Տիգրան Համասյան

[Jarre]

Տիգրան Համասյան

Տիգրանը աշխարհահռչակ դաշնակահար է։ Էս էն ծեծված «աշխարհահռչակ» բառը չի, այլ իրական՝ բառի բուն իմաստով

Հիմնականում ստեղծագործում և կատարում է ջազի բնագավաում։ Տիգրանի կատարման մեջ հստակորեն երևում է հայ ժողորդական երաժշտության ազդեցությունը։

Մի քանի օր առաջ Եվրոնյուզը նույնպես անդրադարձավ Տիգրանի համերգներից մեկին։

Առաջարկում եմ խոսել Տիգրանի մասին և ներկայացնել նրա կատարումները որոնք հավանել ենք։

ՀԳ՝ հիմա ինտերնետիս վիճակը շատ վատ է, հենց լավանա կսկսեմ գործերից դնել։

[Jarre]

Սա էլ euronews-ի փոքրիկ հաղորդումը Տիգրանի մասին

[Գեա]

առանց մեկնաբանությունների

[zanazan]

Ստեղ կինոմոսկվաի ամառային դահլիճում գնացի համերգներին, մինչ այդ չգիտեյ ով է ուղակի հրավիրել էին ես ել գնացի չնայած որ ջազ այնքան ել չեյ սիրում...
հետո միասին (ընդհանուր բարեկամ ծանոթ բան կա) գնացինք Սեվան, ու փոքրիկ բարեկամաընկերական շրջապատում նորից վայելեցինք նրա տաղանդը, այս անգամ նվագում էր ամեն ինչ, նույնիսկ Բոբ Մառլեյ մի քիչ ջազոտ..երգում էին բոլորը, պարում էր ով ի վիճակի էր ոտքի վրա կանգներ, քիչ մը գինովցած եինք, ու եթե տեղյակ չլինեիր, որ ես մարդը աշխարհահռչակ է իսկականից, գլխի չեիր ընկնի...համեստ, չխոսկան, եսիմ..
արդյունքում սկսեցի սիրել ջազ..

[Jarre]

Շատ լավն ա

Forgotten World

[Ֆոտոն]

Վերջին ալբոմից ամենասիրածս գործը սա է: Վայելեք:

[Jarre]

Տիգրան Համասյանը մասնակցել է Մարսիակի հեղինակավոր ջազ փառատոնին

Ֆրանսիայի Մարսիակ քաղաքում անցկացվող Marciac Jazz Festival ամենամյա հայտնի փառատոնին, որի բացումն այս տարի տեղի է ունեցել հուլիսի 29–ին և կտևի մինչև օգոստոսի 15–ը, մասնակցել է նաև հայ երաժիշտ Տիգրան Համասյանը։

34–րդ փառատոնին մասնակցում են այնպիսի հայտնի երաժիշտներ, ինչպիսիք են Թելոնիաուս Մոնքը, Ռիչարդ Գալյանոն, Ջոն Մաքքլաֆլինը, Ալ Դի Մեոլան, Ահմադ Ջամալը։

Գյումրիում ծնված երիտասարդ հայ երաժշտի ելույթը Marciac Jazz Festival տեղի է ունեցել օգոստոսի 8–ին. նույն օրն են ելույթով հանդես եկել նաև Ահմադ Ջամալն ու Հառոլդ Լոպեզ Նուսան։

[Ֆոտոն]

Հրաշալի ստեղծագործություն և հրաշալի կատարում:

[Jarre]

Հրաշալի նորություն

PanARMENIAN Media-ն և ՀՀ Մշակույթի նախարարությունը ներկայացնում են բազմաթիվ հեղինակավոր միջազգային մրցույթների դափնեկիր, ջազ դաշնակահար Տիգրան Համասյանի բարեգործական համերգաշարը, որը կազմակերպվում է իր նոր սկավառակի՝ “A Fable” ալբոմի լույսընծայման առիթով` թողարկված “Universal Music” ընկերության կողմից:

Եվ այսպես, Տիգրան Համասյան Սոլո Տրիո (Տիգրան Համասյան - դաշնամուր, Սամ Մինայե - բաս, Արի Հոենիգ - հարվածայիններ) համերգները կկայանան`

Սեպտեմբերի 20-ին, 19:30 Ա.Խաչատրյանի անվան ֆիլհարմոնիկ մեծ համերգասրահում, ինչպես նաև`

Սեպտեմբերի 17 - Ստեփանակերտ,
Մշակույթի և երիտասարդության պալատում,
Սեպտեմբերի 18 - Երևան,
Գաֆէսճեան արվեստի կենտրոնի Հատուկ միջոցառումների սրահում,
Սեպտեմբերի 19 - Գյումրի,
Աճեմյանի անվան պետական դրամատիկական թատրոնում:

Համերգների հասույթը կտրամադրվի «Հայաստանի հաշմանդամների «Փյունիկ» միություն» բարեգործական հասարակական կազմակերպության ծրագրերի իրականացմանը: Համերգաշարը իրականացվում է "Վիբրոգրաֆուս" ընկերության և "Շանթ" հեռուստաընկերության աջակցությամբ:

Տոմսերը`ՇՈՒՏՈՎ:

Մանրամասներին և նորություններին կարող եք ծանոթանալ այստեղ։

[Ֆոտոն]

Ուու՜խ, հրաշալի նորություն:

Իրեն շատ եմ ուզում կենդանի լսել: Այս ալբոմն էլ արդեն շատ սիրել եմ:

Կաշխատեմ ինքս ինձ այս հաճույքից չզրկել:

[Jarre]

Guardian–ը՝ աշխարհահռչակ Տիգրան Համասյանի մասին

Հայազգի 25–ամյա աշխարհահռչակ ջազային դաշնակահար Տիգրան Համասյանին է անդրադարձել բրիտանական հեղինակավոր Guardian պարբերականը։ «Նա արդեն մի քանի խոշոր մրցանակների է արժանացել և, լսելով նրա վերջին՝ «Մի առակ» (2011թ.) ձայնասկավառակի «Մի օր իմ արքայազնը կգա» Someday My Prince Will Come կատարումը, դժվար չէ ասել, թե ինչու է նա «շփոթմունքի մեջ գցել» ժյուրիի անդամներին։ Սա այս ձայնասկավառակում միակ ջազային կատարումն է, մյուսները հայկական ժողովրդական երաժշտությամբ ոգեշնչված գործեր են»,– գրում է պարբերականը։

Տիգրան Համասյանը ծնվել է 1987թ. Գյումրիում։ 2000թ. Երևանյան երկրորդ միջազգային ջազային փառատոնի ժամանակ Տիգրանի կատարումը լսել և շատ հավանել էր հայտնի ջազային դաշնակահար, փառատոների կազմակերպիչ Ստեփան Կոչոյանը: Վերջինս, շատ տպավորվելով Տիգրանի ելույթով, նրան Ֆրանսիա է հրավիրում՝ մեծահասակների համար նախատեսված մի քանի փառատոների մասնակցելու համար։ 2003 թ. Տիգրանը Փարիզի ջազային դաշնակահարների միջազգային մրցույթում երկրորդ տեղը զբաղեցրեց, իսկ Jazz a Juan Revelations-2003–ում՝ առաջին մրցանակը, առաջին մրցանակին արժանացավ նաև Montreux Jazz Solo Piano Competition-2003 մրցույթում։ 2005թ. Մոսկվայի դաշնակահարների ջազային միջազգային մրցույթում արժանացավ երրորդ մրցանակի, իսկ Մոնակոյի ջազային դաշնակահարների մրցույթում՝ առաջին մրցանակի։

Իսկ ԱՄՆ–ում նրան ամենամեծ հաղթանակն էր սպասում. 2006թ. դաշնակահարների հեղինակավոր Թելոնիուս Մոնքի (Thelonious Monk) անվան մրցույթում նա առաջին մրցանակին արժանացավ։

Աղբյուր՝ ԹԵՐԹ.am

[Ֆոտոն]

Իսկ տոմսերից նորություն չկա՞: Ի՞նչ գնի են:

[Mark Pauler]

Իսկ տոմսերից նորություն չկա՞: Ի՞նչ գնի են:

Ֆիլհարմոնիայի տոմսարկղում կան կամ կարելի ա պատվիրել (094) 526477; (055) 526477 հեռախոսահամարներով

Գինն էլ 5000, 10000, 15000

Կասկադում էլ մուտքը 10000 դրամ ա ամսի 18-ին:

[Jarre]

Ավելի ճիշտ է ապրել Հայաստանից հեռու. Համասյանը նվագեց լրագրողների համար

Հայազգի աշխարհահռչակ ջազ երաժիշտ Տիգրան Համասյանը սեպտեմբերի 17-ից 20-ը բարեգործական համերգներով հանդես կգա Երևանում, Գյումրիում և Ստեփանակերտում: Համերգներից ստացված ամբողջ հասույթը կտրամադրվի Հայաստանի հաշմանդամների «Փյունիկ» բարեգործական միությանը: Երաժիշտը նախատեսում է նաև անձամբ հանդիպել հաշմանդամ երեխաներին, նվագել նրանց համար և օգնել` ինչով կարող է: Համերգաշարի ընթացքում հիմնականում կհնչեն նոր կատարումներ Տիգրան Համասյան Սոլո Տրիոյի նոր`A Fable ալբոմից:

«Հայաստանում մշտապես չեմ կարող ապրել: Ամեն անգամ գալիս եմ ու համոզվում, որ այստեղ չի կարելի ապրել ու ստեղծագործել: Ավելի ճիշտ է ապրել Հայաստանից հեռու, բայց ինչ-որ բան անել այս երկրի համար»,- այսօր լրագրողների հետ հանդիպմանն ասաց Տիգրան Համասյանը: Ըստ նրա` Հայաստանում շատ քիչ լավ երաժիշտներ են մնացել, այն էլ` դասական երաժշտության ասպարեզում:

«Ջազում և ռոքում ես նոր մարդիկ չեմ տեսնում: Գուցե այն է պատճառը, որ Հայաստան շատ քիչ միջազգային ճանաչում ունեցող երաժիշտներ են գալիս: Շփումը քիչ է: Երկու տարին մեկ մեկը գալիս է, որ արդեն «հին» է, ասում են` երաժիշտ ենք բերել»,- նշեց երաժիշտը:

Տիգրան Համասյանը ծնվել է 1987թ. Գյումրիում: Երկու տարեկանից զբաղվել է երաժշտությամբ: Տասը տարեկանում տեղափոխվելով Երևան` լրջորեն սկսում է զբաղվել ջազ երաժշտությամբ, մասնակցում է համերգների ու սկսում ստեղծագործել: Տիգրանի համար ճակատագրական եղավ երկրորդ միջազգային ջազ փառատոնի ժամանակ հանդիպումը ֆրանսահայ ջազային դաշնակահար Ստեփան Կոչոյանի հետ: Մեկ տարի անց նա արդեն ֆրանսիական փառատոներին մասնակցելու բազմաթիվ հրավերներ ուներ: Համասյանը թողարկել է չորս ալբոմ և արժանացել տասնյակ մրցանակների:

Աղբյուր՝ ԹԵՐԹ.am

[Մանանա]

Չգիտեմ, ով ա գնացել համերգին, բայց ինքը վերջն ա~~, ես մինչև ականջներիս ծայրը սիրահարված եմ իրա արվեստին: Սենց մաքուր արվեստ վաղուց չէի տեսել ու լսել, հանճարեղ տղա~