Ստերեոգրամներ

[Enipra]

Հետաքրքիր է՝ այս բառը ձեզ ծանո՞թ է։ Համոզված եմ, որ ոչ բոլորին։

Ստերեոգրամները հատուկ ալգորիթմներով պատրաստվող նկարներ են, որոնցում երկչափ նկարի տակ թաքնված է եռաչափ պատկեր։ Գոյություն ունեն ստերեոգրամների շատ տեսակներ, հիմնական երկուսը սրանք են։ Եթե այդ երկչափ նկարն իրենից ներկայացնում է պատահական կետերի ամբողջություն, ապա նկարը SIRDS (Single Image Random Dot Stereogram) է, իսկ եթե ինչ–որ պատկերի (pattern) կրկնություն՝ Magic Eye Image (ներքևի օրինակն այսպիսին է)։

Երկչափ նկարը երևում է ամենասովորական նայելով, իսկ եռաչափ նկարը տեսնելու համար պետք է սովորել ճիշտ նայել։ Ես, օրինակ, մի քանի օր փորձելուց հետո միայն կարողացա այն տեսնել ու դրանից հետո արդեն ինքնաբերաբար է ստացվում, ինչ–որ ժամանակ նույնիսկ հոբբիի նման մի բան էր դարձել, ախր շատ հետաքրքիր է ։ Ըստ վիճակագրության՝ մարդկանց միայն 4%–ը ի վիճակի չէ տեսնել այս տիպի նկարները, իսկ դուք չե՞ք ուզում փորձել։

Հիմա ուշադիր կարդացե՛ք այս ցուցումները ու փորձեք կիրառել նկարի վրա, որը իմ ունեցածների մեջ ամենահեշտ երևացողն է։

Ուշադրություն։ Եթե կարող եք, ավելի լավ է օգտագործել նկարի տպված տարբերակը, իսկ եթե մոնիտորով եք նայելու, խուսափեք աչքերի գերհոգնածությունից, դե չեմ ուզում մեղքի տակ ընկնել։

1. Մոտեցրե՛ք Ձեր դեմքը նկարին ու աչքերի ֆոկուսն ուղղեք այնպես, կարծես դուք նայում եք ոչ թե նկարին, այլ նկարի միջով ինչ–որ հեռու կետի։ Նկարը պետք է դառնա մի տեսակ մշուշոտ, շաղված (blurry)։
2. Աշխատե՛ք չթարթել աչքերը և առանց ֆոկուսը փոխելու դանդաղ հեռացեք (կամ նկարը հեռացրեք, եթե տպված է), մինչև վերևում պատկերված 2 սև կետերի փոխարեն տեսնեք 3 կետ։ Այս պահին արդեն պետք է մի քանի վայրկյան սպասել, մինչև եռաչափ նկարը ցայտուն կառանձնանա երկչափից։

Առայժմ չեմ ասի, թե այս նկարում ինչ պետք է տեսնեք, թե չէ հետաքրքիր չի լինի։
Եթե 1 և 2 կետերը կատարելուց հետո ոչինչ չստացվեց, էլի փորձեք, բայց գոնե թույլ տվեք, որ աչքերը մի փոքր հանգստանան։



Եվ...Ստացվե՞ց, ի՞նչ տեսաք։

[Tumbler]

Ես ել սրա տիպի բան ունեմ, բայց աչքի խապկանք.
Որինակ մի նկարում քանի սև կետ եք տեսնում.
Կամ մյուսում նաեք մեչտեխի կետին ո ւհերացեք և մոտեցեք նկարic դե Ինչ.
Metc tarberakov.

[Armeno]

Առայժմ չեմ ասի, թե այս նկարում ինչ պետք է տեսնեք, թե չէ հետաքրքիր չի լինի։

Ինձ նամակով կասես?

Կարո՞ղ եք այս փղի ոտքերի քանակը հաշվել

[Enipra]

Ձեր ասած նկարներին ես ծանոթ եմ, դրանք բոլորովին կապ չունեն այս թեմայի հետ, դա աչքի խաբկանք է, ֆորումում այդպիսի թեմա էլ արդեն կա։

Իմ ասած նկարների դեպքում ձեզ ոչ թե թվում է, որ դուք ինչ–որ բան եք տեսնում, այդ եռաչափ պատկերը ոչ թե հնարովի է, այլ շատ իրական՝ պարզապես թաքնված է մնում երկչափ նկարում այնքան, մինչև ճիշտ կնայեք նկարին։ Իսկ այդ թաքցնելը կատարվում է հատուկ ալգորիթմներով, որոնք մշակվել են մարդու աչքի օպտիկայի խորը ուսումնասիրություններից հետո։ Չգիտեմ՝ ոնց ավելի լավ բացատրեմ։

Հ.Գ. Իսկ դուք տեսա՞ք եռաչափ նկարը։

[Գոռ Ջան - Հայ]

Առայժմ չեմ ասի, թե այս նկարում ինչ պետք է տեսնեք, թե չէ հետաքրքիր չի լինի։

Արդեն երևաց ինչա
Մոլորակ տեսա

[Armeno]

Երեք կետը երևում ա,բայց այդ նկարից իր կրկնօրինակն է դուրս գալիս

[Tumbler]

Երեք կետը երևում ա,բայց այդ նկարից իր կրկնօրինակն է դուրս գալիս

Սու տեսողություն ունեմ բայց մեկա բան չտեսա.

[Enipra]

Արդեն երևաց ինչա
Մոլորակ տեսա

Ճիշտ ես, Սատուրն մոլորակն է երևում

Եթե հետաքրքիր է, կարող եմ ուրիշ նկարներ էլ տեղադրել, ի՞նչ կասեք։

[Գոռ Ջան - Հայ]

Ճիշտ ես, Սատուրն մոլորակն է երևում

Եթե հետաքրքիր է, կարող եմ ուրիշ նկարներ էլ տեղադրել, ի՞նչ կասեք։

Իհարկե հետաքրքիրա

[Enipra]

Իմ տեսած ամենաառաջին ստերեոգրամը։
Առայժմ սա նայեք, մինչև մի քիչ դժվարները կփոքրացնեմ

[Գոռ Ջան - Հայ]

Իմ տեսած ամենաառաջին ստերեոգրամը։
Առայժմ սա նայեք, մինչև մի քիչ դժվարները կփոքրացնեմ

Մեծ սմայլիկի մեջ պուճուր սմայլիկ , ոնց որ

[art5041]

Իմ տեսած ամենաառաջին ստերեոգրամը։
Առայժմ սա նայեք, մինչև մի քիչ դժվարները կփոքրացնեմ

2 հատ սմաիլիկ .

[Ռուֆուս]

Կարող եք տեսնել եռաչափ պատկերներ? Կան մարդիկ, ովքեր միանգամից տեսնում են նման պատկերներ, որոշ մարդկանց համար պահանջվում է ժամանակ (միջինը կես րոպե), իսկ որոշ մարդիկ ընդհանրապես չեն կարող տեսնել եռաչափ նկարներ:

Օրինակ այս նկարը



Ճիշտ դիտելու դեպքում այս նկարի մեջ կտեսնեք հետևյալը



Եռաչափ նկարները տեսնելու համար կան մի քանի մեթոդներ: Ամենահեշտը հետևյալն է:

Աչքերը մոտեցրեք նկարին, մինչև քիթը կպնի մոնիտորին Պատկերացրեք, թե նկարի հետևում դատարկություն է, և դուք ոչ թե նայում եք նկարին, այլ դատարկությանը, այժմ շատ դանդաղ աչքերը հեռացրեք մոնիտորից, մինչև նկարի վերևում գտնվող երկու կարմիր խորանարդիկները դառնան երեք հատ: Եթե տեսնում եք մեկ կամ չորս խորանարդիկներ սկսեք նորից:

Եթե տեսնում եք երեք կարմիր խորանարդիկներ, ապա աչքերը այլևս մի շարժեք և որոշ ժամանակ անց նկարի մեջ կտեսնեք թաքնված եռաչափ պատկերը: Ինչքան հեռվից նայեք նկարին, այնքան կմեծանա եռաչափ պատկերի խորությունը:

Ի դեպ ինձանից սովորաբար 5-10 վայրկյան է պահանջվում թաքնված նկարը տեսնելու համար

[Norton]

Եռաչափ պատկերների քանակը 5 է՞

[WArmanW]

բա էլ չու՞նես դիր զբաղվենք էլի