Աշխարհիս ուժեղները

[E-la Via]

Ի՞նչ է ուժը:Ո՞վ է ուժեղ մարդ համարվում:Ինչո՞ւմ է մարդու ուժը:
Մեկի համար ուժը փողի մեջ է, մյուսի համար` իշխանության, մեկ ուրիշի համար՝ գիտելիքի: Ոմանք իրենց ուժի աղբյուր են համարում ընտանիքը, ոմանք` կարիերան:

Իմ կարծիքով ուժեղ է նա, ով կյանքից դաժան հարվածներ ստանալով, չի ընկճվում, չի հանձնվում, շարունակում է պայքարել ու ակտիվ կյանք վարել` բոլորին ապացուցելով, որ մարդու իրական ուժը հոգու, ամուր կամքի ու անսասան հավատի մեջ է:

Այստեղ ձեզ կներկայացնեմ իսկապես ուժեղ մարդկանց, որոնցով չեմ դադարում հիանալ, որոնցից կարելի է միայն ու միայն սովորել ու որոնք հիանալի օրինակ են:

Հեշտ է լինել ուժեղ, երբ դու ամեն ինչ ունես: Իսկ դու փորձիր պատկերացնել, թե կարող ես ուժեղ լինել, եթե ...

[E-la Via]

Դաստին Կարտեր

Դաստին Կարտերի ոտքերն ու ձեռքերը ամպուտացիայի են ենթարկել հինգ տարեկանում՝ արյան շրջանառության հետ կապված հազվագյուտ հիվանդության պատճառով:

Ութերորդ դասարանում նա որոշում է հաճախել ազատ ոճի ըմբշամարտի դասընթացների: Իհարկե ոչ ոք նրան լուրջ չի ընդունում: Մարզիչը կարծում է, որ եկրու-երեք պարապմունքից հետո Դաստինը կհրաժարվի այդ մտքից ու կդադարի հաճախել պարապմունքների:
Երկար ժամանակ նրա մոտ իրոք ոչինչ չէր ստացվում: Բայց ամենօրյա պարապմունքները, աշխատասիրությունը երկու տարի անց տվեցին իրենց արդյունքը:

Ընդամենը վերջերս Կարտերը Օհայոյի առաջնությունում ներկայացրեց իր Hillsboro դպրոցը: Տասնվեց մասնակիցների մեջ նա արժանացավ առաջին տեղերից մեկին: Նա Ամերիկայի լավագույն ըմբշամարտիկների թվում է: Կռվում է առողջ մարզիկների հետ և հաղթում ազնիվ պայքարում:

«Ես կռվում եմ, ինչպես բոլորը, հաճախում եմ դպրոց, ապրում մենակ, կարողանում եմ անել ամեն ինչ, ինչ մյուսները ու ինձ դուր չի գալիս, երբ ինձ խղճում են»,- ասում է Կարտերը:

[E-la Via]

Ահարոն Ֆոտերինգհեմ(Aaron Fotheringham)

Ահարոնը ողնաշարի հիվանդության պատճառով անվասայլակին է գամված ծնված օրից: Ինքն իրեն հրաժարվում է հաշմանդամ համարել: Զբաղվում է էքստրեմալ սպորտով: Իր մանկությունը Ահարոնը անցկացրել է Լաս Վեգասի սկեյտբորդիստների համար նախատեսված զբոսայգում:

«Անվասայլակին նստած՝ ես սովորում էի նույն տեխնիկաներն ու հնարքները, ինչ իմ ընկերները: Ժամանակի ընթացքում ես սիրեցի իմ անվասայլակը, որովհետև դրա հետ կարծես անընդհատ սկեյտբորդի վրա լինեմ",- ասում է նա:

Իր հատուկ անվասայլակի վրա պարզ սալտո կատարեց 2006 թ-ին, իսկ դրանից հետո փորձում էր գերազանցել սեփական ռեկորդը:
«Շատ անգամ էի փորձում, բայց անընդհատ ընկնում էի … Իսկ դա բավական ցավոտ էր: Ես կապտուկներով եմ պատված, դաստակս եմ վնասել, բայց դա ինձ համար նշանակություն չունի»:

Մի քանի ամիս տևող պարապմունքների, մի շարք անհաջող փորձերի, ցավոտ անկումների արդյունքում նա 2010 թ-ին սահմանում է նոր համաշխարհային ռեկորդ: Ահարոն Ֆոտերինգհեմը պատմության մեջ առաջին անվասայլակի վրա նստած մարդն է, ով կատարել է երկակի հետ սալտո:

[E-la Via]

Էյմի Մալինս

«Պամելա Անդերսենի մարմնում ավելի շատ պրոթեզներ կան, քան իմ, բայց նրան ոչ ոք հաշմանդամ չի համարում»:- Ասում է Էյմի Մալինսը:

Նա երկու ոտքերը կորցրել է վեց ամսականում : Չնայած դրան` հմայիչ այս աղջիկը սպորտսմենի, մոդելի ու դերասանուհու հաջող կարիերա է արել:

Համալսարանի լողի խմբակում նա լավագույն լողորդներից է եղել, մասնակցել է Ատլանտայում անցկացվող Պարօլիմպիական մրցույթին:
Բացի սպորտային հաջողություններից` նա մասկանցել է նաև Ալեքսանդր ՄաքՔուին ցուցադրություններին և համատեղ աշխատել Մետյու Բարնիի` ժամանակակից ամենահայտնի նկարիչներից մեկի հետ:

Համաձայն People ամսագրի` նա մտնում է աշխարհի 50 ամենագեղեցիկ կանանց ցուցակում:

Նաև նկարահանվել է մի շարք ֆիլմերում: Հիմա աշխատում է Պենտագոնում և շարունակում է զբաղվել մոդելային բիզնեսով:
Նա օգտագործում է տասից ավելի տարբեր պրոթեզներ: Դրանց միջոցով Էյմին կարողանում է փոխել իր բոյը 173 սմ-ից մինչև 185 սմ:

[E-la Via]

Էրիկ Վայհենմայեր(Erik Weihenmayer)

Վայհենմայերը կորցրել է իր տեսողությունը 13 տարեկանում: Եղել է միջնակարգ դպրոցի ուսուցիչ, մարզիչ, իսկ այնուհետև միջազգային մակարդակի սպորտսմեն:

Վայհենմայերը առաջին կույրն էր, ով 2001 թ-ին նվաճեց Էվերեստտի գագաթը: 2002 թ-ի սեպտեմբերին Էրիկը բարձրացավ Ավստրալիայի ամենաբարձր կետը ` Kosciuszko պիկը: Իսկ անցած տարի ամռանը հաջողությամբ բարձրացավ Էլբրուս լեռան գագաթը:

«Սար բարձրանալիս իմ աչքերը ձեռքերս են դառնում: Նրանք մանրակրկիտ սկան են անում լեռը և երբ ես գտնում եմ այն տեղը, որտեղից կարելի է բռնվել, մյուս ձեռքս սկսում է փնտրել հաջորդ հարմար կեռիկը: Միակ դժվարությունը նրանում է, որ ես չեմ տեսնում ձեռքերիցս այն կողմ»,- ասում է նա:

[Tig]

Մի հատ գեղարվեստական ֆիլմ էս թեմայով, բայց կենդանու մասին

[Lion]

Հալալա Ափսոս, որ ամեն դեպքում չեմ կարողանում չխղճալ ու մեկ էլ... չափսոսալ

Նա Ամերիկայի լավագույն ըմբշամարտիկների թվում է:

Ճիշտն ասած չհավատացի...

[Varzor]

Ճիշտն ասած չհավատացի...

Իզուր չես հավատում, ուղղակի ԱՄՆ-ում ընմբաշամտիկների կարգն այդքնա էլ բարձր չի:
Համ էլ մենակ այն, որ նա գորգ է դուրս գալիս արդեն իսկ մեծագույն ուժի նշան է:

[Lion]

Չէ, համաձայն եմ, որ մեծագույն ուժի ու կամքի նշան է, բայց որ նա ԱՄՆ լավագույն ըմբշամարտիկների թվում է...??!!

[E-la Via]

Մի հատ գեղարվեստական ֆիլմ էս թեմայով, բայց կենդանու մասին

Ապրես, Տիգ , թրեյլերն արդեն իսկ հետաքրքրեց, անպայման կնայեմ :

Չէ, համաձայն եմ, որ մեծագույն ուժի ու կամքի նշան է, բայց որ նա ԱՄՆ լավագույն ըմբշամարտիկների թվում է...??!!

Դե, Lion ջան, դա կարելի է ճշտել, ինչն էլ կանեմ մոտակա օրերս, բայց չեմ զարմանա, որ հենց այդպես էլ լինի:

Ի դեպ, ես չեմ խղճում, այլ միայն մի փոքր ցավում եմ, երբ փորձում եմ պատկերացնել նրանց կրած դժվարությունները: Լուրջ, համակած հիացմունքս այնքան մեծ էր, որ խղճալու տեղ անգամ չթողեց: Խղճահարության արժանի շատ ավելի "առողջ -հաշմանդամներ" կան:

[Ripsim]

Էսթեր Վերգեեր

Էսթեր Վերգեերը Հոլանդացի թենիսիստուհի է` ծնված 1981-ին: Համարվում է պատմության ամենից հայտնի անվասայլաով թենիսիստուհիներից մեկը: Նա գամված է անվասայլակին 9-ը տարեկանից, երբ ողնուղեղի վիրահատությունից հետո նրա ոտքերը դադարեցին գործել: Էսթեր Վերգեերը 7 անգամ դարձել է աշխարհի չեմպիոն, 4 անգամ` օլիմպիական չեմպիոն: 2003-ի հունվարից սկսած ոչ մի պարտություն չի կրել : 2002-ին և 2008-ին դարձել է “Լաուրեուս” սպորտի համաշխարհային ակադեմիայի կողմից շնորհվող “Սահմանափակ հնարավորություններով լավագույն մարզիկ” մրցանակի դափնեկիր:

[John]

Հնդկաստանի «թաքնված տաղանդ» մրցույթի մասնակիցներից մեկը....

[հովարս]

Առանց մեկնաբանության

[E-la Via]

Nick Vujicic

Nick Vujicic-ը քրիստոնյա քարոզիչ է, ծնվել է 1982 թ-ին Ավստրալիայում առանց ոտքերի և ձեռքերի: Ժամանակի ընթացքում կիսվելով իր փորձով ու ձեռքբերումներով` նա դարձել է շատ հայտնի մոտիվացիոն բանախոս: Նրա ելույթներն ուղղված են սահմանափակ հնարավորություններով երեխաներին և պատանիներին: Նիկը դրանցով ցանկանում է նրանց մեջ արթնացնել կյանքի իմաստի որոնման , պայքարի ցանկություն:


«Ի՞նչ է հարկավոր անել, երբ մենք ընկնում ենք: Հարկավոր է փորձել բարձրանալ: Փորձելով ոտքի կանգնել՝ հարյուր անգամ ընկել եմ: Բայց ի՞նչ եք կարծում, եթե ես ընկնեմ ու հանձնվեմ` այդպես կկարողանա՞մ բարձրանալ: Ես կփորձել եմ նորից, նորից ու նորից... Միայն ուզում եմ՝ դուք հասկանաք, որ դա վերջը չէ, բայց դրանից է կախված, թե ինչպես ամեն ինչ կավարտվի: Դուք ցանկանո՞ւմ եք երջանիկ լինել: Ուրեմն կգտնեք այն ուժը, որը կօգնի ձեզ բարձրանալ:

Նիկը 2009 թ-ին նկարհանվել է «Թիթեռի Կրկես» ֆիլմում, որը անպայման արժի նայել, շատ լավն է:


Իսկ այժմ պատրաստվում է ամուսնանալ :

Շնորհակալ եմ, հովարս, որ հիշեցրեցիր:

Առանց մեկնաբանության

[E-la Via]

Thomas Quasthoff

Thomas Quasthoff-ը գերմանացի օպերային, կամերային և ջազ երգիչ է, ի ծնե հաշմանդամ:

Մոր կողմից հղիության ընթացքում Տալիդոմիդի չարաշահման արդյունքում ծնվել է ծանրագույն պաթոլոգիայով` ձեռքերը գտնվում են ուսերի հիմքում, ոտքերը դեֆորմացվել են: Իսկ հասակի աճը կանգնել է 134 սմ-ի վրա:

1972 թ-ին նա սկսում է վոկալով զբաղվել, նաև պատմության ու երաժշտական տեսության դասեր վերցնել:
Ավարտելով Հաննովերի համալսարանի իրավաբանական ֆակուլտետը` Հյուսիսգերմանական ռադիոյում տնօրեն է սկսում աշախտել:
Որպես երգիչ` առաջին դեբյուտն ունեցել է 1988 թ-ին: Այնուհետև սկսել է ելույթ ունենալ շատ երկրներում: Այժմ դասավանդում է Բեռլինի երաժշտական դպրոցներից մեկում:

Վայելեք նրա կատարումները:

«Standchen »- Franz Schubert






«Moon river»



«My Funny Valentine»

Ահա և նրա կայքը: