Շատ կցանկանայի տեսնել «Նազարեն»Մբողջությամբ, բայց մինչ այդ կարող ենք դիտել որոշ հատվածներ: Այս և մի քանի այլ տեսանյութեր կարող եք դիտել ֆեյսբուքի "Արթնացում" http://www.facebook.com/pages/%D4%B1%D5%90%D4%B9%D5%86%D4%B1%D5%91%D5%88%D5%92%D5%84-AWAKENING/197230850294897
,,Նազարե,,-ն մի հատված է իմ ,,Մոզ,, հեքիաթաշարից:Այն ֆիլմ չէ,և ճիշտ չի լինի դիտել այն մեզ հայտնի որևէ ձևաչափի մեջ:Իրականում այն իմ գրաֆիկական աշխատանքներից հյուսված շարժանկար է,որը համեմել եմ հնչյունավորմամբ:
Հայոց ծիսական տիկնիկներն այս շարժանկարում անցնում են կարմիր թելի պես:Սակայն պատմությունը նրանց մասին չէ,այլ Նազարե անունով մի... մարդու,ով տիկնիկագործների հայտնի գերդաստանի վերջին շառավիղն եր Մոզ քաղաքում:Նրա ապրումների,նրա ճակատագրի մասին է պատմությունը:
Ստեղծելով այս շարժանկարը`իմ առաջ խնդիր չեմ դրել վերարտադրել Վայոց Աշխարհի ու Մոզ քաղաքի պատմությունն ազգագրագիտական ու պատմագիտական ճշգրտությամբ:Ես վավերագրող չեմ,ես ստեղծագործող եմ,ինչն ինձ թույլ է տալիս համարձակորեն վերարտադրել իրականությունն իմ սեփական`ամենատարբեր հայեցակետերից:Իսկ իրականությունն այս շարժանկարում հետ է քաշվել`զիջելով իր տեղը այլաբանությանն ու խորհրդապաշտությանը:
Ծեսեր,տոներ ու ավանդույթներ,որպես այդպիսիք`չկան այստեղ,այլ միայն նրանց ալեգորիկ պատկերներն ու մեկնությունները:
Գավառի բոլոր վանական այրերը մեղադրում են Նազարեին`հեթանոսի,այլադավանի ու մոգի պիտակներ վերագրելով նրան,քանզի միայն նրա պատրաստած տիկնիկներն էին առեղծվածային կերպով ծառայում իրենց ծիսական նշանակությանը:
Սակայն թեմի առաջնորդարանը նրան չի բանադրում`ասելով,որ եթե Նազարեն Աստծուն չի ճանաչում,դա իրենց իսկ բացթողումն է:
Առաջնորդարանի արդարացմա...նը հակառակ`գավառի վանականները վարձու այլազգու ձեռքով կրակի են մատնում նրա տունը...
Հույսով եմ ձեզ էլ հետաքրքրեց: Շատ կցանկանայի լսել ձեր կարծիքները:
Մեջբերել
Էջանիշներ