Շնորհավորանքներ մեր մեծերին

[Tig]

Եկեք այս թեմայում տարբեր տարելիցների կապակցությամբ շնորհավորական ուղերձներ և մաղթանքներ հղենք մեր մեծերին:

[Tig]

Շնորհավոր մեծն Մովսես...

Սուգը հավերժ է, եթե պայքար չկա. Մովսես Գորգիսյանն այսօր կդառնար 50 տարեկան (տեսանյութեր)
00:58 • 03.12.11

Այսօր լրանում է երրորդ հանրապետության ամենավառ անհատականություններից մեկի, ազգային հերոս Մովսես Գորգիսյանի 50-ամյակը։ Մովսեսի դերն անուրանալի է 80-ականների վերջին սկսած ազգային զարթոնքի վերածննդի և անկախության կերտման գործում։ Մովսեսն իսկական հերոս էր, իսկական մարտիկ՝ անընդհատ պայքարող, չհանդուրժող և արդարության ձգտող։ «Սուգը հավերժ է, եթե պայքար չկա» արտահայտությունը, որ դարձել են թևավոր խոսքեր, թերևս ամենալավն են բնորոշում նրան։
Մովսես Գորգիսյանը ծնվել է 1961թ. Երևանում։ 1984թ. ավարտել է Խ. Աբովյանի անվ. պետական մանկավարժական ինստիտուտի մշակույթի ֆակուլտետի ռեժիսուրայի բաժինը։ 1986–87թթ. աշխատել է Գորիսի դրամատիկական թատրոնում։

1987թ. Ազգային ինքնորոշում միավորման անդամ էր և «Հրապարակայնություն» ու «Հայրենիք» ամսագրերի հիմնադիր-խմբագիրը։ 1988թ. մայիսի 28-ին Երևանի Ազատության հրապարակում առաջին անգամ բարձրացրել է Եռագույն դրոշ։
1989թ. «Անկախության բանակի» հիմնադիրներից է։
1989թ.-ից հանդես է եկել Հայոց անկախ պետականության վերականգնմանն ուղղված ելույթներով ու հրապարակումներով։ Արցախյան շարժման սկզբին հանրահավաքներում պաշտպանել է արցախահայության արդարացի պահանջը։
1990թ. հունվարի 18-ին, վիճակը կտրուկ սրվել էր Արարատի շրջանի՝ Նախիջևանին սահմանամերձ գոտում, ադրբեջանական զինյալներն իշխող բարձունքից անընդմեջ գնդակոծում էին մերձակա հայկական բնակավայրերը։ Հունվարի 19-ին հայ մարտիկները ոչնչացրել են թշնամու հետախուզական ջոկատներից մեկը, առգրավվել մեծ քանակությամբ զինամթերք։ Մովսեսը ջոկատով գրոհել է բարձունքի վրա տեղակայված թշնամու կրակակետերը, որոնք լռեցվել են, սակայն մարտում ընկել է նաև նա։ Մովսես Գորգիսյանը Թաղված է Ծիծեռնակաբերդում։

Մովսես Գորգիսյանին Ազգային Հերոս կոչում շնորհվել է հետմահու (20.09.1996), նա պարգևատրվել է նաև ՀՀ բարձրագույն «Հայրենիք» շքանշանով։

Նշենք, որ Ազգային հերոս Մովսես Գորգիսյանի ծննդյան 50-րդ տարեդարձի կապակցությամբ այսօր տեղի կունենան հետևյալ միջոցառումները.
ժամը 11.00-ին` այցելություն «Ծիծեռնակաբերդ» հուշահամալիր, հիշատակի տուրքի և պսակադրության արարողություն Գորգիսյանի շիրիմի և Հայոց ցեղասպանության զոհերի հիշատակը հավերժացնող հուշահամալիրի մոտ,
ժամը 12.00-ին` հանդիսավոր միջոցառում «Ա. Բաբաջանյան» համերգասրահում:

Միջոցառման մասնակիցներին տեղափոխող ավտոբուսները կմեկնեն ժամը 10:30-ին, Ստ. Շահումյանի անվան հրապարակից:









Աղբյուր` tert.am

[Claudia Mori]

Շնորհավոր մեծն Մովսես...

Շնորհավոր ինձ անկախ երկիր պարգեւած ոչ սուտ կերպարներից մեկի՝ Մովսես Գորգիսյանի ծնունդը...շատերը իրան չեն հիշում, քանի որ ինքը հաղթեց, բայց սուտիներն են վայելում հաղթանակի համար գովեստի խոսքերը...

Կեցցե՛ այն Հայաստանը, որ վաղն է գալու...

Գեվ եւ Իշխո ջաներ, եղբայրնե՛րս, շնորհավորում եմ ձեր հորեղբոր ծնունդը!

[Նուշություն]

"Բանտում են ինձ փակել, բանտապետիս էլ թվում է` ազատությունից զրկվել եմ.....Նա չգիտի` հոգիս բանտարկել ոչ մեկին չի հաջողվի. ես ազատ եմ"
Շնորհավոր Հայաստա'նս, այսօր մեծագույն զավակներիցդ մեկը կբոլորեր 50-ը:

[Tig]

Այսօր Նժդեհի ծննդյան օրն է: Շնորհավորում եմ բոլորիս: Արժանի լինենք նրան:

[Arpine]

Այսօր Տիգրան Մանսուրյանի ծննդյան օրն է: Շնորհավորում եմ հայ մեծ երգահանին և ցանկանում երկար տարիների կյանք:

[Tig]

Շնորհավոր ծնունդտ ԴԵՎ...

[Tig]

Մի տեղ ասվում է, որ Վահան Տերյանը ծնվել է հունվարի 28-ին, մեկ ուրիշ տեղ ասվում է փետրվարի 9-ին, դա երևի հին և նոր տոմարների տարբերության պատճառով է: Բայց դա չէ կարևորը: Կարևորը հիշենք և շնորհավորենք: Շնորհավոր ծնունդդ մեծն Տերյան:

[Tig]

Այսօր Հրանտ Մաթևոսյանը կդառնար 77 տարեկան

Շնորհավոր...

[Arpine]

1869թ-ի այսօրը՝ փետրվարի 19-ին է ծնվել ամենայն հայոց բանաստեղծը՝ Հ Թումանյանը: Շնորհավորում եմ մեծն լոռեցուն:

[Tig]

Այսօր հայտնի գեղանկարիչ Փանոս Թերլեմեզյանի ծննդյան օրն է
16:58 • 11.03.12

Այսօր հայտնի հայ գեղանկարիչ Փանոս Թերլեմեզյանի ծննդյան օրն է: Փանոս Պողոսի Թերլեմեզյանը ծնվել է 1865թ. մարտի 11-ին Վանում: 1881-86թթ. սովորել է Վանի Կեդրոնական վարժարանում:

Սուլթան Համիդի բռնությունների դեմ ակտիվորեն պայքարելու համար հետապնդվել է, հեռակա դատվել և պատժից խուսափելու համար մեկնել է Թիֆլիս: 1895-97-ին սովորել է Պետերբուրգի Գեղարվեստը խրախուսող ընկերության դպրոցում: 1897-ին թուրքական կառավարության պահանջով ձերբակալվել է և աքսորվել Իրան, որտեղից մեկնել է Փարիզ:

1899-1904-ին սովորել է ժյուլիան ակադեմիայում: Ուսման տարիներին ստեղծել է «Բանվորուհին ջրհորի մոտ» պատկերը (1903): 1904-ին վերադառնալով Հայաստան՝ Թերլեմեզյանը ստեղծագործական բեղմնավոր շրջան է ապրել: «Սանահինի վանքի գավիթը» (1904) Մյունխենի համաեվրոպական ցուցահանդեսում արժանացել է ոսկե մեդալի: 1908-ին մեկնել է Փարիզ, ուր բազմաթիվ այլ գործերի հետ ստեղծել է Ա. Շիրվանզադեի դիմանկարը (1908): 1910-12-ին ապրել է Կ. Պոլսում, մտերմացել Կոմիտասի, Դ. Վարուժանի, Սիամանթոյի, Ե. Օտյանի և ուրիշների հետ:

1913-14-ին Վանում նկարել է բնապատկերներ (պահպանվել է «Վանա լիճը և Սիփան սարը Կտուց կղզուց», 1915, կտավը): Որպես ղեկավար մասնակցել է Վանի ինքնապաշտպանության կռիվներին: 1915-ին արևմտահայության զանգվածների հետ գաղթել է Անդրկովկաս: 1916-ին Թիֆլիսում կազմակերպել է Հայ արվեստագետների միությունը (նախագահ՝ Ե. Թադևոսյան), իսկ 1917-ին Ռոստովում՝ Հայ արվեստագետների միության մասնաճյուղը:

1919-22-ին եղել է Կ. Պոլսում, Իտալիայում, Ֆրանսիայամ, ստեղծել բնանկարներ: 1923-ին մեկնել է Ամերիկա, մի քանի տարբերակով նկարել «Նիագարայի ջրվեժը» (1923), Ֆրեզնոյի (1925), Կալիֆոռնիայի (1926), Խաղաղ օվկիանոսի ափերի տեսարաններ, ինչպես նաև Հ. Աբելյանի, Հ. Ջարիֆյանի և ուրիշ մտավորականների դիմանկարներ: 1924-ին Ամերիկայում կտակ է ձևակերպել՝ իր մահից հետո դրամական և նյութական ողջ ունեցվածքը նվիրելով Հայաստանի թանգարանին:

1928-ին վերադարձել է Սովետական Հայաստան, նվիրվել հայ սովետական արվեստի կազմավորմանն ու զարգացմանը: Նույն թվականին Երևանում կազմակերպվել է նրա անհատական ցուցահանդեսը: Թերլեմեզըանն ընդունվել է Հեղափոխական Ռուսաստանի նկարիչների ասոցիացիայի (ԱԽՌՌ) շարքերը: 1928-31-ին ստեղծագործական շրջագայություններ է կատարել դեպի Գորիս, Ղափան, Տաթև, Ձորագես, Ալավերդի, նկարել արդի թեմաներով պատկերներ, բնանկարներ («Տաթևի վանքը», «Դավանի պղնձաձուլարանը», «Գորիսի ընդհանուր տեսարանը», «Արյունոտ ժայռը Տաթևում», բոլորը՝ 1929, «Զորագետը», 1930, «Զորագէսը», «Ալավերդին»՝ զանազան տարբերակներով, 1931, «Հաղպատի լեռը», 1931) և դիմանկարներ:

Այդ շրջանում և հետագայում կատարված Հ. Աճառյանի, Ա. Իսահակյանի, Ռ. Մելիքյանի, Ա. Վշտունու, Ա. Բակունցի, Ե. Լալայանի դիմանկարները հայ իրականության մեջ ռեալիստական դիմանկարի ավանդույթների հետագա զարգացման արտահայտություններ են:
1932-40-ին ստեղծված Երևանի («Արարատը առավոտյան», «Արագածը ձմռանը», «Աշնանային օր», «Երևանը գարնանը», բոլորը՝ 1933, «Աշունը հին Երևանում», 1935, «Հին և նոր Երևանը ձյունի տակ», 1937) և Սևանի («Սևանի ափերը», 1937, «Սևանի կղզին», 1937) շրջակայքը պատկերող աշխատանքներին բնորոշ է քնարական ջերմությունը՝ նուրբ երանգավորումն ու երփնագրի թարմությունը: Սովետական Հայաստանի կառավարությունը Թերլեմեզյանի անունով է կոչել Երևանի գեղարվեստական ուսումնարանը:

Tert.am

[Գեա]

Այսօր Եղիշե Չարենցի ծննդյան օրն է :
Ես խոնարհվում եմ քո առաջ մեծ բանաստեղծ, ու խնդրում ապավեն լինել հայ ժողովրդին քո անմահ հոգու ողջ զորությամբ:

[Tig]

Այսօր հանճարեղ ճարտարապետ՝ Ալեքսանդր Թամանյանի, հանճարեղ թոռան "Ազատագրական Բանակի" մահապարտների X-ջոկատի հրամանատար` Ալեքսանդր Թամանյան կրտսերի ծննդյան օրն է: Շնորհավոր և հավերժ փառք մեր անմահ հերոսներին:

[Tig]

Այսօր Լեոնիդ Ենգիբարյանի ծնունդն է...

[Գեա]

... ամենակարևոր բառերը մարդիկ միշտ կշարունակեն ասել առանց բարձրախոսի: Կոնկրետ ո՞ր բառերը: Դե օրինակ՝
«Ես քեզ սիրում եմ»...

Շնորհավոր մեծ մարդ ...