Շնորհակալ եմ, պա՛պ

[Կարնո Սոսե]

Գրելու փորձերս սկսել եմ 12-13 տարեկանից , սակայն մինչև վերջերս չէի համարձակվում մարդկանց լայն շրջանակներին ներկայացնել իմ գրած բանաստեղծությունները : Դրանց ծանոթ էին մի քանի ընկերներ միայն : Չէի կարծում , որ ուշադրության արժանի բաներ եմ գրում կամ բաներ , որոնք պետք են մարդկանց : Սակայն ինձ բավական էր ընդամենը մեկ մարդու խոսք , որ վստահություն ձեռք բերեի սեփական ուժերիս նկատմամբ ու չթերագնահատեի ինձ : Այդ մեկ մարդը հայրս էր :
Չէի համարձակվում գրածներս ցույց տալ հորս , որովհետև նրա բացասական գնահատականի դեպքում ինձ այլևս երբեք իրավունք չէի վերապահի գրել: Հայրս ինձ համար հեղինակություն է , նրա կարծիքը `հեղինակավոր :
"Վատ չես գրում",- ասաց հայրս : Չգիտեմ իրոք այդպես էր կարծում , թե փորձեց չկոտրել ինձ , բայց , ամեն դեպքում , ես հավատացի , որ վատ չեմ գրում...
Հետևությունները թողնում եմ ձեզ

[ars83]

Հետևությունները թողնում եմ ձեզ

Շնորհակալություն, շատ գնահատելի քայլ էր Ձեր կողմից: Չե՞ք հուշի, թե այս թեմայում ինչ քննարկություններ եք ակնկալում: Կանխավ շնորհակալություն:

[Կարնո Սոսե]

Շնորհակալություն, շատ գնահատելի քայլ էր Ձեր կողմից: Չե՞ք հուշի, թե այս թեմայում ինչ քննարկություններ եք ակնկալում: Կանխավ շնորհակալություն:

Այս թեմայում ցանկանում եմ քննարկենք իմ ստեղծագործությունները ու խնդրում եմ, որ բոլորդ առավելագույնս անկեղծ լինեք:Դա շատ կարևոր է ինձ համար:

[ars83]

Այս թեմայում ցանկանում եմ քննարկենք իմ ստեղծագործությունները ու խնդրում եմ, որ բոլորդ առավելագույնս անկեղծ լինեք:Դա շատ կարևոր է ինձ համար:

Այսինքն՝ այս թեմայում պատրաստվում եք տեղադրել Ձեր ստեղծագործությունների՞ց, եթե ճիշտ եմ հասկանում: Համեցեք։

[Կարնո Սոսե]

Այս կյանքը խրթին, այս կյանքը դաժան,
Սակայն դեռևս ապրելու արժան
Միշտ պետք է ապրել բարին գործելով,
Արարել լավը անհույս փորձերով,
Հավատալ լույսին բոլոր դեպքերում,
Անտեսել վատը, ամեն ձախողում:
Կյանքում հրաշքներ լինում են միշտ էլ,
Արդ գործիր հրաշք ինքդ քո ձեռքով,
Ներիր բոլորին ու միշտ հավատա`
Այս կյանքում բարին ամենուր էլ կա:

[Կարնո Սոսե]

Հասկացել եմ` սիրում եմ մարդուն
Ու նաև թերին նրա մեջ,
Ձեզ արդեն հասկացել եմ, մարդի´կ,
Եվ արդեն ներել եմ ինձ ես:

Ձեր մեջ ես ինձ եմ տեսնում`
Ձեր ողջ թերին է իմ մեջ,
Ձեզնում ես ինձ եմ սիրում`
Ձեր մեծ բարուց կա իմ մեջ:

Բոլորիդ մեջ եմ ես ապրում,
Բոլորդ եք ապրում իմ մեջ,
Ես մարդ եմ կոչվում ձեզանով,
Եվ մարդ եմ դառնում ձեր մեջ:

05.05.2010թ.

[Կարնո Սոսե]

Ինքս ինձ հետ

Փորձեմ այսօր էլ ինքս ինձ հասկանալ
(Միշտ հասկացել եմ ես ուրիշներին),
Փորձեմ այսօր էլ միայնակ մնալ,
Գեթ այսօր դառնամ ընկեր ինքս ինձ:

Ու լինեմ այսօր իմ խորհրդատուն
(Խորհուրդներս հաճախ օգնել են այլոց),
Ու սիրտս բացեմ այսօր ինքս իմ դեմ
Եվ չվախենամ անկեղծ լինելուց:

Չփորձեմ փախչել ինքս ինձանից,
Չքննադատեմ, չատեմ ինքս ինձ,
Այսօր էլ ձգտեմ ես ինձ հասկանալ,
Հասկանալ այնպես, ինչպես ուրիշին:

18.10.2010թ.