Առաջարկում եմ ակումբցիներով, հետագայում նաև մեզ միացած այլ շահագրգիռ խմբերով ու անհատներով հանդես գանք քաղաքացիական նախաձեռնությամբ:
Ներկայումս իմ կողմից մշակվում է նախաձեռնության տեքստը, ուստի Ձեր կողմից ակնկալում եմ կոնստրուկտիվ քննարկումներ:
Հարցը մասնավորապես վերաբերվում է երևանի ներքաղաքային տրանսպորտի ոլորտին ու ոլորտում փոփոխություններ անելու հիմնախնդրին:
Հիմնական գաղափարը սա է:
Երևանը տարատեսակ վերգետնյա տրանսպորտով բեռնելու փոխարեն զարգացնել մետրոպոլիտենը:
Մետրոպոլիտենը այսօր գործում է վնասով, քանի որ մի սահմանափակված է քաղաքի կենտրոնական հատվածով իսկ խիտ բնակեցված տեղամասերը գտվում են քաղաքի ծայրամասերում, բացի այդ կենտրոնում մետրոյի ուղիներին զուգահեռ գործում են տասնայկ, եթե ոչ հարյուրավոր միկրոավտուբուսային ու ավտոբուսային երթուղիներ:
Այս պայմաններում մետրոպոլիտենը գոյատևում է պետական դոտացիաների հաշվին մասնավորապես 2010թ. Մետրոպոլիտենին պետ բյուջեից հատկացվել է 1մլդ 840 մլն դրամ (մոտ 5 մլն ԱՄՆ դոլար) , 5 մլն դրամով ավել էլ հատկացվելու է այս տարի:
Մինչդեռ մետրոպոլիտենը շատ մոտ է կանգնած երևանի ամենախիտ բնակեցված երկու թաղամասերին` Դավթաշենին (բնակչությունը մոտ 108 000 մարդ) և Մալաթիա-Սեբաստիա վարչական շրջանին (բնակչությունը մոտ 145 000 մարդ, ընդ որում մալաթիա Սեբաստիա համայնքն ամենա կոմպակտ բնակեցված վարչական շրջանն է):
Դավթաշենի մետրոյի կայարանի շինարությունը սկսվել էր դեռևս խորհրդային տարիներին և այժմ մոտ 70 տոկոսով պատրաստ է ըստ պաշտոնական տվյալների, իսկ Մալաթիա Սեբաստիան մետրոպոլիտենի ցանցին կարելի է միացնել Գարեգին Նժդեհ կամ Չարբախ կայարաններից մինիմալ ծախսերով, որովհետև բացի մոտ հեռավորությունը մետրոպոլիտենի գծերը լինելու են վերգետնյա:
Այսպիսով մոտ 250 000 մարդու հնարավորություն է տրվում օգտվել մետրոպոլիտենից, և եթե բնակչության անգամ 10%-ը օգտվի մետրոպոլիտենից օրական 1 անգամ (երկկողմ) ապա մետրոպոլիտենը տարեկան լրացուցիչ 900 000 000 դրամ կստանա: Դրան զուգահեռ կպակասի նաև վերգետնյա տրանսպորտի ծանրաբեռնվածությունը:
Սրան կարելի է գումարել ուղևորների անվտանգությունը, էկլոլագիական խնդիրներ, շինարարության ողջ ընթացքում մոտավորապես 1000 հոգու աշխատանքով ապահովվելը:
+ Ծրագրում կա նաև առաջարկ խնդրանքով դիմել Երևանի բնակիչներին յուրաքանչյուրը սիմվոլիկ 100-ական դրամով մասնակցել շինարարությանը, այդ կերպ հավաքագրելով մոտ
100 մլն դրամ
Մեջբերել
Էջանիշներ