Ապրիլի 12-ին, ժամը 12-ին տեղի կունենա բողոքի ակցիա` «Խաղաղարար նախաձեռնությունների կովկասյան կենտրոնի» կողմից հերթական անգամ նախաձեռնված «ադրբեջանական ֆիլմերի փառատոնի» անցկացման դեմ: Մի խումբ երիտասարդներ ՀՀ մշակույթի նախարարին կփոխանցեն նամակ, որում հանդես կգան նմանատիպ փառատոնները այսուհետ կանխելու առաջարկով: Փառատոնը նախատեսված է անցկացնել Գյումրի քաղաքում, ուստի նույն օրը, նույն ժամին բողոքի ակցիա կլինի նաև Գյումրու «Վարդանանց» հրապարակում:
Երևանում ակցիան կմեկնարկի Օպերայի և բալետի ազգային ակադեմիական թատրոնի շենքի տարածքից, Արամ Խաչատրյանի արձանի մոտից դեպի ՀՀ մշակույթի նախարարություն:
Նույն օրը, հաշվի առնելով, որ միջոցառման կազմակերպելու գաղափարը ընդհանուր առմամբ խիստ մերժելի և դատապարտելի է, ԱԺ պատգամավորության թեկնածու Արման Սահակյանի գրասենյակից հայտնում են, որ ապրիլի 11-ին ժամը 12:00-ին Գյումրու «Վարդանանց» հրապարակում կանցկացվի բողոքի ակցիա:
Արման Սահակյանն ու իր կողմնակիցները կոչ են անում բոլոր հասարակա-քաղաքական կազմակերպություններին, քաղաքացիներին միանալու բողոքի ակցիային և «ՈՉ» ասելու ադրբեջանական ֆիլմերի փառատոնին:
Mephistopheles-ի խոսքերից
Էջանիշներ