Մայիսի 21-ին melodic death/doom մետալի լեգենդը, դանիական Saturnus խումբը հանդես կգա Հայաստանում: Համերգը կկայանա Giza ակումբում (նախկին Astral), Օպերայի հարևանությամբ: Համերգը կբացի Daeron խումբը:
Տոմսերը կարող եք ձեռք բերել Մայիսի 1ից սկսած: Գինը՝ 5000 դրամ: Մանրամասները տոմսերի ձեռք բերման վերաբերյալ կհրապարակվեն ավելի ուշ:
SATURNUS
Դանիական Սատուրնուսը, կյանքի կոչվելով ուղիղ 20 տարի առաջ ու իր հասակակից Anathema, My Dying Bride և Paradise Lost խմբերի հետ միասին առաջնորդելով doom metal շարժումը 90ականներին, մինչ օրս հանդիսանում է այդ ոճի վառ օրինակներից մեկը: Ի տարբերություն իր լիվերպուլյան կոլեգաների՝ Սատուրնուսը դեռևս այն ժամանակվանից լիրիկական ու քնարական հնչերանգները գերադասում էր ագրեսիվ ու կոշտ հնչողությունից՝ իրենց երաժշտության մեջ օգտագործելով ակուստիկ գործիքավորումներ և ստեղծելով թանձր և զգացմունքային մթնոլորտ, իսկ երաժշտական թեմաները պտտում թախծոտ ռոմանտիզմի շուրջ։
Չնայած այն բանին, որ խումբը գերադասում է նոր ձայնագրություններ թողարկել ոչ այնքան մեծ հաճախականությամբ (նրանց վերջին ալբոմը՝ «Վերոնիկան», թողարկվել է 5 տարի առաջ), նրանց ամեն մի ալբոմ մի մեծ իրադարձություն է դում մետալի աշխարհում, հանդիսանում է մելանխոլիկ և լիրիկական ծանր երաժշտության էտալոնային նմուշ և ամբողջ աշխարհում օրինակ է ծառայում հազարավոր նորաստեղծ խմբերի համար՝ ոգեշնչելով և ուղղորդելով նրանց:
Facebook link
DAERON
Daeron-ը նոր անուն է հայկական մետալ ասպարեզում, բայց այնուամենայնիվ խումբը որպես այդպիսին նոր չէ ՝ հանդիսանալով քաջ հայտնի Sworn խմբի երաժշտական ու գաղափարական ավանդույթների շարունակողը: Daeronը ստեղծվեց 2010 թվականի վերջում և բաղկացած է կազմալուծված Sworn և Ֆլեգեթոն խմբերի նախկին անդամներից: Երաժշտապես խմբին չափազանց դժվար է բնութագրել ընդունված տերմիններով, այն նոր խոսք է ոչ միայն հայկական բեմում, այլ նաև ըստ համաշխարհային չափանիշների, հանդիսանալով բազում երաժշտական ոճերի խելամիտ զուգակցման և ինքնատիպ ու անկեղծ մատուցման արդյունք:
Facebook link
Մեջբերել
Էջանիշներ