Հիշողության վատացում

[Ուլուանա]

Վերջերս ինձ սկսել է լրջորեն անհանգստացնել հիշողությանս վիճակը։ Ընդհանրապես նախկինում բացառիկ լավ հիշողություն եմ ունեցել։ Հիշողությանս վատացումը որոշակիորեն սկսվեց ինտերնետ ոտք դնելուց։ Հաստատ կարող եմ ասել, որ դրանից սկսեց քիչ–քիչ վատանալ, ընդ որում՝ շատ արագ տեմպերով։ Բայց քանի որ ի սկզբանե շատ լավն էր, դեռ ահագին ժամանակ մոտավորապես բավարարում էր միջին վիճակագրական մարդու հիշողության մակարդակին։ Իսկ վերջերս շատ տարօրինակ երևույթներ եմ նկատել, որոնցից, ճիշտն ասած, արդեն սարսափում եմ... Օրինակ, վերջերս հաճախ է պատահում, որ Ակումբում ինչ–որ գրառում եմ տեսնում, հիանում, երբեմն զարմանում, ոգևորված որոշում եմ շնորհակալություն տալ, մեկ էլ ի՞նչ տեսնեմ՝ արդեն տրված է շնորհակալություն իմ կողմից, էն էլ ընդամենը մի երկու ամիս առաջ։ Փաստորեն, ես էդ գրառումը կարդացել/նայել եմ նախկինում, բայց նույնիսկ էդ փաստին տեղեկանալուց հետո էլ երբեմն էդպես էլ ոչ մի կերպ չեմ կարողանում մտաբերել, որ կարդացել եմ ։ Կամ, ասենք, ինչ–որ հին, բայց թարմացված թեմաներ կարդալիս որոշում եմ կարծիքս գրել, բայց մինչ այդ կարդում եմ գրառումները ու հայտնաբերում, որ էն, ինչ ուզում էի գրել, տարիներ առաջ գրել եմ, բայց մինչև կարդալը համոզված էի, որ չեմ գրել։ Ինձ թվում է՝ սա նորմալ չի։ Մտածում եմ՝ կամ սկլերոզի սկիզբ է, կամ ավելի վատ՝ ասենք, Ալզայմերի հիվանդության։ Դրա մասին կինոներից ու սերիալներից գիտեմ ու սարսափում եմ, որ կարող է հանկարծ ինձ հետ էլ նման բան լինի...
Հարցս հետևյալն է. նմանատիպ երևույթները կարելի՞ է պարզապես հիշողության սովորական վատացում համարել, թե՞ իրոք ինչ–որ լուրջ հիվանդության ախտանիշներ են։ Ու հնարավո՞ր է ինչ–որ բան անել էդ տեսակի վատացումը վերացնելու, մեղմելու կամ գոնե հետագա վատացումը կանխելու համար, թե՞ արդեն անդառնալի պրոցես է...

[StrangeLittleGirl]

Ան, նորմալ ա, սաղի հետ էլ լինում ա: Քանի որ վերջերս դու ակումբում էնքան էլ ակտիվ չես, հետևաբար քո առօրյայի մասը չի կազմում, լիքը «ավելորդ» բաներ ուղղակի հիշողությունից դուրս են գալիս:

[Ուլուանա]

Ան, նորմալ ա, սաղի հետ էլ լինում ա: Քանի որ վերջերս դու ակումբում էնքան էլ ակտիվ չես, հետևաբար քո առօրյայի մասը չի կազմում, լիքը «ավելորդ» բաներ ուղղակի հիշողությունից դուրս են գալիս:

Լու՞րջ ես ասում, թե՞ ուղղակի իմանալով իմ հիպոխոնդրիկությունը՝ մխիթարում ես ։

[ivy]

Վերջերս ինձ սկսել է լրջորեն անհանգստացնել հիշողությանս վիճակը։ Ընդհանրապես նախկինում բացառիկ լավ հիշողություն եմ ունեցել։ Հիշողությանս վատացումը որոշակիորեն սկսվեց ինտերնետ ոտք դնելուց։ Հաստատ կարող եմ ասել, որ դրանից սկսեց քիչ–քիչ վատանալ, ընդ որում՝ շատ արագ տեմպերով։

Վայ, ինձ մոտ էլ է նույն վիճակը, բայց իմ պրոբլեմն ավելի շատ էն է, որ ոչ մի բան չեմ կարողանում մտապահել: Անցյալի ինֆորմացիան տեղում է, նորը չի պահպանվում: Առաջ ես հոյակապ հիշողություն ունեի. որևէ բան մտապահելու/սովորելու համար ինձ բավական էր մի անգամ դա լսել կամ կարդալ, իսկ հիմա նույնիսկ բազում անգամներից հետո չի մնում գլխիս մեջ:
Էս ի՞նչ էղանք մենք:

[ivy]

Ի դեպ, մամաս համոզված է, որ դա բուսակերության հետևանքներից է:
Ընդհանրապես մտածողությունս շատ դանդաղել է: Մի հարց որ տալիս են, անմիջապես չեմ կարողանում պատասխանել, պիտի դեռ ուղեղս ճռռալով միանա... Կամ որ մի բան են ասում, էլի միանգամից չեմ ընկալում:
Վերջերս ձկան յուղ էի առել հաբերով, որ խմեի: Ասում են՝ լավացնում է ուղեղի աշխատանքը:
Բայց դեռ էդպես էլ չեմ խմել...

[StrangeLittleGirl]

Լու՞րջ ես ասում, թե՞ ուղղակի իմանալով իմ հիպոխոնդրիկությունը՝ մխիթարում ես ։

Չէ, լրիվ լուրջ եմ ասում: Ուղեղը չի սիրում ավելորդ ինֆորմացիա պահել: Երբ գտնում ա, որ որևէ բան ավելորդ ա, մոռանում ա: Մանավանդ եթե ուրիշ հիշելու բաներ ունես ու համ էլ հոգնում ես:

Ինչ վերաբերում ա Ալցհայմերին, դրա ամենավաղ կենսաբանական դրսևորումները 40-45-ից հետո են լինում: Էլ չեմ ասում, որ դրանից շատ ավելի ուշ ա սկսում կլինիկորեն դրսևորվել:

Ռիփ, նույնը քեզ ա վերաբերում. երևի դու էլ ես շատ հոգնում:

Ու ընդհանուր առմամբ, հիմա տարվա էն սեզոնն ա, երբ մեր օրգանիզմները հոգնած են, որովհետև մեր կերած սնունդը վիտամիններով հարուստ չի: Հեսա էս տարվա միրգ-բանջարեղենը կհասնի, նորմալ առողջ սնունդ կստանանք, կդզվենք

[ivy]

Ռիփ, նույնը քեզ ա վերաբերում. երևի դու էլ ես շատ հոգնում:

Ու ընդհանուր առմամբ, հիմա տարվա էն սեզոնն ա, երբ մեր օրգանիզմները հոգնած են, որովհետև մեր կերած սնունդը վիտամիններով հարուստ չի: Հեսա էս տարվա միրգ-բանջարեղենը կհասնի, նորմալ առողջ սնունդ կստանանք, կդզվենք

Բայց ինձ մոտ սեզոնային չի, արդեն ահագին երկար ժամանակ է՝ էդ վիճակն է, ու գնալով ավելի վատանում է:
Իսկ կարող է իսկականից բուսակերությունից լինի՞:
Կամ ինտերնետից:

Իսկ արժի՞ էդ ձկան յուղով հաբերը խմել:

[StrangeLittleGirl]

Բայց ինձ մոտ սեզոնային չի, արդեն ահագին երկար ժամանակ է՝ էդ վիճակն է, ու գնալով ավելի վատանում է:
Իսկ կարող է իսկականից բուսակերությունից լինի՞:
Կամ ինտերնետից:

Իսկ արժի՞ էդ ձկան յուղով հաբերը խմել:

Ինտերնետից կարա լինի, բուսակերությունից էլ, եթե բալանսավորված սնունդ չես ստանում: Ձկան յուղի հաբերը խմի, վնաս չի, լիքը լավ-լավ նյութեր ա պարունակում:

[Ուլուանա]

Վայ, ինձ մոտ էլ է նույն վիճակը, բայց իմ պրոբլեմն ավելի շատ էն է, որ ոչ մի բան չեմ կարողանում մտապահել: Անցյալի ինֆորմացիան տեղում է, նորը չի պահպանվում:

Հա, իմն էլ ա էդպես...

Ի դեպ, մամաս համոզված է, որ դա բուսակերության հետևանքներից է:
Ընդհանրապես մտածողությունս շատ դանդաղել է: Մի հարց որ տալիս են, անմիջապես չեմ կարողանում պատասխանել, պիտի դեռ ուղեղս ճռռալով միանա... Կամ որ մի բան են ասում, էլի միանգամից չեմ ընկալում:

Ես էլ եմ լրիվ քո ասածի պես, բայց, ի տարբերություն քեզ, ես ի սկզբանե եմ տենց դանդաղամիտ եղել , նենց որ իմ դեպքում բուսակերությունը հաստատ կապ չունի։
Հիշողության վատացումն էլ բուսակերության հետ կապելու որևէ հիմք չունեմ, որովհետև բուսակեր դառնալուց հետո ես վատացումչեմ նկատել։ Իսկ երբ սկսեցի ինտերնետ մտնել, արդեն 7-8 տարվա բուսակեր էի։ Եթե բուսակերությունից լիներ, կարծում եմ՝ մինչև էդ արդեն դրսևորված կլիներ։ Իսկ ինտերնետ մտնելուց ի վեր կտրուկ ու արագ վատացում նկատվեց։ Նաև հիշում եմ, որ դեռ նոր–նոր էի սկսել մտնել, նկատել էի, որ ընկերներիցս շատերը, որոնք արդեն տարիներով ինտերնետ էին մտնում, շատ վատ հիշողություն ունեին, երբեմն նենց բաներ չէին հիշում, որ ապշում էի, ու լրիվ նույն կարգի բաներ էին, ինչ որ հիմա իմ մեջ եմ նկատում։ Էն ժամանակ ուղեղումս չէր տեղավորվում, թե ոնց ա հնարավոր տենց բաները մոռանալ։ Չնայած հիմա էլ առանձնապես չի տեղավորվում, որ ճիշտն ասեմ։

[Ուլուանա]

Չէ, լրիվ լուրջ եմ ասում: Ուղեղը չի սիրում ավելորդ ինֆորմացիա պահել:

Էհ, որ իմանաս՝ իմը մի ժամանակ ո՜նց էր սիրում ։ Շատ բաներ նույնիսկ հատուկ փորձում էի մոռանալ, մեկ ա, չէր հաջողվում։

Երբ գտնում ա, որ որևէ բան ավելորդ ա, մոռանում ա: Մանավանդ եթե ուրիշ հիշելու բաներ ունես ու համ էլ հոգնում ես:

Հա, էդ հանգամանքը հաստատ կա... Էսքան ծանրաբեռնված դեռ երբեք չեմ եղել ։

[Դեկադա]

Բայց ինձ մոտ սեզոնային չի, արդեն ահագին երկար ժամանակ է՝ էդ վիճակն է, ու գնալով ավելի վատանում է:
Իսկ կարող է իսկականից բուսակերությունից լինի՞:
Կամ ինտերնետից:

Իսկ արժի՞ էդ ձկան յուղով հաբերը խմել:

Դժվար թե բուսակերությունից լինի, որովհետև ես էլ մսակեր եմ, բայց լրիվ նույն կարգավիճակն ա: Մեկ մեկ էնպիսի բաներ եմ մոռանում որ ամոթել ա, բայց դե... ավելի շատ մտածում եմ առաջին հերթին հոգնածությունից ա: Ուղեղն ինքն ա որոշում առաջնային երկրորդայինը: Երկրորդն էլ երևի թե ինետից ա:

[Գեա]

Ժողովուրդ ջան բոլորդ իրար հետ ու ամեն մեկդ առանձին-առանձին գերհոգնածությունից եք խոսում, վերցրեք ամուսնայկներին ( ամբողջ օրվա ընթացքում ձրի ու անվտանգ սեքս ապահովելու համար) ու հայդա Հավայան կղզիներ` նոր մեղրամիս անելու, առանց ինետի: Հայաստանցիներ ջան, դե ինչ ասեմ, Բաթումին էլ մի կերպ կուտվի:Մի ամսից կգաք արդյունքներով կկիսվեք :

[Դեկադա]

Ժողովուրդ ջան բոլորդ իրար հետ ու ամեն մեկդ առանձին-առանձին գերհոգնածությունից եք խոսում, վերցրեք ամուսնայկներին ( ամբողջ օրվա ընթացքում ձրի ու անվտանգ սեքս ապահովելու համար) ու հայդա Հավայան կղզիներ` նոր մեղրամիս անելու, առանց ինետի: Հայաստանցիներ ջան, դե ինչ ասեմ, Բաթումին էլ մի կերպ կուտվի:Մի ամսից կգաք արդյունքներով կկիսվեք :

Գեա առաջարկդ հոգնածության դեմ էր թե՞ հիշողության լավացման…

[Գեա]

Դեկադա ջան , հենց հոգնացությունդ անցի, հիշողությունդ կլավանա

[Դեկադա]

Դեկադա ջան , հենց հոգնացությունդ անցի, հիշողությունդ կլավանա

հա էլի, ըհը դաժե դա տեղ չի հասնում…որ աղջկանս տանող լինի մեր տանն էլ Հավայան կղզիներ կսարքենք

... թեմայից դուսր եկա աչքիս