Նախ ասեմ, որ կատառակտայի վիրահատությունը լազերային մեթոդով չի արվում: Դա հիվանդի վրա լավ տպավորություն թողնելու ձև է- ասել, թե վիրահատությունը լազերային է: Վիրահատությունը կոչվում է ֆակոէմուլսիֆիկացիա, այսինքն՝ ուլտրաձայնի միջոցով պղտորված ոսպնյակի տրոհում մանր մասնիկների և դրանք հեռացում աչքից, այնուհետև ներակնային արհեստական լինզայի տեղադրում: Ըստ Ձեր պատմածի, և նշանակված բուժմանը կարելի է ենթադրել, որ Ձեր մոր մոտ առաջացել է այսպես կոչված ներվիրահատական բարդություն, որը իր հետևանքներն է թողնում նաև վիրահատությունից հետո, դա եղջրենու այտուցն է, սովորաբար առաջանում է, եթե երկարում է վիրահատության տևողությունը:Կարող են լինել նաև այլ բարդություններ, ապակենման մարմնի արտանկման տեսքով: Չեմ ուզում վախեցնել, բայց նման բարդությունների դեպքում նախկինում կուրության դեպքերը շատ էին, այժմ բուժման նոր մեթոդների պայմաններում և բժշկի գրագետ լինելու դեպքում հնարավոր է, որ ամեն ինչ վերջանա բարեհաջող, ԲԱՅՑ հիշեք, որ միշտ նման պարագայում հետևանքներ՝ մնացորդային, լինելու են:
Մեջբերել
Էջանիշներ