«Կրոն» բաժնի մոդերատորի ընտրություն

[ars83]

Էս ինչ լավ-լավ մարդիկ են առաջադրվել: Դժվար ընտրության առաջ եք կանգնեցրել ընտրազանգվածին:
Բոլոր երեքի նկատմամբ հարգանք տածելով և համոզված լինելով, որ նրանցից ցանկացածն ունակ է հաջողությամբ մոդերավորել տվյալ բաժինը, ես իմ քվեն, այնուամենայնիվ, տալիս եմ Jarre-ին: Իմ կարծիքով, նա բոլոր թեկանծուներից առավելագույն չափով է տիրապետում քննարկվող հարցերին «կողքից նայելու», կրոնական հարցերի վերաբերյալ սեփական տեսակետը գնահատման չափանիշ չսարքելու հատկություններին:

[Jerry]

Առանց խոսքերի Jarre

[Ուլուանա]

Ես դեմ եմ Ժառռին, ինքը չափից դուրս լավն ա մոդեր լինելու համար (ասածս էն չէ, որ Սկեպտիկն ու Մունուոքերը վատն են )

Մի խոսքով, եթե սիրում ու հարգում եք Ժառռին, խնդրում եմ իր օգտին չքվեարկել

Հայկ ջան, ես էլ էի սկզբում Ժառի հետ կապված լրիվ նույն կարծիքին, բայց կարծիքս փոխել եմ ։ Նախ Ժառը, համաձայնելով առաջադրվել որպես մոդերատորի թեկնածու, պիտի որ շատ բաներ հաշվի առած լինի ու գիտակցի էդ բաժնի հետ կապված ողջ պատասխանատվությունը, հնարավոր դժվարություններն ու խնդիրները։ Համոզված եմ, որ լինելով լուրջ ու պատասխանատու մարդ` լիովին գիտակցում է էդքանը։ Որպես թերություն նշվեց նրա չափից դուրս մեղմ լինելը, բայց դե փորձը ցույց է տվել, որ կոնկրետ «Կրոն» բաժնում կարևորը ոչ էնքան խստությունն է, որքան ընդհանուր համերաշխությունը պահպանելու կարողությունը։ Երևի շատերը հաշվի չեն առնում, որ Ժառը նույնիսկ խիստ տարբեր մտածելակերպի մարդկանց հետ ընդհանուր լեզու գտնելու բացառիկ տաղանդ ունի, ինչը բազմիցս ապացուցել է։ Ու դա հատկապես «Կրոն» բաժնի մոդերատորի համար անգնահատելի առավելություն է, իմ կարծիքով։ Հանդուրժողականության մասին էլ չեմ ասում։

[Mephistopheles]

ես կուզենայի կամ Ն.Ս.Օ.Տ.Տ. Գարեգին Բ, կամ Կճոյան… կարա՞նք էս տարբերակներն ավելացնենք

[Chuk]

ես կուզենայի կամ Ն.Ս.Օ.Տ.Տ. Գարեգին Բ, կամ Կճոյան… կարա՞նք էս տարբերակներն ավելացնենք

Ցավոք առաջադրումների ժամկետն ավարտվել է:

[Sagittarius]

Էս բաժինը ոնց հասկացա մահվան խումբն ա

բավականին դժվար ա ընտրություն կատարելը

[Dayana]

Չնայած Կրոնի բոլոր ժամանակների ամենալավ մոդերատորն իմ ձեդոն ա, բայց ընկերովի գործը լավ բան ա: Ձայնս Ժառին եմ տվել, որովհետև երեք թեկնածուներից միայն նրան եմ ճանաչում՝ թե՛ Կրոն բաժնում, թե՛ նրանից դուրս:

[Moonwalker]

Քանի որ մինչև քվեարկության ամփոփումը ու միգուցե վաղն ամբողջ օրը ըստ երևույթին չեմ հասցնի Ակումբ մտնել, հիմա կգրեմ:

Նախ քվեարկության պատկերը ինձ համար մի քիչ անսովոր ստացվեց: Անկեղծ մտածում էի, որ ամենաշատ ձայներ հավաքելու էր Սկեպտիկ Գագոն (ոնց որ պատգամավոր-մականունավոր լինի), ում օգտին և քվեարկել եմ (մի վայրկյան անգամ չկասկացելով Ժառի պոտենցիալ մոդերական ունակությունների վրա): Բայց ոնց ասում են՝ vox populi, vox Dei. ակումբցիք մի քիչ այլ կերպ են մտածում: Ու ամեն դեպքում մեր քվեարկության համար վստահ կարող ենք հերքել Ֆլակկուս Ալբինոսի պնդումը:
Շնորհավորանքներս Ժառին: Բարով չարչարվես թագավորես: (99% համոզված եմ որ քվեարկության պատկերն առանձնապես էլ չի փոխվի)

Ու առանձնահատուկ մերսի բոլոր էն ակումբցիներին, ովքեր իմ համար են քվեարկել: Վերջիվերջո եթե ստանում ես քվեարկությանը մասնակցածների (էս պահի դրությամբ) կեսից նույնիսկ մի փոքր ավելիի (!! ) վստահությունը, նշանակում ա, որ դու, այնուամենայնիվ, քեզնից ինչ որ բան ներկայացնում ես:

[Մանուլ]

Իսկ ես գիտեի` ամենաշատը 2 հոգու կարող ենք ընտրել հարցման մեջ, փաստորեն բոլորին ձայն տվողներ էլ են եղել :
Դժվար էր 3 թեկնածուներից 2-ին ընտրելը, որովհետև իմ կարծիքով 3-ն էլ համապատասխանում են էդ պաշտոնին: Որոշեցի ձայնս Skeptic-ին ու Moonwalker-ին տալ: Քանի որ Monk-ը հաճախ չի մտնում Ակումբ, իսկ քրիստոնյա մոդեր պետք է, էդ պատճառով էլ Moonwalker: Ու քրիստոնեության «դեմ» հավասարակշռությունը պահպանելու համար նպատակահարմար եմ գտնում, որ Skeptic-ը լինի մոդեր:
Դա չի նշանակում, որ Ժառի մոդերատորությանը դեմ եմ: Հակառակը, կարծում եմ, որ ընդհանրապես հավասարակշռված ու արդար մարդը, անկախ կրոնական հայացքներից, լավ մոդերատոր կլինի : Պարզապես նշված երեքից առաջին երկուսին ընտրեցի նշածս պատճառներով: Թե չէ ավելի լավ կլիներ, որ բոլորն էլ մոդեր լինեին :

[Skeptic]

Jarre ջան, միանում եմ շնորհավորանքներին:

Ճիշտն ասած՝ ամենաշատ տուգանային միավորներս հենց էս բաժնում եմ ստացել, բայց դրանցից ոչ մեկի համար բողոքելու պատճառ չեմ ունեցել: Մոդերատորի ճիշտ ընտրությունը կարևորվում ա հատկապես հնարավոր կոնֆլիկտների առումով «ամենապայթյունավտանգ» բաժիններից մեկը լինելու հանգամանքով, ու կարող եմ ասել, որ Մոնքը, իրոք, օբյեկտիվության մակարդակը հնարավորինս հավասարակշռված ա պահում:
Jarre ջան, մի խնդրանք իմ կողմից. այս կամ այն մասնակցին տուգանելիս /իսկ քո օրինապահության վրա մի վայրկյան ու մի գրամ էլ չեմ կասկածում/ հանկարծ տարատեսակ մտորումների մեջ չընկնես:

Moonwalker, քեզ մի հատ բեեե /դու կհասկանաս /

Ինչ վերաբերում ա ինձ, տենց էլ չկողմնորոշվեցի՝ ուզո՞ւմ էի մոդերատոր լինել, թե՞ չէ: Ամեն դեպքում, նման դեպքերում աշխատում եմ լավը տեսնել:

[Chuk]

Շնորհակալություն բոլորին՝ քվեարկությանն ու քննարկմանը ակտիվ մասնակցելու համար:

Ես առայժմ չեմ շտապում շնորհավորել հաղթողին, որովհետև բացառված չի, որ ունենք ոչ թե հաղթող, այլ հաղթողներ, ինչպես որ գրել էի առաջին գրառման մեջ.

Բացառված չէ, որ քվեարկության արդյունքներն ամփոփելուց որոշվի մոդերատոր «նշանակել» ոչ միայն ամենաշատ քվեները ստացողին, այլ ամենաշատ երկու քվեները ստացողներին, եթե ձայների տարբերությունն այնքան էլ մեծ չի:

Այժմ այդ հարցը կդնեմ քննարկման ղեկավար կազմում ու վաղը որոշման մասին կտեղեկացնեմ:

Նորից բոլորիդ շնորհակալություն

[E-la Via]

Jarre, սրտանց շնորհավորում եմ, համոզված եմ, որ շատ լավ մոդերատոր կլինես : Հիմա դու այն ապահովության զգացողության կրողն ես, պահպանիր այն :

Բայց չգիտես ինչի ինձ թվում է, որ նշանակվելու են երկու նոր մոդերատորներ, ու եթե այդպես լինի, նախապես շնորհավում եմ երկրորդին էլ :

Բարի մոդերատորություն ձեզ :

[Նետ]

Բայց չգիտես ինչի ինձ թվում է, որ նշանակվելու են երկու նոր մոդերատորներ,

Հես ա

բացառված չի, որ ունենք ոչ թե հաղթող, այլ հաղթողներ

[Նետ]

Ինչ որ.էլի
ձայների վերջնահաշվարկում 50 տոկոսից ավել քվեով. նորից հաղթող դուրս գար Սերժ Սարգսյանը։

[Chuk]

Այժմ այդ հարցը կդնեմ քննարկման ղեկավար կազմում ու վաղը որոշման մասին կտեղեկացնեմ:

Պետք է խոստովանեմ, որ բավական դժվար քննարկում, որոշում էր:

Կարելի է ասել, որ տարաձայնություն չունեինք, որ մոդերատոր լինեն թե՛ Moonwalker-ը, թե՛ Jarre-ը, ովքեր երկուսն էլ ստացել էին քվեարկածներից 50 տոկոսից ավելիի քվեն: Բայց ունեինք ուրիշ տարաձայնություն: Մրցույթին ներկայացված երեք թեկնածուներն էլ ղեկավար կազմի համար խիստ ընդունելի ու ցանկալի թեկնածուներ էին, նրանցից յուրաքանչյուրին էլ, ըստ էության, կարող էինք անվերապահորեն վստահել մոդերատորի «ղեկը»: Ու կար կարծիք, որ գուցե իմաստավորված է երեքին էլ նշանակել մոդերատոր: Շատ չեմ խորանա դետալների մեջ, երկու տեսակետներն էլ ունեին իրենց հիմնավորումները: Մի կողմից կուզեինք, որ հնարավորինս տարբեր կրոնական հայացքներ ունեցողներ ղեկավարեին բաժինը, մյուս կողմից մոդերատորների շատ քանակը կարող էր խանգարել բնականոն աշխատանքին, քայլերի համաձայնեցնելուն և այլնին: Հաշվի էինք առնում նաև քվեարկության ժամանակ տրված ձայների քանակները. մի կողմից բավական մեծ քանակությամբ քվեներ ուներ երրորդ թեկնածուն, այսինքն, կոպիտ ասած վայելում է մեծ շերտի վստահություն, մյուս կողմից այնուամենայնիվ ձայների քանակով զիջում էր մյուս երկու թեկնածուներին, իսկ քվեարկության արդյունքների հետ հաշվի չնստել չէինք կարող:

Ի վերջո որոշվեց մոդերատորություն վստահել միայն Jarre-ին ու Moonwalker-ին: Նրանց հետ միասին մոդերատորություն շարունակելու է նաև Monk-ը:

Անձամբ ես մեկ վայրկյան անգամ կասկած չունեմ այս եռյակի անաչառ ու արդյունավետ մոդերատորության մեջ, նրանք բաժինը ծաղկեցնելու ու պահելու են հանդուրժողականության մթնոլորտում:

Jarre և Moonwalker, շնորհավորում եմ Ձեզ ընտրվելու առթիվ Միաժամանակ ներողություն եմ խնդրում, որ Ձեզ ներքաշում ենք այս ներվային ու պատասխանատու գործի մեջ
Կարծում եմ, որ մեր համագործակցությունը արդյունավետ կլինի:


Skeptic, հետո լրացուցիչ կզրուցենք, բայց ես լիահույս եմ, որ քո հետ ևս կունենանք համագործակցություն ու խիստ հավանական եմ համարում, որ քեզ առաջարկենք այլ բաժնի մոդերատորությունը:


Բոլորին շնորհակալություն քվեարկությանը ակտիվ մասնակցության համար: