Մանուկ հասակում շատերս ենք կամա թե ակամա բարկացրել մեր ծնողներին, դրա համար պատժվել ինչ-ինչ ձևերով։
Ցանկալի է իմանալ, թե արդյո՞ք այդ կրած կամ չկրած պատիժը հետագայում կանդրադառնա (կամ արդեն անդրադարձել է) ձեր երեխաների դաստիարակության գործունեության վրա։ Արդյո՞ք ծնողների կողմից ստացած այդ պատիժը ունեցել է իր դրական ազդեցությունը (այսինքն ձեր կողմից այլևս չի կրկնվել վատ արարքը), թե անիմաստ պատիժ է եղել։
Հետաքրքիր հուշեր, անթուլատրելի, վտանգավոր արարքներ որոնց համար պատժվել եք, կամ չեք պատժվել:
Վերջին խմբագրող՝ Cassiopeia: 28.03.2012, 12:29:
3 կաթիլ իմ ջերմ հոգուց, էլ ավելի ջերմացնում են իմ հոգին:
Ահա նրանք՝ Ն., Ս., Ս.
Ֆոտոն (29.03.2012)
3 թե 4 տարեկան էի, երբ տեղափոխվեցինք նոր բնակարան: Տունը նոր վերանորոգված էր, նոր պաստառներով: Մամայիս ընկերուհին էր եկել մեր տուն, երկուսով նստած խոհանոցում զրուցում էին, ես էլ խոհանոցի մի անկյունում խաղում էի: Բնական է. ականջներս սրած լսում էի թե ինչ են խոսում:
Մամաս դժգոհեց, որ տունը դատարկ է երեւում: Ընկերուհին էլ թե. - Դեռ նոր եք տեղափոխվել, կամանց-կամանց կահույք կառնեք եւ տունը կլցվի, կնկարվի վառ գույներով:
Օհո՜, կնկարվի վառ գույներով ինձ շա՜տ հրապուրեց: Գնացի սենյակ, վերցրեցի նկարելու ու ներկելու համար ինչ ունեի ու անցա գործի: Որոշ ժամանակ անց, ընկերուհուն ճանապարհելուց հետո, մամաս մտավ սենյակ: Հիշում եմ հայացքը... օօօ՜: Ես էլ երջանիկ կանգնած սպասում եմ գովասանքի:
Ինչո՞վ կվերջանար մամայիս լարված վիճակը, չգիտեմ, այդ պահին պապաս հայտնվեց: Բռնեց մամայիս ուսերից, շշնջաց. - հանգստացիր, երեխա է: Հայրս մոտեցավ ինձ, ես էլ ուրախ հարցրի թե <գեղեցի՞կ եմ նկարել>: Ասեց շա՜տ գեղեցիկ է: Վերցրեց ինձ իր ձեռքերի վրա, տարավ լոգարան, լվաց ձեռքերս, դեմքս: Այդ ժամանակ մամաս վալերանկա խմած, սիրտը բռնած նստել էր: Երբ մոտեցանք հարցրեց. բա հիմա ի՞նչ ենք անելու:
Ես էլ դեռ սպասում եմ մամայիս գովասանքին, անմիջապես վրա բերեցի. կանչենք բոլորին, որ տեսնեն ինչ գեղեցիկ եմ նկարել: Մամաս ու պապաս սկսեցին բարձր ու երկար ծիծաղել: Իսկ ես չէի հասկանում, թե ինչու են ծիծաղում: Հետո նոր պաստառով փոխարինվեց նկարածս:Հիշում եմ ինչքան վիրավորական էր ինձ համար, երկար-երկար լաց եմ եղել, որ չկային գույնզգուն ծիածանը, կանաչ դաշտը, կապույտ երկինքը:
Դե, ես փաստորեն խիստ պատիժ չստացա: Ինչպե՞ս կվարվեի ես, եթե իմ երեխան դա աներ:
3 կաթիլ իմ ջերմ հոգուց, էլ ավելի ջերմացնում են իմ հոգին:
Ահա նրանք՝ Ն., Ս., Ս.
Նույն կերպ, կարծում եմ:Mankik-ի խոսքերից
Անձամբ ես, երևի միացյալ ուժերով նկարազարդեինք պատերըՎերջիվերջո ում համար են պաստառներն ու շքեղ վերանորոգումը, եթե քո տան մեջ, դու, կամ երեխադ, կաշկանդված է լինելու: Թող անի ինչ ուզում է
Իսկ անկեղծ, մեզանից քանի՞սն են պատրաստ հանդուրժելու, որ երեխան նկարի-ներկի նոր վերանորոգված տունը, կահույքը, տան մեջ ամենուրեք:
Մեկ ուրիշ անթուլատրելի դեպք աղջկաս հետ կատարված:
Մոտ 4 տարեկան էր: Մեզ մոտ հյուրեր կային: Սկեսուրս նստած հյուրերի հետ զրուցում էր, ես էլ հյուրասիրելով էի զբաղված: Թեմա բացվեց երեխաներին, թոռներին պահելու, խնամելու, պարտականությունների մասին: Խոսքի մեջ կեսուրս ասում է. «օրինակ էս մեր հարեւանի աղջիկը երեխուն բերում թողնում ա մոր(տատի) մոտ ու գնում ա ամբողջ օրը: Էս հարեւանս էլ հա դժգոհում ու տրտնջում ա, նեղվում ա ամբողջ օրը ազատ ժամանակ չի ունենում թե իրենով զբաղվի»: Էս զրուցը լսում է 3-4 ամյա աղջիկս...
Անցնում է մի քանի օր: Էս մեր հրեւանը գալիս է մեր տուն, նստած սուրճ ենք խմում: Մեկ էլ փոքրիկս մյուս սենյակից վազելով ներս է մտնում: Հենց տեսավ մեր հարեւանուհուն, մոտեցավ նստեց գոգին ու թե. «Գիտես քո աղջիկը Դվիթին բերում քցում ա քո վրա ու ամբողջ օրը կորած ա, ու դու քեզանով չես կարում զբաղվես»: Պատկերացրեք հարեվանուհու դեմքը էդ պահին: Նկատեցի կեսուրիս կարմիր վառվող դեմքը, ես էլ անհանգիս վիճակում եմ, թե հիմա ինչ է լինելու: Մտովի տարբեր պատիժներ եմ մտածում աղջկաս համար...
Հարեւանը հանգիստ բացատրում է երեխային, որ Դավիթին իր վրա չեն քցում, որ ինքը սիրում է իր թոռնիկին դրա համար են բերում իր մոտ... եւ այսպես շարունակ: Նրա գնալուց հետո մենք երեխային չպատժեցինք իհարկե, բայց հնարավորինս բացատրեցինք, սովորեցրինք, որ այդպես չի կարելի: Այդ կինը գնաց, մոտ 6 ամիս ոչ բարեւում էր մեզ, ոչ էլ մեր բարեւը ընդունում:
Բայց ինչքան էլ բացատրել-սովորոցնել, նմանատիպ դեպքեր այս տարիների ընթացքում էլի կրկնվեցին:
Ոմանց կարծիքով մենք երեխային ոնց պետքն է չենք պատժել, դրա համար նման դեպքերը կրկնվում են: Ոմանց կարծիքով էլ, եթե երեխան ստանար խիստ պատիժ, կարող էր ավելի վատ հետեւանքներ լիներ:
3 կաթիլ իմ ջերմ հոգուց, էլ ավելի ջերմացնում են իմ հոգին:
Ահա նրանք՝ Ն., Ս., Ս.
Եթե սեփական սենյակ ունի, տվեք իրան հնարավորություն թող իր սենյակի պատերը նկարի: Հետո երբ էդ սովորությունը կանցնի, նոր վերանորոգեք:
Կարողա հայտնի նկարիչա դառնում էդ երեխեն, ինչի ճնշել իրա էդ տաղանդը:
Ճիշտ ա, դեռ իմը չունեմ, բայց կարծում եմ կոնկրետ իմ համար չի լինի ավելի գեղեցիկ բնակարանի դիզայն, քան իմ ճստոյի երևակայության թռիչքները պատերինԵթե սեփական սենյակ ունի, տվեք իրան հնարավորություն թող իր սենյակի պատերը նկարի: Հետո երբ էդ սովորությունը կանցնի, նոր վերանորոգեք:
Կարողա հայտնի նկարիչա դառնում էդ երեխեն, ինչի ճնշել իրա էդ տաղանդը:
Սրան իրոք դեմ չեմ, բայց չեմ ուզի որ երեխաս կապրիզնի դառնա: Իսկ եթե ինքը նման բաներ անի ու իր վրա խոսացող չլինի, կսովորի էն բանին, որ ամեն ինչ իր ուզածով լինի:
Իսկ ես ինչքան հասկացա, երեխան ուղղակի իր լսածն է ասել, ի՞նչ վատ բան կա դրա մեջ
Ամեն դեպքում մեր հարեւանուհին վիրավորվել էր ոչ թե երեխայից, այլ մեզանից: Պարզ է, որ երեխան նման բան չէր հորինի:Իսկ ես ինչքան հասկացա, երեխան ուղղակի իր լսածն է ասել, ի՞նչ վատ բան կա դրա մեջ
3 կաթիլ իմ ջերմ հոգուց, էլ ավելի ջերմացնում են իմ հոգին:
Ահա նրանք՝ Ն., Ս., Ս.
Ամենազվաշտալի արարքս, որի համար պատժվել եմ
Ուրեմն 4-5 տարեկան էինք, հավաքվեցինք քույրերով (մորաքրոջ աղջիկներ) ու մի ընկերուհի ունեինք։ Տատիկի բոստանից բադրիջան, բիբար ու պոմիդոր «թռցրինք», լուցկի ու թուղթ գտանք ու թռանք.... մոտակայքում գտնվող մանկապարտեզի բակ (կիրակի օր էր երևի, մանկապարտեզը չէր աշխատում)։ Սիրուն շրջան կազմեցինք, կրակ արեցինք ու սկսեցինք մեր ավարը խորովել, բայց էդպես էլ հում մնաց, որովհետև բռնվեցինք։
Հետո 5 հոգով պատժվեցինք շատ «դաժան պատժով»։ Մայրս մի երկար նստարան դրեց, մեզ բոլորից դեմքով դեպի պատը նստացրեց այդ նստարանի վրա ու միացրեց մեր համար շատ սիրելի մի պարեղանակ՝ բադիկների պարը։ Ու թույլ չէր տալիս որ պարեինք, իսկ մենք հազիվ էինք զսպում մեր շարժումները, որ նստած տեղը չպարենք։
Չեմ կարծում, որ իմ տղան նման վատ արարք թույլ կտա, որ նրան նման կերպ պատժեմ։
Խոսքը ո՞ր պատժի մասին է, մարմնակա՞ն հավանաբար, թե՞ ոչ միայն:
"Non est ad astra mollis e terris via."
Երկուն էլ: Երբեմն խոսքերով դիտողությունը, գոռալը երեխայի վրա ավելի վատ է ազդում, քան ֆիզիկական պատիժը:
Ինքս գիտակցով այդ երբեմն գոռում եմ երեխաների վրա, ամոթ ինձ բայց շատ արագ հավաքում եմ ինձ, եւ վարվում այլ կերպ: Ովքեր ունեն մինչեւ 12 տարեկան երեխաներ, երեւի թե կհասկանան ինձ:
3 կաթիլ իմ ջերմ հոգուց, էլ ավելի ջերմացնում են իմ հոգին:
Ահա նրանք՝ Ն., Ս., Ս.
Ինձ թվում է ոչ ոք զերծ չէ նման իրավիճակներից, մենք էլ երբեմն մեղադրում ենք մայրերին խփելու համար, բայց բոլորն էլ համբերություն ունեն, և չենք կարող ասել թե ինչ իրավիճակներ կարող են լինել:
Ինչ վերաբերում է պատիժների տեսակներին, շատ կան, օրինակ, ամենավատերց մեկը՝ 1 օր փակել մութ սենյակում կամ զրկել ազատությունից (Ռուսսո):
Արմեն պապաների առումով երևի թե ճիշտ ես
Իսկ Peace-ի հետ մի առումով համաձայն եմ, երեխային թույլ չտալ գրել ոչ թե կոնկրետ նրա համար որ պատերին խզբզած չլինի, այլ երեխայի մոտ կարելի է կարգապահություն ձևավորել:
Վերջին խմբագրող՝ Arpine: 29.03.2012, 20:29:
"Non est ad astra mollis e terris via."
armen9494 (29.03.2012)
Այ ես էլ եմ էս ասում, իմ համար պատը էդքան մեծ նշանաություն չունի, բայց երեխայի երես առնելը հեչ դուրեկան բան չի:Ինձ թվում է ոչ ոք զերծ չէ նման իրավիճակներից, մենք էլ երբեմն մեղադրում ենք մայրերին խփելու համար, բայց բոլորն էլ համբերություն ունեն, և չենք կարող ասել թե ինչ իրավիճակներ կարող են լինել:
Ինչ վերաբերում է պատիժների տեսակներին, շատ կան, օրինակ, ամենավատերց մեկը
Արմեն պապաների առումով երևի թե ճիշտ ես
Իսկ Peace-ի հետ մի առումով համաձայն եմ, երեխային թույլ չտալ գրել ոչ թե կոնկրետ նրա համար որ պատերին խզբզած չլինի, այլ երեխայի մոտ կարելի է կարգապահություն ձևավորել:
Arpine (29.03.2012)
Հատված Սերո Խանզադյանի «Տատիկը, պապիկը և մենք» մանկական գրքից, որտեղ կան և՛ մանկական հիշողություններ և դրվագներ իր երեխաների կյանքից:
***
- Գարիկ ականջն ինչի՞ համար է:
- Խոսելու համար:
Ծիծաղում եմ:
Մի անգամ Գարիկի արած չարության համար, քաշում եմ ականջը: Երկու օր անց, ամեն ինչ մոռացած հարցնում եմ:
- Գարիկ ականջն ինչի՞ համար է:
- Քաշելու համար,- պատասխանում է նեղացած:
Այս պահին թեմայում են 1 հոգի. (0 անդամ և 1 հյուր)
Ձեր իրավունքները բաժնում
Մեջբերել
Էջանիշներ