Ո՞ւմ հարցազրույցն եք ուզում կարդալ

[Ուլուանա]

Հարցազրույցի համար առաջադրված թեկնածուների «ձայներն» ի մի բերեցի՝ հաշվի առնելով և՛ գրառման տեսքով առաջարկները, և՛ դրանց տրված շնորհակալությունները, ընդ որում, ինչպես ասել էի, տվյալ գրառմանը տրված շնորհակալությունները վերագրել եմ գրառման մեջ նշված բոլոր անուններին։

Պարզվեց՝ Jarre-ի հարցազրույցն է ամենասպասվածը։
Սպասենք Jarre–ի համաձայնությանը։

Ի դեպ, այս ընթացքում նոր առաջարկներ չենք անում։ Կարելի է միայն շնորհակալության միջոցով համաձայնել արդեն արված առաջարկներին (ասածս վերաբերում է միայն իմ այս գրառումից հետո արված առաջարկներին), որոնք այս հարցազրույցից հետո կվերանայվեն արդեն հաջորդ հարցազրույցի համար։ Սա արվում է խառնաշփոթից խուսափելու համար։

[Jarre]

Պարզվեց՝ Jarre-ի հարցազրույցն է ամենասպասվածը։
Սպասենք Jarre–ի համաձայնությանը։

Անչափ շնորհակալ եմ , չէի սպասում, անկեղծ ասած
Ես պատրաստ եմ

[Ուլուանա]

Ուրեմն էսպես... Հիմնվելով Ռուֆուսի առաջարկի վրա, ինչպես նաև Jarre–ի նախընտրությամբ, որոշվեց, որ ես անձամբ իրենց կվերցնեմ հարցազրույցը, որից հետո կտեղադրեմ Ակումբում։ Իսկ մինչ այդ, քանի դեռ հարցազրույցը պատրաստման ընթացքում կլինի, որպեսզի ժամանակ չկորցնենք, թերևս անցնենք հաջորդին, որի հետ հարցազրույցն արդեն կանցկացվի մյուս տարբերակով՝ ակումբցիների՝ համապատասխան թեմայում ուղղված հարցերի միջոցով։
Հաջորդը Տատն է։
Սպասում ենք Տատի համաձայնությանը։

[ars83]

Ուրեմն էսպես... Հիմնվելով Ռուֆուսի առաջարկի վրա, ինչպես նաև Jarre–ի նախընտրությամբ, որոշվեց, որ ես անձամբ իրենց կվերցնեմ հարցազրույցը, որից հետո կտեղադրեմ Ակումբում։ Իսկ մինչ այդ, քանի դեռ հարցազրույցը պատրաստման ընթացքում կլինի, որպեսզի ժամանակ չկորցնենք, թերևս անցնենք հաջորդին, որի հետ հարցազրույցն արդեն կանցկացվի մյուս տարբերակով՝ ակումբցիների՝ համապատասխան թեմայում ուղղված հարցերի միջոցով։
Հաջորդը Տատն է։
Սպասում ենք Տատի համաձայնությանը։

Մի պուճուր ինձ էկրան գցեմ, էլի:
Երկուսն էլ իմ առաջարկած թեկնածուներն են

Իսկ իրականում, կարծում եմ շատերին հետաքրքիր կլինի կարդալ այս երկու հետաքրքիր մարդկանց հարցազրույցները: Իսկ ո՞վ է Տատից հարցազրույց վերցնելու, դեռ չի՞ որոշվել (թե՞ դեռ սպասում ենք նրա համաձայնությանը: Եթե չեմուչում անի, գայթակղենք Հայկօ-ով, Norton-ով կամ Չուկով, կամ էլ միրուքավոր մեկով, ասենք՝ Rhayader-ով )

[Ուլուանա]

Մի պուճուր ինձ էկրան գցեմ, էլի:
Երկուսն էլ իմ առաջարկած թեկնածուներն են

Իսկ իրականում, կարծում եմ շատերին հետաքրքիր կլինի կարդալ այս երկու հետաքրքիր մարդկանց հարցազրույցները: Իսկ ո՞վ է Տատից հարցազրույց վերցնելու, դեռ չի՞ որոշվել (թե՞ դեռ սպասում ենք նրա համաձայնությանը: Եթե չեմուչում անի, գայթակղենք Հայկօ-ով, Norton-ով կամ Չուկով, կամ էլ միրուքավոր մեկով, ասենք՝ Rhayader-ով )

Ճիշտն ասած՝ այս նախագիծը թարմացնելիս նախապես որոշել էինք, որ հարցազրույցներն այսուհետև լինելու են մյուս ֆորմատով, այսինքն՝ համապատասխան թեմայում սահմանված որոշակի ժամանակահատվածի ընթացքում հարցերն ուղղում են ակումբցիները, որից հետո տվյալ մարդը մի քանի օրվա ընթացքում պատասխանում է հարցերին։ Այսինքն՝ հատուկ հարցազրույց վերցնող չի լինում էս դեպքում։ Բայց, սրանով հանդերձ, ես նաև նշել էի, որ եթե կան մարդիկ, ովքեր կցանկանան կոնկրետ մարդկանցից անձամբ հարցազրույց վերցնել, թող թեմայում գրեն, որ իմանանք ու մնացած պլաններն արդեն ըստ այդմ կառուցենք։ Տատի դեպքում, քանի որ առաջարկների մեջ կոնկրետ հարցազրույց վերցնողներ չէին առաջարկվել, ենթադրվում էր, որ հարցազրույցն անցկացվելու է հրապարակային տարբերակով՝ ակումբցիների կողմից ուղղված հարցերի միջոցով։
Ինչևէ, սպասենք նախ Տատի արձագանքին։

[Տատ]

կամ էլ միրուքավոր մեկով

Արս83, սրիկա

Որախ եմ, սիրելիներս:
Եկեք իրոք Ուլուանայի ասած տարբերակով՝ բոլորն ով ուզում, ինչ ուզում հարցնում են:
Խոստանում եմ հաճախ ներկա լինել մի քանի օր

[One_Way_Ticket]

Որպեսզի Տատի թեմայում չօֆֆթոփեմ, այստեղ ասեմ:

Հիշեցնեմ, որ հարցերն ուղղելու ընթացքում Տատը դրանց չի պատասխանելու։ Պատասխանների համար առանձին ժամանակ է տրվելու։

Չե՞ք կարծում, որ այնքան էլ հաջող տարբերակ չէ: Հաճախ հարցերը ծնվում են նախորդ հարցերի պատասխաններից:

[Ուլուանա]

Որպեսզի Տատի թեմայում չօֆֆթոփեմ, այստեղ ասեմ:
Չե՞ք կարծում, որ այնքան էլ հաջող տարբերակ չէ: Հաճախ հարցերը ծնվում են նախորդ հարցերի պատասխաններից:

Կարծում եմ՝ հարցերի ընթացքում միաժամանակ պատասխանելն այնքան էլ հարմար չէ, քանի որ խառնաշփոթն անխուսափելի կլինի։ Հենց պատասխանողի համար անհարմար կլինի մի կողմից պատասխանել, մյուս կողմից նոր հարցեր ստանալ, գրեթե համոզված եմ, որ ընթացքում էլ որոշ հարցեր զուտ չնկատելու պատճառով կանտեսվեն։ Մարդու գլուխը կպտտվի... Մի խոսքով՝ ամեն ինչ կխառնվի իրար... Փորձիր ինքդ պատկերացնել։