Այս գրառումս սկզբից ուզում էի «Օգնություն անգլերեն սովորողներին» թեմայում անել, բայց հետո մտածեցի, որ մի քիչ ավելի ուշադրության արժանանար, վատ չէր լինի. այն թեմայում չափազանց շատ «մանր-մունր» գրառումների մեջ կկորի:
Ուզում եմ անգլերեն սովորողների, ովքեր, սակայն, արդեն բավականաչափ տիրապետում են լեզվին, ու պարզապես անգլիական գրականության սիրահարների հետ կիսվել ուղղակի մի հրաշալի յութուբերի՝ Tom O'Bedlam-ի ալիքով, ով կարդում է հիմնականում անգլիական (անգլալեզու) դասական գրողների բանաստեղծությունները կամ այլ լեզուներից անգլերեն թարգմանություններ: Պարզապես արտակարգ ձայն ունի (ցածր, թավ, հանգստացնող) ու արտակարգ լավ է կարդում: Իմ կարծիքով՝ ընտիր միջոց է համ լեզվական հմտությունները զարգացնելու (ճիշտ արտասանություն, բառապաշար), համ էլ հոգեպես հարստանալու՝ ծանոթանալով համաշխարհային գրականության գոհարներին՝ իրենց օրիգինալ տեսքով: Նշեմ, որ վիդեոների մեջ կարդալուն զուգահեռ տեսքտն էլ է միշտ տեղադրում, այնպես որ միանգամից լավ չընկալելու դեպքում կարող եք կանգնեցնել, կարդալ, բառերի թարգմանությունը նայել և այլն:
Սա ալիքը.
http://www.youtube.com/user/SpokenVerse
Սրանք էլ մի քանի օրինակ.
Mary Elizabeth Frye - Do not Stand at my Grave and Weep
Edgar Allan Poe - Alone
Dylan Thomas - And Death Shall Have no Dominion
Լսում-լսում եմ. կշտանալ չկա:
Էջանիշներ