Գուցե հնարավոր է

[Նիկեա]

Աշխարհում կան շատ բաներ,որոնք անհնարին են թվում:Եկեք պատկերացնենք որ դրանք հնարավոր են,բերենք փաստեր որոնք կապացուցեն դրանց ինչ-որ չափով հնարավոր լինելը,կամ վերջնականապես պարզ կդարձնեն դրանց անհնարինությունը:Այստեղ կարող են հարցեր տալ բոլորը և պատասխանել բոլորը:

Այսպիսով հարց առաջին

Հնարավոր է,որ այլ մոլորակների վրա նույնպես կա կյանք:ԵՎ եթե կա,ապա հավատում էք,որ մի օր կտեսնեք այլմոլորակային:Ինձ հետաքրքրում է ձեր սուբյեկտիվ կարծիքը այս հարցի շուրջ:

[Skeptic]

Դիտարկումների արդյունքների հիման վրա ստացված ամենահոռետեսական հաշվարկների համաձայն՝ գոյություն ունի ավելի քան 150 միլիարդ գալակտիկա, իսկ մեր գալակտիկայում՝ Ծիր Կաթինում, կա ավելի քան 2 միլիարդ երկրանման (հաշվի առնելով չափերը, հեռավորությունը էն աստղից, որի շուրջը պտտվում ա) մոլորակ: Շատերի կարծիքով, արտերկրային կյանքի գոյությունը անհամեմատ ավելի հավանական ա, քան դրա գոյություն չունենալը:



Իսկ այլմոլորակային տեսնել-չտեսնելու հարցին նախընտրում եմ չպատասխանել:

[Varzor]

Հնարավոր է,որ այլ մոլորակների վրա նույնպես կա կյանք:ԵՎ եթե կա,ապա հավատում էք,որ մի օր կտեսնեք այլմոլորակային:Ինձ հետաքրքրում է ձեր սուբյեկտիվ կարծիքը այս հարցի շուրջ:

Ոնց որ Սկեպտիկը ասեց` հավանականությունների տեսության համաձայն` այլ մոլորակների վրա կյանք կա, հետևաբար կան նաև այլմոլորակայիններ: Բայց հավանականությունների տեսությունը ուղղակի տեսություն է:
Իսկ այլ մոլորակային տեսնելու հարցում` կարծում եմ , որ ոչ, չեմ տեսնի:

[Նիկեա]

Ոնց որ Սկեպտիկը ասեց` հավանականությունների տեսության համաձայն` այլ մոլորակների վրա կյանք կա, հետևաբար կան նաև այլմոլորակայիններ: Բայց հավանականությունների տեսությունը ուղղակի տեսություն է:
Իսկ այլ մոլորակային տեսնելու հարցում` կարծում եմ , որ ոչ, չեմ տեսնի:

Ես էլ եմ համակարծիք ձեր հետ ու կարծում եմ որ Երկրի վրա երբեք էլ այլմոլորակային չենք տեսնի:

[Chuk]

Կար ժամանակ, որ ես համոզված էի, որ ուրիշ ոչ մի մոլորակի վրա կյանք չկա: Ես բոլորի հետ վիճում էի, ու բացատրում, որ ուղղակի չի կարող դա լինել, գոնե ինչ որ նշան կլիներ, կիմանայինք: Բացատրում էի մոլորակների կառուցվածքը: Մեր մոլորակում՝ կյանքն ապահովող գործոնները ու այդքան գործոնի ևս մեկ այլ մոլորակում պատահական համընկնելով լինելու անհնարությունը:

Հետո ես ավելի մեծացա ու ավելի լայնախոհ դարձա: Ես սկսեցի հասկանալ, որ տիեզերքը շատ մեծ է ու հնարավոր է, որ այլ տեղեր էլ կյանք լինի: Ու ես սկսեցի մարդկանց համոզել, որ դա հնարավոր է, ինչքան էլ, որ դժվար է հավատալը: Շատերն ինձ հետ համաձայն չէին:

Հետո ես ավելի մեծացա ու էլ ավելի լայնախոհ դարձա: Ես սկսեցի ուշադիր լինել ու չարհամարհել այն բոլորի խոսքերը, ովքեր նշաններ էին տեսել այլ մոլորակներում կյանքի: Ես հասկացա, որ դա հնարավոր է: Ու բոլորին դա էի համոզում. ինձ հետ չհամաձայնվողներն ավելի շատացան:

Դրանից էլի տարիներ անցան ու ես հասկացա, որ հավատալը քիչ է: Պետք է գործել: Ես տրվեցի գիտությանը ու սկսեցի ամեն ինչ գիտականորեն ուսումնասիրել: Ու ես հաշվեցի, թե տիեզերքի էլ որ մոլորակում կարող է կյանք լինի: Հաշվարկներս ստուգեցի, ճիշտն էին: Դժվար էր հասնելը: Թիմ հավաքեցի: Մենք միավորեցինք մեր ջանքերը ու ստեղծեցինք տիեզերանավ: Այսօր ես այստեղ եմ, մարդիկ, Ձեր կողքին, այսօր ես գիտեմ, որ իմ մոլորակից բացի էլի մոլորակ կա՝ Ձերը, Երկիրը, որտեղ ես հիմա բնակվում եմ ու որտեղ կյանք կա՝ հար և նման մեր մոլորակի կյանքին: Բայց այստեղ դեռ լայնախոհ չեն ու ինձ չեն հավատում: Երբ ես պատմում եմ, որ ուրիշ տեղից եմ եկել, ինձ գժի տեղ են դնում: Ոչինչ, ժամանակի խնդիր է:

[Bruno]

Կար ժամանակ, որ ես համոզված էի, որ ուրիշ ոչ մի մոլորակի վրա կյանք չկա: Ես բոլորի հետ վիճում էի, ու բացատրում, որ ուղղակի չի կարող դա լինել, գոնե ինչ որ նշան կլիներ, կիմանայինք:
:

Ձեր մոլորակում չգիտեմ ինչքան նշաններ կան, բայց մեր մոլորակում ինչքան ուզես:



Եվ ընդհանրապես, ովքեր չեն հավատում այլմոլորակայինների գոյությանը, ապա խորհուրդ կտամ դիտել Технологии 10 тысяч лет назад բոլոր սերիաները:

[Ամմէ]

Աշխարհում կան շատ բաներ,որոնք անհնարին են թվում:Եկեք պատկերացնենք որ դրանք հնարավոր են,բերենք փաստեր որոնք կապացուցեն դրանց ինչ-որ չափով հնարավոր լինելը,կամ վերջնականապես պարզ կդարձնեն դրանց անհնարինությունը:Այստեղ կարող են հարցեր տալ բոլորը և պատասխանել բոլորը:

Այսպիսով հարց առաջին
Հնարավոր է,որ այլ մոլորակների վրա նույնպես կա կյանք:ԵՎ եթե կա,ապա հավատում էք,որ մի օր կտեսնեք այլմոլորակային:Ինձ հետաքրքրում է ձեր սուբյեկտիվ կարծիքը այս հարցի շուրջ:

Ես անձամբ ոչ թե հավատում եմ , այև վստահ եմ որ կան այլմոլորակայիններ սրանից մի քանի տարի առաջ ես երազներումս շատ հաճախ էի նրանց տեսնում , անկեղծ ասած շատ էի վախենում երազներիցս . , հաստատ չէի ցանկանա հանդիպել նրանց հետ , նրանք իմ երազներում բարի երբեք էլ չեն եղել

[Նետ]

Հնարավոր է,որ այլ մոլորակների վրա նույնպես կա կյանք:ԵՎ եթե կա,ապա հավատում էք,որ մի օր կտեսնեք այլմոլորակային:Ինձ հետաքրքրում է ձեր սուբյեկտիվ կարծիքը այս հարցի շուրջ:

Սկզբից ասեմ՝ ոչ։ Հետո անցնեմ մյուս մասին։
Իսկ ի՞նչ կյանք։Կամ կյանքի ի՞նչ տեսակ։ Օրինակ. երկրի վրա մի քանի կյանքի տեսակներ կան.որոնցից ոչ մեկի հետ մարդը չի կարողանում կոնտակտի մեջ մտնել։Նույնիսկ եթե ընդունենք որ որևիցե տեղ կյանք կա. ինչու՞ հուսանք թէ նրանց հետ կարելի է կոնտակտի մեջ մտնել։
էս հարցին դրական պատասխանելու համար պիտի անթիվ բազմությամբ անհնարինին մոտ զուգադիպությունների կողմնակից լինել։ես ավելի շուտ կհավատաի որ կարելի է նորմալ նարդու զառով մեկ միլիոն անգամ անընդմեջ 6+6 բերել։
Այս հարցում վճռորոշ դեր է խաղում նաև. թէ դու կյանքի ծագման ո՞ր տարբերակն ես ընդունում՝ պատահական ծագում. թէ՞ գիտակցված արարում։

[Bruno]

Նույնիսկ եթե ընդունենք որ որևիցե տեղ կյանք կա. ինչու՞ հուսանք թէ նրանց հետ կարելի է կոնտակտի մեջ մտնել։

Փաստորեն չես էլ հավատա, որ անցյալում այլմոլորակայինները եղել են երկրի վրա:
Այդ դեպքում ո՞նց կբացատրես Եգիպտոսի ու Չինաստանի բուրգերի, Պերույի, Բալաբեկի և այլ բարձր տեխնոլոգիական շինությունները:

[Skeptic]

Փաստորեն չես էլ հավատա, որ անցյալում այլմոլորակայինները եղել են երկրի վրա:
Այդ դեպքում ո՞նց կբացատրես Եգիպտոսի ու Չինաստանի բուրգերի, Պերույի, Բալաբեկի և այլ բարձր տեխնոլոգիական շինությունները:

Բրունո ջան, վերևում դրած վիդեոյի սերիաներից նայել եմ մենակ եգիպտական բուրգերի մասին նկարվածը: Ճիշտ ա, հեղինակները շատ ավելի զգույշ պնդումներ են անում, քան, ասենք, History Channel-ի "Ancient Aliens" խեղկատակությունը, բայց իրանց մոտեցումն էլ ա հանգում սրան. տվյալ շինությունը ճարտարապետաշինարարական տեսանկյունից չափազանց բարդ ա, ու անհնար ա, որ էդ ժամանակվա մարդկային քաղաքակրթությունները դրանք կառուցած լինեն: Մոտավորապես նույն բանն ա, ինչ 19-րդ դարում առաջացած «ժամացույցի ու ժամագործի» հարցադրումը, ըստ որի՝ մարդու աչքը էնքան բարդ օրգան ա, որ կարող ա մենակ արարված լինել, բայց հիմա հայտնի ա ու հաստատված ա, որ դա էդպես չի: Արվել են փորձարկումներ, որոնք ցույց են տվել, որ բուրգերի շինարարությունը մարդկանց կողմից շատ էլ հնարավոր ա եղել: Չնայած էս տեսությունը, ի տարբերություն աչքի էվոլյուցիայի, 100%-ով հաստատված չի, բայց Օքքամի ածելու օրենքի համաձայն՝ ընտրվում ա երևույթի բացատրության ամենապարզ մոդելը:

[Արէա]

Սկզբից ասեմ՝ ոչ։ Հետո անցնեմ մյուս մասին։
Իսկ ի՞նչ կյանք։Կամ կյանքի ի՞նչ տեսակ։ Օրինակ. երկրի վրա մի քանի կյանքի տեսակներ կան.որոնցից ոչ մեկի հետ մարդը չի կարողանում կոնտակտի մեջ մտնել։Նույնիսկ եթե ընդունենք որ որևիցե տեղ կյանք կա. ինչու՞ հուսանք թէ նրանց հետ կարելի է կոնտակտի մեջ մտնել։
էս հարցին դրական պատասխանելու համար պիտի անթիվ բազմությամբ անհնարինին մոտ զուգադիպությունների կողմնակից լինել։ես ավելի շուտ կհավատաի որ կարելի է նորմալ նարդու զառով մեկ միլիոն անգամ անընդմեջ 6+6 բերել։

Կան անթիվ բազմությամբ աստղեր (համենայնդեպս նրանց թվի վերջավոր լինելու մասին առայժմ ոչինչ հայտնի չէ), այդ աստղերի մի մասի շուրջ պտտվում են անթիվ բազմությամբ մոլորակներ, այդ մոլորակների մի մասը, ըստ հավանականության տեսության, գտնվում է նույն դիրքում ու ունի նույն պայմանները ինչ երկիրը (անթիվ բազմության մի մասը դարձյալ անթիվ բազմություն է, հետևաբար երկրին մոտ պայմաններ ունեցող մոլորակները անթիվ են), իսկ քանի որ այդ մոլորակների վրա կան երկրայինին մոտ կյանքի առաջացման բոլոր պայմանները, ապա ոչ մի պատճառ չկա, որ այդ մոլորակների վրա կյանք չլինի: Այստեղից հետևում է, որ տիեզերքում գոյություն ունեն անսահման բազմությամբ բնակեցված մոլորակներ:

Հետևաբար տարօրինակ ու անհասկանալի կլինի, եթե անսահման բազմությամբ, իրար նման մոլորակներից միայն մեկի վրա կյանք լինի, նույնքան անհավանական, որքան նարդու զառով մեկ միլիոն անգամ անընդմեջ 6+6 բերելը

[Bruno]

Արվել են փորձարկումներ, որոնք ցույց են տվել, որ բուրգերի շինարարությունը մարդկանց կողմից շատ էլ հնարավոր ա եղել: Չնայած էս տեսությունը, ի տարբերություն աչքի էվոլյուցիայի, 100%-ով հաստատված չի, բայց Օքքամի ածելու օրենքի համաձայն՝ ընտրվում ա երևույթի բացատրության ամենապարզ մոդելը:

Իսկ ի՞նչու ամենապարզ, այլ ոչ թե ամենահեշտ:
Ըստ իս, հենց Օքքամի ածելու օրենքի համաձայն, կարելի է ընտրել այլմոլորակայինների գոյության փաստը, որը կտա շատ ավելի շատ հարցերի պատասխանը միանգամից:
Իմ կարծիքով, եթե ընդունեն այլմոլորակայինների գոյության փաստը , ապա ստպված պետք է լինեն նաև ընդունել, որ աստված գոյություն չունի:

[Նետ]

Փաստորեն չես էլ հավատա, որ անցյալում այլմոլորակայինները եղել են երկրի վրա:
Այդ դեպքում ո՞նց կբացատրես Եգիպտոսի ու Չինաստանի բուրգերի, Պերույի, Բալաբեկի և այլ բարձր տեխնոլոգիական շինությունները:

Իսկ ինչու չենթադրենք որ դրանք կառուցողները ապրում են օվկիանոսի հատակում, կամ երկրի ընդերքումԻսկ ավելի ճիշտ՝ դրանք Նոյից առաջ ապրած քաղաքակրդության հետքերն են:

[Skeptic]

Իսկ ի՞նչու ամենապարզ, այլ ոչ թե ամենահեշտ:
Ըստ իս, հենց Օքքամի ածելու օրենքի համաձայն, կարելի է ընտրել այլմոլորակայինների գոյության փաստը, որը կտա շատ ավելի շատ հարցերի պատասխանը միանգամից:

Հա, ուղղակի բանական այլմոլորակայինների կողմից բարձր տեխնոլոգիաների միջոցով Երկրի վրա շինություններ կառուցելը համարվում ա ad hoc հիպոթեզ, ու չնայած պարտադիր չի, որ վերջինս սխալ լինի, բայց գիտությունը հակված ա էդ տիպի հիպոթեզներին լուրջ չվերաբերվելու: Ասենք՝ նույն Կարլ Սագանը հավատացած էր, որ բանական այլմոլորակայիններ կան, իրա գրքերից մեկի հիման վրա նկարահանվել ա «Կոնտակտ» ֆիլմը, որը շատ եմ սիրում, բայց ինքը թերահավատորեն էր վերաբերվում արտերկրային քաղաքակրթությունների այցելություններին, չնայած վերջնականորեն չէր էլ ժխտում: Համենայն դեպս, լավ ջղայնացել էր ֆոն Դանիկենի վրա, ով իրա մտքերը լրիվ ուրիշ ուղղությամբ էր ծավալել:

Իմ կարծիքով, եթե ընդունեն այլմոլորակայինների գոյության փաստը , ապա ստպված պետք է լինեն նաև ընդունել, որ աստված գոյություն չունի:

Առանց դրա էլ շատ են աստծո գոյության անհրաժեշտության բացակայությունն ակնարկող փաստերը, բայց հավատացյալների թիվը ընդհանուր առմամբ չի պակասում: Մի лазейка կգտնեն:

[Bruno]

Իսկ ինչու չենթադրենք որ դրանք կառուցողները ապրում են օվկիանոսի հատակում, կամ երկրի ընդերքում

Մինչ այժմ մարդկության զարգացման գիտական մակարդակը թույլ չի տալիս ենթադրել այդ վակածները: Չնայած եթե շատ ես ուզում կարող ես դրան հավատալ:

Իսկ ավելի ճիշտ՝ դրանք Նոյից առաջ ապրած քաղաքակրդության հետքերն են:

Չեմ հերքում, բայց դե համաձայն էլ չեմ: