Հարութ Քոթանջյան

[Jarre]

ՀԱՐՈՒԹ ՔՈԹԱՆՋՅԱՆ

«Դասական էլեկտրոնային երաժշտություն» պիտակը այս ալբոմի լավագույն նկարագրությունն է։

Տարիներ շարունակ երազում էի այն օրվա մասին, երբ կլսեմ հայ մարդու կողմից ստեղծագործած էլեկտրոնային երաժշտություն։ Մի մարդու, ով հայկական իրականության մեջ ապրելով կփորձի էլեկտրոնային երաժշտության միջոցով մեկնաբանել ինչ որ բան։ Կարևոր չի ինչ՝ սեփական ներաշխարհը, ինչ որ գաղափար, փիլիսոփայություն.... Կարևորը որ իրանից դուրս գա էլեկտրոնային երաժշտություն։ Ինքը լինի էն օրրանը, որում հղացել ու ծնվել ա էտ երաժշտությունը։

Թվում էր թե հայերը շատ հեռու են էլեկտրոնային երաժշտությունից....

Արմենոիդսը, Արա Գևորգյանը ու դիջեյների մեծ բանակը ինձ համար, իմ սուբեկտիվ ընկալման համար էլեկտրոնային չեն։ Իրանք հայկական երաժշտությունը նվագում են սինթեզով։ Դա էլեկտրոնային չի (ինձ համար)։ Իսկ Հարութը առաջին հայ մարդն ա ումից ես լսեցի մաքուր էլեկտրոնային երաժշտություն՝ հայկական զգացմունքայինությամբ ու խորությամբ։

Ի դեպ, ժամանակակից էլեկտրոնային երաժշտության որոշ գերաստղեր լսել են Հարութի ալբոմը և շատ տպավորվել։ Նրանցից մեկը պարզապես ապշել է իմանալով, թե ինչ է Հարութը գործածել այս երաժշտությունը ստեղծագործելիս, իսկ հետո էլ բերանը բաց է մնացել իմանալով նրա երիտասարդ տարիքը։

Անկեղծ ասած այդ իմ կողմից շատ հարգված գերաստղերի և այլ մարդկանց կարծիքը երբեք չի փոխի իմ վերաբերմունքը և գնահատակնը Հարութի ալբոմի վերաբերյալ։ Ինձ համար սա շատ խորհրդանշական ալբոմ է։ Կարելի է ասել իրադարձություն է։ Մաղթում եմ հաճելի ունկընդրում։

Իսկ Հարութը ինքը անձամբ ավելի լավ կներկայացնի իր երաժշտությունը։ Ու թող ինքն էլ ներկայացնի, որովհետև ինչպես արդեն հավանաբար կռահեցիր ինքը հենց քո ու իմ Ակումբի Հարդն ա։

[Հարդ]

Ճիշտն ասած ես չէի մտածում, որ ակումբից էսքան ամաչում եմ ))
Երբ Jarre - ն ասեց դե թեման բաց, ասեցի ախր ամաչում եմ ես իմ մասին թեմա բացեմ: Բայց փաստորեն ինքը բացեց ու ես էլի ամաչում եմ

Ակումբը իմ միակ հայալեզու հարթակն ա, որտեղ կարող եմ մանրամասնորեն ներկայացնել իմ երաժշտությունն ակնկալելով, որ հայկական ինտերնետում հենց այստեղ կգտնվեն մարդիկ, ովքեր կգնահատեն ու ինչու չէ, նաև կսիրեն իմ երաժշտությունը :

...մի մարդու, ով հայկական իրականության մեջ ապրելով կփորձի էլեկտրոնային երաժշտության միջոցով մեկնաբանել ինչ որ բան։

Այ էս էլ էր միշտ էս ընթացքում պտտվում իմ գլխում: Թե ինչքան անհամատեղելի են հայկական իրականությունն ու էլեկտրոնային երաժշտությունը: Բայց ես հասկացա մի բան. կարևորն էն չի, թե դու ինչ կենցաղային միջավայրում ես ապրում, կարևորը, թե դու հոգով որտեղ ես :

Ի դեպ, ժամանակակից էլեկտրոնային երաժշտության որոշ գերաստղեր լսել են Հարութի ալբոմը և շատ տպավորվել։ Նրանցից մեկը պարզապես ապշել է իմանալով, թե ինչ է Հարութը գործածել այս երաժշտությունը ստեղծագործելիս, իսկ հետո էլ բերանը բաց է մնացել իմանալով նրա երիտասարդ տարիքը։

Էդ մարդը երևի բոլորովին ծանոթ չէր մինչ էդ հայերին (ստեղ քարից հաց քամելու պահն ա ):

Իսկ Հարութը առաջին հայ մարդն ա ումից ես լսեցի մաքուր էլեկտրոնային երաժշտություն՝ հայկական զգացմունքայինությամբ ու խորությամբ։

Այ էս շատ կարևոր հարց ա ինձ համար: Ինչ որ ես արել եմ, դրա մեջ կա՞ հայկականություն, թե ոչ: Ես էդ հարցի պատասխանը չեմ գտնում, բայց հետաքրքիր ա լսել, թե լսողներն ինչ են կարծում: Օրինակ դու գտել ես :


Լավ, հաջորդ գրառումով անդրադառնամ ալբոմիս :

[Հարդ]

one



Երբ սկսեցի գրել ալբոմը, ես ալբոմ գրելու ոչ մի նպատակ չունեի: Սակայն սկսելուց ամեն ինչ էնքան դուրս եկավ, որ տեղում որոշեցի, որ ես պետք ա էս գործին լուրջ վերաբերվեմ:
Չունենալով ոչ մի լուրջ միջոց, հանդիպելով մեծ դժվարությունների այնուամենայնիվ չհանձնվեցի ու իմ լուրջ մոտեցումով հասա իմ առաջին նվաճմանը. այն էր՝ ստեղծել կոնկրետ ոճային ուղվածության մեկ ընդհանուր միտք պարունակող ալբոմ:

Ալբոմը գրել եմ 4 - 5 ամսում: Հետաքրքիր ա, գործեր կան, որոնց վրա աշխատել եմ ընդամենը կեսից երկու ժամ, բայց դրան հակառակ գործեր էլ կան, որոնց վրա ամիսներով եմ աշխատել:

theme one
Ալբոմի բացումը որոշեցի անել էսպիսի թեթևամարս, կարճ, հստակ ու տրամադրող գործով:




theme two
theme two - ն համարում եմ առաջինի իսկական շարունակությունը: Ճիշտ ա, կոնկրետ կոնցեպտ չկա, սակայն երբ վերջանում ա նախորդ գործը, սրա սկսվելը շատ համահունչ ա թվում: Այս գործը համարում եմ իմ հպարտություններից մեկը :




theme three
Մի գուցե սա ալբոմի ամենաէլեկտրոնային գործն ա: Սա բարդ կառուցվածքային ու դժվարամարս գործ ա: Կարծում եմ սա կսիրեն կոնկրետ էլեկտրոնային երաժշտություն սիրող մարդիկ: Մի տեսակ ինձ դժվար ա խոսել էս գործի մասին...




theme four
Ստեղից սկսում ա փոխվել ալբոմի տրամադրությունը ու անցում ա կատարվում ինչ որ տեղ էմբիենթային երաժշտության: Էս գործը համարում եմ ալբոմի անցումային գործերից մեկը որը ինչ որ տեղ ծառայում ա միջոց անցնելու հաջորդ գործին:




theme five
theme four - ի վերջն արդեն հուշում ա theme five - ի սկզբի մասին ու լսողին նախապատրաստում ա դրան: Էս գործը մյուս հպարտությունս ա : Ստեղ միաձուլվում են մի քանի ոճեր ըստ ինձ (էլեկտրոնային, էմբիենթ, պոստ ռոք): Լավ ճաշակով մարդկանց անպայման սա խորհուրդ եմ տալիս :




theme six
Անցումային երկրորդ գործը: Ստեղ մի տեսակ Radiohed - յան կիթառային ռոքի շունչ եմ զգում: Չնայած գրելուց չէի ասի, թե իրանցից եմ ոգեշնչվել: Ուղղակի նմանացնում եմ: Շատ սաունդթրեքային գործ ա (ի միջի այլոց իմ տարբեր գործերի մասին շատ են ասել, որ կարծես սաունդթրեքային երաժշտություն լինի):




theme seven
Եվ ահա իմ գլխավոր հպարտությունը Ըստ ինձ իսկապես հաջող վերջաբան եմ ստացել: Սա ինչքան որ կոնկրետ էլեկտրոնային երաժշտություն ա, էնքան էլ հեշտամարս գործ ա ու պարտադիր չի, որ լսողը էլեկտրոնայինի սիրահար լինի, որ սա սիրի: Ինչ խոսք, մնացած գործերն էլ եմ անչափ սիրում (իմ աշխատանքներն են) սակայն էս մեկին մի ուրիշ ձևի եմ վերաբերվում )))




-------------------------------------------------------

Ավելացնեմ մի հետաքրքիր դրույթ. ալբոմում ես խնամքով թաքցրել եմ երկու գաղտնիք: Երկուսն էլ նկատելու հարց են, սակայն եթե մեկը էդքան էլ դժվբար չի նկատելը, ապա մյուսը ես չգիտեմ ով պիտի լինի որ նկատի: Երևի մենակ էն մարդը կնկատի, ով առնվազն իմ չափ մտած կլինի իմ ալբոմի մեջ:

Լսեք, գնահատեք ու նաև մեկնաբանեք աշխատանքս, ինձ համար բոլորի մեկնաբանությունն էլ կարևոր ա: Ես չեմ սպասում միայն լավ կարծիքներ, պատրաստ եմ ուրախությամբ ընդունել առողջ քննադատություն

[Ներսես_AM]

Հարութ, շնորհավորում եմ Ապրես։ Վերջը պարզեցինք թե ինչով էիր զբաղված, որ ակումբ ուշ–ուշ էիր այցելում։ Դեռ լսում եմ, բայց կուզեի լավ որակի մի տեղ տեղադրեիր, յութուբը մի քիչ էն չի‎։ Մի քանի անգամ որ լսեմ, հետո կարծիքս կգրեմ, բայց մինչև դա, շատ հետաքրքրում ա էտ ի՞նչ «քար»–ով ես «հացդ քամել»։

[Հարդ]

Հարութ, շնորհավորում եմ Ապրես։ Վերջը պարզեցինք թե ինչով էիր զբաղված, որ ակումբ ուշ–ուշ էիր այցելում։ Դեռ լսում եմ, բայց կուզեի լավ որակի մի տեղ տեղադրեիր, յութուբը մի քիչ էն չի‎։ Մի քանի անգամ որ լսեմ, հետո կարծիքս կգրեմ, բայց մինչև դա, շատ հետաքրքրում ա էտ ի՞նչ «քար»–ով ես «հացդ քամել»։

Շնորհակալ եմ: «Քար» ասելով նկատի ունեմ մի համակարգիչ, սովորական ծրագրով (որն ըստ երևույթին հեռու ա պրոֆ լինելուց): Ուրիշ ոչ մի գործիք, էլ չեմ խոսում ստուդիայի մասին:

Ներսես ջան ուրեմն կարող ես soundcloud - ի իմ էջով լսել, կամ Last.fm - ի էջով: Եթե լաստում գրանցված ես, ավելի լավ կլինին որ լաստով լսես: Մտածում ենք ափլոադ անել հատուկ ինչ որ կայքում, որ մարդիկ կարողանան ամբողջ ալբոմը բեռնել, բայց դեռ տենց չկա :

Հուսով եմ դուր կգա :

[Smokie]

Ինձ համար հաճելի անակնկալ էր՝ շատ լավ նորություն: Ապրես Հարութ ջան, ես միշտ մի այլ կարգի հարգել եմ երաժշտության որլորտում ստեղծագործողներին, հատկապես որակյալ երաժշտություն: Ինձ այդ գործը բավականին բարդ է թվում ու դեռ չլսած, արդեն կարող եմ ասել, որ իմ ունեցած հարգանքը քո նկատմամբ շատ ավելի բարձրացավ:


Հենց էս երաժշտության տակ էլ կքնեմ էս գիշեր:

[Ռուֆուս]

Ի դեպ, կարա՞ս SoundCloud-ում նենց անես, որ երգերը քաշել կարողանանք: Տարբեր մարդկանց SoundCloud-ների մեջ տեսել եմ, որ download-ի հնարավորություն կա:

[Jarre]

..... Դեռ լսում եմ, բայց կուզեի լավ որակի մի տեղ տեղադրեիր, յութուբը մի քիչ էն չի‎։ .....

Ներս, իմ համար գիտե՞ս հետաքրքիրը որն ա, ես ստացած ձայներին ու հնչողությանը ընդհանրապես ուշադրություն չեմ դարձրել, որովհետև կարծում եմ, որ էլեկտրոնային երաժշտության մեջ դա ավելի շատ տեխնիկական պահն է՝ հատուկ գիտելիքներ, տարբեր գործիքներ ու սարքավորումներ, թեև մյուս կողմից էլ էլեկրոնային երաժշտության ամենամեծ էֆեկտներից մեկն էլ հենց ձայներն ու հնչողությունն են։ Բայց Հարութի պարագայում ես հիացած եմ ստեղծագործությունների կառուցվածքի վրա։ Ինքը բռնել ա էլեկտրոնային դասական երաժշտության սամթը։ Դե դասական ասելով հիմնականում նկատի ունեմ Շուլցի, Ժառի ու Թանգերին Դրիմի գործերը։ Էտ մնացածը՝ ձայնը, հնչողությունը, մոնտաժը լուծելի ա, բայց երաժշտությունը զգալը ու նման կերպով ստեղծագործելը շատ դժվար ա սովորացնել մարդուն։ Իսկ մեր Հարութը ուղղակի վեր կացավ ու արեց։

[Ֆոտոն]

Դեռ ուսումնասիրում եմ՝ մի քանի անգամ լսելով, վերադառնալով. կարծիք չեմ գրի հիմա: Բայց եթե ուսումնասիրելու բան կա, արդեն մեծ ձեռքբերում եմ համարում: Այնպես որ շնորհավորում եմ, Հարդ ջան: Կաշխատեմ կարծիքս շատ չուշացնել: Շնորհակալություն լավ անակնկալի համար:

[Ֆոտոն]

Մոռացա հարցնել: Դիսկի տեսքով կա՞ վաճառքում: Կուզեի գոնե ստացած հաճույքի համար մի քիչ գոնե վճարել: