Արտակարգ պատահարներ

**Ապե Ջան** · 28.07.2011, 00:27

Ավտովթար Ծովակալ Իսակովի փողոցում. մեքենաներից մեկը շրջվել է

Ոստիկանության Մալաթիայի բաժնում հուլիսի 26-ին հաղորդում է ստացվել, որ ժամը 19.00-ի սահմաններում Ծովակալ Իսակովի պողոտայում ավտովթար է տեղի ունեցել:

Ոստիկանության մամուլի ծառայությունից NEWS.am-ին հայտնում են, որ իրար են բախվել 24-ամյա Գարիկ Մ.-ի վարած «ՎԱԶ-2121» մակնիշի եւ 59-ամյա Հայկազ Փ.-ի վարած «ՎԱԶ-2106» մակնիշի ավտոմեքենաները: Մեքենաներից մեկը շրջվել է:

Գարիկ Մ.-ն մարմնական վնասվածքներով տեղափոխվել է «Արմենիա» բժշկական կենտրոն: Կատարվում է քննություն:

News.am

**VisTolog** · 24.09.2011, 00:25

Ավտոմեքենան ամբողջովին այրվել է.1 զոհ, 5 վիրավոր

Այսօր` սեպտեմբերի 23-ին ավտովթար է տեղի ունեցել Արարատի մարզում: Ինչպես news.armeniatv.com-ին տեղեկացնում է ֆոտոլրագրող Գագիկ Շամշյանը, ժամը 21-ի սահմաններում Երեւան-Երասխ ավտոճանապարհի Հովտաշեն գյուղի մոտ Արտաշատի բնակիչ, 50-ամյա Մանվել Ավետիսյանը վարելով Ֆոլցվագեն մակնիշի 20 ԼՏ 626 համարանիշի ավտոմեքենան Արտաշատ-Երեւան ավտոճանապարհի 18-րդ կմ-ին դուրս է եկել ճանապարհի երթեւեկելի գոտուց, բախվել ճամփեզրի աջ կողմի հենասյանն ու շրջվել: Վթարի հետեւանքով ավտոմեքենայի մեջ գտնվող Մխչյան գյուղի բնակիչ, 28-ամյա Արփիկ Հախվերդյանը հիվանդանոցում մահացել է, իսկ 51-ամյա Նազիկ Մելքոնյանը, 20-ամյա Գարիկ Ավետիսյանը, 4-ամյա Գոհարիկ Ավետիսյանը, 6-ամյա Մանվել Վարուժանի Ավետիսյանը մարմնական վնասվածքներով տեղափոխվել են Մասիսի եւ Արտաշատի հիվանդանոցներ: Ֆոլցվագենի շրջվելուց հետո առաջացել է հրդեհ, ինչի հետեւանքով ավտոմեքենան ամբողջովին այրվել է: Վիրավորներին ավտոմեքենայից դուրս են բերել քաղաքացիներն ու Հայաստանի փրկարար ծառայության Արարատի մարզի հրշեջ փրկարարները: Դեպքի վայրում են եղել նաեւ ոստիկանության քննչական գլխավոր վարչության Արարատի մարզի քննչական բաժնի քննիչն ու փորձագետը եւ ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի տեսուչները: Մեքենան տեղափոխվել է Արտաշատի բաժնի տուգանային հրապարակ:

Սեպտեմբերի 23-ին ուշ երեկոյան ավտովթար է տեղի ունեցել Երևանում:

Ինչպես news.armeniatv.com-ին հայտնեց ֆոտոլրագրող Գագիկ Շամշյանը, ժամը 22:40-ի սահմաններում Բաղրամյան պողոտայի վրա, դեպի Օրբելի թունել տանող հատվածում, Նիսան մակնիշի 99 ԼԼ 990 համարանիշի ավտոմեքենան բախվել է մի քանի ավտոմեքենայի, այդ թվում 1 Օպելի և Գազ 3110 մակնիշի 006 ՏՏ 01 համարանիշի ավտոմեքենային: Դեպքի վայրում հավաքվածները ֆոտոլրագրողին պատմել են, որ Նիսանը վարել է երիտասարդ մի աղջիկ, ով անգամ անվայելուչ է իրեն պահել, դեպքի վայր ժամանած Երևանի ՃՈ աշխատակիցների նկատմամբ:

Ականատեսները ֆոտոլրագրող Գագիկ Շամշյանին պատմել են որ ՃՈ աշխատակիցները նույնիսկ չեին համարձակվում պատասխանել կամ կարգի հրավիրել այդ աղջկան: Ֆոտոլրագրողը հայտնեց որ դեպքի վայրում իրեն պատմել են որ Նիսանը վարել է ՀՀ ոստիկանապետի տեղակալ, գեներալ մայոր Հովհաննես Հունանյանի աղջիկը:
http://news.armeniatv.com/2011/09/ավ...է-1-զոհ-4/

http://news.armeniatv.com/2011/09/հհ...ննես-հո/

**Kita** · 24.09.2011, 00:30

VisTolog-ի խոսքերից

ՀՀ ոստիկանապետի տեղակալ, Հովհաննես Հունանյանի աղջիկը ավտովթարի պատճառ

Սեպտեմբերի 23-ին ուշ երեկոյան ավտովթար է տեղի ունեցել Երևանում:
Ինչպես news.armeniatv.com-ին հայտնեց ֆոտոլրագրող Գագիկ Շամշյանը, ժամը 22:40-ի սահմաններում Բաղրամյան պողոտայի վրա, դեպի Օրբելի թունել տանող հատվածում, Նիսան մակնիշի 99 ԼԼ 990 համարանիշի ավտոմեքենան բախվել է մի քանի ավտոմեքենայի, այդ թվում 1 Օպելի և Գազ 3110 մակնիշի 006 ՏՏ 01 համարանիշի ավտոմեքենային: Դեպքի վայրում հավաքվածները ֆոտոլրագրողին պատմել են, որ Նիսանը վարել է երիտասարդ մի աղջիկ, ով անգամ անվայելուչ է իրեն պահել, դեպքի վայր ժամանած Երևանի ՃՈ աշխատակիցների նկատմամբ:
Ականատեսները ֆոտոլրագրող Գագիկ Շամշյանին պատմել են որ ՃՈ աշխատակիցները նույնիսկ չեին համարձակվում պատասխանել կամ կարգի հրավիրել այդ աղջկան: Ֆոտոլրագրողը հայտնեց որ դեպքի վայրում իրեն պատմել են որ Նիսանը վարել է ՀՀ ոստիկանապետի տեղակալ, գեներալ մայոր Հովհաննես Հունանյանի աղջիկը:

http://news.armeniatv.com/2011/09/հհ...ննես-հո/

Էտ աղջիկը շոկավարի դեմքով ավտոյում խելոք Նստած էր, ինչ մը ծաղկացրել են...

**Bruno** · 03.10.2011, 00:08

[B]Աղետալի փլուզում

Այսօր, հոկտեմբերի 2-ին, ժամը 19:00-ի սահմաններում փլուզում է տեղի ունեցել Տավուշի մարզում`Թումանյանից Բագրատաշեն տանող ճանապարհին` Նոյեմբերյան-Այրում գլխավոր ճանապարհահատվածում: Փլվել է ճանապարհամերձ սարը, ինչի հետևանքով ավերակների տակ են մնացել նախնական տվյալներով, 10-12 ավտոմեքենաներ, որոնց թվում կան նաև բեռնափոխադրող և ՃՈ ծառայողական ավտոմեքենաներ:

Որոշ ժամանակ անց արդեն դեպքի վայր են ժամանել ոստիկանութան Տավուշի և Լոռու մարզերի աշխատակիցները` նշված մարզերի ոստիկանության մարզային վարչությունների պետերի` Անուբախ Ղամբարյանի և Վլադ Վարդանյանի գլխավորությամբ, ինչպես նաև Տավուշի մարզպետ Արմեն Ղուլարյանը, ՃՈ 2-րդ սպայական գումարտակի աշխատակիցները, մարզային փրկարար ծառայությունների աշխատակիցները, շտապ օգնության մեքենաներ:

Այս պահին դեպքի վայր են ժամանում փրկարար ծառայության և ոստիկանության աշխատակիցներ` հարակից մարզերից, փրկարարական աշխատանքներին աջակցելու համար:

Փլուզված տարածքն ընդգրկում է 150-200 մետր, փլուզման պատճառով շրջվել է նաև բետոնե էլեկտրասյունը:

Ինչպես դեպքի վայրից հայտնում է Լոռու մարզի մեր թղթակից Էդվարդ Արզումանյանը, փրկարարական կամ վերականգնողական աշխատանքները գրեթե անհնարին են, քանի որ փլուզումը շարունակվում է:

Մեր թղթակից Էդուարդ Արզումանյանը դեպքի վայրից տեղեկացնում է, թե այսօր նշված վայրում ձորն է գլորվել բեռնատար մեքենա: Բեռնատարը հանելու համար ավտոկռունկ է ժամանել այդտեղ: Ճանապարհի այդ հատվածը փակվել է, երկու կողմից մի քանի տասնյակ մեքենա է կուտակվել: Ըստ նախնական վարկածի, հողը սկսել է հոսել ավտոկռունկի տակից, եւ փլուզումը սկսել է տարածվել, իր հետ տանելով այդ հատվածում կանգնած մեքենաներին, որոնց ստույգ թիվը հայտնի չէ:

Այս պահին դեպքի վայրում են ոստիկաններ, փրկարարներ, շրջակա բնակավայրի բնակիչներ, որոնք օգնում են փրկարարներին, որոնք աշխատում են բավական բարդ պայմաններում, քանի որ սողանքն ու փլուզումը շարունակվում են: Առայժմ հայտնի չէ հողի ու քարակույտերի տակ մնացած մեքենաների թիվը եւ նրանցում գտնվող մարդկանց ճակատագիրը:

http://lragir.am/armsrc/country53997.html

**Lusinamara** · 03.10.2011, 00:48

Bruno-ի խոսքերից

http://lragir.am/armsrc/country53997.html

Տավուշը «սողալով» կվերջանա

**Bruno** · 03.10.2011, 01:06

Տավուշի մարզում տեղի ունեցած փլուզման հետեւանքով սողանքի գոտում 35 մեքենա է մնացել։Նոյեմբերյանի եւ Ալավերդու հիվանդանոց է տեղափոխվել 8 մարդ։ Զոհերի մասին առայժմ տեղեկություն չկա։ Փրկարարները դեռ չեն հասցրել օգնություն ցույց տալ բոլորին եւ սողանքի տակ մնացած մեքենաներ կան: Դեպքի վայրում են ԱԻՆ, ոստիկանության եւ պաշտպանության նախարարության տարբեր ստորաբաժանումների աշխատակիցներ: Ճանապարհը շարունակում է փլվել, ինչը փրկարարական աշխատանքների համար հավելյալ դժվարություններ է ստեղծում: Փլուզված տարածքն ընդգրկում է 150-200 մետր։

http://news.am/arm/news/76352.html

**Նարե91** · 20.10.2011, 15:01

Սոսկալի ողբերգություն՝ 2-ամյա աղջկան վթարի են ենթարկում հաջորդաբար երկու ավտոմեքենա

Ողբերգական վրաերթը տեղի է ունեցել Չինաստանում, 2 տարեկան աղջկան սկզբում հարվածում է բեռնատար մինի-ֆուրգոնը, այնուհետև գետնին թպրացող փոքրիկի վրայով անցնում է եվս մեկ` այս անգամ ավելի մեծ բեռնատար: Սոսկալին թերևս անցորդների և փողոցով սլացող մեքենաների վարորդների անտարբերությունն է բղավող ու արնաքամ լինող երեխայի տառապանքների հանդեպ: Չին բլոգերները այս տեսանյութը անվանել են ” Չին ժողովրդի խայտառակությունը”, հրաշքի է նմանվում այն փաստը որ աղջնակը դեռ կենդանի է ու բժիշկները պայքարում են նրա կյանքի համար: Տեսանյութի հրապարակումից հետո վարորդները ձերբակալվել են, ու համաձայն Չինաստանի օրենքների, նրանց կարող է սպառնալ մահապատիժ: Հաշվի առնելով տեսանյութի սոսկալի դաժանությունը, հորդորում ենք հիվանդ, նյարդերից թույլ մարդկանց զերծ մնալ տեսանյութի դիտումից, իսկ 18 տարին չբոլորած բոլոր ընթերցողներին, խնդրում ենք չդիտել այն:

news.armeniatv.com

**Lion** · 20.10.2011, 15:20

Հետո էլ սեփական ազգը դատափետտողները կասեն - հայերը, հայերը...

**Ապե Ջան** · 20.10.2011, 18:50

Արա սրանք տապոռ են:

**Artgeo** · 30.10.2011, 22:07

Լոռի թե Տավուշ կրկին փլուզում ա եղել

աղբյուրը՝ վրացական ալիքներ

**VisTolog** · 30.10.2011, 22:13

Այսօր` հոկտեմբերի 30-ին, վրաերթ է տեղի ունեցել Երևանում:
Ինչպես դեպքի վայրից News.armeniatv.com-ին հայտնում է ֆոտոլրագրող Գագիկ Շամշյանը, քիչ առաջ` ժամը 20.00-ի սահմաններում Հալաբյան փողոցում «Ռենջ Ռովեր» մակնիշի անհայտ համարանիշի ավտոմեքենայի վարորդը վրաերթի է ենթարկել հետիոտնին և թողնելով նրան անօգնական վիճակում` դիմել է փախուստի:

Ապա արդեն մահացած հետիոտնը հայտնվել է թիվ 28 երթուղային տաքսու անիվների տակ:
Արդեն դեպքի վայր են ժամանել Երևանի ճանապարհային ոստիկանության մեծ թվով աշխատակիցներ` Երևանի ՃՈ պետ Արսեն Մարդոյանի գլխավորությամբ:

Դեպքի վայրում քննչական աշխատանքները ղեկավարում է ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի հատկապես կարևոր գործերով ավագ քննիչ Կարեն Ստեփանյանը:
Դեպքի վայր են ժամանել նաև Արտակարգ իրավիճակների նախարարության Հայաստանի փրկարար ծառայության օպերատիվ խումբը` պարամեդիկների խմբի հետ:
Այստեղ են նաև 1-03 շտապբուժօգնության աշխատակիցները, ինչպես նաև ոստիկանության Մաշտոցի բաժնի օպերատիվ խումբը:

Վրաերթի ենթարկվածը, որը, ինչպես արդեն նշեցինք, տեղում մահացել է, միջին տարիքի մի կին է:
Ֆոտոլրագրող Գագիկ Շամշյանը հայտնեց նաև, որ դեպքի վայրում հավաքվածները պատմել են, որ կինը թիվ 28 երթուղայինի տակ է հայտնվել այն բանից հետո, երբ «Ռենջ ռովեր» մակնիշի ավտոմեքենան նրան վրաերթի է ենթարկել և հարվածի ուժով շպրտել:

Այս պահին ոստիկանությունը ձեռնարկում է օպերատիվ-քննչական գործողություններ` հայտնաբերելու համար «Ռենջ ռովերի» վարորդին, ով դեպքի վայրից դիմել էր փախուստի:

Քիչ առաջ հայտնի դարձավ, որ ոստիկանությունը պարզել է վրաերթի ենթարկված և մահացած կնոջ ինքնությունը. նա Արաբկիր վարչական շրջանի բնակիչ Դոնարա Հարությունյանն էր, ով աշխատում էր Վերահսկիչ պալատում:

http://news.armeniatv.com/2011/10/վր...-է-ապա-մ/

**Ապե Ջան** · 23.12.2011, 11:11

Խոշոր ավտովթար` Թուրքիայում. կա 25 զոհ

http://webtv.hurriyet.com.tr/2/25973...gibi-kaza.aspx

Թուրքիայում տեղի ունեցած խոշոր ավտովթարի հետևանքով, ըստ նախնական տվյալների, զոհվել է 25 և վիրավորվել 15 մարդ:

Ինչպես տեղեկացնում են թուրքական լրատվամիջոցները, դեպքը տեղի է ունեցել Դիարբեքիր-Բաթման մայրուղում:

Բեռնատարը բախվել է միկրոավտոբուսին:

Փոխադրամիջոցում գտնվող ուղևորներից 24-ը մահացել է տեղում, իսկ 1-ը՝ հիվանդանոցում:

http://news.armeniatv.com/

**Rammstein** · 29.02.2012, 01:15

Սենց վթար ամերիկյան կինոներում էլ չէի տեսել:

Տեղի ա ունեցել 24.02.12 թ.:
Որոշ մանրամասներ վիդեոյի տակ գրված են (ռուսերեն):

**VisTolog** · 04.09.2012, 14:24

Քիչ առաջ NEWS.am-ին հայտնի դարձավ, որ Մաշտոցի պողոտայում, փակ շուկայի մոտ գտնվող թունելում 100 համարի միկրոավտոբուսը բախվել է պատնեշին:
Հարվածի ժամանակ մեքենայի դուռը բացվել է ու ուղեւորները ընկել են գետնին: Ինչպես NEWS.am-ին հայտնում է ականատեսը, այս պահին դեպքի վայրում մի քանի տասնյակ ոստիկաններ են: Ոստիկանական մեքենաներով էլ վնասվածքներ ստացած ուղեւրներին տեղափոխում են մոտակա հիվանդանոց: