Մրցակցություն (գոյատևում) բջջային հեռախոսների աշխարհում

[Vaio]

Nokia-ն հեռանում է Ճապոնիայից

Nokia ընկերությունը, որը լուրջ ֆինանսական խնդիրներ ունի ոչ մրցունակ սմարթֆոնների պատճառով, Vertu մոդելի բջջային հեռախոսների վաճառքի անհաջող փորձից հետո լքում է Ճապոնիան։ Ինչպես հաղորդում է Associated Press-ը, ֆիննական ընկերությունը չորեքշաբթի հայտարարել է, որ հուլիսի վերջին կփակի իր վերջին ֆիրմային խանութը։ Սկզբնապես Nokia-ն Ճապոնիայում ուներ 4 առևտրի կետ։
Nokia-ն, որը մինչ այժմ մնում է աշխարհի ամենախոշոր հեռախոս արտադրողը, հրաժարվել է հաղորդել, թե երբ է ընդունվել ճապոնական շուկայից հեռանալու որոշումը և քանի Vertu է վաճառել Ճապոնիայում։
Հարկ է նշել, որ Nokia հեռախոսները երբեք հայտնի չեն եղել Ճապոնիայում. այստեղ ավանդաբար գերիշխում են էլեկտրոնիկայի տեղական արտադրողները և ամերիկյան Apple-ը։
Nokia-ի հեռախոսները վաճառվում են ավելի քան 160 երկրներում։

Աղբյուր` թերթ.ամ

[Varzor]

Իսկ կարելի՞ է իմանալ ինչ տեսակի բազմաֆունկցիոնալ պլատֆորմի հիման վրա ստեղծված բազմաֆունկցիոնալ սարքի միջոցով ես ուղարկել:

Աենա առաջին անգամ ուղարկել եմ համակարգչով (ես սմայլիկը ոնց-որ ժտացող օձ լինի )
Երկրորդը SonyEricsson T28S-ով Դե մնացածը արդեն տարբեր "ձեռախոսներով" ու "խելախոսներով"
Հայերենի պրոբլեմը կայանում է նրանում որ մեր մոտ TELEPHONE` հեռախոս, բայց Mobile Phone` նորից հեռախոս? Ռուսերենից եկած "աննպատակ" թարգմանություն:
Բայց քանի որ այլ թարգմանություն չունենք, առավել ըս սովորել ենք` ուրեմն կեցցե ՀԵՌԱԽՈՍ-ը

[Varzor]

OK, արագ ամփոփենք, որ HTC-ները ի վերջո հեռախոսներ են՝ ըստ «հեռախոս» բառի տերմինաբանական ողջ զորության, ու անցնենք առաջ:
Օրինակ՝ էն հռետորական հարցը, թե ինչու «HTC Flyer-ը հեռախոս չեն կոչում», ես համարյա բառացիորեն գրել էի նախորդ գրառումներիս մեջ՝ ֆորմ-ֆակտորի վերաբերյալ հատվածներում:

Դե հարցս, որնց նկատէլ ես հռետորական էր` պատասխանի չէի սպասում Անշուշտ կարդացել և հիշում էի ֆորմատներին վերաբերվող գրությունդ

էսօրվա middle-end ցանկացած հեռախոս երեկվա ամենալավ PDA-ին ուղղակի անխնա նվաստացնում ա: Ինչ-որ սարքի համար նոր անուն, համոզված եմ, մի օր չէ մի օր անպայման կստեղծվի, բայց էդ սարքը կլինի ոչ թե հեռախոսի փոխարեն, այլ հեռախոսին զուգահեռ: Հեռախոսը տեսանելի ապագայում մնալու ա հեռախոս (շատ-շատ ինչ-որ հեռատես-մեռատես փորձեն ներմուծել, կարող ա ստացվի, կարող ա՝ չէ):

Նվաստացնելը մեղմ ասեցի, հիմիկվա հեռախոսները նվաստացում են նաև իմ դպրոցական և ուսանող ժամանակվա համակարգիչներին

Ի դեպ՝ նեթբուկները հենց սկզբից էլ նեթբուկ են կոչվել: Էդ բառը վերակենդանացվեց (վաղուց կար)՝ բնութագրելու համար Asus-ի Eee-PC-ները, որոնց ոչ մի կերպ նոթբուկ չէին: Ընդ որում՝ էն կարգի նոթբուկ չէին, որ նույնիսկ անհապաղ նոր բառ հորինելու սուր կարիք առաջացավ: Յոթ դյույմ էկրանով պլաստմասսայի կտորը անհնար էր «նոթբուք» կոչել՝ ինչքան էլ որ դա բացովի-փակովի ու կոճակներով լիներ: Էդ հիմա ա, որ նեթբուկ-նոթբուկ սահմանը երբեմն լղոզվում ա, որովհետև հայտնվում են 12"-անոց էկրանով ու դիսկրետ գրաֆիկայով նեթբուկներ կամ 11"-անոց էկրանով բյուջետային նոթբուկներ: Իսկ մի ժամանակ ամեն ինչ շատ ավելի հստակ էր, էլ չասած, որ խոտը ավելի կանաչ էր, մանդարիններն էլ՝ ավելի քաղցր:

Այ էդ մեկը չկպավ Նեթբուք տերմինը վերաբերվում էի Psion կամպանիայի մի արտադրանքի (ճշտեցի` 1999թ. ), որը կապ չուներ նոթբուքերի հետ` (գրպանի կոմպ էր ստեղնաշարով) և նույնիսկ դատական հայց ներկայացրեց "նեթբուք" գովաղդող ընկերությունների դեմ: Բնական է, որ գնեցին` բերանը փակեցին: Նույն Xerox-ի պատմությունն էր, մի քիչ սցենարը փոխված:
Փաստացի հիմա դասակարգումը գնում ա էկրանի չափով, բայց ասեմ, որ կան 10"-12" էկրանով սարքավորումներ, որոնց արտադողը չի կոչում նեթբուք, որպեսզի չնվազեցնի ակնհայտ և շոշափելի առավելությունների "ստանդարտ" նեթբուքերի համեմատ:
[QUOTE=Հայկօ;2261213]Թեմայի մասին իմ համեստ կանխատեսումները արդեն մի թեթև գրել եմ, տեսնենք՝ ինչ կլինի: Համարյա հաստատ համոզված եմ, որ իրականությունը ամենախայտառակ ձևի տարբերվելու ա ցանկացած կանխատեսումից: Ինչևէ, SE-ն հարաբերականորեն ծաղելու ու բարգավաճելու ա Samsung-ի ու HTC-ի թանձր ստվերի մեջ, Nokia-ն վաճառվելու ա ինչ-որ մի մեծ ընկերության ու փոփոխական հաջողություններով պայքարելու ա շուկայի իր 5-10 տոկոսի համար: Չնայած եթե հաշվի առնենք, որ MS-ի հետ Nokia-ի էսօրվա համագործակցության պայմանները կարելի ա վստահորեն անվանել կորպորատիվ ստրկություն (ով պայմաններին ծանոթ ա, կհասկանա), ապա հնարավոր ա՝ նույնիսկ վաճառվելու կարիք էլ չլինի:
Ես կասեի ավելին` համարյա բոլորն "բարգավաճողները"` HTC-ն, SE, LG և այլն, մնալու են Samsung-ի ստվերի տակ` սամսունգը հզոր ա իր տեխնիկական տարրերի արտադրությամբ` և պրոցեսորներ և հիշողութոյւն և էկրան և կիսահաղորդչային էլէմենտներ: Նույն HTC-ն ու ՍԷ-ն չունեն նույնիսկ դրա կեսը

RE: Հ.Գ. Արի լեզվաբանության մեջ չխորանանք: Թե չէ հեռախոսից սահուն անցում եմ կատարելու անջատիչին ու հարցնելու եմ, թե ո՞նց ես անջատիչով նաև միացնում լույսը, էլ չասած, որ վերելակով ոչ միայն վերև ես բարձրանում, այլև (օ՜ զարմանք) ներքև ես իջնում:

"Անխելք" լեզվաբանների հետևանք ա
10:0 օգուտ քեզ

[Varzor]

Nokia-ն հեռանում է Ճապոնիայից

Դե նույն վիճակն էլ Հվ. Կորեայում ա, ի դեպ Ճապոնիան և հվ. Կորեան բավականին գնողունակ շուկաներ են:
Բայց ասեմ, որ SE-ն էլ, չնայած ճապոնական ա, նույնիսկ գործարաններ ունի Ճապոնիայում, բայց էդքան էլ առաջատար չի

[Sagittarius]

Google-ը անցնում է հակագրոհի

Բջջային հեռախոսների, իսկ ավելի կոնկրետ smartphone-ների ճակատում մարտերը թեժանում են: Այս շաբաթվա տեղեկատվական տեխնոլոգիանների ոլորտի թիվ մեկ նորությունը՝ Google-ը ձեռք է բերում Motorola-ն 12,5 միլիարդ դոլլարի դիմաց:

OMG ... հավանաբար կասեք՝ ինչ կա զարմանալու, ICT ոլորտում M&A-ները սովորական բան են դարձել, ամեն օր իրար են առնում-ծախում: Հա, համաձայն եմ, բայց խնդիրը նրանում է, որ 2008-ին Google-ը մեծ աղմուկով մտավ smartphone-ների շուկա և կարողացավ կարճ ժամանակում մեծ հաջողության հասնել, առաջարկելով տվյալ շուկայի համար բոլորովին նոր բիզնես մոդել. Google-ի կողմից ստեղծված Android ՕՀ-ը անվճար էր /և դեռևս՝ է/ և հասանելի բոլոր բջջային հեռախոս արտադրողների համար, Google-ն էլ իր շահույթը ստանում էր տվյալ ՕՀում տեղադրված որոնողական համակարգի շնորհիվ գովազդային եկամուտները մեծացնելու հաշվին:

Գնելով Motorola-ն՝ Google-ը անցնում է Ռուբիկոնը և փորձում է խաղալ Nokia-ի կողմից խաղացված և ձախողված, Appleի կողմից խաղացվող և դեռևս հաջողություն ունեցող խաղը՝ միաժամանակ հանդես գալ որպես software և hardware մատակարար: Քայլը բավականին ռիսկային է, բայց Google-ը ունի առնվազն երկու լուրջ պատճառ այն արդարացնելու:


Պատճառ 1. Պատենտների Պատերազմ

Ավելի քան մեկ ամիս առաջ` հուլիսին, ICT-ի ոլորտի այնպիսի գիգանտներ, ինչպիսիք են Apple-ը, Microsoft-ը, RIM-ը միավորվեցին, որպեսզի խանգարեն Google-ին ձեռքբերել Nortel ընկերության 6000 պատենտները, որի համար «չարագործները» վճարեցին 4,5 միլիարդ դոլլար:


Որպեսզի պատկերացնեք, թե ինչ կարևորություն ունեն Nortel-ի պատենտները ICT ընկերությունների համար մի պահ պատկերացրեք, որ ցորենի, ալյուրի, բջջային հեռախոսների և շաքարի Հայաստան ներկրման իրավունքը մեկ փաթեթով հանվում է սակարման, պատկերացրեցի՞ք Կա՛մ քեզնով արա՛, կա՛մ գոյատևի՛ր:

Google-ի համար պատենտների համեղ պատառից զրկվելը էլ ավելի ցավալի էր, քանի որ ի սկզբանե բջջային հեռախոսների շուկայում սեփական պատենտների պակասությունը Google-ի աքելեսյան գարշապարն ա եղել:

Եվ ահա, ձեռք բերելով որպես հեռախոս ոչինչ իրենից չներկայացնող Motorola-ն, Google-ը տիրանում է նաև այդ ընկերության 17,000 պատենտների. բավականին լավ զենք Open Handset Alliance-ի անդամների պատենտային նվնվոցները կտրելու և Microsoft & Co-ի գրոհներից պաշտպանվելու համար:


Պատճառ 2. Շահույթի Որս

Ինչպես արդեն նշվեց Google-ի մուտքը բջջային հեռախոսների շուկա բավականին հաջող էր. շատ կարճ ժամանակահատվածում` 2,5 տարում, Androidը դարձավ smartphone-ների շուկայի թիվ մեկ ՕՀ-ը` 43,4% շուկայի մասնաբաժինով այս տարի: Մինչդեռ երկրորդ տեղում ընթացող Symbian-ը՝Nokia-ի գրեթե «նախկինը» ունի՝ 22,1 %, իսկ iOS-ը` 18,2%:

Android-ի գերակա դիրքի համար Google-ը հիմնականում պարտական է ասիական բջջ. հեռախոս արտադրողներին՝ Samsung և HTC:

Ամեն դեպքում, չնայած շուկայի մեծ մասնաբաժնին, Android & Co.-ն ամենևին էլ առաջին տեղում չեն, երբ խոսքը գնում է շահույթի մասին: Բջջ. հեռախոսների շուկայի շահույթի 66%-ը կենտրոնացած է Apple-ի ձեռքում, որին բաժին է հասնում ընդհանուր բջջ. հեռախոսների վաճառքի ընդամենը 4,6%-ը:

Ամենայն հավանականությամբ Google-ը հասկացավ, որ միայն գովազդով հեռու չես գնա և որոշեց հեռախոսների անմիջական վաճառքի շաոհույթից էլ համտեսի: Թե ոնց կանրադառնա այս նոր ուտեստը Google-ի մարսողական համակարգի վրա, կտեսնենք ապագայում, և քանի որ խոսքը smartphone-ների շուկայի մասին է, ապա՝ մոտ ապագայում:

[Yellow Raven]

Google-ը միշտ ճիշտ ժամանակին ճիշտ կողմնորոշվելա դեռևս... Իմ կարծիքով էս քայլն էլ իրան կարդարացնի