Բրոուզերների զարգացմանը, լեզուների հնարավորությունների զարգացմանը զուգահեռ շատանում են Internet Explorer բրոուզերների 6-րդ և 7-րդ տարբերակների դեմ պայքարի, բոյկոտի օջախները:
vBulletin համակարգը (որի հենքի վրա է աշխատում նաև ակումբը) դեռևս շարունակում էր դրանց աջակցումը:
Սակայն մի քանի օր առաջ (փետրվարի 2-ին) vBulletin-ի թիմը տեղեկացրեց, հայտարարեց, որ սկսած vBulletin 4.2 տարբերակից դադարեցնելու են այդ բրոուզերների աջակցումը: Իմ խորին համոզմամբ սա անհրաժեշտ ու ճիշտ քայլ է: Ակումբը ևս այդ ժամանակ անցնելու է vBulletin 4.2-ին, ինչը նշանակում է, որ այն ակումբցիները, ովքեր օգտագործումն են 6-րդ և 7-րդ տարբերակների բրոուզերները, այցելելով ակումբ ինչ-որ անհոդաբաշխ պատկեր են տեսնելու:
Խորհուրդ եմ տալիս բոլոր այդ ակումբցիներին անմիջապես անցնել առավել ժամանակակից բրոուզերների օգտագործման (այդպիսիք կարող եք բեռնել network.am պորտալից, կամ էլ բրոուզերների մայր կայքերից՝ անվճար):
Ընդ որում հատուկ նշեմ, որ սա Ձեր համար օգտակար է լինելու ոչ միայն ակումբ մտնելու համար, այլ ընդհանրապես՝ ժամանակին համընթաց քայլելու համար. այս բրոուզերները տալիս են բազում առավելություններ:
Իրականում ակումբում շատ քիչ են նման բրոուզերներ օգտագործողները. IE6 և IE7 օգտագործողները վերջին ամսվա տվյալներով ընդհանուր օգտագործողների 1.07 տոկոսն է, ընդ որում, հավանաբար, մեծ մասը ոչ մշտական այցելուներ:
Սակայն հնարավոր ցանկացած անհարմարությունից խուսափելու համար հարկ համարեցի այսօրվանից տեղեկացնել ու ազդարարել այս մասին, խորհուրդ տալով, որ եթե այդ բրոուզերներն եք օգտագործում, փոխեք:
Էջանիշներ