Ծնունդդ շնորհավոր Ակումբ

[John]

Շնորհավոր... Թե ինչքան լավն ես դու ու ինչքան լավ բաներ եմ մաղթում՝ ես ու դու գիտենք, պետք չի գրել այդ մասին Չուկ, եղբայր

[Varzor]

Շնորհավորում եմ
Ցանկանում եմ երկար կյանք, էժան և բարձրակարգ հոսթինգ, լավ ու շատ անդամներ, պիտանի և արժեքավոր գրառումներ:
Շնորհակալ եմ այն անձանցից, ովքեր "ծնել" և "սնել" ու "սնում" են ակումբը:

Հ.Գ.
Կեցցե Ամենատորը, ուռա, ընկերներ, ուռա...

[Նարե91]

Մեր վեցամյա բարեկամ, շնորհավոր տարեդարձդ, արի' երկար-բարակ, շաբլոն-մաբլոն բաներ չգրեմ, ասեմ մի նախադասություն ու դրանով ամեն բան պարզ կլինի.
Ես քեզ շատ սիրում եմ

[Claudia Mori]

Նոր եմ արթնացել Շնորհավոր Ակումբս

[Ձայնալար]

Շնորհավոր, Ակումբ ջան, կուզեմ, որ միշտ լինես: Ձևդ կարա փոխվի՝ աշխարհը առաջ ա գնում, բայց բովանդակությունդ թող մնա, ավելանա ու շարունակվի:

[My World My Space]

Սովորաբար Ակումբի ծննդյան օրը ես հարբած եմ լինում... ու դա Ակումբից առաջ էլ էր տենց...
Պարզապես էդ օրը նաև մորս ծնունդն ա, ու ես առաջին հերթին է՛դ ծնունդում պիտի լինեմ, կարծում եմ Ակումբը չի նեղանա...

Շնորհավոր Ակումբ,
բոլորիս աչքն էլ լույս...

[Kuk]

Ակումբ ջան, շնորհավոր: Մինչև հիմա շարունակվող գլխացավիս համար էլ մերսի Մեկա կայֆ անցավ

[Գալաթեա]

Շնորհավորում եմ, Ակումբ։
Շնորհակալ եմ։ Ամեն ինչի համար։

[Շինարար]

Ակումբում ակումբցիների մի տեսակ կա, որ սիրում են խռովել ակումբից, մնաս բարովներ են գրում, ընդմիշտ փակում ակումբը, որոշում էլ չմտնել, հետո վերադառնում: Նորություն չի: Ես էդ ակումբցիներից եմ կամ ամենաշատն եմ էդ ակումբցիներից` չհաշված մնաս բարովի նամակները, ու պատճառը սովորաբար իմ անձի կամ վիրտուալ կերպարի հետ կարա կապ էլ չունենա, մեկի` իմ մտածողությանը հակառակ մի կարծիք, մեկի` իմ կարծիքով մի լավ ստեղծագործության չհավանել, կամ իմ կարծիքով վատ ստեղծագործությամբ հիանալ, մեկի հանդեպ մի կոպիտ քննադատություն, գրական մրցույթում իմ հավանած ստեղծագործության չհաղթել հերիք ա, որ ես հերթական որերորդ անգամ որոշեմ, որ ակումբում ամեն բան սխալ ա ու էլ ես պետք ա չմտնեմ, վերջ, բայց էլի... Շնորհավոր, ակումբցիներ ջան:

[Nare-M]

Շնորհավոր բոլորիս

[Peace]

Չգիտես ինչու պապուս հիշեցի: Հիշում եմ, ամեն տարի, երբ թթհավաքի ժամանակն էր գալիս, պապս բակում շարում էր օղի քամելու համար նախատեսված բոլոր եղած չեղածները ու գործի անցնում: Ամեն առավոտ գործի չգնալուց առաջ տատս հաց ու մածունի հետ մի բաժակ իր քաշած օղուց էր բերում, պապս էլ թաթխում էր հացը մածունի մեջ, մեզ նայում ու ասում. «Առողջություն ու իմաստնություն բոլորիս» ու խմում էր: Պապս վեց զավակ ուներ, ութ թոռ, կյանք տեսած իմաստուն մարդ էր, գիտեր ինչ էր ասում:

Անցան տարիներ, տատս մահացավ, զավակները ամեն մեկը մի ճամփա բռնելով թողեց երկիրը ու հեռացավ, պապս չդիմացավ երևի: Այսօր թեև նա ողջ է, սակայն ոչինչ չի հիշում, մեզ չի ճանաչում, նոր կատարվելիք երևույթները չի ընկալում, օղի չի քամում, բայց չեք պատկերացնի տարիներ չտեսնելուց հետո, որքան մեծ եղավ զարմանքս, երբ առավոտյան սովորականի նման բերեց ինչ-որ անհայտ ծագումով օղի լցրեց գավաթը ինձ նայեց ու նույնը մաղթեց:

Այսօր ես էլ պապուս օրինակին կհետևեմ ու ակումբին՝ մեզ, նույնը կմաղթեմ՝ առողջություն ու իմաստնություն: Շատ կցանկանամ, որ ակումբից ոչ-ոք միտումնավոր չհեռանա, որովհետև յուր. հեռացողի հետ ինչ-որ բան անդառնալի գնում է ու չի վերադառնում: Ակումբը ես եմ, դու ես, նա է ու էն մյուսը, եթե բոլորս գնանք տակը բան չի մնա: Երկարակեցություն քեզ, ակո՛ւմբ ու շնորհավոր:

[Arpine]

Մինչ գրելս, այնուամենայնիվ, փորձեցի համեմատել, թե այն, ինչ վերցրել եմ ակումբից այս կարճ ժամանակում, ավելի շատ դրական է թե՞ բացասական: Ամենասկզբից ակումբը «դիտել» եմ որպես մի միջավայր, որտեղ կարող եմ սովորել, շփվել մարդկանց հետ, որոնցից կարող եմ ինչ որ բան վերցնել (հավանաբար էգոիստ եմ մի քիչ), և պարզապես հետաքրքիր ժամանակ անցկացնել և այն չհամարել վատնած: Եվ մի բան, որ համարձակվել եմ էստեղ փնտրել ինքնադրսևորված մարդկանց:
Ինչևէ, ամենակարևորը ակումբը չդադարի իրականացնել իր կարևոր ֆունկցիաները, և մեզ միշտ ակումբում պահող ինչ-որ մոտիվ լինի, որ կարողանանք շնորհավորել, այն տարեդարձերը, որոնք դեռ պիտի գան:
Շնորհավորում եմ նրանց, ովքեր ակումբի հիմքն են, առանց որոնց ակումբը Ակումբ չէր լինի և ովքեր իրենց ակումբցի են համարում:





Հ.Գ. կարևորը չհիասթափվել

[ՆանՍ]

Շնորհակալ եմ, որ դու կաս իմ կյանքում. քեզնից շատ բան եմ սովորել...
Ակումբ ջան,շնորհավորում եմ ծնուննդդ, առողջ լինես ու ամենաերկարակյացը, հասնես Նոյի տարիքին ու մի հատ օֆ էլ չասես:

[Ռուֆուս]

Երկար բարակ չեմ ուզում գրել, պարզապես՝ շնորհավոր ու շնորհակալ եմ

[murmushka]

Շնորհավորում եմ, միայն քո բացակայությունն է ցույց տալիս, թե ինչքան կարևոր ու անփոխարինելի ես, բայց մաղթում եմ, որ այլևս չբացակայես