲՀԿ-ն չունի կառավարություն ձևավորելու և իր ծրագրերը իրականացնելու սահմանադրական հնարավորություն: Ելնելով վերը նշյալից` ես պաշտոնապես հայտարարում եմ, որ «Բարգավաճ Հայաստան» կուսակցությունը նպատակահարմար չի գտնում մասնակցել կոալիցիոն կառավարության ձևավորմանը:

ԲՀԿ-ն շարունակելու է ունենալ ծանրակշիռ դերակատարում մեր երկրի քաղաքական կյանքում: Մենք ունենալու ենք խիստ կառուցողական, հավասարակշռող դերակատարություն և մասնակցություն երկրի հասարակական-քաղաքական կյանքում։

Ազգային ժողովում ԲՀԿ-ն ունենալու է շատ ակտիվ և գործունյա խմբակցություն: Ես խոստանում եմ, որ մեր պատգամավորները մշտապես լինելու են ժողովրդի կողքին, բոլոր հնարավոր միջոցներով պաշտպանելու են մեր քաղաքացիների իրավունքներն ու շահերը:

Անկեղծորեն հաջողություն և արդյունավետ աշխատանք եմ մաղթում Հայաստանի նոր ձևավորվելիք կառավարությանը` ի բարօրություն մեր երկրի և ժողովրդի:

Աղբյուր՝ Առավոտ

[Ջուզեպե Բալզամո]

Wow
Այ սա չէի սպասում… հիմա ուզում եմ բաներ գրել, բայց կարծում եմ մի երկու օր կսպասեմ հետո , մի տեսակ հավատս չի գալիս… կարող ա՞ սկսում ենք երկիր դառնալ

[Շինարար]

Նախագահական ընտրություններում սպասենք Քոչարյանի շռնդալից վերադարձի՞ն: Հեչ լավատես չեմ:

[Tig]

Կարծում եմ սա ընդհամենը նախագահականին նախապատրաստվելու ձև է... ԲՀԿ-ին ընդիմություն դիտարկելը մի տեսակ ժպիտ է առաջացնում:
Չգիտեմ սա Քոչարյանի վերադարձի համար է արվում, թե ուղղակի նախագահականում ընդիմադիր կեցվածքի համար և ձայների փոշիացման համար, բայց որ նախագահականին են նախապատրաստվում դրանում համոզված եմ:

[Շինարար]

Կարծում եմ սա ընդհամենը նախագահականին նախապատրաստվելու ձև է... ԲՀԿ-ին ընդիմություն դիտարկելը մի տեսակ ժպիտ է առաջացնում:
Չգիտեմ սա Քոչարյանի վերադարձի համար է արվում, թե ուղղակի նախագահականում ընդիմադիր կեցվածքի համար և ձայների փոշիացման համար, բայց որ նախագահականին են նախապատրաստվում դրանում համոզված եմ:

Չեմ կարծում, որ էդքան ձայն հավաքած կուսակցության լիդերները էդքան ապուշ լինեն, որ իրանց հսկայական ռեսուրսները վատնեն ձայներ փոշիացնելու համար, մանավանդ որ ո՞ւմ ձայները տեն փոշիացնի:

[Chuk]

Նախագահական ընտրություններում սպասենք Քոչարյանի շռնդալից վերադարձի՞ն: Հեչ լավատես չեմ:

Հնարավոր ա, բայց անձամբ ես ավելի ռեալ եմ համարում էս անգամ Օսկանյանին առաջ մղելը (որին Քոչարյանի շվաքն եմ համարում): Կարծում եմ, որ Քոչարյանը դեռ կփորձի ստվերում խաղալ:

[Շինարար]

Հնարավոր ա, բայց անձամբ ես ավելի ռեալ եմ համարում էս անգամ Օսկանյանին առաջ մղելը (որին Քոչարյանի շվաքն եմ համարում): Կարծում եմ, որ Քոչարյանը դեռ կփորձի ստվերում խաղալ:

Ամեն դեպքում նախագահական ընտրությունների էս արդեն 2 անգամ կրկնված ակնկալվող սցենարը էդքան էլ հուսադրող չի,երբ գործող ղեկավարի գլխավոր այլընտրանքը վերադառնում ա անցյալից՝ Կարեն Դեմիրճյան, Լևոն Տեր-Պետրոսյան, ու հիմա էլ Ռոբերտ Քոչարյան: Ես առաջվա պես չեմ կարծում, թե դա էն ա, ինչ մեզ պետք ա:

[Mark Pauler]

Լավ էլ սպասելի էր: Հերթական դերասանությունն ա: Իդեալական սցենար են մտածել իրանց խելքով: Մի 8-9 ամիս ընդիմություն կխաղան, իսկ նախագահական ընտրություններից հետո էլի կանցնեն իրանց հին ռեժիմին: Անհնար ա, որ Սերժն ու Քոչը իրար հետ համաձայնության չգան ու իրար հետ չգործեն: Իրանք չեն կարա ու չեն էլ ուզի իրար դեմ հելնեն:

Խորհրդարանական ընտրությունների նախօրեին, նույն տարածքում նստած, էդ 2 կուսակցության ներկայացուցիչները իրար ջան ասելով, ջան լսելով կաշառք էին բաժանում... Ու իրանց իրականում մենակ միասնական հավաքած տոկոսն էր հետաքրքրում:
Իսկ մրցակցություն նույնիսկ ՀՀԿ-ի ու ԲՀԿ-ի ներկուսակցական վիճակներում կար, թե ով շատ ձայն կարա հավաքի իրան վստահված տարացքից, քան ասենք կողքի տարածքի ներկայացուցիչը ինչ կանի... Ոմանք արդարացրին, ոմանք էտքան էլ չէ....
Մրցակցությունը էս 2 կուսակցությունների մեջ ի շահ ժողովրդի չի: Դրանից կշահեն ներկուսակցական անհատները (պաշտոն, բիզնեսի պրախոդի չափ, պետական ծրագրերում մասնակցություն) , ովքեր որ ավելի շատ ձայներ կկարողանան պոկել նախագահական ընտրությունների ժամանակ:

[Աթեիստ]

Եթե Սերժի հետ համաձայնեցրած թատրոն չի, ուրեմն հալալ ա Լևոնին
Իսկ ընդհանրապես, ԲՀԿ-ն ի՞նչ ընդդիմություն: Այ որ սկսեն իմ առաջարկածի պես ապահովել 100%-անոց ներկայություն ու ՀՀԿ-ին հակառակ օրենքներ անցկացնեն, մի քիչ կհավատամ:

[davidus]

Կարելի ա երկու կետերի վրա ուշադրություն դարնել.
1) Բարգավաճը չի ուզում կառավարություն ձևավորի. էս ամենամութ կետն ա։
2) Եթե ԲՀԿ իրոք ընդդիմություն խաղաց, ապա հաշվի առնելով առաջին կետը, ընդամենը ամիսների հարց ա նրանց ֆինանսական կարողությունների վրա մի հատ մեծ հարցական դնելը։ Իսկ ԲՀԿ-ի դեպքում հետևյալն ա՝ չկա ֆինանս, չկա կուսակցություն։

[Ձայնալար]

ԲՀԿ-ն երբեք իրանից քաղաքական ուժ չի ներկայացրել: ԲՀԿ-ն մի մարդ ա Գագիկ Ծառուկյան անունով ու Դոդի Գագո մականունով: Դոդի Գագոն ինքն իրանով ինքնուրույն քաղաքական ֆիգուր չի եղել երբեք ու դժվար թե երբևէ լինի: Մեզ մնում ա միայն գուշակել, թե ում վրա ա ինքը աշխատում՝ Սերժի, Ռոբի, երկուսի միաժամանակ թե. ասենք անմիջականորեն Մոսկվայից ա հրահանգներ ստանում:

Մյուս կողմից հետաքրքիր ա Լևոնի կողմից Դոդին «աստվածացնելու» տակտիկան, որն ինձ ահավոր դուր չի գալիս, բայց ամեն դեպքում հետաքրքիր ա, թե ինչ միտում ունի ու ի վերջո ինչի կհանգեցնի: Կարծում եմ լավագույն ելքը կլինի այն, որ Ծառուկյանը ժողովրդի մի մասի աչքերում «թագավոր տղա»-ից վերածվի «Արթուր Բաղդասարյանի»:

[Գալաթեա]

թե. ասենք անմիջականորեն Մոսկվայից ա հրահանգներ ստանում:

Ինքն էդքան ռուսերեն չգիտի

[Chuk]

ԲՀԿ-ն երբեք իրանից քաղաքական ուժ չի ներկայացրել: ԲՀԿ-ն մի մարդ ա Գագիկ Ծառուկյան անունով ու Դոդի Գագո մականունով: Դոդի Գագոն ինքն իրանով ինքնուրույն քաղաքական ֆիգուր չի եղել երբեք ու դժվար թե երբևէ լինի: Մեզ մնում ա միայն գուշակել, թե ում վրա ա ինքը աշխատում՝ Սերժի, Ռոբի, երկուսի միաժամանակ թե. ասենք անմիջականորեն Մոսկվայից ա հրահանգներ ստանում:

Մյուս կողմից հետաքրքիր ա Լևոնի կողմից Դոդին «աստվածացնելու» տակտիկան, որն ինձ ահավոր դուր չի գալիս, բայց ամեն դեպքում հետաքրքիր ա, թե ինչ միտում ունի ու ի վերջո ինչի կհանգեցնի: Կարծում եմ լավագույն ելքը կլինի այն, որ Ծառուկյանը ժողովրդի մի մասի աչքերում «թագավոր տղա»-ից վերածվի «Արթուր Բաղդասարյանի»:

Բագ ջան, կռվացնելու տակտիկան: Արի հիշենք, որ երբ Լևոնը սկսեց ԲՀԿ-ի կողմն ուղղված ուղերձներ անել, ոչ մեկի մտքով չէր կարող անցնել, որ ՀՀԿ-ն ու ԲՀԿ-ն կոալիցիա չեն կազմելու:

ԲՀԿ-ն պատրաստվում ա ընտրություններին: Հավանական ա, որ հետևում կան Քոչի ականջները: Ավելին, ԲՀԿ-ն սկսում ա կուսակցություն դառնալ: Կարծում եմ, որ Օսկանյանը միակ քաղաքական կերպարը չի լինի, որ էնտեղ ա հանգրվանել, առաջիկայում այլ նորություններ էլ կլինեն:

Բայց էս ամեն ինչը մի կողմ եթե թողնենք, պետք է արձանագրենք, որ էս պահին կա Սերժի դիրքը թուլացում, ինքն էլ բոլորին չի կարողանում ձեռի տակ պահել:

[Ձայնալար]

Բագ ջան, կռվացնելու տակտիկան: Արի հիշենք, որ երբ Լևոնը սկսեց ԲՀԿ-ի կողմն ուղղված ուղերձներ անել, ոչ մեկի մտքով չէր կարող անցնել, որ ՀՀԿ-ն ու ԲՀԿ-ն կոալիցիա չեն կազմելու:

ԲՀԿ-ն պատրաստվում ա ընտրություններին: Հավանական ա, որ հետևում կան Քոչի ականջները: Ավելին, ԲՀԿ-ն սկսում ա կուսակցություն դառնալ: Կարծում եմ, որ Օսկանյանը միակ քաղաքական կերպարը չի լինի, որ էնտեղ ա հանգրվանել, առաջիկայում այլ նորություններ էլ կլինեն:

Բայց էս ամեն ինչը մի կողմ եթե թողնենք, պետք է արձանագրենք, որ էս պահին կա Սերժի դիրքը թուլացում, ինքն էլ բոլորին չի կարողանում ձեռի տակ պահել:

Կարող ա, Արտ, բայց հլը որ ես չէի շտապի ասել, որ Սերժի դիրքը թուլացել ա: Սերժը ունի խորհրդարանական մեծամասնություն ու կառավարություն՝ էս պահին իրան ավել բան պետք չի, ինչ պետք ա ինքն ունի: Իսկ, եթե ԲՀԿ-ն Քոչարյանի կողմից ա ղեկավարվում ու Քոչի ու Սերժի շահերի բախում կա, սենց թե նենց Դոդը Սերժի դեմ էր դուրս գալու՝ առանց Լևոնի գովասանքների էլ:

[Chuk]

Իսկ, եթե ԲՀԿ-ն Քոչարյանի կողմից ա ղեկավարվում ու Քոչի ու Սերժի շահերի բախում կա, սենց թե նենց Դոդը Սերժի դեմ էր դուրս գալու՝ առանց Լևոնի գովասանքների էլ:

Ոչ թե «սենց թե նենց», այլ «հնարավոր ա»:
Խնդիրը գովասանքները չէին, այլ խաղաքարտերը խառնելը: Ինչը հաջողությամբ արվեց, ու ստեղծվեց իրավիճակ, որ արդեն իրար դեմ խաղեր տալու փորձեր են արվում:

Ամեն դեպքում պետք ա փորձել չթողնել, որ սրանք իրար դեմ կռվեն ու իրանցից մեկը հաղթի: