Սուպեր Մարիոն և նրա մեղեդին

**Ֆոտոն** · 12.08.2011, 15:07

Իսկ ես ամենաշատն այս կատարումն եմ սիրում: Այստեղ համ էլ էդ ժամանակների խաղերի երաժշտություններն էլ կան:

Վայելեք:

**Լեո** · 12.08.2011, 19:26

Ի դեպ,

Super Mario Bros վիդեոխաղը թողարկվել է ճապոնական Nintendo ընկերության կողմից 1985 թվականին: Մինչ այդ, 1983 թվականին, Nintendo-ն թողարկել էր Mario Bros խաղը:

Mario Bros-ի վաճառքի ծավալների անկումը ստիպեց Nintendo-ին թողարկել Super Mario Bros-ը, որը կարճ ժամանակում մեծ հռչակ ձեռք բերեց ողջ աշխարհում:

Super Mario Bros-ը գրանցված է Գինեսի ռեկորդների գրքում, որպես պատմության մեջ ամենաշատը վաճառվող վիդեոխաղ (երկար ժամանակ Super Mario Bros-ը վաճառքի ծավալներով 2-րդ էր աշխարհում՝ զիջելով միայն Տետրիսին, բայց խաղի շուրջ 40 մլն տարբերակով վաճառքը թույլ տվեց նրան հայտնվել Գինեսի ռեկորդների գրքում):

Խաղի գլխավոր հերոսը՝ Մարիոն, դարձավ Nintendo-ի խորհրդանիշը:

Այժմ Մարիոն աշխարհում երբրէ հորինված ամենահայտնի հերոսներից մեկն է:

Խաղի հիմնադիրներն են՝

Սիգերու Միյամոտո - նախագծի ղեկավար, դիզայներ
Խիրոսի Յամաուտի - պրոդյուսեր
Տակասի Տեձուկա - ղեկավարի օգնական
Կոձի Կոնդո - կոմպոզիտոր (Սուպեր Մարիոյի սաունդտրեկի հեղինակը

)
Լեսլի Սվոն - պրոդյուսեր Nintendo of America-ից

Հ.Գ. Խաղի երկրորդ հերոսի՝ Մարիոյի եղբոր անունը Լուիջի է: Նա տեսքով նման է Մարիոյին, պարզապես նրա վերնաշապիկը կանաչ է, իսկ Մարիոյինը՝ կարմիր:

**CactuSoul** · 12.08.2011, 20:19

Իսկ ինձ համար «Մարիոն» ավելի շատ մուլտ էր, քան խաղ

…
Դե մենք չունեինք «կամպյուտր», մեր տակի հարևանի երեխեքն ունեին, ու որ խաղում էին, չգիտեմ՝ ինչ հրաշքով, մեր հեռուստացույցը բռնում էր իրենց խաղացածը

Ճիշտ ա, առանց ձայնի էր, բայց նստում-նայում էինք, քանի որ մենք էլ իրենց «կամպյուտրով» մի 2 անգամ խաղացել էինք, արդեն գիտեինք՝ որտեղ ինչ կա դարանակալված, որ քարի մեջ ինչքան ոսկի կա, որտեղ ա «կյանքի սունկը»… Նայում ու քննադատում էինք իրենց խաղը

Էս ոսկիները չվերցրին, էն բուի գլխին չթռան, «թքելու ծաղիկը» բաց թողեցին

… Ու տենց

**Yellow Raven** · 12.08.2011, 22:20

Մանկությունը չգիտեմ, բայց մինչև հիմա խաղում եմ

**Claudia Mori** · 13.08.2011, 17:00

Էլի իմ սիրելի մասը

**Լեո** · 17.08.2011, 22:13

Ի դեպ, Մարիոն իր անունը ստացել է ի պատիվ ամերիկացի Մարիո Սիջեյլի (Mario Segale), ով Nintendo-ի ամերիկյան մասնաճյուղի տարածքի սեփականատերն էր ու միշտ Nontendo-ի ղեկավարությունից հանդիպում էր պահանջում, որպեսզի բարձրացնի տարածքի վարձակալության վճարը

Այս քայլով Nintendo-ի ղեկավարությունը փորձեց սիրաշահել նրան, սակայն նրանք չէին էլ կասկածում, որ դրանով մեծ ծառայություն մատուցեցին Սիջեյլին՝ նրա անունը գրելով պատմության մեջ:

Ահա նա

Բայց կարծես էնքան էլ նման չեն Սուպեր Մարիոն ու Մարիո Սիջեյլը

Հ.Գ. Մարիոյի բոլոր ձայները