Սոց ցանցերի ազդեցությունը դեռահասների վրա

[Jarre]

Թեման բացում եմ վերջնականապես անհանգստանալով հայ դեռահասների (14 - ից 18 տարեկան) հոգեվիճակով:
Դե պարզ ա՝ խոսքը հիմնականում odnoklassniki.ru կայքի մասին է, որի հիմնական օգտագործողներն են նրանք:
Դե ով էլ չգիտի, մոտավոր նկարագրեմ թե դա ինչպես է արտահայտվում ու վերջապես թե ինչ հոգեվիճակի մասին է խոսքը.

Օր.
1. Անուն Ազգանվան փոխարեն հաճախ կհանդիպես մոտ այսպիսի երևույթի.
Դրախտի դեսպան թիթիզիկ Անուլիկ
Քեզ սիրող Արմենչիկ
Մի տխուր տղա

Եվ սրանից բխող ստատուսներ, նույն թեմաներով նկարներ, այսպես ասած «դռուզիաների» քոմմենթներ, որ ինքը ամենալավն ա, որ «դե գիտես»... և այլն...

Հիմա հարցը.

Իրո՞ք մեր դեռահասությունն էդքան պրիմիտիվ ա, թե՞ սոց ցանցն ա մեղավոր, որ ընդհանուր տենդենց ա տարածել:
Ու էդ կարգի մարդը ո՞նց կարող ա դառնալ հաստատված մարդ և գոնե ինքն իր համար կարողանա գոյատևել:

Սրա թելերը շատ տխուր տեղ են մեզ տանում:

Հարդ ջան, կոնկրետ քո նշած խնդիրների վրա՝ պրիմտիվ գրառումներ, անմակարդակ ստատուսներ և այլն, իմ կարծիքով սոց ցանցեցրի ազդեցությունը զրո է՝ ԶՐՈ։

Եթե կա պզուկ, ապա այն անպայման կամ պիտի պայթի ու միջի պարունակությունը դուրս գա կամ էլ տենց չորանա ու որպես լաքա մնա էրեսի վրա։ Հիմա տրաքացնողը ի՞նչ մեղավոր ա պզուկի առաջացման համար Սոց ցանցերը ուղղակի առիթ են, որ մարդիկ ցույց տան այն երևույթները որոնց մասին դու խոսել ես, բայց իրենք պատճառ չեն։

Սոց ցանցի մեղավորությունը այնքանով է, որ թույատրում է նման գրառումներ ու հող է ստեղծում նման պրիմտիվության համար։ Բայց արդյո՞ք սոց ցանցն է մարդուն դարձնում այդպիսին։

Սոց ցանցերի վնասներն են՝ ժամանակի կորուստ, անձնական տեղեկությունների սփռում, որը հետագայում կարող է աշխատել քո դեմ, խարդախության զոհ դառնալ և այլն։ Բայց կոնկրետ քո նշած հարցում սոց ցանցը չի մեղավորը։ Մեղավոր է հասարակությունը, պետությունը, հեռուստաընկերությունների ղեկավարությունը, նման մտածելակերպ ունեցող մարդու ծնողները, ուսուցիչները և վերջ ի վերջո ինչ որ տեղ ես ու դու, որ միայն քննադատում ենք ու ցեխը կոխում, բայց այդպես էլ ցույց չենք տալիս լուծումը՝ պատճառաբանելով, որ դա մեր պարտականությունը չէ։ Բայց եթե իմ և քո պարտականությունը չէ, ապա մենք իրավունք էլ չունենք բողոքելու։

Մի խոսքով լրիվ քո գրածն է՝

Սրա թելերը շատ տխուր տեղ են մեզ տանում:

ՀԳ՝ Հարդ ջան, իմ ու քո մեղքի մասին գրվածը կոնկրետ մեղադրանք չէ, պարզապես ցանկացել եմ ցույց տալ, որ երբեմն նման անդուր երևույթների համար ինչ որ տեղ մեղքի որոշ չափաբաժին մեզ էլ է պատկանում

[Հարդ]

Մեղավոր է հասարակությունը, պետությունը, հեռուստաընկերությունների ղեկավարությունը, նման մտածելակերպ ունեցող մարդու ծնողները, ուսուցիչները և վերջ ի վերջո ինչ որ տեղ ես ու դու, որ միայն քննադատում ենք ու ցեխը կոխում, բայց այդպես էլ ցույց չենք տալիս լուծումը՝ պատճառաբանելով, որ դա մեր պարտականությունը չէ։ Բայց եթե իմ և քո պարտականությունը չէ, ապա մենք իրավունք էլ չունենք բողոքելու։

Էս մասին մի տեսակ «Ադամական մեղքի» հոտ առա: Այ էդ տեսակը. մեկի գործած մեղքի տարածումը մյուսների վրա չեմ հասկանում և ընդունում:

[Արևհատիկ]

Սոց ցանցը վատ բան չէ, եթե օգտագործվի նպատակին: Պարզապես սոց ցանցի միջոցով նման մարդիկ բացահայտվում են:
Ստեղ խոսում ենք դեռահասների մասին, բայց վիճակը ավելի ցավալի ա չափահաս կոչվող անուղեղների մոտ: Եթե դեռահասները նման անուններ են գրում, ինչ-որ տեղ կարելի ա թեթև նայել: Մեկ-մեկ չափահասները, իրենց անունների փոխարեն, նենց արտահայտություններ են գրում, որ կարդալուց մտածում ես, էս մարդը հաստատ թերարժեքության զգացում ունի: Էդ անունները, ստատուսները կարդալուց, ես իրենց փոխարեն ամաչում եմ:

Հանգիստ ապրելու համար ամենահարմար տարբերակը փակ պռոֆիլն ա: Ճիշտ ա դրանից նմանները չեն բուժվում, բայց ինչ-որ չափով կարողանում ես հոգեպես հանգիստ մտնել սոց ցանց:

[Zeitgeist]

Հանգիստ ապրելու համար ամենահարմար տարբերակը փակ պռոֆիլն ա:

Անգրագետ ու հիմար դեռահասների մեծամասնությունը ադնակլասսնիկում ձթեռք ա բերում փակ պռոֆիլ, որ դռուզյաների գլխաքանակ հավաքի ու սրան նրան ասի, թե ինքն էնքան համեստ աղջիկ ա, որ միայն փակ պռոֆիլով ա «իրա սայթ» մտնում... Իսկ ինչ վերաբերում ա թեմայի հարցադրմանը, ապա դեռահասն արդեն անհատականություն ա ու ամեն ինչ կախված է իր մակարդակից ու զարգացվածության աստիճանից… Խելացի դեռահասը ադնակլասնիկում էլ կարա իր համար ինչ-որ օգտակար ու լավ բան գտնի, իսկ անգրագետ ու ռաբիզ հասարակությունը ֆեյսբուքում էլ հակառակ սեռի կկպցնի

[Արևհատիկ]

Անգրագետ ու հիմար դեռահասների մեծամասնությունը ադնակլասսնիկում ձթեռք ա բերում փակ պռոֆիլ, որ դռուզյաների գլխաքանակ հավաքի ու սրան նրան ասի, թե ինքն էնքան համեստ աղջիկ ա, որ միայն փակ պռոֆիլով ա «իրա սայթ» մտնում

Խոսքս անգրագետ ու հիմար ո՛չ դեռահասներին էր վերաբերվում, ո՛չ էլ չափահասներին: Խոսքս վերաբերվում էր նորմալ մակարդակի տեր մարդկանց, որոնք մտնում են սոց ցանց իրենց մտերիմների հետ շփվելու նպատակով ու չեն ուզում ներվայնանալ որոշ թերզարգացածների պատճառով

Ասածիցս ամենևին էլ չի հետևում, որ բոլոր նորմալ մարդիկ պիտի փակ պռոֆիլով մտնեն սոց ցանց:

ՀԳ. Մարդկանց մի մասը կարողանում է թեթև նայել նման երևույթներին, մի մասն էլ՝ հակառակը:

[Zeitgeist]

Խոսքս անգրագետ ու հիմար ո՛չ դեռահասներին էր վերաբերվում, ո՛չ էլ չափահասներին: Խոսքս վերաբերվում էր նորմալ մակարդակի տեր մարդկանց, որոնք մտնում են սոց ցանց իրենց մտերիմների հետ շփվելու նպատակով ու չեն ուզում ներվայնանալ որոշ թերզարգացածների պատճառով

Ասածիցս ամենևին էլ չի հետևում, որ բոլոր նորմալ մարդիկ պիտի փակ պռոֆիլով մտնեն սոց ցանց:

ՀԳ. Մարդկանց մի մասը կարողանում է թեթև նայել նման երևույթներին, մի մասն էլ՝ հակառակը:

Համաձայն եմ, մարդիկ կան, ում վրա ազդում են ամեն տեսակ հիմար երևույթնորը, մարդիկ էլ կա , որ ուղղակի թքած ունեն… Օրինակ ՝ Ես

[Հարդ]

Քիչ առաջ մի դեռահասի պրոֆիլ էի ուսումնասիրում: Տենց բան դեռ չէի տեսել, բայց անհավանական էլ չէր դրա գոյությունը:

Մոտ 14 տարեկան աղջիկ էր, կարծեմ անվան փոխարեն «Կյանքը դու ես արա», չեմ հիշում ինչ կարգավիճակով: Անցնենք ամենակարևորին. նկարները:

Նկարների մեջ հայտնվեցի մի զարմանահրաշ աշխարհում՝ Ֆոտոսեսիա զուգարանում տիկնայք և պարոնայք
Դե բնականաբար ինքն իրեն էր նկարել, բնականաբար ինքնասիրահարված հայացքներով, բնականաբար անորակ ու աղավաղված նկարներ և բնականաբար տակը կիսագրագետ ռուսերեն քոմմենթներ:
Ու մոտ 10 - 15 նկար նույն զուգարանում:

Ինչի՞ արդյունք ա սա: Նրա, որ այդպիսի նկարների ա հանդիպել իր «ավագ գործընկերների» շրջանում և որոշել ա, որ բոլորին պետք ա մառոզ անի իր «Զուգարանային ֆոտոսեսիայով» ու բոլորին պետք ա ցույց տա, թե ինչպես պետք ա նկարվել զուգարանում:

Ես մնում եմ նույն կարծիքին, որ սոց ցանցի մեղմ ասած բացասական ազդեցությունն ա սա: