Հետաքրքիր
Հետաքրքիր է՝ ամեն ինչը շատ հետաքրքիր է:
Հետաքրքիր է կյանքը՝ իր բազմաթիվ անակնկալներով, զուգադիպություններով, հետաքրքրություններով: Բայց մարդը սովորաբար ուշադրություն չի դարձնում այդ ամենի վրա,«հասարակ բան է՝ անցավ գնաց, պետք չէ հիշել…» ու կյանքը կորցնում է հետաքրքրությունը:
Մարդիկ տարբեր են՝ դա էլ է հետաքրքիր: Տարբեր մտքեր, տարբեր բնավորություններ, տարբեր նախասիրություններ: Բայց մարդը այդքան էլ ուշադրություն չի դարձնում դիմացինի մտածածի վրա, նրա համար կարեւոր է միայն իր կարծիքը, դիմացինինը անհետաքրքիր է:
Հետաքրքիր են եւ՛ թեթեւությունը եւ՛ բարդությունը, եւ՛ ուրախությունը եւ՛ տխրությունը, եւ՛ սերը եւ՛ ատելությունը՝ քանզի առանց երկրորդի մարդը կյանքից շատ քիչ բան կսովորեր: Բայց մարդը հիմնականում սիրում է առաջինը՝ չի ուզում պայքարել, չի տեսնում երկրորդի մեջ թաքնված խորիմաստությունը, նրան դա չի հետաքրքրում:
Այս ամենն էլ է հետաքրքիր:
Մեջբերել
Էջանիշներ