Ճանապարհային ոստիկանություն

[Արշակ]

Ժողովուրդ, վերջերս (մի երկու շաբաթ առաջ երևի, չեմ հիշում, կարամ մերոնց հարցնեմ հետո), մեր տուն իմ անունով նամակ էր եկել, ոստիկանությունից, բայց քանի որ ես տեղում չեմ եղել ու ընդհանրապես էլ երկրում չեմ, նամակը մերոնց չի տվել փոստի աշխատողը՝ հետ ա ուղարկել։ Դե ես էլ էն խախտումները ստուգելու վեբ էժից պարզեցի, որ հունիսի 20–ին խախտում եմ արել։
Նայեցի վիդեոն, պարզվեց Մոլդովականի վրա երևի մի րոպեյվա չափ կանգնել եմ կանգառն արգելված վայրում։ Կանգնել եմ վթարայինները միացրած, մեքենայից դուրս չեմ եկել, մարդ չի իջել, ու 1-2 րոպեից նորից շարժվել եմ։ Վիդեոյում ընդամենը մի րոպեյվա կանգառ ա գրանցվել։ Հիմա մանրամասները չեմ հիշում, բայց վայթե մեքենայի հետ ինչ–որ բան էն չէր, տենց կանգնեցի պարզեցի ու շարունակեցի։

Խախտման վիդեոն կարող եք նայել ստեղ․ https://www.youtube.com/watch?v=itdPGbKdD-g

Խախտման տեքստը․
«20.06.2015թ. ժամը 18:32-ին ք. Երևան, Գայի / Մոլդովական / Lվովյան խաչմերուկի հատվածում կանգառ է կատարել կանգառն արգելված վայրում, որը նախատեսված է Վարչական իրավախախտումների վերաբերյալ ՀՀ օրենսգրքի 124.-րդ հոդվածի 21-րդ մասով: Ելնելով վերոգրյալից և ղեկավարվելով Վարչական իրավախախտումների վերաբերյալ ՀՀ օրենսգրքի 32-րդ հոդվածի 3-րդ մասով, 224-րդ հոդվածի 2-րդ մասով`ՈՐՈՇԵՑԻ.

• Վարչական իրավախախտումների վերաբերյալ ՀՀ օրենսգրքի 124.-րդ հոդվածի 21-րդ մասի համաձայն տուգանել 5000 դրամ»

Մի խոսքով հարցերս․
1. Արդյո՞ք խախտում եմ արել, եթե մեքենայի անսարքության խնդրով եմ կանգնել ընդամենը մի րոպեով ու վթարային լուսային ազդանշանը միացրել եմ։
2. Արդյոք կարամ բողոքարկեմ ու չվճարեմ ու ինչքանով ա էդ հնարավոր անել Հայաստանում չգտնվելով։ ՈՒ ինչքանո՞վ ա ջանջալ բողոքելը։ 5000–ի եղածը բան չի, ուղղակի հետաքրքիր ա, իսկականի՞ց ինձ ուզում են քցած լինեն ու ինչքանով կարամ չթողեմ էդ։