Իմ թախիծը լուսավոր է...

[ihusik]

Խոնարհվում եմ քո առջև Մանոն ջան...

Դու, որ ի տարբերություն օվկիանի ու ծովի մակերեսին մի վարկյան փայլող ու անցնող փրփուրի նման չես, այլ օվկիանի մութ խորքերում եղող մարգարտահատիկի նման համեստ ու լուռ ես, որին քչերը կարող են հասնել, տեսնել, հասկանալ ու գնահատել, բայց դրանից մարգարտահատիկը չի կորցնում իր արժեքն ու փայլը. այ այդ մարգարտահատիկի պես էլ գեղեցիկ ես քո ներքնաշխարհով, քո սրտով ու քո սրտից ծնված գործերն էլ քո շունչն ու հոգին են կրում ու քեզ պես լուսավոր են միշտ՝ ինչպես Սերը

Շնորհավորում եմ...

[Դեկադա]

Հիասքանչ է, Մանոն ջան: Ես կուզենամ, որ հաջորդ անգամ հավերժություն գնալուց՝ երկուսդ էլ ձեռքերը պարցած գնաք, ոչ թե դու խոնարհ հայացքով: Ամեն դեպքում հիացած եմ:

[Դեկադա]

Ես գրեցի, ու հետո տեսա, որ չեմ գրել ամենակարևորը: Ես հիանում եմ Մանոն ջան այն հանգամանքով, որ դու կարողացել ես այնպես միտքդ հանձնել թղթին, որ ես էլ ունեմ նույն զգացում ինչ-որ երևի դու. կարծես դառել եմ նկարի մի մասնիկը

[Ուլուանա]

Ժամանակի միջով` ԴԵՊԻ ՀԱՎԵՐԺՈՒԹՅՈՒՆ…

Ինչպես միշտ, լավն է , գեղեցիկ ու լուսավոր։

[Ann87]

Ժամանակի միջով` ԴԵՊԻ ՀԱՎԵՐԺՈՒԹՅՈՒՆ…

շատ գեղեցիկ նկար է,ինձ դուր եկավ

[Djavaxhq]

Կեցցես Բարեկամս հսկայի քայլերով առաջ ես ընթանում,

[Մանոն]

Հրաշքները լինում են երկու տեսակ, բացատրելի ու ոչ բացատրելի, քո նկարները որի?ն են պատկանում. Շատ է դուրս գալիս, քո թախիծն իրոք որ լուսավոր է, շնորհավորում եմ...

Շնորհակալ եմ, կարծես թե բացատրելի, որովհետև երեխեքը կարգին բացատրել են

Խոսքեր չեմ գտնում արտահայտելու հիցմունքս

Ուրախ եմ

Սեր՝ Հավերժություն…
Ժամանակ՝ ևս հավերժություն…
Մանոն՝ գեղեցկություն ու նրբություն…
Մանոնի նկարներ՝ թախծոտ հոգիների լուսավոր անկյուն…

Ճիշտ նկատեցիր, իսկական սերը` հավերժ է լինում:

հետաքրքիր նկար է , նման է հավերժությանը` կարծես դանդաղ կլանվեն տիեզերքի կողմից~

Շնորհակալ եմ, բարեկամս, ինձ մի քիչ շտապեցնելու համար ՈՒրախ եմ, որ կարողացել եմ արտահայտել այդ կլանումը:

Շատ լուսավոր ու լավ նկար է, Մանոն:
Հետաքրքիրն է այն, որ քո նկարում հավերժության տանողը կարծես ավեի շատ տղամարդն է, մի տեսակ դոմինանտ է:

Վա~յ...Մտքերս լրիվ կարդաց: Շատ ճիշտ ես նկատել, գուցե ինձ հետ քչերը կհամաձայնեն, բայց ես միշտ էլ մտածել եմ, որ թե՛ մարդկային հարաբերություններում, թե՛ զարգացման մեջ, դոմինանտը տղամարդն է

հավերժություն տանող ուղին ողողված է լույսով...
Իսկ ժամանակը, ժամանակը կա , բայց այն խտացված է անցյալի ու ապագայի մետջղում խրված ներկա կոչվող սեպի մեջ/այս դեպքում լուսավոր կաթիլիկների մեջ/...
Շնորհավորում եմ Մանոն ջան, թերևս իրոք, խոսքերն ավելորդ էին

Ես էլ շնորհակալ եմ` այսպիսի գեղեցիկ վերլուծության համար, կարծես դու առաջինը նկատեցիր ժամացույցը` ներկա ժամանակն արտահայտողը

Մանոն ջան, շնորհակալ եմ, որ հերթական անգամ քո հրաշք նկարներով հիանալու հնարավորություն ընձեռեցիր Իրոք, սիրով միասնությունը հավերժ է թե՛ ժամանակի, թե՛ տարածության մեջ

Selene ջան, դու էլ նկատեցիր նկարի մեջ արտահայտված տարածությունը, որը սահման չունի

մարգարտահատիկի պես էլ գեղեցիկ ես քո ներքնաշխարհով, քո սրտով ու քո սրտից ծնված գործերն էլ քո շունչն ու հոգին են կրում ու քեզ պես լուսավոր են միշտ՝ ինչպես Սերը
Շնորհավորում եմ...

Ճշմարիտ ես, բարեկամս, այդ նկարներն իմ երեխաներն են ու կրում են իմ շունչն ու հոգին, շնորհակալ եմ իմ արվեստը բարձր գնահատելու համար

Ես գրեցի, ու հետո տեսա, որ չեմ գրել ամենակարևորը: Ես հիանում եմ Մանոն ջան այն հանգամանքով, որ դու կարողացել ես այնպես միտքդ հանձնել թղթին, որ ես էլ ունեմ նույն զգացում ինչ-որ երևի դու. կարծես դառել եմ նկարի մի մասնիկը

Էլ ի՞նչ ստեղծագործություն, որը նույն ապրումերը չարթնացնի նրան դիտողի կամ ընթերցողի մոտ, շնորհակալ եմ

Ինչպես միշտ, լավն է , գեղեցիկ ու լուսավոր։

Ապրես Անուկ ջան

շատ գեղեցիկ նկար է,ինձ դուր եկավ

Շնորհակալ եմ…Քո գործերն էլ լավն են
Հ.Գ. նկարը մեկ անգամ ևս տեղադրեմ ու… ավելացնելու թերևս բան չթողեցին իմ սիրելի ակումցիները, պարզապես իմի բերեմ նրանց նկատառումները` Սերը, միաբանությունը , որ արտահայտված է աղջկա ու տղայի ձեռք-ձեռքի տալով, գեղեցկի ընկալումն ու անսահման բարությունը միայն մեզ կուղեկցեն դեպի հավերժություն: Տեսեք թե ինչ ազատ են նրանք` թողած աշխարհիկ նյութապաշտությունն ու փառասիրությունը: Նրանք այնքան են տարված իրարով, որ չեն էլ նկատում կողքից անցնող մյուս ուղիները Ու տիեզերքի հավերժը ինչպես Գրիգը նկատեց` կլանում է նրանց իր գիրկը:
Djavaxhq ջան ուշ նկատեցի գրաշդ, շնորհակալ եմ, քեզ նույնպես ցանկանում եմ ստեղծագործական մեծ-մեծ թռիչքներ

[Լէգնա]

Այսօրվա երազս մեկ այլ հարթության վրա :
Մանոն, դու լույսի՞ց ես բուրում:

[lili-4]

Ժամանակի միջով` ԴԵՊԻ ՀԱՎԵՐԺՈՒԹՅՈՒՆ…

Փորձեմ նկարագրել իմ տպավորությունը, այս անգամ նախքան բնօրինակը նայելու:
Նախ ասեմ, որ առաջին հայացքից աչք շոյող , գեղեցիկ գունային համդրություն է: Այս զույգի ստվերը, իմ պատկերացմամբ, նրանց անցած ճանապարհն է, ու հաճելի է, որ այդ ուղին զուգահեռ է, համաչափ և, երևի ամենակարևորը` կանաչապատ: Եվ կարծես այդ հավերժությանը հասնելու պահը շատ բնական ու համահունչ է տղամարդ- կին հարաբերությանը: Ճանապարհը, ուղին ցույց է տալիս տղամարդը, բայց դա բռնակալի կամքի թելադրանք չէ, քանի որ նրանք իրար ձեռք- ձեռքի տված են, և ոչ թե տղամարդն է իր ետևից տանում, այլ կինն է ընտրել նրա ցույց տված ճանապարհը, քանի որ կնոջ ձեռքը դրված է տղամարդու ափի մեջ: Այս գեղեցիկ համադրության մյուս պահն էլ այն է, որ կարծես երկուսն էլ նոր քայլ անելու են պատրաստվում, դա միասին ընդունած որոշում է` քայլ դեպի հավերժություն: Ու այդ հավերժությունը լուսավորվում է ոչ թե արհեստական, այլ բնական լույսով, որ կարծես թափանցել է այդ մարդկանց հոգին ու այս անդրադարցը նրանց հոգուց ճառագող լույսն է:Լույս, որ գնում է սպիտակից դեպի կարմիր, դեպի ջերմության խորհրդանիշ կարմիրը:Սա կարծես իրենց իսկ պատկանող պահն է, իրենց իսկ հավերժությունը: Դրա բացատրություն էլ շրջանակի փոխարեն նկարը եզրավորող ժամացույցի թվերն են: Ժամացույց, որի հավերժություն տանող սլաքներին փոխարինել է այս լույս ճառագող զույգը:

[Enipra]

Ժամանակի միջով` ԴԵՊԻ ՀԱՎԵՐԺՈՒԹՅՈՒՆ…

Մանո՛ն ջան, այ հեսա որ դու հայտնի դառնաս (դե գիտեմ էլի, որ դառնալու ես), ու սկսեն այս նկարովդ պատի ժամացույցներ արտադրել, ես առաջինը մեկ կամ մի քանի օրինակ ձեռք կբերեմ։ Դե հենց նկարը չեմ կարողանա ձեռք բերել, որովհետև այն մի լաաավ թանգարանում իր կարգին տեղը կունենա, որտեղ էքսկուրսավարը թանգարան այցելած ու հատկապես քո նկարների շուրջը խմբված աշակերտներին կբացատրի կամ գոնե կփորձի բացատրել այն բոլոր թաքնված ու ոչ այնքան թաքնված իմաստները, որ դնում ես նկարներիդ մեջ։

[Ծով]

էս նկարը զգալ ա պետք
Մեկնաբանել չեմ ուզում, միայն կասեմ, որ այստեղ լույսն այնքան շատ է, որ թախիծն իր տեղը զիջում է նորից լույսին...
Քո լույսն իրոք որ շատ լուսավոր է
Հ.Գ. Միայն թե, երբ լսում եք Մանոնի մեկնաբանությունները սեփական գործերի մասին, տեսնում եք շատ ավելին, քան տեսնում եք մինչ այդ

[Մանոն]

Այսօրվա երազս մեկ այլ հարթության վրա :
Մանոն, դու լույսի՞ց ես բուրում:

Երևի ես էլ եմ քո երազում եղել

...ուղին ցույց է տալիս տղամարդը, բայց դա բռնակալի կամքի թելադրանք չէ, քանի որ նրանք իրար ձեռք- ձեռքի տված են, և ոչ թե տղամարդն է իր ետևից տանում, այլ կինն է ընտրել նրա ցույց տված ճանապարհը, քանի որ կնոջ ձեռքը դրված է տղամարդու ափի մեջ:
... Ու այդ հավերժությունը լուսավորվում է ոչ թե արհեստական, այլ բնական լույսով, որ կարծես թափանցել է այդ մարդկանց հոգին ու այս անդրադարցը նրանց հոգուց ճառագող լույսն է:Լույս, որ գնում է սպիտակից դեպի կարմիր, դեպի ջերմության խորհրդանիշ կարմիրը:Սա կարծես իրենց իսկ պատկանող պահն է, իրենց իսկ հավերժությունը: Դրա բացատրություն էլ շրջանակի փոխարեն նկարը եզրավորող ժամացույցի թվերն են: Ժամացույց, որի հավերժություն տանող սլաքներին փոխարինել է այս լույս ճառագող զույգը:

lili-4 ջան, դե քեզ միշտ էլ ասել եմ, որ սխալ մասնագիտություն ես ընտրել: Դու կամ պիտի գրականագետ լինեիր, կամ արվեստաբան: Շատ ճիշտ ես վերլուծել նկարը, շնորհակալ եմ: Դէ իսկ ավատարդ խոսում է այն մասին, որ իրոք քեզ սրտամոտ գործ է նկարածս: ՈՒրախ եմ

Մանո՛ն ջան, այ հեսա որ դու հայտնի դառնաս (դե գիտեմ էլի, որ դառնալու ես), ու սկսեն այս նկարովդ պատի ժամացույցներ արտադրել, ես առաջինը մեկ կամ մի քանի օրինակ ձեռք կբերեմ։ Դե հենց նկարը չեմ կարողանա ձեռք բերել, որովհետև այն մի լաաավ թանգարանում իր կարգին տեղը կունենա, որտեղ էքսկուրսավարը թանգարան այցելած ու հատկապես քո նկարների շուրջը խմբված աշակերտներին կբացատրի կամ գոնե կփորձի բացատրել այն բոլոր թաքնված ու ոչ այնքան թաքնված իմաստները, որ դնում ես նկարներիդ մեջ։

Հայտնի դառնալու մասին չեմ մտածում, բայց ժամացույցների արտադրությունը միտք է

Հ.Գ. Միայն թե, երբ լսում եք Մանոնի մեկնաբանությունները սեփական գործերի մասին, տեսնում եք շատ ավելին, քան տեսնում եք մինչ այդ

Դա հաստատ, որովհետև որքան էլ փորձում եմ որակով նկարահանել ու տեղադրել կոմպ-ում, միևնույն է, գունային գամման այն չի ստացվում, ինչ` բնօրինակում: Էլ չեմ ասում, որքան է աղավաղվում ծավալը փոքրացնելիս` այստեղ տեղադրելու համար:
Շնորհակալ եմ բոլորիդ, սիրում եմ ձեզ…

[Chilly]

ուր ա.... ուր ա... էլի եմ նկար ուզում, էլի եմ նկար ուզում...

[Ծով]

ուր ա.... ուր ա... էլի եմ նկար ուզում, էլի եմ նկար ուզում...

Ես էլ...Դե՛..Մանոն

[Tig]

Հրաշալի գունային համադրություններ, հասքանչ կոմպոզիցիաներ և լուսաստվերի գեղեցիկ համաձուլումներ…
Ո՞նց մինչև հիմա չէի տեսել