[Հերքված լուր] Նոր չբացահայտված,մահացու վիրուս Հայաստանում

[Magic-Mushroom]

Մոդերատորական. Հաշվի առնելով, որ որևէ տեղից չի հաստատվել տվյալ լուրը, իսկ Հրապարակ լրատվականի զրուցակիցները հերքել են այն՝ որակելով «լկտի սուտ» (այդ հոդվածը բերված է նաև սույն թեմայի 17-րդ գրառուման մեջ), ինչպես նաև չկա թեմայի հեղինակի՝ հետագա գրառումներում խոստացած ճշտումները առողջապահության նախարարության հետ (նա արդեն 4-րդ օրն է ինչ ակումբ չի մտնում), խմբագրվել է թեմայի վերնագիրը՝ նրա առջևում ավելացվել է «[Հերքված լուր]» արտահայտությունը, ինչպես նաև խմբագրվել է թեմայի առաջին գրառումը, այնտեղից հեռացվել է ենթադրյալ նոր վիրուսի նկարագրությունը, ինչպես նաև մեկնաբանությունները, գրառման մեջ պահպանվել են միայն թեմայի հեղինակի տված խորհուրդները, որոնք պիտանի են ցանկացած դեպքում:

----------------------

խորհուրդներ՝
1,Պահպանել ընդհանոր հիգենիայի կանոները
2,Ձեռքերը լավ լվանալ
3,Խուսափել փողոցում սնվելուց՝ արագ պատրաստվող սննդից
4,Միսը եփել ավելի երկար
5,Բանջարեղենը լավ լվանալ թաք ջրով
6,Ցանկալի է հեռու մնալ արտասահմանյան մսից
7,Օգտագործել տեղական արտադրության մթերք
8,Արյունով լուծի դեպքում անհապաղ դիմել բժշկի

[Chuk]

Ես չունեմ որևէ հիմք հավատալու վերևի գրառմանը ու չունեմ որևէ հիմք չհավատալու:

Սակայն բոլորին զգուշության կոչ եմ անում. նման հաղորդագրությունները, որոնք պաշտոնապես հաստատված չեն, կարող են դառնալ պանիկայի առաջացման առիթ, մինչդեռ հնարավոր է, որ վերևի գրառման տեղեկությունը իրականությանը ԲՈԼՈՐՈՎԻՆ չի համապատասխանում:

[Magic-Mushroom]

Հարգելի Չուկ,երկար էի մտածում գրեմ,թե չգրեմ ու տեղս չէի գտնում,որոշեցի գրեմ,քանի որ եթե տեղեկացված ես ուրեմն զինված ես,թող չհավատան,բայց խորհուրդները անվնաս ու նորմալ խորհուրդներ են,ես նման բանի հետ կատակ չէի անի,հեսա առողջապահության նախարարություն նամակ կգրեմ եւ պատասխանը կտեղադրեմ այստեղ:

Պ,Ս, եթե պարզվի սուտ է կարող եք ինձ ընդմիշտ արգելափակել:

Նամակը գրեցի,հենց պատասխանը գա կտեղադրեմ այստեղ:

[Chuk]

Հարգելի Չուկ,երկար էի մտածում գրեմ,թե չգրեմ ու տեղս չէի գտնում,որոշեցի գրեմ,քանի որ եթե տեղեկացված ես ուրեմն զինված ես,թող չհավատան,բայց խորհուրդները անվնաս ու նորմալ խորհուրդներ են,ես նման բանի հետ կատակ չէի անի,հեսա առողջապահության նախարարություն նամակ կգրեմ եւ պատասխանը կտեղադրեմ այստեղ:

Պ,Ս, եթե պարզվի սուտ է կարող եք ինձ ընդմիշտ արգելափակել:

Նամակը գրեցի,հենց պատասխանը գա կտեղադրեմ այստեղ:

Արգելափակելու որևէ խնդիր չկա:
Կասկածի չեմ ենթարկում, որ դու ինքդ դրան հավատում ես:

Սակայն, որ կարող է սխալ տեղեկատվությունը առաջացնել պանիկա, անիմաստ վախ ու նման բաներ հասկանում ենք բոլորս: Առայժմ, բացի քո գրառումից, չկա որևէ հիմք, որ բերածդ տեղեկատվությունը համապատասխանում է իրականությանը:

Թեման չջնջելու միակ պատճառն, առայժմ, բերված խորհուրդներն են, որոնք ինչքան էլ որ պարզ ու հասարակ են, մարդիկ էսպես թե էնպես դրանց հետևում են (հիմնականում), այնուամենայնիվ վատ չի, որ մեկ անգամ ևս կարդան, անկախ տվյալ վիրուսի իրական լինել-չլինելուց:

[Magic-Mushroom]

Հարգելի Չուկ հիմա սպասում եմ առողջապահության պաշտոնական նամակին,մինչ այդ եկեք թեման չփակենք,շնորհակալություն:Իսկ մահացածների թվում մեր ծանոթն է եղել՝ այսօր թաղումն է,մահվան եզրակացությունը չբացահայտված վիրուսային վարաք:

[Vaio]

Հարգելի Չուկ հիմա սպասում եմ առողջապահության պաշտոնական նամակին,մինչ այդ եկեք թեման չփակենք,շնորհակալություն:Իսկ մահացածների թվում մեր ծանոթն է եղել՝ այսօր թաղումն է,մահվան եզրակացությունը չբացահայտված վիրուսային վարաք:

Բարև Ձեզ:

1. Որտեղ է կատարվել Ձեր կողմից նշված հիվանդությունից մահացած որևէ մարդու դիահերձումը?
2. Ձեր կողմից նշված հիվանդությունից մահացած որևէ մարդու անուն-ազգանունը?
3. Մա հվան բժշկական վկայականի դարձերեսի վրա ինչ է գրված?

Եթե այս երեք հարցին պատասխանեք՝ մնացած ինֆորմացիան իմ վրա:

P.S. Եթե ուզում եք կարող եք պատասխանել ինձ անձնական նամակով PM (Private message) :

[Lion]

Հարգելի Չուկ,երկար էի մտածում գրեմ,թե չգրեմ ու տեղս չէի գտնում,որոշեցի գրեմ,քանի որ եթե տեղեկացված ես ուրեմն զինված ես,թող չհավատան,բայց խորհուրդները անվնաս ու նորմալ խորհուրդներ են,ես նման բանի հետ կատակ չէի անի,հեսա առողջապահության նախարարություն նամակ կգրեմ եւ պատասխանը կտեղադրեմ այստեղ:

Պ,Ս, եթե պարզվի սուտ է կարող եք ինձ ընդմիշտ արգելափակել:

Նամակը գրեցի,հենց պատասխանը գա կտեղադրեմ այստեղ:

Հիմի փաստորեն բոլորս ի սրտե պետք է ցանկանանք քո արգելափակումը, հա ?

[Գալաթեա]

Էս էլի ինչ-որ դեղ ա մնացե՞լ վրեքները:

[Magic-Mushroom]

Ժող ջան նամակիս դեռ չեն պատասխանել նախարարությունից,գրել եմ եթե ասածս սուտ է խնդրում եմ հերքեկ եւ ես ներողություն կխնդրեմ եւ նաեւ կխնդրեմ թեման փակել,բայց դեռ չեն պատասխանել,այսօր մի քիչ հարմար չէր,վաղը բոլոր մանրամասնությունները կիմանամ եւ ավելի կոնկրետ կգրեմ,միգուցե՞ պետք չէր շտապել եւ սպասել պաշտոնական տեղեկատվությանը,լավ ժամանակը ցույց կտա,համենայն դեպս,եթե նույնիսկ չկա նման բան խորհուրդներիս հետեւելը միայն օգուտ կբերի՝ հատկապես արագ պատրաստվող ուտելիքը՝ Ամերիկան որ Ամերիկա է տարեկան արագ սննդից տասնյակ մարդ է զոհվում մուտացիայի ենթարկված ստամոքսային փայտիկից՝ որը չի ոչնչանում թթու միջավայրում եւ սալմանելայից նույնպես:

P.S. Խորհուրդ կտամ դիտել Սննդի Կորպորացիա դոկումենտալ ֆիլմը եւ մտածել առողջ սնվելու կարեւորության մասին:

[Ariadna]

Թռչնագրիպի՝ H1N1 վիրուսի վտանգը, ինչպես նաեւ դրա մասին խոսակցությունները դեռ չմարած, ժողովրդի մեջ նոր վիրուսի հետ կապված աժիոտաժ է սկսվել: Այս նոր վիրուսը կոչվում է «գուսիննի» եւ տարածվում է հիմնականում կանանց շրջանում: Մեզ զանգահարած քաղաքացու ասելով, իրենց անհանգստության պատճառն Ամերիկայում Հայաստանի մասին պատրաստված տեսանյութն է եղել, ըստ որի՝ Հայաստանում նոր վիրուս է տարածվել, որից արդեն 11 մարդ է մահացել:

«Մեր բարեկամներն Ամերիկայից խուճապահար զանգահարել էին եւ հետաքրքրվում էին, թե ինչ է կատարվում Հայաստանում: Ասացին, որ լուրերով Հայաստանում տարածված ինչ-որ նոր վիրուսի մասին են ասել: Ասացին, որ դրանից նույնիսկ մարդիկ են մահացել արդեն»,- պնդում էր մեզ զանգահարողը:

Իսկ հիվանդության ախտանշանները թեթեւ ջերմությունն ու փորլուծությունն են՝ ըստ տեսանյութի: Վիրուսը փոխանցվում է հիմնականում մրգերից ու բանջարեղենից: Քաղաքացին դժգոհում էր, որ եթե այդպիսի բան կա, ինչո՞ւ տեղյակ չեն պահում հանրությանը, որպեսզի մարդիկ զգուշանան: Նա պատմեց, որ շատ էլ չէր հավատա, եթե նախօրեին իր ծանոթներից մեկին այդպիսի ախտանշաններով չտեղափոխեին «Էրեբունի» հիվանդանոց, որտեղ կինն անսպասելի մահացել էր: «Բժիշկները մահացածի հարազատներին ասել են, որ դա անհայտ հիվանդություն է համարվում»,- պատմեց քաղաքացին:

Մենք նախ փորձեցինք գտնել այդ տեսանյութը, սակայն «USArmenia TV»-ի կայքում տեսանյութը չգտանք, քանի որ տեղադրված էին միայն մինչեւ սեպտեմբերի 13-ի լրատվական հաղորդումների ձայնագրությունները, իսկ այդ տեսանյութը, մեզ զանգահարած քաղաքացու խոսքով, ցուցադրվել էր մի քանի օր առաջ: Ապա փորձեցինք ՀՀ գլխավոր վարակաբանից պարզել, թե ճի՞շտ են արդյոք խոսակցությունները նոր վիրուսի վերաբերյալ, եւ կա՞ն արդյոք մահացության դեպքեր: «Հայաստանում ոչ ոք ինձանից լավ այդ ինֆորմացիային չի տիրապետում: Դա լկտի սուտ է, այդպիսի բան չկա: Հայաստանում ոչ նոր, ոչ էլ անհայտ վիրուս չկա»,- մեզ հետ զրույցում ասաց գլխավոր համաճարակաբան Արա Ասոյանը եւ հավելեց.

«Ոչ էլ 11 հոգի մարդ է մահացել դրանից: Ես նաեւ ինֆեկցիոն հիվանդանոցի տնօրենն եմ, եւ հասկանում եք, որ եթե այդ մարդիկ մահանան, մեր հիվանդանոցում պետք է մահանան: Այդպիսի բան չկա: Ես պատրաստ են Ձեզ հետ գնալ այդ մահացածների տուն: Տեսնենք որտե՞ղ են պառկել, ինչի՞ց են մահացել: Ամեն տարի ամռանը մեզ մոտ արյունային լուծով հիվանդներ լինում են, լինում են նաեւ բարդացումներ, բայց նման բան տարածել, որ վիրուս կա, մարդիկ են մահանում՝ անբարոյականություն է»:

«Էրեբունի» հիվանդանոցից նույնպես հերքեցին նոր վիրուսի մասին տեղեկությունները: «Կոնկրետ վիրուսային հիվանդությամբ պառկած հիվանդներ այս տարի մենք չենք ունեցել: Անցած տարի H1N1 վիրուսի հետ կապված դեպքեր ունեցել ենք, իսկ այս տարի վիրուսային ախտահարմամբ հիվանդներ չենք ունեցել, որոնց մոտ հայտնաբերված լինի վիրուս՝ տեղական կամ արտասահմանյան, որից մահ առաջանա»,- ասաց «Էրեբունի» հիվանդանոցի ընդունարանի վարիչ Հասմիկ Սաիյանը:

Նա հավելեց, որ անգամ այդպիսի գանգատներով՝ ջերմություն, փորլուծություն, հիվանդներ էլ չեն ունեցել: Եթե իրականում այդպիսի բան կա, ապա, ինչպես պնդում էր քաղաքացին, ոչ թե պետք է կոծկել, որպեսզի խուճապ չառաջանա, այլ պատշաճ կերպով պետք է իրազեկել մարդկանց՝ հնարավոր վտանգներից խուսափելու համար:

Աղբյուր՝ hraparak.am

[Hayk Avetisyan]

իսկ դուք որտեղից եք կարդացել կամ իմացել այդ ինֆորմացիանշյի մասին, կա ինտերնետում որև է տեղ դրանց մանրամասների մասին? իրոք ուզում եմ իմանալ: Իսկ ինչ հոսքը գնում է անհայտ վիրուսից խուսափելու ձևերի մասին, նշվածները անկախ ամենինչից պիտի պահպանվի: Ով կեղտոտ անցումի տակի , հում մսին հետո փողին կպած ու չլվացված ձեռքերով սարքած շաուրմա ուտի ու լավ զգա: (համեմունքի ու եփվող մսի վրայել ճանճեր էին վխտում)

[Artgeo]

Աղբյուր՝ hraparak.am

Ժող, եթե վիրուսը չկա, չի նշանակում, որ ձեռքերը լվալ պետք չի:

[Ձայնալար]

Մյուս կողմից՝ եթե ձեռքերը լվանալ պետք ա, չի նշանակում, որ առեղծվածային վիռուս կա: Խորհուրդ եմ տալի անհասկանալի ծագման լուրերի չհավատալ ու խուճապի չմատնվել: Երևանը շատ փոքր քաղաք ա, եթե տենց համաճարակ լիներ, հավանականությունը փոքր ա, որ դրա մասին մի քանի տեղից չլսեինք: Ու համ էլ դա թաքցնելու ու պաշտոնապես մարդկանց չզգուշացնելու պատճառ չեմ տեսնում:

[Hayk Avetisyan]

Առաջարկում եմ այս թեման ժամանակավորապես սառեցնել, որ չկարողանան կարդալ, քանի հավաստի ոչ մի տեղեկություն չկա: Հետևանքների մասին ասեմ. հիմա եթե մեկը սրա մասին գիտի ու անկախ դրանից ջերմություն ունենա կարող ա նենց ուժեղ ներշնչվի որ իրոք բերի վատ հետեվանքների: Երեկ զուգադիպություն էր տեղի ունեցել, 1 օրվա մեջ 8 հատ սկոռի տեսա միգալկեքը միացրած, տաքսիստնել էր ահագին տեսել, մի պահ վախեց ա ասեցի կարող ա իրոք վիրուսից ա, հետո հիշեցի որ Գառնիում 5 ից 6 բալ երկրաշարժ էր եղել, հնարավոր է տներ քանդված լինեն: Սենց լուրերը իմ կարծիքով Հայաստանից տուրիստների ոտքը կտրելն ա, մանկական եվրատեսիլի համար դրսից մարդկանց հոսքի խափանումը և այլն

[Artgeo]

1,Պահպանել ընդհանոր հիգենիայի կանոները
2,Ձեռքերը լավ լվանալ
3,Խուսափել փողոցում սնվելուց՝ արագ պատրաստվող սննդից
4,Միսը եփել ավելի երկար
5,Բանջարեղենը լավ լվանալ թաք ջրով
6,Ցանկալի է հեռու մնալ արտասահմանյան մսից
7,Օգտագործել տեղական արտադրության մթերք
8,Արյունով լուծի դեպքում անհապաղ դիմել բժշկի

Այսինքն շարունակլ ապրել սովորականի պես

Թե՞ մարդ կա, որ ձեռքերը չի լվանում