Հայաստա՜նս, ծնունդդ շնորհավոր

[Ambrosine]

Հայաստանս, շնորհավորում եմ` ծննդյանդ 20-րդ տարեդարձի կապակցությամբ : Թող հաջորդ սերունդները մի քանի 0-ներով վերջացող տարեդարձ նշեն: Իսկ որ դա տեղի ունենա, մենք պետք է այսօրվանից մտածենք այդ մասին: Ես զարմանում եմ այն մարդկանց վրա, որոնք նախընտրում են ուրիշի գաղութի բնակիչ լինեն, քան թե անկախ Հայաստանի: Անկախությունը գաղափար է, հարստություն, անգին գանձ... Ինչպիսին որ Հայաստանն է, մենք ենք դրանում «մեղավոր»: Երկար-բարակ չգրեմ, միայն ասեմ, որ Հայաստան, դու այն եզակի արժեքներից ես, որի համար ես կմեռնեմ, ավելին ասեմ՝ քյարթու կդառնամ :

Այս երգն էլ քեզ եմ նվիրում ու բոլոր հայերին՝



Վառվե՜մ, մուր դառնա՜մ վանքի հին պատերին,
Ու թեկուզ քարը քո՜, քարը քո ջերմացնե՜մ...

[yerevanci]

Շատ հպարտ եմ, մի տեսակ ուրախությունա մտել մեջս, ցանկանում եմ, որ մեր Հայաստանը բարգավաճի, զարգանա ու մի օր կանգնի գեր հզոր պետությունների կողքին և իրենը թելադրի, մի տեսակ հույսով սպասում եմ, որ այդ օրը կգա: Եկեք գոնե այսօր մեր պետության թերություններից չխոսենք ու միայն գնահատենք լավը, ձեռքբերումները, աջակցենք մեր գործերով, այլ ոչ թե խրատով, մասնակիցը դառնանք մեր պետության բարգավաճմանը...

Հայաստանը մենք ենք

[Նաիրուհի]

Սա իմ երկիրն է – չափերով այնպիսին,
որ կարող եմ վերցնել հետս,
թե մի հեռու տեղ գնամ:
Փոքրիկ, ինչպես ծերացած մայր,
Փոքրիկ,՝ ինչպես նորածին զավակ
իսկ քարտեզի վրա
ընդամենը արցունքի մի կաթիլ…
Սա իմ երկիրն է – չափերով այնպիսին,
որ ազատորեն տեղավորել եմ սրտիս մեջ,
որ չկորցնեմ հանկարծ…

Հ. Գրիգորյան

Սիրում եմ քեզ։ Երբ դու դեռ չկայիր իմ կյանքում այսքան շոշափելի ու տաք, չգիտեի, որ լիարժեք լինելու համար ինձ քո շունչն է պակասում։
Հիմա դրսից հրավառության ձայներ եմ լսում. Հայաստա՜նս, ծնունդդ են նշում։ Ինչ լավ է, որ դու երբեք քեզ իսկապես սիրող զավակների պակաս չես զգում։
Ուզում եմ, որ մեծանաս և´ տարիքով, և´ չափերով, ու եթե մեզ երբեմն կարելի է կախվածություն ունենալ մեր սիրելի մարդկանցից, թող դա երբեք տեղի չունենա քեզ հետ։

Ու այնքան ուժեղ եղիր, որ քեզ էլ ոչ ոք ոտնատակ չտա, չօգտագործի, չշահագործի։ Հպարտ ու հզոր եղիր, երկի´րս։

[Ameli]

Էս գիշերը մի տեսակ Նոր Տարվա գիշերվա տպավորություն ա թողնում, ավելին՝ Նոր Տարուց էլ կարևոր է, ուզում եմ բոլորին զանգել շնորհավորել, բաժակ բարձրացնել, կենացդ խմել, Հայաստա՛ն, ես քո կողքին եմ, քեզ աջակից, խոստանում եմ երբեք չփնովել անունդ…

[Chuk]

Մեր ծնողների սերունդը սրանից 20 տարի առաջ նվաճեց անկախությունը ու մեզ պարգևեց էս հրաշքը, որի անունն ա Հայաստանի Հանրապետություն:
Էդպիսի պարգև անելու համար, այդ անկախությանը հասնելու համար մեր ծնողներն ունեցան կամք, վճռականություն, հավատ, սեր, տոկունություն:
Մենք վերցրել ենք պարգևը: Հիմա հերթը մերն է, որ այդ նվերը չգցենք տան մի խուլ անկյուն ու մոռանանք դրա մասին: Ուրեմն ունենաք մեր ծնողների սերունդի չափ կամք, վճռականություն, հավատ, սեր ու տոկունություն, որ պահպանենք էդ պարգևը ու բերենք վերջնական տեսքի, դարձնելով մեր երկիրը իսկապես ազատ, իսկապես անկախ, երկիր, որտեղից մեր զավակները չեն ուզի փախնել, երկիր, որում բոլորը կուզեն ապրել ու արարել, երկիր, որտեղ կգործի օրենքը, որտեղ մարդը պաշտպանված կլինի: Մենք պարտականություն ունենք, ունենք պարտականություն մեր ծնողների առաջ՝ չկորցնել իրենց նվիրածը ու շենացնել, պարտականություն ունենք մեր զավակների կամ ապագա զավակների առաջ, ստեղծել իրենց երազած երկիրը: Սևերես չմնանք:

Շնորհավոր ծնունդդ, Հայաստան: Հայաստան, որը ոչ թե ես կամ Պողոսն է, այլ մենք բոլորս ենք: Կենա՛ցդ, հայ ժողովուրդ:

[Freeman]

Շնորհավոր ժողովուրդ, արդեն քսան տարեկան ա, բայց առանց մեզ չի կարա, լավ նայեք մեր երկրին

[ԿԳԴ]

Շնորհավոր ծնունդդ 20 ամյա պատանի, սիրում եմ քե՜զ:

Շնորհավոր տոնդ Հայ ժողովուրդ:

[Lusinamara]

Շնորհավոր օրդ իմ հասակակի՜ց, ծննդակի՜ց… Բարգավաճում եմ ցանկանում, բազում քսանամյակներ, …………

[Universe]

ՏԺՈՒՄ ԵՆՔ ԲՈԼՈՐՍ....
ԺՈՂՈՎՈՒՐԴ ՋԱՆ... ՏՈ՜ւՇ....
ԷՍՕՐ ՆՈՐ ՏԱՐԻՅԱ...

տեր ադմին կներես կարմրատենչ մեծատառերիս համար...ու + բոլդ Ու ներիր իմ բոլոր մեղքերն այս ակումբում

[Շինարար]

Ակումբցիներ ջան, շնորհավորում եմ բոլորիդ տոնը, թող ոչ մեկս երբեք առիթ չունենանք իմ կողմից շատ հարգված ակումբցիներից մեկի ասած ու հաճախ իմ ու շատերիս մտածած մեր սիրելու անպատասխանության զգացումն ունենալու: Էս իրոք մեր բոլորի տոնն ա, ու որ մեկ-մեկ կամ հաճախ ինչ-որ բաներից տրտջում ենք, ու ջատագովները, իսկապես ջատագովները, սկսում են նախատել, թե ինչպես կարելի ա, էդ չի նշանակում, թե իրանք ավելի են սիրում էս երկիրը, պակաս էլ չեն սիրում, մի խոսքով էն որ ասում ա՝ կենաց ասել չգիտեմ, էդ վիճակն ա, շնորհավոր լինի տոններս, էնպես լինի, որ բոլորս կարողանանք լիաշունչ վայելել էս անկախությունը...

[CactuSoul]

Երկիրս, տոնդ շնորհավո՜ր Թող որ էս տարվանից սկսած քո տերերը, որ մենք ենք, մեզանից յուրաքանչյուրը, ավելի հստակ գիտակցեն, թե ինչ գանձ ունեն ու ինչով ես իրենց համար կարևոր, ու նաև գիտակցեն իրենց պատասխանատվությունը քեզ շահել-պահելու գործում: Ու թող այսօրվանից էլ ոչ մի հայ չասի «էս երկիրը…» կամ «Երկիրը երկիր չի», ու եթե մի քար ծուռ է դրված ու դուրը չի գալիս, գոնե մի փորձ անի ուղղելու, ոչ թե փնթփնթալով հեռանա օտար երկրներ: Ու թող որ առաջին հերթին ղեկավարներդ ունենան քեզ խնամելու, փայփայելու ու հզորացնելու ձգտումը: Ու թող որ ամեն հայ գիտակցի, թե ով է ինքն իրականում, ով է հայն իրականում… Ու դու էլ խնդիր չես ունենա…
Քո սահմաններից դուրս չեմ եղել, բայց չեմ կարծում, թե որևէ տեղ ինձ նույնքան ճիշտ, նույնքան իմ տեղում կկարողանամ զգալ, ինչքան Քո հողի վրա: Դու մի տեսակ իմն ես, մի տեսակ հարազատ, մի տեսակ յուրահատուկ սրբությամբ ներծծված, մի տեսակ խաղաղ ու հանգիստ… Ես քեզ էդպես եմ զգում… Դրախտը հենց էնպես չի, որ էստեղ է եղել…
Անկախս, հզորություն ու վեհություն քեզ: Մենք միասին ենք ուժեղ, առանց իրար՝ չկանք:
Կենացդ, հայրենի՛քս:

[murmushka]

Շնորհավոր ծնունդդ, հարազատ: Մաղթում եմ իրական անկախություն, որ քո իսկական զավակները չլքեն քեզ, որ ամեն օր բոլորը զգան, որ Հայաստանն իրենք են ու կրեն այդ պատասխանատվությունը
սիրում եմ քեզ, Հայաստան

[John]

Շնորհավոր ապեր...

[Աբելյան]

Շնորհավորում եմ: Մեծանաս լավը դառնաս:

[Արևհատիկ]

Շնորհավորում եմ բոլորիս մեր հանրապետության ծննդյան տոնի առթիվ
Հայստա՛նս, ծլես, ծաղկես, զորանաս

ՀԳ. Ոչինչ, որ մեկ-մեկ մտքովս անցնում ա ստեղից գնալու մասին: Էդ տենց պահի ազդեցության տակ ա լինում Ու շատ շուտ անցնում ա