Հարավի քամին մեզ վարդեր բերեց
Տարածվեց ձորում քրքիջը գարնան
Բացվող զարթոնքը սոխակներ գերեց
ԵՎ ուժգին հոսեց հունով մեր արյան
Ծլերը կպած արևի շրթից ելան լույս աշխարհ
ՈՒ պճնվեցին քնքուշ թերթերով բույլերով պեզ-պեզ
Ախչնակների զուլալ աչքերով բացված անհամար
ՈՒ նվիրեցին ապրելու համար այս գարունը մեզ
---------------------------------------------------
Սառը գույներ են պերուրել կրկին
ՈՒ խառնել իրար ամոքում ու ցավ
Զղջումի դևը նիզակը ձեռքին
Իմ ողջ էության ճամփեքով անցավ
Երկար անձրևի ամպը տարածվել
Թրջված ծառերն են կածես հեծկլտում
Մերժված իղձերս մշուշում պահվել
ՈՒ նրանց աշնան թախիծն է փնտրում
Երկար անձրևի ամպում տարածվել
Զղջում է ցավով վիրավոր հոգիս
Աշնան մեղեդին հանդին մերկացրել
Տրտում լարերով ձայնակցում է ինձ:
Մեջբերել
Էջանիշներ