Ամոթ / Shame
Մեծ Բրիտանիա, 2011
Ռեժիսոր՝ Ստիվ ՄքՔուին
Դերերում՝ Մայքլ Ֆասսբենդեր, Քերի Մալիգըն և ուրիշներ
Ժանրը՝ հոգեբանական դրամա
IMDB-ի միջին գնահատականը՝ 7.6/10
RottenTomatoes-ի գնահատականը՝ 80%
Թրեյլերը
«Ամոթը» 2011թ-ի ամենամեծ աղմուկ հանած ֆիլմն է: Պատճառներից մեկն այն է, որ ֆիլմը տեղ տեղ հատում է էրոտիկայի ու պոռնոգրաֆիայի սահմանը, ինչի պատճառով բազմաթիվ երկրներիում այն սահմանափակ քանակի կինոթատրոններում է ցուցադրվել: Իսկ մյուս պատճառն այն է, որ գրեթե բոլոր կինոքննադատները մեծ դրվատանքի արժանացրին ֆիլմը, ռեժիսորին ու հատկապես գլխավոր դերակատար Մայքլ Ֆասսբենդերին՝ նրան անվանելով իր սերնդի ամենատաղանդավոր դերասաններից մեկը:
Ֆիլմի գլխավոր հերոսը Բրենդանն է, առաջին հայացքից նորմալ ու հաջողակ ամուրի: Նա ունի բարձր վարձատրվող աշխատանք, ունի սեփական թանկարժեք բնակարան՝ Նյու-Յորքի կենտրոնում, սակայն նրա շրջապատը չգիտի, որ Բրենդանի ամբողջ կյանքը կենտրոնացած է սեքսի վրա: Բրենդանը առօրյան զբաղեցնում են պոռնոգրաֆիկ ֆիլմերը, վիրտուալ սեքսը, սեքս տարբեր անծանոթների, մարմնավաճառների հետ: Բրենդանի մանրակրկիտորեն թաքցրած անձնական կյանքը կամաց կամաց ջրի երես է ելնում, երբ նրա բնակարան է տեղափոխվում Բրենդանի անհավասարակշիռ ու դեպրեսիվ քույրը՝ Սիսսին:
Ֆիլմը ահավոր էր, ինչ-որ տեղ ինձ հիշացրեց «Ամերիկյան Փսիխը» (մարդասպանությունների ու սև հումորի պահերը հանած), ահավոր ծանր էր դիտելն ու ազդեցիկ էր: Ռեժիսորը հոյակապ գործ էր արել իր մինիմալիստական մոտեցմամբ: Ֆիլմի ընթացքում լրիվ մտնում ես գլխավոր հերոսի հոգեվիճակի մեջ ու ֆիլմի ավարտին դու ինքդ քո վրա ես զգում մեղքի ու ամոթի ծանր բեռը...
Իսկ դերասանները Մայքլ Ֆասսբենդերը պարզապես հոյակապ է խաղում, եթե ֆիլմը Օսկարի ներկայացնեին, հաստատ իրեն մրցանակ բաժին կընկներ: Ինչ վերաբերվում է Քերի Մալիգանին ֆիլմի ամենազգացմունքային դրվագն այն է, երբ Քերին կատարում է New York New York երգը: Այս դրվագը նկարահանվել է հանպատրաստից, Մայքլ Ֆասսբենդերն ու մյուս դերասանը չգիտեին, որ Քերին կարողանում է երգել, ուստի այս դրվագում նրանց ռեակցիաները բնական են...
Էջանիշներ