Հարցի պատասխանը պարզից էլ պարզ է, մարդիկ ռեալ սկսել են վախենալ իրենց աթոռների ու պապական փոխանցվող պաշտոնների համար:
Բայց դե Հայաստանում դա միշտ էլ սովորական է եղել, միշտ ընտրություններից առաջ գյուղացին դառնում է երկրի կարևորագույն և վճռորոշ դեմքը, սակայն ընտրություններից հետո ցույց տվեք մի պատգամավորի կամ իշխանության ներկայացուցչի, որ գյուղացուն այցի է գնում և հետաքրքրվում նրա խնդիրներով:
Մեր ժողովուրդը սովոր է խաբվել, քանզի այլնտրանք չեն թողնում մարդկանց, սակայն հավատացած եմ, որ մարդիկ կսկսեն ավելի ռեալ գնահատել երևույթները:
Հիմա դուք տեսեք թե ինչ ծախսեր ու հանդիպումներ են կազմակերպվելու մարզերում, գյուղերում: Հրապարակները ծփալու են էս երկիրը խուժանների,բռնապետերի ու ավազակապետերի լուծից ազատողների կոչերով ու գոռունգոչյուններով:
Սակայն այդ գումարներով, որոնք այդ գոռալուն մեծ լսարան ապահովելու ու աննպատակ քարոզների համար են ծախսվում կարելի է իրականում օգնել հենց այդ գյուղացուն, ով հույսը Աստծուն ապավինած սպասում է եղանակի բարենպաստ պայմաններին, որ գոնե այս տարում վերջապես ազատվի բանկի լուծից, որի վարկը լինելով տարեկան 24% ուղղակի քամում է գյուղացուն:
Ես համոզված եմ, որ ժողովրդի շահերը այս պարահայում վերջինն են, անգամ մտածում եմ, որ սկի հաշվի էլ չեն առնվում:
Մեջբերել
Էջանիշներ