Դասարան՝ քո անունով

[Chuk]

Պարզվում ա, որ արդեն հնարավոր է Երևանի դպրոցներում քո անունով դասարան, մարզադահլիճ, սրահ և այլն ունենալ: Մեջբերում եմ Երևանի քաղաքապետարանին պատկանող ognirdprocid.am կայքից.

ԿՈՉԻՐ ՔՈ ԱՆՈՒՆՈՎ ԴԱՍԱՐԱՆ



Հարգելի՛ բարեկամ,

Եթե ուզում ես քո ավարտած դպրոցում քո անունով դասարան, կաբինետ, դահլիճ /սպորտային կամ հանդիսությունների/, սրահ անվանակոչել, ապա ծանոթացի՛ր պայմաններին.
Խնդրում ենք ներկայացնել

• Փաստաթուղթ կրթության վերաբերյալ /ցանկալի է բարձրագույն/
• Կենսագրություն
• Դպրոցի հետ առնչություն
• Դպրոցի հետ կապված Ձեր աշխատանքների մանրամասն նկարագրություն
• Լուսանկարներ, հոդվածներ,տեսահոլովակներ, կառավարական և այլ պարգևներ /առկայության դեպքում/
• Դպրոցի գործունեության հետ կապված Ձեր հեռանկարային պլանը
• Հայրենիքին մատուցած Ձեր ծառայությունների հակիրճ նկարագրությունը։

Վճարումների մասին լրացուցիչ կտեղեկացվեք։

Ես անշուշտ ունեմ իմ որոշակի վերաբերմունքը, բայց դրա մասին չեմ ուզում բարձրաձայնել, թեմային կոնկրետ ուղղվածություն չտալու համար:

Ի՞նչ կարծիք ունեք այս երևույթի մասին:

[Kuk]

Առաջին հայացքից փող կպցնելու թեմա ա Փող տուր, սենյակը քո անունով սարքենք, համ էլ ռեմոնտ արա սենյակը Գոհ եմ, ախպեր, մեր տանը ես իմ անունով սենյակ ունեմ

[V!k]

ես նույնն ա, ոնց որ Կճոյանը մի որոշ ժամանակ առաջ իր դեմքով Մեսրոպ Մաշտոցի արձանն էր պատվիրել քանդակել
իհարկե վատ եմ վերաբերվում , օգտվում են մարդկանց փառասիրությունից ու փող են աշխատում, չէ որ մարզադահլիճի կամ դպրոցի մյուս սենյակների կահավորումը պետք է պետությունը անի, իսկ սենց ինչ որ բարերար կանի, ու բյուջջեից վերանորոգման համար հասանելիք գումարն էլ կուտեն
համ էլ ետ չի լինի էլ բարերարություն, բարերարությունը ի սրտե պետք է արվի, սակայն մեր օրերում գրեթե բացակայում են նման օգնությունները

[ministr]

Ի միջի այլոց նման պրակտիկա վաղուց կար, բայց առանց անուն-մանունի...
Տնօրենը հատ-հատ կանչում ա ունևոր ծնողներին, ասումա բա գիտեք դպրոցի համար էս ա պետք, էն ա պետք, ինչով կօգնեք: Մարդիկ մուծվում են, դպրոցը լավագույն դեպքում ունենում ա մի երկու ներկած պատ, իսկ մնացած տնօրեն-ուսմասվարի գրպաննա գնում (հետոն էլ իրենք գիտեն ում են տալիս): Ու քանի որ կոռուպցիայի դեմ լրջագույն "պայքար են" ծավալել, ապա ծնողներից փող կլպելու մեթոդը պետք ա օրինականացնել, թե չէ կասեն էսինչ տնօրենը փողա վերցնում ու արդյունքում վերադասի գրպանի պարունակությունը կպակասի էս տնտեսական ճգնաժամ օրով: Իսկ սենց, յանի անուն են դնում, ու փող կլպելը օրինականացնում են: Համ օրենքովա, համ էլ իրենց գրպանը չի նիհարում:
Էսքան բան: Իսկ մուծվող ծնողի հեչ մրգին չի իրա անունովա դասարանը թե չէ: Կարևորը իրա երեխեն դպրոցում լավ զգա իրան: Այ դրա համար են մուծվում:

[ministr]

Դպրոցի տնօրենների աչքը լույս...

Երևում ա Դեյլ Քարնեգի ա կարդացել ու որոշելա դրույթները գործնականում փորձի:
Գրքում դեպքը ճագարներին էր վերաբերում, որ մի երեխա բակի երեխեքին ասումա եթե իմ ճագարների համար ուտելիք բերեք ամեն օր, իմ ճագարներին ձեր անուններով կկոչեմ )

[Gago97]

Ժողովուրդ բայց ասեմ որ մեր դպրոցում մի դասարան(Դասասենյակ) կա `դասասենյակի անունը մեր դպրոցում դաս տված մի ուսուցչի անունովա ու ետ դասարանը տալիս են մենակ լավ դասարաններին:
Քանի որ քո անունով դասարան լինի ամպայման դու ինչ-որ մի բան արած պիտի լինես:երևի դրանով ել ուզում են որ ետ դասասենյակի համար մրցակցություն առաջանա ու դրա համար կսկսեն լավ սովորել(են էլ լավ կսովորեն միանգամից դասարաններ):

[davidus]

Ժողովու՞րդ, էս ոչ մեկդ «Mea Culpa»-ն չե՞ք տեսել, «Սուրբ Սերոժի» օբյեկտը չհիշեցի՞ք....

Այ քեզ խայտառակություն... ինչ ամոթ ա բայց: Չնայած որ կրթության նախարարը էս ոչխարը լինի, հազիվ էլ սա պիտի երկնի ուղեղում էլի: Ավել բան սպասելը անիմաստ գործ ա:

Հ.Գ. Հլը պատկերացրեք, երեխեքը գնում են «Սամվել Ալեքսանյանի» անվան դասասենյակ՝ մայրենի լեզվի դասաժամի:

[Ուլուանա]

Սենց որ գնա, կարող ա մի գեղեցիկ օր էլ նույն սկզբունքով արձաններ կանգնեցնեն քաղաքում ։

[ars83]

Տենց մանր-մունր բաների հետևից ո՞վ կընկնի: Դասարան: Հենա միանգամից մի հատ աստղ երկնքում:

[Adriano]

Պարզվում ա, որ արդեն հնարավոր է Երևանի դպրոցներում քո անունով դասարան, մարզադահլիճ, սրահ և այլն ունենալ: Մեջբերում եմ Երևանի քաղաքապետարանին պատկանող ognirdprocid.am կայքից.


Ես անշուշտ ունեմ իմ որոշակի վերաբերմունքը, բայց դրա մասին չեմ ուզում բարձրաձայնել, թեմային կոնկրետ ուղղվածություն չտալու համար:

Ի՞նչ կարծիք ունեք այս երևույթի մասին:

Բոլոր խաղերը խաղացել ենք, հիմա էլ անցել ենք սրան: Ես ճիշտն ասած Չուկ ջան ընդհանրապես չեմ հասկանում դահլիճին, լսարանին անուն տալու իմաստը: Ըստ ինձ դա որևէ ձևով չի ազդելու աշակերտների սովորելու որակի վրա, իսկ դպրոց հաճախում են ոչ թե կայֆեր անելու, ոչ թե պարծենալու, թե Պողոս Պողոսյանի լսարանում եմ սովորել, այլ սովորելու համար: Կարճ ասած հերթական անիմաստություն, որի կյանքը կարճ է, ինչպես այս կառավարության ցանկացած ծրագրի կյանքը:

[Chuk]

Ես ճիշտն ասած Չուկ ջան ընդհանրապես չեմ հասկանում դահլիճին, լսարանին անուն տալու իմաստը: Ըստ ինձ դա որևէ ձևով չի ազդելու աշակերտների սովորելու որակի վրա, իսկ դպրոց հաճախում են ոչ թե կայֆեր անելու, ոչ թե պարծենալու, թե Պողոս Պողոսյանի լսարանում եմ սովորել, այլ սովորելու համար:

Ես էլ չեմ կարծում, որ սովորելու որակի վրա կարող ա ազդի: Դասարանին անուն դնելը կարող եմ հասկանալ որպես հարգանքի տուրք, եթե ենթադրենք այսինչ հայտնի մարդը, չգիտեմ, ասենք Մարտիրոս Սարյանը այդ դասարանում է սովորել, ինչպես օրինակ հուշատախտակ են կպցնում նման մարդկանց ապրած շենքերի վրա, անվանակոչում են ոչ թե դասարաններ, այլ ամբողջական դպրոցներ, փողոցներ և այլն: Բայց ուշադրություն, ես սա հասկանում եմ միայն ու միայն նման կարգի մարդկանց նկատմամբ հարգանք դրսևորելու առումով:

[Gayl]

ԿՈՉԻՐ ՔՈ ԱՆՈՒՆՈՎ ԴԱՍԱՐԱՆ

Բայց այստեղ չեն բացատրում , թե ինչու են ցանկանում դասարանները անվանակոչել: Այսինքն աշակերտը տեսնի, որ այս դասարանը անվանակոչվել է մի շատ խելացի, լավ վարք և այլ հատկանիշներ ունեցող աշակերտի անունով և ինքն էլ ոգևորվի՞ :

Վճարումների մասին լրացուցիչ կտեղեկացվեք։

Թե էս պահն է իրանց դուր եկել:
Թող կոնկրետ բացատրություն տան, որ մարդիկ էլ ասեն համաձայն են, թե ոչ:

[Chuk]

Բայց այստեղ չեն բացատրում , թե ինչու են ցանկանում դասարանները անվանակոչել:

Կարծում եմ, որ բացատրում են: OgnirDprocid.am կայքն ու էդ նախաձեռնությունն ընդհանուր նույն բանի մասին են. մարդիկ «խոստովանում են», որ դպրոցները նյութապես բարվոք պահելու բավարար միջոցներ չունեն ու դիմում են քաղաքացիների օգնությանը: Դասարան անվանակոչելը դրա դրսևորումներից մեկն ա: Ի դեպ կարծում եմ, որ դա կարվի լավ էլ կլորիկ գումարներով: Սա ես ուղղակի նախաձեռնությունն եմ ներկայացնում, առանց իմ՝ դրա նկատմամբ վերաբերմունքը ցույց տալու:

[ministr]

Փաստորեն կոռուպցիայի դեմ պայքարի ձևը գտել են տղեքը ` օրինականացնելու ճանապարհով Հանճարեղ լուծում:

[Chuk]

Չնայած գիտեմ, որ մեծ մասդ դիրքորոշումս էսպես թե էնպես հասկացած կլինեք, բայց մի քանի բառով ասեմ:

Նախաձեռնությունն ընդհանուր իմ մոտ ավելի շատ ասոցացվում ա «մուրացկանության» հետ, չնայած հրաշալի տեսնում եմ Մինիստրի նշած կոռուպցիոն ռիսկերը: Բացասական եմ վերաբերվում:

Բայց առանձնահատուկ վատ վերաբերմունք ունեմ դասարանների անվանակոչման նկատմամբ: Ժող, ամբողջ աշխարհում էլ, որքան ես գիտեմ, նման պրակտիկա կա, բայց խոսքը վերաբերվում է անվանի մարդկանց, երկրի, պետության կամ ազգի համար մեծ գործ արած, արժանի մարդկանց: Նայեք, թեկուզ նույն կայքից գտնում ենք Երևանի մի շարք դպրոցների՝ հայտնի մարդկանց անուններով անվանակոչված դասարաններ. http://www.ognirdprocid.am/index.php...ask=allfamouse

Ժող, ես վախենամ, որ էս նախաձեռնությամբ արժեքային համակարգի խեղաթյուրման հերթական վտանգի առաջ կանգնենք: Փաստորեն վաղը կարող է այս ասպարեզում նույն հարթության մեջ դրվեն Ժնջիլ Վղոն ու Հովհաննես Թումանյանը... իրար կողքի դասարաններից մեկը կարող է լինել ինչ-որ քրեական տարրի անունով, ով համապատասխան փաստաթղթեր է ներկայացրել ու գումար մուծել, մյուսը մեր ազգի մեծերից մեկի անունով: Սա աբսուրդ ա: Սա արժեքային համակարգի անկում ա: