Իմ թախիծը լուսավոր է...

[Մանոն]

Ողջույն ...ՈՒզում եմ հրավիրել ձեզ դիտելու իմ ստեղծագործություններից մի քանիսը: Սպասում եմ ձեր մեկնաբանություններին, հուսալով, որ շատ խիստ չեք դատի:
Նկարները ավելի մեծ կարելի է տեսնել իմ կայքում՝
www.manuu.mylivepage.ru

[Ուլուանա]

Մանոն, եթե սա քո թախիծն է, ապա այն իսկապես շատ լուսավոր է։
Գեղեցիկ ես նկարում։ «Լուսավոր» բառն, իմ կարծիքով, իրոք սազում է։

[Selene]

Մանոն իրոք քո թախիծը շաաատ լուսավոր է
Շատ գեղեցիկ ես նկարում, շատ լավն են նկարներդ Չնայած ես նկարչությունից շատ եմ հեռու,նման շնորհք աստված ինձ չի տվել,բայց գեղեցիկ նկարներ շատ եմ սիրում

[ihusik]

Մինչ թեմայիդ բացելը ես արդեն քո կայքից տեսել էի նկարներդ և ինձ մոտ դրանք պահպանել, այնպես որ իրոք շատ հավանում եմ նկարներդ, ուր կա գույների նրբություն ու ներդաշնակություն, այլ կերպ ասած գեղեցկություն և որ ամենակարևորն է դրանցով դիտողին ես փոխանցում քո գեղեցիկի ընկալումն ու կիսվում նրա հետ այն զգացողություններով ու մտքերով, որ ինքդ ունեցել ես այդ պահին՝ ինչը ամեն մի արվեստի նպատակն է: Այնպես որ, իսկապես արվեստի արժանի գործեր են, ափսոս որ քիչ ես նկարել, բայց հուսով եմ, որ կշարունակես քո այդ գեղեցիկ գործը և մեզ էլ կուրախացնես նորանոր քո նկարներով: ?

Գեղեցիկն ու նրա գիտակցումը կփրկեն աշխարհը: - երբ նույնիսկ թախիծը լուսավոր ու գեղեցիկ կլինի:

[Գոռ Ջան - Հայ]

Միքիչ գլուխ հանում եմ նկարչությունից, ինձ մի երկու բառ թույլ կտամ
Բնապատկերը քեզ 100-ով իարկանա տրվում
Մենակ կտորեղենի պահը միքիչ արհեստականա: Բայց երևի ժամանակի հարցա
Բնութագրիչ ա , պարզ պատկերումա նկարի նպատակը, ու հոգեվիճակը:
գույների համադրությունը շատ հաճելիա, աչք շոյող :

[Enipra]

Մանո՛ն, նայեցի բոլոր նկարներդ։ Մի տեսակ շատ մեծ խաղաղություն ու հանգստություն կա դրանց մեջ, շատ հարազատ են գույներդ։
Միայն թե ինձ թվաց, որ որոշ նկարներում մի փոոոքր տարածականությունն ու խորությունը չէին խանգարի։ Բայց դե ինձ թվալը շատ քիչ է
Քեզ ստեղծագործական մեծ հաջողություններ

[Ծով]

Ապրես Մանոն ջան…
Շատ հավանեցի…գույների ներդաշնակություն կա…ու բարություն քո լուսավոր թախիծի մեջ…
Հատկապես սիրեցի «Հրեշտակ»-ը ։
ՀԻմա էլ էկրանիս ա…

[Արսեն]

Լավն են, ափսոս չեմ կարա մտնեմ քո սայթից նայեմ: որտեղ ես սովորում՞

[Մանոն]

...իսկապես արվեստի արժանի գործեր են, ափսոս որ քիչ ես նկարել, բայց հուսով եմ, որ կշարունակես քո այդ գեղեցիկ գործը և մեզ էլ կուրախացնես նորանոր քո նկարներով: ?

Գեղեցիկն ու նրա գիտակցումը կփրկեն աշխարհը: - երբ նույնիսկ թախիծը լուսավոր ու գեղեցիկ կլինի:

Շնորհակալ եմ բոլոր արձագանքողներին ընկալման ու խրախուսական խոսքերի համար: Դրանք ինձ երբեմն օդ ու ջրի պես անհրաժեշտ են դառնում: Ես ընդունում եմ մյուս անդամների արած դիտողություններն էլ (մեկ առ մեկ չմեջբերեմ լա՞վ), Enipra-ի տարածականության, Հայ-ի կտորների պահի վերաբերյալ: Ես դրանք տեսնում ու հասկանում եմ, բայց չունենալով նկարչական ոչ մի կրթություն (հարգելի Arss սա երևի Ձեր հարցի պատասխանն է), դժվարանում եմ շա՜տ հարցերում, ինչ խոսք ինձ տեխնիկան պակասում է: Ու երբեմն ինքս ինձ մտածում եմ. արժե՞ արդյոք նկարել: Բայց ինչպես ասում են, եթե ստեղծագործությունը հասկացվել է գոնե մեկի կողմից, ուրեմն արժե շարունակել ստեղծագործել

[Enipra]

...Ու երբեմն ինքս ինձ մտածում եմ. արժե՞ արդյոք նկարել:

Manon ջան, քո այդ փոքրիկ բացթողումներն այնքան չնչին են՝ համեմատած այն հսկայական էներգիայի ու լույսի հետ, որ փոխանցում են նկարներդ, որ նման բան մտածելու իրավունք անգամ չունես
Անպայման շարունակիր նկարել

[Գոռ Ջան - Հայ]

Manon ջան, քո այդ փոքրիկ բացթողումներն այնքան չնչին են՝ համեմատած այն հսկայական էներգիայի ու լույսի հետ, որ փոխանցում են նկարներդ, որ նման բան մտածելու իրավունք անգամ չունես
Անպայման շարունակիր նկարել

Էն , ինչ ես պիտի ասեի
Մենակ էն, որ դու կարում ես քո նկարներով արտահայտել քո պատկերացումներն ու կարում ես քո նկարներով զգացումներ արտահայտել, արդեն անգնահատելիա:
Մի խոսքով, ձգտելով արվեստի, լինելով արվեստի մարդ, ուղակի ինքդ քեզ դավաճանած կլինես ,եթե մտածես, որ ինչ որ բան կարա ստիպի քեզ հեռու մնալ նկարչությունից
Իմիջայլոց, ի սրտե ցանկանում եմ քեզ մեծ հաջողություններ, հուսով եմ թե կրթություն ստանալու թե դրա բացակայության դեպքում, կհասնես արդյունքների, ու էդ ժամանակ, երբ ասենք անհատական ցուցադրություններ կունենաս, արդեն սովորական բան կդառնա քննադատություններ լսելը, ու դրանից սխալ մտքեր չեն առաջանա
Առաջ....

[Մանոն]

Էն , ինչ ես պիտի ասեի
Մենակ էն, որ դու կարում ես քո նկարներով արտահայտել քո պատկերացումներն ու կարում ես քո նկարներով զգացումներ արտահայտել, արդեն անգնահատելիա:
Մի խոսքով, ձգտելով արվեստի, լինելով արվեստի մարդ, ուղակի ինքդ քեզ դավաճանած կլինես ,եթե մտածես, որ ինչ որ բան կարա ստիպի քեզ հեռու մնալ նկարչությունից

Այո…ձեր բոլորիդ ոգևորող խոսքերից ներշնչված՝ նոր նկար եմ նկարել, որը սակայն դեռ չեմ վերնագրել: Կուզենայի ամենքդ գրեիք ձեր մտածած վերնագիրը, ու որը դրանցից կհամընկնի իմ մտքում եղած վերնագրի հետ, այն էլ կտեղադրեմ իմ կայքում: Դրանով էլ կորոշեմ, թե որքանով է ինձ հայողվել նկարը: (Ի դեպ այն կայքում ավելի մեծ ու որակով կարելի է դիտել)
Դե....սպասում եմ վերնագրի ձեր տարբերակներին

[Գոռ Ջան - Հայ]

Դե միանշանակ հնարավոր չի վերնագրել, երկար նայելուց տարբեր մտքեր են առաջանում՝ Երազ, Գարուն աղջիկ, Նազանք, Կյանք......եսի՞մ
Ավելի ճիշտ կլինի դու քո տարբերակն ասես միանգամից, որ ավելի հեշտ լինի հասկանալ քո մտքերը:

[Բարեկամ]

կարելի ա «Իգություն»: Նկարում անգամ կակտուսն ա կանացի…

[Ուլուանա]

Կարելի է դնել «Արտացոլանք» կամ «Սիրո արտացոլանքը»։