Արդյոք ռուս ժողովուրդը ընկալու՞մ է հայերին որպես եղբայր ժողովուրդ

[Artgeo]

Հայաստանում չկա ռուսների դեմ վատ տրամադրվածություն, կա բացասական վերաբերմունք Ռուսաստանի քաղաքականության նկատմամբ։ Իսկ Ռուսաստանում բացասական տրամադրվածություն կովկասցիների նկատմամբ կա ու բավականին մեծ է։ «Լիցո կովկազսկոի նացիոնալնոստի» արտահայտությունը դրա վառ ապացուցյն է։ Ասացե՛ք ինձ որևէ համարժեք արտահայտություն հայերենում։ Ես հպարտ եմ, որ Հայաստանում չկա ռուսների հանդեպ բացասական վերաբերմունք, չնայած նրան, որ վերջին 15 տարվա ընթացքում Ռուսաստանը չի ցանկանում հրաժարվել իր իմպերիալիստական ամբիցիաներից և նա շարունակում է ճնշել իր հարևան փոքր տերություններին, կոպիտ ձևով խառնվելով նրանց ներքին գործերին։ Ռուսաստանի կառավարությունը գրեթե անընդհատ ստեղծում է արհեստական խնդիրներ այդ փոքր երկրների համար։

Հայաստանը սուվերեն հանրապետություն է։ Միգուցե թույլ, բայց ոչ այնքան թույլ, որ չկարողանա իր օրինական, ազգային շահերը պաշտպանել։ Մեր շահերը միջազգային իրավունքի սահմաններում են և ոչ մեկի շահերին չեն հակասում։ Մենք ենք մեր երկրի տերը։ Մենք կարող ենք ու պիտի պայքարենք դիվանագիտական, քաղաքակիրթ ճանապարհներով։

[Մելիք]

Չգիտեմ, թե էս ինչի են սենց կրքերը բորբոքվել էս բաժնում: Էս թեմայի քննարկման տոնից հենց պարզ ա դառնում, որ իսկի հայը հային չի ընկալում որպես եղբայր, էլ ու մնաց ռուսը հային եղբայր ընկալի:
Ընդհանրապես հարցադրումը քաղաքական առումով կոռեկտ չեմ համարում, քանի որ չեմ հավատում ազգերի կամ պետությունների միջև եղբայրության ուտոպիաին: Ազգերի ու պետությունների միջև կարող են լինել միայն փոխադարձ շահեր:
Չնայած հասկանում եմ նաև , թե ինչու է հարցը հենց էսպես ձևակերպված. ցավոք քիչ չեն այն մարդիկ, ովքեր միամտաբար հավատում են ազգերի եղբայրության միֆին, կամ անկեղծորեն բողոքում ու դժգոհում են, թե ինչու մեզ եղբոր նման չեն վերաբերվում: Ու կապ չունի, թե ազգային եղբայրասիրությունը ու փոխադարձ եղբայրասիրության սպասումը ռուսաստանին, թե մեկ այլ պետության է ուղղված:
Օրինակ`

մի վիրավորի ուկրաինական, էստոնական ու մեր եղբայրական վրացի ժողովուրդներին;

[Vishapakah]

Հայերը մի քուցե, իսկ ռուսները իհարկե ոչ.
Այս կայքում՛ ռուսներն իրենքեն պատասխանում հեղինակի տված հարցին.
Նայեք խնդրեմ.
http://darkdiary.ru/users/Cannibalis...lastcomment=16

[Array]

Քաղաքականությունում մեզ եղբայրներ,կամ բարեկամներ պետք չեն,մեզ պետք են դաշնակիցներ

[Philosopher]

Այս պահին "Արդյոք ռուս ժողովուրդը ընկալու՞մ է հայերին որպես եղբայր ժողովուրդ" հարցին քվեարկողների 82,93%–ը քվեարկել է "ոչ" և միայն 17,07%-ը "այո"։ Սրանք բավականին ուշագրավ արդյունքներ են, որոնք ցույց են տալիս, որ հակառուսական կամ գոնե՝ ոչ պրո–ռուսական հայացքները բավականին լուրջ հիմքեր ու համակիրների թվաքանակ ունեն։ Կարելի՞ է արդյոք այս տոկոսային հարաբերության վրա հիմնվելով՝ ասել, որ հայկական պրոռուսականությունը մայրամուտ է ապրում։ Դժվար է ասել, սակայն փաստը մնում է փաստ՝ Ռուսաստանին կարծես թե հաջողվում է մեզ համոզել, որ մեր ջերմ–եղբայրական զգացմունքները խոսում են ոչ թե հայ–ռուսական հարաբերությունների ու հայ–ռուս ժողովուրդների իրական փոխըմբռնման մասին, այլ հայկական ավանդական ռուսամետ կողմնորոշման զգայական մնացուկն են ընդամենը, և ոչինչ ավելին։

[Norton]

Ո՞նց կարողա մի պետություն համարվի և ֆոռպոստ, և եղբայրական պետություն: Այդպիսի բան չկա, Ռուսաստանը Հայաստանին ընկալում է իր շահերի շրջանակներում, թե չէ քաղաքականության մեջ եղբայրություն բառը անհասկանալի ա՝ այսօր եղբայրն ես , վաղը թշնամին:

[Դավիթ]

Հայաստանը, սկսված 1828 թվականից, միշտ եղել է Ռուսաստանի մի մարզ, որտեղից Ռուսաստանը կարողացել է իր շահերը պաշտպանել թշնամիների հանդեպ:
Իսկ եթե եղբայրությունը լիներ քաղաքական հատկանիշ, ապա ինչու էին Եվրոպական ժողովուրդները անվերջ պատերազմում իրար մեջ, սկսված Հռոմի անկումից մինչև 1945 թիվ:
Ցավոք սրտի, սույն պահին, Ռուսաստանը մեզ ավելի պետք է, քան մենք իրենց, և դրա համար ել մենք երգում ենք եղբայրություն, իսկ իրենք՝ ատելություն, կամ լավագույն դեպքում անտարբերություն: