«Ժառանգություն» կուսակցության նախագահ Րաֆֆի Հովհաննիսյանը դեռեւս պաշտոնապես ինքնաբացարկի դիմում չի ներկայացրել թիվ 7 ԸԸՀ-ին։ Այդ մասին հայտարարեց նույն ընտրատեղամասում առաջադրված ՀԱԿ ներկայացուցիչ Նիկոլ Փաշինյանը։ Ըստ նրա՝ մոտ քսան րոպե առաջ իր լիազոր ներկայացուցիչը զանգահարել է ԸԸՀ եւ չի եղել այդ դիմումը, ուստի ինքը մինչեւ այդ զերծ կմնա մեկնաբանություններից։
Նիկոլ Փաշինյանը հայտնեց, որ «Ժառանգության» ներկայացուցիչների հետ անձամբ չի հանդիպել։ «Ժառանգության» ներկայացուցիչը հանդիպել է ՀԱԿ-ում եւ առաջարկել սա. «Րաֆֆի Հովհաննիսյանը հանում է իր թեկնածությունը թիվ 7 ընտրատարածքից, իսկ ՀԱԿ-ը հանում է իր թեկնածուներին թիվ 1, 4, 6, 9 եւ 12 ընտրատարածքներից»։
Նիկոլ Փաշինյանն ասում է, որ, բնականաբար, այդ առաջարկը մերժվել է, քանի որ նույն տրամաբանությամբ՝ կարող էր ՀԱԿ-ն ասել «Ժառանգությանը» այդ ընտրատարածքներից հանել իր թեկնածուներին ու փոխարենը ինքը թիվ 7-ը ինքնաբացարկ կհայտնի։
Նիկոլ Փաշինյանը վստահեցրեց, թե իրենք մինչեւ առաջադրումների փուլը փորձել են «Ժառանգություն»-ից իմանալ, թե որտեղ են նրանք առաջադրվելու մեծամասնական ընտրակարգով, սակայն նրանց այդ տեղեկատվությունը չի տրամադրվել։
Նաիրուհի-ի խոսքերից
Սա էլ էսպես.
Մեջբերել
Էջանիշներ