Փոլ Բաղդադլյան

**Արծիվ** · 02.07.2011, 03:40

ԱՄՆ-ում տեւական հիվանդությունից հետո մահացել է հայ լեգենդար երգիչ Փոլ Բաղդադլյանը

Տեւական ծանր հիվանդությունից հետո 2011թ. Հունիսի 28-ի առավոտյան Գլենդեյլի Ադվենթիստ հիվանդանոցում մահացել է հայ հայտնի և լեգենդար երգիչ Փոլ Բաղդադլյանը: Նա երգերը շատերի կողից սիրված են եղել և դրանք հայտնի են եղել նրա երկրպագուներին 1970-2008 թվականերին:
Բաղդադլյանը ծնվել է Հալեպում 1953թ.: Նա իր կարիերան սկսել է Մերձավոր Արեւելքում 1970-ական թվականներին:
Նա գրել եւ կատարել է հարյուրավոր հիթեր, հիմնականում սիրային բալլադներ, որոնք հայտնի են ողջ աշխարհի հայերին:
Իր հարցազրույցներից մեկում նա խոստովանել էր, որ իր կյանքի ամենաերջանիկ պահերից մեկն այն էր, երբ իր համերգներից մեկի ժամանակ հանդիպել, ապա ամուսնացել էին երկու հայեր:

News.am

**Lusinamara** · 02.07.2011, 07:46

Փոլ Բաղդադլյանի վառ հիշատակին

**Նաիրուհի** · 02.07.2011, 10:09

Հալեպում հայ տղաները սեր խոստովանելու մի շատ հետաքրքիր և տարածված ձև ունեն՝ անցնել իրենց սիրելիի պատուհանի տակով՝ մեքենայի մեջ բարձր միացրած Փոլի «Սև աչեր» երգը։

Ու նույնիսկ «պրոֆեսիոնալի» որոշակի հռչակ են վայելում այն տղաները, ովքեր հաջողեցնում են աղջկա պատուհանի տակով անցնել հենց այն պահին, երբ Փոլն արտասանում է «սև աչեր» բառակապակցությունը...

Ես Փոլի երկրպագուն չեմ, ավելին՝ ընդամենը մի երկու ամիս առաջ էի «հայտնաբերել» նրան, բայց գիտակցում եմ, թե քանի մարդու համար էր նրա մահը մեծ կորուստ։ Հանգստություն նրան։

**Արծիվ** · 14.07.2011, 01:14

In Loving Memory of Paul Baghdadlian The King Of Armenian Love Songs

**Lionne_en_Chasse** · 14.07.2011, 01:33

Աստված հոգին լոսավորի...
Երբեք չեմ լսել նրա երգերը, բայց գիտեի, որ կա նման երգիչ սիրված ոչ միայն հայերի այլև հենց սիրիացիների կողմից: Հիշում եմ մի քանի տարի առաջ ինձ հետ մի սիրիացի տղա էր սովորում, հենց իմացավ որ հայ եմ,սկսեց առանձնահատուկ հարգանք ցուցաբերել իմ հանդեպ: Հաճախ խնդրում էր, որ թարգմանեմ Փոլի երգերի բառերը, ասում էր, որ խենթանում է նրա երգերի ու ձայնի համար, որ հոր առջև պայման է դրել, եթե իր հարսանիքին Փոլը կերգի, նոր էդ դեպքում ինքը կամուսնանա...: Որ իմացավ ես Փոլ չեմ լսում, հայերեն ասեց " ամոթ է քույրիկ..."

Երևի իրոք ամոթ է, բայց փոխարենը հպարտանում էի, որ իմ ազգի երգչին այդքան շատ են սիրում ու հարգում նաև օտարազգիները

**Արծիվ** · 14.07.2011, 02:56

Իրոք նա մեծանուն երգիչ էր իսկ նրա երգերը սիրել կամ չսիրելը ճաշակի հարց է: Նրա երգերը մեծ ճանաչում է գտել Լիբանանում, Սիրիայում, Իրանում, Հայաստանում, Կանադայում, ԱՄՆ-ում և ամբողջ եվրոպայում, նրա երգերը շատ են սիրել նաև արաբները քանի որ նա ժամանակին հայերենից բացի երգել է նաև արաբերեն: Լոս Անջելեսի հայությունը մեծ թախիծով ու խորը վշտով հրաժեշտ տվեց այդ մեծ սրտի տեր մարդուն, մեծանուն ու սիրված երգչին, հայրենասեր հային որը միշտ բարձր էր պահում օտար ափերում իր հայրենիքի անունը և շատ էր հպարտանում իր եռագույնով, բացի նրանից որ նա մեծ արվեստագետ էր նա նաև մեծ հոգու տեր մարդ էր, լինելով շատ հոյակապ անձնավորություն և մեծ սրտի տեր մարդ: Նա համարվում էր սիրո երգերի արքա և շատ շատերն են նրա երգերը լսելով ապրել ու դեռ կապրեն շարունակ: Փոլ Բաղդադլյանը կմնա բոլոր նրան սիրողների սրտում իր երգերի հետ միասին:

**erexa** · 14.07.2011, 15:09

Վայ ինչ ափսոս, որ մահացել է:

Ես Փոլի երգերին ծանոթ եմ 2006 թվականից սկսած, բայց չգիտես ինչու այն ժամանակ դուրս չէին գալիս նրա երգերը, սակայն 2007-2008 թվականներին հաճախ էի լսում և սկսեցի սիրել: Շատ հոգով էր երգում և տարբերվեւմ էր մյուս հայ երգիչներից: Շատ եմ սիրում նրա դու իմ աշխարհն ես երգը, ինչու ինչուն, քեզ եմ հիշում և էլի մի շարք երգեր: