Շնորհավորանքներ մեր մեծերին

**Smokie** · 27.09.2012, 10:17

Այսօր իմ շա՜տ սիրելի դերասան, բանաստեղծ [FONT=&amp]և թարգմանիչ Արման Կոթիկյանի ծննդյան օրն է

Նա ավելի հայտնի է, որպես կատակերգու դերասան: Հաճախ իր բարակ ձայնը ես նմանեցնում եմ Երվանդ Մանարյանի ձայնին

Արման Կոթիկյան (1896 - 1968, հոկտեմբերի 3), ՀԽՍՀ ժողովրդական արտիստ, բանաստեղծ, թարգմանիչ, ԽՍՀՄ գրողների միության անդամ 1937-ից:

Ծնվել է Տրապիզոնում: Նախնական կրթությունը ստացել է բեմում: Բեմ է բարձրացել 1918-ին: 1918-ին անցել է Սուխում և մտել Օվի Սևումյանի թատերախումբ: 1920-36-ին արել է Փարիզում և Բրյուսելում: 1925-ին ավարտել է Փարիզի համալսարանի իրավաբանական ֆակուլտետը: Փարիզում խաղացել է հայկական թատերախմբերում: 1936-ին ներգաղթել է Հայաստան և նույն թվականին աշխատանքի անցել Գաբրիել Սունդուկյանի անվան ակադեմիական թատրոնում:

Նրա լավագույն դերերից են. Լաերտ («Համլետ»), Յագո («Օթելլո»), Էլիզբարով («Պատվի համար»), Ֆրանգուլյան («Ավերակների վրա»), Մանուկ աղա («Մեծապատիվ մուրացկաններ»), Հայրապետ («Ժայռ»): Նկարահանվել է նաև մի շարք կինոֆիլմերում, ինչպես «Տժվժիկում»։ Մահացել է Երևանում:

Ա. Կոթիկյանի երկերի մատենագրություն
Մխացող շուշաններ (բանաստեղծություններ), Թիֆլիս, 1919, 68 էջ:
Ֆիրդուսի Թուսի և իր Շահնամեն (առաջաբանը` Ավետիք Իսահակյանի), Փարիզ, 1935, 60 էջ:
Խութեցի Հովնան, Երևան, Հայպետհրատ, 1946, 112 էջ:
Ակոսներում (բանաստեղծություններ, բալլադներ, պոեմներ), Երևան, «Հայաստան», 1965, 111 էջ:

Ա. Կոթիկյանի կատարած թարգմանությունները (ֆրանսերենից)
Գի դը Մոպասան, Ընտիր երկեր (գիրքում ընդգրկված մի շարք գործեր թարգմանել է Ա. Կոթիկյանը)
Էդման Ռոստան, Սիրանո դը Բերժըրակ (չափածո կոմեդիա)
Գի դը Մոպասան, Սիրելի բարեկամ
Գի դը Մոպասան, Վալտեր Շնաֆսի արկածը (թարգմանության համահեղինակակից Վահե Միքայելյանի)

Աղբյուրը Վիքիփեդիա

**Smokie** · 04.10.2012, 12:47

Իսկ երեկ Արմեն Ջիգարխանյանի ծննդյան օրն էր

Նա դեռ շաա՜տ երկար տարիներ կապրի

''Իմ տունը միշտ էլ թատրոնն է եղել և այդպիսին էլ կմնա''. Արմեն Ջիգարխանյան:
Այսօր` հոկտեմբերի 3-ին, համաշխարհային թատրոնի և կինոյի կենդանի լեգենդ, հանճարեղ Արմեն Ջիգարխանյանի 77-ամյակն է:
Սիրված դերասանը ծնվել է 1935թ. հոկտեմբերի 3-ին, Երևանում: 1953թ. ավարտել է Երևանի Չեխովի անվան դպրոցը: 1954թ. ընդունվել է Երևանի գեղարվեստա-թատերական ինստիտուտ: 1953-54թթ որպես օպերատորի օգնական աշխատել է ''Հայֆիլմ'' կինոստուդիայում: 1955-67թթ աշխատել է Երևանի Ստանիսլավսկու անվան ռուսական դրամատիկական թատրոնում` որպես դերասան: 1967թ. տեղափոխվել է Մոսկվայի Լենինյան կոմսոմոլի թատրոն: 1969-96թթ խաղացել է Մոսկվայի Մայակովսկու անվան թատրոնում: 1975թ. ''Եռանկյունի'' ֆիլմի համար արժանացել է ՀԽՍՀ Պետական մրցանակի: Դերակատարումեր է ունեցել բազմաթիվ ռուսական ֆիլմերում և կադրից այն կողմ մարմնավորել է ''Սոյուզմուլտֆիլմ'' ստուդիայի բազմաթիվ մուլտհերոսների: 1979թ. Վլադիմիր Վիսոցկու հետ խաղացել է ''Հանդիպման վայը փոխել չի կարելի'' 5-սերիանոց ֆիլմում: 1981թ. նկարահանվել է ռուս-ֆրանսիական ''Թեհրան 43'' ֆիլմում: 1991-96թթ դասավանդել է Մոսկվայի Գերասիմովի անվան համառուսական պետական կինեմատոգրագիայի համալսարանում: Խաղացած ֆիլմերից են` ''Բարև, ես եմ'', ''Տղամարդիկ'', ''Բարև ձեզ, ես ձեր մորաքույրն եմ'', ''Հարսնացուն հյուսիսից'', ''Երբ գալիս է սեպտեմբերը'', ''Արևիկ'', ''Մխիթար սպարապետ'', ''Գիքոր'', ''Ալի Բաբան և 40 ավազակները'', ''Օտար խաղեր'', ''Ալֆոնս'', ''Մոսկովյան արձակուրդներ'', ''Ռևիզորը'', ''Մարգո թագուհի'', ''Մեր բակը 2'', ''Խելագարություն'', ''Եռյակը'' և այլն: 1977թ. արժանացել է ՀԽՍՀ, 1985թ.` ԽՍՀՄ ժողովրդական արտիստի կոչմանը: Հայրենիքին մատուղած ծառայությունների համար արժանացել է 2-րդ, 3-րդ և 4-րդ կարգի շքանշանների: Գրանցված է համաշխարհային Գինեսի ռեկորդների գրքում` որպես ամենաշատ նկարահանված դերասան: Նկարահանվել է ավելի քան 250 կինո և հեռուստաֆիլմերում: 2010թ. արժանացել է ՀՀ Պետական մրցանակի: Բնակվում է Մոսկվայում և ղեկավարում Մոսկվայի դրամատիկական թատրոնը:

**Tig** · 24.10.2012, 11:24

Այսօր լրանում է Սոս Սարգսյանի ծննդյան 83 ամյակը: Շնորհավոր:

**Tig** · 01.11.2012, 12:13

Այսօր լրանում է հայ մեծանուն կոմպոզիտոր Ալեքսանդր Սպենդիարյանի ծննդյան 141 ամյակը:
Շնորհավորենք:

հ.գ. կենսագրական տեսանյութ...

**Smokie** · 03.12.2012, 21:21

Այսօր Ռուբեն Հախվերդյանի ծննդյան օրն է:

Որքա՜ն գեղեցիկ ու խորիմաստ երգեր է նա մեզ պարգեւել

Աղբյուրը

**Smokie** · 12.02.2013, 20:48

Այսօր Հրանտ Մաթեւոսյանը կդառնար 78 տարեկան:
Շնորհավոր ծնունդդ Վարպետ

**Smokie** · 19.02.2013, 13:04

Իսկ այսօր ամենայն հայոց բանաստեղծի ծննդյան օրն է: Շնորհավոոոո՜ր

**Stranger_Friend** · 01.03.2013, 23:55

<<Մարդկային սիրտն երբեմն այնպես լցվում է, նորանոր զանազան զգացմունքները` միմյանց խառնվելով` այնպիսի ուժով գործում են նրա մեջ, որ նրանց կարելի չէ լինում արտահայտել ո՛չ բառերով և ո՛չ, մինչև անգամ գրչով: Զորեղ զգացմունքներից ալեկոծվող սիրտն էլ ունի իր կապրիզները, ինչպես օվկիանոսն ահեղ փոթորկի ժամանակ: Առանց դուրս գալու սրտի պատերից, այդ զգացմունքները, ինչպես լավան երկրի ներսը բորբոքվում են, եռում այնքան, մինչև որ իրենք իրենց դարձյալ հանգստանում են, խաղաղվում: Սակայն որքան քաղցր ու թեթև, բայց և, միևնույն ժամանակ, որքան դառն ու ծանր է զգացմունքների այդ ալեկոծությունը սրտի մեջ: Ուզում ես աղոթել և անիծել, ուզում ես ապրել և մեռնել: Երանի, բայց վայ նրան, ում սրտին հատուկ են այդպիսի ալեկոծություններ....>>

Նար-Դոսի ծննդյան օրն է.. Շնորհավոր...