Այլ բնույթ ուներ նկարիչ-բարբիզոնցիների գեղանկարչությունը, ովքեր պատկերում էին Ֆրանսիայի գյուղական բնությունը և հաստատում ազգային իրատեսական բնանկերաները: Դիմելով անմիջականորեն իրենց հայրենիքի բնության առօրյա թեմաներին, այդ նկարիչներն սկսեցին պատկերել այն ամենը, ինչ տեսնում էին իրենց առջև, դաշտեր, անտառներ, գետակներ ու գյուղեր: Երկրում բազմաթիվ ուղևորությու կատարելուց հետո նրանք մշտական բնակավայր ընտրեցին Բարբիզոն ոչ մեծ գյուղը, Ֆոնտենբլո անտառում, Փարիզի մոտակայքում: Այնտեղ հաստատվեցին Ռուսոն և Միլլեն, նրանց միացան նաև Դյուպրեն, Դոբինյին, Տրոյոնը, Դիազը: Նրանցից յուրաքանչյուրն ուներ իր ստեղծագործական դեմքը, թեմաները, նկարելու եղանակը, բայց նրանց բոլորին միավորում էին իսկական անկեղծությունը և ոգևորությունը, հայրենի բնության հանդեպ սերը, բնություն, որը ձգտում էին պատկերել իր ամբողջ բազմազանությամբ ու գեղեցկությամբ:
Մեջբերել
Էջանիշներ