[Հերքված լուր] Նոր չբացահայտված,մահացու վիրուս Հայաստանում

[Magic-Mushroom]

Մոդերատորական. Հաշվի առնելով, որ որևէ տեղից չի հաստատվել տվյալ լուրը, իսկ Հրապարակ լրատվականի զրուցակիցները հերքել են այն՝ որակելով «լկտի սուտ» (այդ հոդվածը բերված է նաև սույն թեմայի 17-րդ գրառուման մեջ), ինչպես նաև չկա թեմայի հեղինակի՝ հետագա գրառումներում խոստացած ճշտումները առողջապահության նախարարության հետ (նա արդեն 4-րդ օրն է ինչ ակումբ չի մտնում), խմբագրվել է թեմայի վերնագիրը՝ նրա առջևում ավելացվել է «[Հերքված լուր]» արտահայտությունը, ինչպես նաև խմբագրվել է թեմայի առաջին գրառումը, այնտեղից հեռացվել է ենթադրյալ նոր վիրուսի նկարագրությունը, ինչպես նաև մեկնաբանությունները, գրառման մեջ պահպանվել են միայն թեմայի հեղինակի տված խորհուրդները, որոնք պիտանի են ցանկացած դեպքում:

----------------------

խորհուրդներ՝
1,Պահպանել ընդհանոր հիգենիայի կանոները
2,Ձեռքերը լավ լվանալ
3,Խուսափել փողոցում սնվելուց՝ արագ պատրաստվող սննդից
4,Միսը եփել ավելի երկար
5,Բանջարեղենը լավ լվանալ թաք ջրով
6,Ցանկալի է հեռու մնալ արտասահմանյան մսից
7,Օգտագործել տեղական արտադրության մթերք
8,Արյունով լուծի դեպքում անհապաղ դիմել բժշկի

[Chuk]

Ես չունեմ որևէ հիմք հավատալու վերևի գրառմանը ու չունեմ որևէ հիմք չհավատալու:

Սակայն բոլորին զգուշության կոչ եմ անում. նման հաղորդագրությունները, որոնք պաշտոնապես հաստատված չեն, կարող են դառնալ պանիկայի առաջացման առիթ, մինչդեռ հնարավոր է, որ վերևի գրառման տեղեկությունը իրականությանը ԲՈԼՈՐՈՎԻՆ չի համապատասխանում:

[Magic-Mushroom]

Հարգելի Չուկ,երկար էի մտածում գրեմ,թե չգրեմ ու տեղս չէի գտնում,որոշեցի գրեմ,քանի որ եթե տեղեկացված ես ուրեմն զինված ես,թող չհավատան,բայց խորհուրդները անվնաս ու նորմալ խորհուրդներ են,ես նման բանի հետ կատակ չէի անի,հեսա առողջապահության նախարարություն նամակ կգրեմ եւ պատասխանը կտեղադրեմ այստեղ:

Պ,Ս, եթե պարզվի սուտ է կարող եք ինձ ընդմիշտ արգելափակել:

Նամակը գրեցի,հենց պատասխանը գա կտեղադրեմ այստեղ:

[Artgeo]

1,Պահպանել ընդհանոր հիգենիայի կանոները
2,Ձեռքերը լավ լվանալ
3,Խուսափել փողոցում սնվելուց՝ արագ պատրաստվող սննդից
4,Միսը եփել ավելի երկար
5,Բանջարեղենը լավ լվանալ թաք ջրով
6,Ցանկալի է հեռու մնալ արտասահմանյան մսից
7,Օգտագործել տեղական արտադրության մթերք
8,Արյունով լուծի դեպքում անհապաղ դիմել բժշկի

Այսինքն շարունակլ ապրել սովորականի պես

Թե՞ մարդ կա, որ ձեռքերը չի լվանում

[Chuk]

Հարգելի Չուկ,երկար էի մտածում գրեմ,թե չգրեմ ու տեղս չէի գտնում,որոշեցի գրեմ,քանի որ եթե տեղեկացված ես ուրեմն զինված ես,թող չհավատան,բայց խորհուրդները անվնաս ու նորմալ խորհուրդներ են,ես նման բանի հետ կատակ չէի անի,հեսա առողջապահության նախարարություն նամակ կգրեմ եւ պատասխանը կտեղադրեմ այստեղ:

Պ,Ս, եթե պարզվի սուտ է կարող եք ինձ ընդմիշտ արգելափակել:

Նամակը գրեցի,հենց պատասխանը գա կտեղադրեմ այստեղ:

Արգելափակելու որևէ խնդիր չկա:
Կասկածի չեմ ենթարկում, որ դու ինքդ դրան հավատում ես:

Սակայն, որ կարող է սխալ տեղեկատվությունը առաջացնել պանիկա, անիմաստ վախ ու նման բաներ հասկանում ենք բոլորս: Առայժմ, բացի քո գրառումից, չկա որևէ հիմք, որ բերածդ տեղեկատվությունը համապատասխանում է իրականությանը:

Թեման չջնջելու միակ պատճառն, առայժմ, բերված խորհուրդներն են, որոնք ինչքան էլ որ պարզ ու հասարակ են, մարդիկ էսպես թե էնպես դրանց հետևում են (հիմնականում), այնուամենայնիվ վատ չի, որ մեկ անգամ ևս կարդան, անկախ տվյալ վիրուսի իրական լինել-չլինելուց:

[Magic-Mushroom]

Հարգելի Չուկ հիմա սպասում եմ առողջապահության պաշտոնական նամակին,մինչ այդ եկեք թեման չփակենք,շնորհակալություն:Իսկ մահացածների թվում մեր ծանոթն է եղել՝ այսօր թաղումն է,մահվան եզրակացությունը չբացահայտված վիրուսային վարաք:

[Lion]

Հարգելի Չուկ,երկար էի մտածում գրեմ,թե չգրեմ ու տեղս չէի գտնում,որոշեցի գրեմ,քանի որ եթե տեղեկացված ես ուրեմն զինված ես,թող չհավատան,բայց խորհուրդները անվնաս ու նորմալ խորհուրդներ են,ես նման բանի հետ կատակ չէի անի,հեսա առողջապահության նախարարություն նամակ կգրեմ եւ պատասխանը կտեղադրեմ այստեղ:

Պ,Ս, եթե պարզվի սուտ է կարող եք ինձ ընդմիշտ արգելափակել:

Նամակը գրեցի,հենց պատասխանը գա կտեղադրեմ այստեղ:

Հիմի փաստորեն բոլորս ի սրտե պետք է ցանկանանք քո արգելափակումը, հա ?

[Գալաթեա]

Էս էլի ինչ-որ դեղ ա մնացե՞լ վրեքները:

[Magic-Mushroom]

Ժող ջան նամակիս դեռ չեն պատասխանել նախարարությունից,գրել եմ եթե ասածս սուտ է խնդրում եմ հերքեկ եւ ես ներողություն կխնդրեմ եւ նաեւ կխնդրեմ թեման փակել,բայց դեռ չեն պատասխանել,այսօր մի քիչ հարմար չէր,վաղը բոլոր մանրամասնությունները կիմանամ եւ ավելի կոնկրետ կգրեմ,միգուցե՞ պետք չէր շտապել եւ սպասել պաշտոնական տեղեկատվությանը,լավ ժամանակը ցույց կտա,համենայն դեպս,եթե նույնիսկ չկա նման բան խորհուրդներիս հետեւելը միայն օգուտ կբերի՝ հատկապես արագ պատրաստվող ուտելիքը՝ Ամերիկան որ Ամերիկա է տարեկան արագ սննդից տասնյակ մարդ է զոհվում մուտացիայի ենթարկված ստամոքսային փայտիկից՝ որը չի ոչնչանում թթու միջավայրում եւ սալմանելայից նույնպես:

P.S. Խորհուրդ կտամ դիտել Սննդի Կորպորացիա դոկումենտալ ֆիլմը եւ մտածել առողջ սնվելու կարեւորության մասին:

[Vaio]

Հարգելի Չուկ հիմա սպասում եմ առողջապահության պաշտոնական նամակին,մինչ այդ եկեք թեման չփակենք,շնորհակալություն:Իսկ մահացածների թվում մեր ծանոթն է եղել՝ այսօր թաղումն է,մահվան եզրակացությունը չբացահայտված վիրուսային վարաք:

Բարև Ձեզ:

1. Որտեղ է կատարվել Ձեր կողմից նշված հիվանդությունից մահացած որևէ մարդու դիահերձումը?
2. Ձեր կողմից նշված հիվանդությունից մահացած որևէ մարդու անուն-ազգանունը?
3. Մա հվան բժշկական վկայականի դարձերեսի վրա ինչ է գրված?

Եթե այս երեք հարցին պատասխանեք՝ մնացած ինֆորմացիան իմ վրա:

P.S. Եթե ուզում եք կարող եք պատասխանել ինձ անձնական նամակով PM (Private message) :

[Vaio]

Ձեռքերը լավ լվանալ

Ժողովուրդ հլը հիշեք, ծանոթ արտահայտություն չի? : )))))))))))))

[Ինչուիկ]

Երեխեք ջան այսօր առավոտվանից վատ լուրեր հայրիկս ստացավ Հայաստանից,իսկ ես եթե չգրեմ կարող է տեղս չգտնեմ,չեմ ցանականում ոչ մեկի մոտ պարանոյա առաջանա,բայց ուշադիր եղեք,Հայաստանում նոր չբացահայտված եւ մահացու վիրուս է հայտնվել եւ արդեն 11 մարդ մահացել է,իսկ բժիշկները չգիտեն ինչից է,վիրուսը գործում է շատ արագ,ախտանիշներն են՝
1,Դիարեյա(լուծ)
2,Արյուն լուծի հետ
3,Սկզբից երիկամներն են ախտահարվում
4,Լյարդը շատ վատ է գործում
5,Թոքերը նույնպես ատկազ են անում
6,Մաշկի դեղին գույն
7,Ընդհանուր թուլություն
8,Փորացավեր
9,Ջերմություն՝ հիպերտերմիա
10,Ուժեղ սրտխառնոց

Վիրուսը ընդհամենը մի քանի օրից բերում է մահվան

Մեջիք ջան, ես բժիշկ չեմ, բայց ըստ քո նկարագրածի սա դիզինտերիա է, որը ցավոք վերջերս շատ տարածված է։ Ասեմ նաև, որ մահացու հիվանդություն չէ, եթե ժամանակին դիմեք բժշկի, կարելի է շատ շուտ ապաքինվել։ Հիվանդությունն ունի կրկնվելու հատկություն, այսինքն բուժման ընթացքում՝ 7-րդ օրը այն կարող է սրվել,կրկնվել, իսկ ընդհանուր տևեղությունը կարող է լինել մինչև 1 ամիս։ Այսինքն այդ հիվանդության դեպքում խորհուրդ է տրվում, առաջին իսկ ախտանիշների դեպքում դիմել բժշկի և մոտ 1 ամիս սնվել դիետայով։

[Ինչուիկ]

Լվացեք ձեռքերը՝ քանի փորձանք չի պատահել

Գերմանիայում, որտեղ արդեն մեկ ամիս է` գրոհում է E.coli մանրէն, դեռ շատ լարված վիճակ է. շուկաներն ու կրպակները լցված են բանջարեղենով, իսկ գերմանացիները սպասում են, թե երբ են իրենց կարգին բացատրելու, թե ով է մեղավոր և ինչ է պետք անել: Ուրեմն աղիքային վարակների մասին խոսելու ճիշտ ժամանակն է:


Կարևոր է
Սուր աղիքային վարակների ժամանակ չի կարելի հակալուծային միջոցներ օգտագործել, քանի որ օրգանիզմի թունավորումն ավելի կխորանա, և հետևանքներն ավելի լուրջ կլինեն:

Աղիքային վարակ՝ ընդհանուր և հավերժական թեմա
Եվրոպայում շարունակվում է բանջարեղենային տագնապը, իսկ մենք չգիտես ինչու մեզ ապահով ենք համարում այդ սարսափելի E.coli-ից (անունը կարծես թե բոլորն են մտապահել)` հիմնվելով այն փաստի վրա, որ մոտակա 3-4 ամիսներին մեզ եվրոպական բանջարեղեն պետք չի գալու՝ մերն էլ է հասել: Բայց տեղական բանջարեղենը դեռ չի երաշխավորում մեր անվտանգությունը, քանի որ այդ վարակները տարածված են ամբողջ աշխարհում, և ոչ մի, նույնիսկ գերքաղաքակիրթ երկիր դրանցից ապահովագրված չէ:
Ինչպե՞ս խուսափել հիվանդանալուց
Աղիքային վարակների գլխավոր պատճառներն են հում (այսինքն քիչ եփած, քիչ տապակած) միսը, վարակված ջուրը, այդ ջրով լվացված բանջարեղենն ու միրգը: Եվ պետք է շատ ջանքեր գործադրել, որպեսզի դրանք հանկարծ չընկնեն մեր օրգանիզմի մեջ: Ձեռքերն ինչպես հարկն է լվանալ ոչ միայն զուգարանից դուրս գալուց կամ փողոցից տուն գալուց հետո, այլև սնունդ պատրաստելուց առաջ և հետո. ի վերջո իզուր չեն աղիքային վարակները նաև«կեղտոտ ձեռքերի հիվանդություններե անվանում: Լավ լվացեք այն սպասքը, որի մեջ հում մթերք է եղել և երբեք հում մթերքը պատրաստի սննդի հետ մի պահեք: Միսը լավ եփեք կամ տապակեք, ջուրը եռացրեք` հետո խմեք, բանջարեղենն ու մրգերը լավ լվացեք: Դե և հասկանալի է` հրաժարվեք մրգերը շուկայում համտեսելու սովորությունից, ինչը մի քանի անգամ բարձրացնում է վարակվելու հավանականությունը:
Եթե արդեն հիվանդացել ես
Առաջին կարևոր և պարտադիր պայմանը (ցավոք, աղիքային հիվանդություններ ունեցողների մեծամասնությունը սովորաբար գերադասում է ժամերով տառապել զուգարանում) անպայման բժշկի դիմելն է, մանավանդ եթե արյան հետք եք նկատում: Թե ինչու է բժշկի գնալը կարևոր՝ հասկանալի է այն լուրերից, որոնք այս ամբողջ վերջին ամսվա ընթացքում հաղորդվում են Գերմանիայից. աղիքային վարակները երբեմն նաև մահվան պատճառ են դառնում: Ոչ միայն որովհետև E.coli մանրէի այս տարատեսակը երիկամների աշխատանքի խափանման պատճառ է դառնում, այլև ջրազրկում է առաջանում, որը հավանական է աղիքային տարբեր սուր վարակների դեպքում: Ջրազրկումը հատկապես վտանգավոր է երեխաների համար, որոնց օրգանիզմում քիչ են ջրի պաշարները և տարեցների համար, որոնց օրգանիզմը թուլացած է. նրանց համար աղիքային վարակները ոչ թե տեսական, այլ շատ իրական վտանգ են: Բացի դրանից՝ աղիքային վարակով տառապող մարդը սպառնալիք է շրջապատի մարդկանց համար՝ հիվանդությունը տանը հաղթահարելու որոշումն ամենայն հավանականությամբ կհանգեցնի նրան, որ հերթով կհիվանդանան նաև տան մյուս անդամները:
Ինչպե՞ս մյուսներին չվարակել
Պետք է հետևել ավանդական կանոններին՝ հիվանդության ամբողջ ընթացքում առանձնացնել սպասքը, զուգարան գնալուց հետո, ուտելուց առաջ և ընդհանրապես հնարավորին չափ հաճախ՝ ջանասիրաբար լվանալ ձեռքերը, հրաժարվել խոհանոցում գործ անելու, առաջին հերթին սնունդ պատրաստելուց (շատ հավանական է, որ վարակը փոխանցվի նրանց, ովքեր պետք է ուտեն ձեր եփած սնունդը):
Հիվանդության պատմություն
Առողջապահության համաշխարհային կազմակերպության Եվրոպական տարածաշրջանային բյուրոյի կարծիքով Գերմանիայում բռնկված աղիքային վարակը Եվրոպայում ամենախոշորն է: Սակայն նման բռնկումները բավականին հաճախակի երևույթ են: Օրինակ.
2009 թ., Չինաստան: Էնտերովիրուսային վարակի բռնկումը տևեց մի քանի ամիս` վարակելով առնվազն 12 հազար մարդու: 50 մարդ մահացավ:
2008 թ., Դանիա: Սալմոնելյոզով վարակվելու ավելի քան հազար դեպք, 6 մահ: Վարակի աղբյուրը խոզի միսն էր:
2006 թ., ԱՄՆ: Մոտ 300 մարդ վարակվեց E.coli-ի վտանգավոր տեսակներից մեկով. երեքը մահացավ:«Մեղավորե ճանաչվեց սպանախը:
2002 թ., Ռուսաստան: Կրասնոդարի շրջանում ավելի քանի հազար մարդ հիվանդացավ արնալուծով ՘դիզենտերիա՗: Վարակի աղբյուրը կաթնամթերքն էր՝ հետագայում պարզվեց, որ կոմբինատի աշխատողները հիվանդ էին:

Աղբյուր

[Vaio]

ես բժիշկ չեմ... սա դիզինտերիա է, մահացու հիվանդություն չէ, հիվանդությունն ունի կրկնվելու հատկություն, այսինքն բուժման ընթացքում՝ 7-րդ օրը այն կարող է սրվել,կրկնվել

"Հիվանդությունն ունի կրկնվելու հատկություն" - նախ առաջինը պետք է ավարտվի (ապաքինվի) կամ անցնի խրոնիկական ձևի, իսկ հետո նոր որոշ ժամանակ հետո (ամիսներ, տարիներ) սկսվի երկրորդը` կրկնվի:

[Ինչուիկ]

"Հիվանդությունն ունի կրկնվելու հատկություն" - նախ առաջինը պետք է ավարտվի (ապաքինվի) կամ անցնի խրոնիկական ձևի, իսկ հետո նոր որոշ ժամանակ հետո (ամիսներ, տարիներ) սկսվի երկրորդը` կրկնվի:

Կրկնվել, այսինքն, մինչև 7-րդ օրն արդեն մարդը կարող է իրեն լավ զգալ, իսկ 7րդ օրը հնարավոր է, որ նորից նույն կերպ լինի, ինչպես 1-ին կամ 2-րդ օրը։ Ասելիքս այն է, որ եթե բուժման ընթացքում, 4-րդ օրն արդեն հիվանդն իրեն լավ է զգում, դա դեռ չի նշանակում, որ նա լիովին ապաքինվել է։