Հարևանների անօրինականություններ

[Artgeo]

Ընդհանրապես հարևաններիցս ամեն մեկը իր հարկի բարձունքից թքած ունի մյուսների շահերի վրա ու դա արդեն ապացուցված փաստ ա, որն ամեն անգամա ավելի ու ավելի հիմար ու էգոիստական տեսք ա ստանում: Կարճ ասած, ուզում եմ իրանց դաս տալ, խնդրում եմ խորհուրդներ:

Ուրեմն երկրորդ և երրորդ հարկի հարևանների տունը ջրվում ա, ստաբիլ, օրական երկու ժամ առավոտ, երկու ժամ երեկոյան, այսինքն ջուր եղած ժամանակ: Սրանք, ինչպես նշեցի, իրենց հարկի բարձունքից, որոշում են ՓԱԿԵԼ ամբողջ մուտքի ջուրն ու սկսում են շերլոկխոլմսյան օպերացիան «պարզիր ջրողին» խորագրով: Խորը լաբորատոր ուսումնասիրությունների արդյունքում և հաշվի առնելով որ 5-րդ հարկի հարևանը նույնպես ջրվում է, իսկ 6-րդ հարկի հարևանը դուռը չի բացում, սրանք գալիս են եզրակացության, որ ջրողը ես եմ: Այսինքն, չէ, մի հատ էլ բան կա, մեր պոդեզդի պատի վրայի յուղային լաքան, որը հարևանների բարձրինտելեքտուալ համոզմամբ ջրի հետք ա, որը չգիտես ինչի առաջացել ա ավելի բարձր տեղում քան «պոտենցիալ» մեր տան ջրիչն ա: Կարճ ասած, էս մեր ժամանակվա պուարոները որոշել են քանդել մեր տան կաֆել-մաֆելը կամ ընդմիշտ փակել զուգարան վաննայի ջուրը: Ի դեպ, արդեն երեք օր ա էդ տարածքում ջուր չունենք ու եթե բառիս բուն ու բացահայտ իմաստով հարևաններին մնա, դեռ երկար չենք ունենա, քանի որ 6-րդ հարկիս հարևանը դուռը բացելու մտադրություն չունի: Ինքը պարզապես ստեղ չի:

Հարց, ի՞նչ անեմ, ո՞ւր բողոքեմ: Չոփիկ եմ ուզում:

[Rammstein]

Իսկ ամեն դեպքում ո՞վ ա ջրողը:

[eduard30]

Տունը ապահովագրած՞ չէ:
Երևի տնային կառավարչություն

[Artgeo]

Կարճ ասած, զանգեցի ջրմուղ, ասեցին թքած ունենք, լուծեք ոնց ուզում եք: Դիմեք համայնքատիրություն, իջա հարևանների մոտ, մի քիչ աղմկեցի, պարզվեց, որևէ համայնքատիրության չենք պատկանում, ջուրս կես ժամով միացրին...

Շարունակելի...

[Ապե Ջան]

Հիմա «Համատիրություն» ասվածը ինչքանով որ ես գիտեմ միայն փող է հավաքում, (վայ քիչ էի մնում մոռնաի) հա մեկ էլ շենքի աղբը ժամանակ առ ժամանակ տեղափոխում համապատասխան վայր:

Վերջին շրջանում ժամային խնդիրներ, կապված խմելու ջրի հետ չի նկատվել: Հիմնականում 24 ժամ եղել է ջուր, իսկ դա ես դիտարկում եմ որպես իրնեց շահերից բխող երևույթ, ու դա մեքենայորեն ստացվումա, որ ժողովրդի մասին են մտածում: Եթե 24 ժամ դու ունենաս ջուր, ավելի շատ կօգտագործես ու կվճարես, իսկ ժամայինով՝ ավելի քիչ:

Այդ հարցերը այնքան ժամանակ կմնա անպատասխան, մինչև իրենք որոշեն նորմալ 24 ժամ ջուր տան ձեզ:
Հ.Գ Դա միայն իմ կաչծիքն է:

[Վիշապ]

Ծանոթ խնդիր է: Մեր շենքում գրեթե ամեն հարկում մարդիկ ջրատարի վրա «նա վսյակի» վենտիլ են դրել ու ջվելու դեպքում բնականաբար վենտիլը փակվում է, մինչև խնդրի արմատապես լուծվելը
Սովորաբար խնդիրը լուծում են տուժված (ջրազրկված) բնակիչները, որոնք ունեն կամք և փոքրիշատե սանտեխնիկական հմտություններ:
Դատելով խնդրի նկարագրությունից, ձերը ոչ թե կոնկրետ բնակչի ներտնային խողովակացանցի արտահոսք է, այլ ջրատարի (ժողովրդական լեզվով ասած՝ «ստայակի») պրոբլեմ: Արտահոսքը կարող է նաև լինել կանալիզացիոն խողովակից: Վերջինիս նշաններն են ընդհատվող ջրոցիները, որոնք սակայն ժամանակային համաձայնեցված են պրոբլեմատիկ բնակարանի զուգարանակոնքի բեռնատափումների հետ:
Առաջին հերթին պետք է հայտնաբերել կոնկրետ դեպքի վայրը (որ հարկում է անցքը կամ ճեղքը թաքնված)՝ միևնույն ժամանակ մինիմալ վնասներ պատճառելով շենքի պատերին, սեփական կամ հարևանների նյարդային համակարգին: Դրա համար նախ պետք է պարզել, թե տվյալ գծի վրա «նստած» հարկերից որոնցում է ջրատարը հասանելի և որոնցում կարելի է հասանելի դարձնել մինիմալ ծախսերով: Այնուհետ մանրակրկիտ զննման միջոցով որոշվում է ամենաբարձր թրջված կետը ջրատարի վրա: Համոզվելու համար օգտակար գործիքներ կարող են ծառայել փոքրիկ լապտերը, հայելին, անձեռոցիկները: Երբ վճիռ կայացնելու համար անհրաժեշտ փաստերը արդեն հավաքագրվել են, ապա կրկին պետք է փորձել մինիմալ ծախսերով հայտնաբերել դեպքի վայրը արդեն հարկի սահմաններում: Հիմնականում, պատճառը անորակ կամ հին վենտիլն է, կամ կցորդիչներից մեկը, կամ ջրի հաշվիչը, որ դրվում են ջրատարից դեպի բնակարան խողովակի վրա: Եթե ջրատարը մետալոպլաստից է, ապա պետք է նայել ջրատարի միացման հատվածներ, իսկ եթե «հազար տարվա» մետաղական «տրուբա» է, ապա որ ջհանդամից ասես կարող է ծակվել, բայց հիմնականում զոդման տեղերից է ծակվում:
Կանալիզացիոն ջրատարի պրոբլեմները հիմնականում խցանումների հետևանքով են առաջանում, իսկ ջուրը արտահոսում է կցման կետերից: Կանալիզացիոնի վրա կասկածելու դեպքում առաջին հերթին կարելի է փորձել մաքրող/քայքայող միջոց լցնել պրոբլեմատիկ հարկի զուգարանակոնքից: ...

[Artgeo]

Վիշապ ջան, էս մեր ջրի պատմությունը շենքի պես հին է… Ինչքան ինձ հիշում եմ, մեր շենքում ջրում ենք ու ջրվում: Դրա մասին Ակումբում էլ ի դեպ գրել եմ http://www.akumb.am/showthread.php/3...517#post135517 Էն ժամանակ խոհանոցն էր, հիմա զուգարանի ջուրը: Ինձ էլ են ջրել մի քանի անգամ, ես էլ եմ ջրել, բայց երբեք դրա պատճառով բոլորի ջուրը չի փակվել:
Իսկ սրանք որոշել են, որ իրավունք ունեն բոլորի ջուրը փակել, բայց ես կարծում եմ, որ մեղավոր չեմ, որ իրանք ջրվում են ու չպիտի տուժեմ այդ պատճառով: Ի դեպ, վաղն էլ ջրմուղնա փակելու ջուրը 24 ժամով... Կարճ ասած, լրիվ հետույքում ենք: Արդեն չգիտեմ, ոնց պայքարեմ:

[Bruno]

Մի խորհուրդ էլ ես տամ:
Մի վինտիլ էլ դու դիր: Որպեսզի կաֆելը չքանդես վինտիլը դիր առաստաղից մի փոքր ցածր, հավանաբար այնտեղ «պադվեսնոյ պատալոկ» կլինի ու կաֆել քանդելու խնդիր չի լինի:
Ձեր տան վինտիլը փակելով կորոշես, թէ ում տնից են ջրվում ձեր հարևանները:

[Վիշապ]

... Ինձ էլ են ջրել մի քանի անգամ, ես էլ եմ ջրել, բայց երբեք դրա պատճառով բոլորի ջուրը չի փակվել:
Իսկ սրանք որոշել են, որ իրավունք ունեն բոլորի ջուրը փակել, բայց ես կարծում եմ, որ մեղավոր չեմ, որ իրանք ջրվում են ու չպիտի տուժեմ այդ պատճառով: Ի դեպ, վաղն էլ ջրմուղնա փակելու ջուրը 24 ժամով... Կարճ ասած, լրիվ հետույքում ենք: Արդեն չգիտեմ, ոնց պայքարեմ:

Արտ ջան, ախր գրել ես, որ միչև 5-րդ հարկ կոլեկտիվ ստաբիլ ջրվում են, հենց որ ջուր է լինում: Դու ի՞նչ ես ուզում, որ հանուն քո լողանալու մարդիկ շարունակեն ջրվե՞լ: Խնդիրը պետք է լուծվի սենց թե նենց, ջուրը փակելն էլ հենց խթանում է որ դու, և քո վերևի հարևանները շահագռգռված լինեն խնդրի լուծման համար: Իրականում ստայակ կոչվածը հանդիսանում է շենքի համասեփականատերերի (բնակիչների) ընդհանուր սեփականությունը, ոնց որ ասենք աղբատարը, վերելակը, աստիճանները և այլն, բայց քանի որ մեզ մոտ բազմաբնակարան շենքի կառավարման մասին օրենքը միայն գեղեցիկ շարադրանք է, ապա գործում է չգրված օրենքը հարևանների մասին Ըստ էդ օրենքի՝
ա) Յուրաքանչյուր հարկի հարևան պարտավոր է տակի հարևաններին չջրել:
բ) Ջրվելու դեպքում տակի հարևանը իրավունք ունի դադարեցնելու վերևի հարևանների ջրամատակարարումը, և չարացած հայացքով հերթով բախելու իրենից ավելի բարձր գտնվող անխտիր բոլոր հարևանների դռները, ու նրանից զննում պահանջելու ստայակի շախտայի չորության ստուգման համար: Դիմադրության հանդիպելու պարագայում հարևանը դիմում է այլ շահագրգիռ հարևանների կողմից կազմված դելեգացիայի օգնությանը:
գ) Չարաբաստիկ հարկի հայտնաբերման պարագայում տվյալ հարկի բնակիչը պարտավոր է վերացնել արտահոսքը սեփական ուժերով, եթե այլ բան հարևանների դելեգացիան չի նախատեսում:
դ) Հարևանների դելեգացիան որոշ դեպքերում պարտավոր է (ստիպված է) օժանդակել չարաբաստիկ հարկի բնակչին, գումար տրամադրել, կամ գումար հավաքել սանտեխնիկ կանչելու համար, կամ դելեգացիայի անդամների ջանքերով լուծել խնդիրը, եթե տվյալ հարկի բնակիչը անզոր է, և/կամ սանտեխնիկական հմտություններ չունի և/կամ չի պատկերացնում թե ինչի մասին է խոսքը և ինչ են հարևանները ուզում իրենից:
դ) Եթե կասկածելի հարկի առավել ևս կասկածյալ հարևանը դուռը չի բացում, կամ հրաժարվում է խնդիրը լուծել և միևնույն ժամանակ հրաժարվում է թույլատրել հարևաններին իրենց ջանքերով լուծելու խնդիրը, ապա տվյալ ուղղությամբ բնակիչները զրկվում են ջրից մինչև մի խելքը գլխին բան մտածելը...

Այնպես որ օպտիմալ տարբերակը կոլեկտիվ ջանքերով խնդիրը լուծելն է, հնարավորինս արմատական միջոցներով: Օրինակ մենք ի վերջո կամք հավաքեցինք (նաև փող) ու փոխեցինք ջրատարը մետալոպլաստե խողովակով, ու հիմա դժբախտ ենք միայն վերելակի հաճախակի փչացումներով:

[REAL_ist]

Դիմիր տեղական ինքնակառավարման մարմիններին. նախ վարչական շրջանի ղեկավարին, այնուհետև անպատասխան մնալու դեպքում գրավոր դիմում մուտք արա քաղաքապետարան քաղաքապետի անունով: