Ստեղծագործական մրցույթ. «Արթուրի զարմանահրաշ արկածները»

[Chuk]

Չուկ, բա արդյունքների ու հեղինակների մասին ե՞րբ ես ասելու:

Մի քանի րոպեից, Այվի ջան, քիչ մը խառն էի, մոռացել էի, որ պիտի ամփոփեմ:

[Chuk]

Սիրելի՛ ակումբցիներ, ներողություն եմ խնդրում ամփոփումն ուշացնելու համար: Ստորև ներկայացնում եմ ներկայացված տարբերակների հեղինակներին:

Տարբերակ 1. «Պատրանք», հեղինակ՝ Սելավի, ստացել է 5 քվե
Տարբերակ 2. «Է՛վրիկա», հեղինակ՝ Հարդ, ստացել է 9 քվե
Տարբերակ 3. «Անվերնագիր», հեղինակ՝ Վահիկ, ստացել է 14 քվե
Տարբերակ 4. «Է՜խ Տարոնիչ, Տարոնիչ», հեղինակ Սելավի, ստացել է 8 քվե
Տարբերակ 5. «Անվերնագիր», հեղինակ՝ einnA, ստացել է 8 քվե
Տարբերակ 6. «Stairway to Galaxy», հեղինակ՝ Sinigami, ստացել է 10 քվե


Քվեարկությանը մասնակցել է 37 հոգի: Տարբերակ 3-ի օգտին քվեարկել է 15 հոգի, բայց քանի-որ քվեարկողներից մեկը հենց տարբերակի հեղինակն է, դրա համար հաշվվում է 14:

Այսպիսով մրցույթում հաղթող է ճանաչվում է Վահիկը՝ իր «Անվերնագիր» տարբերակով:

Տեղերը բաշխվել են հետևյալ կերպ.

1. Վահիկ, «Անվերնագիր», 14 քվե
2. Sinigami, «Stairway to Galaxy», 10 քվե
3. Հարդ, «Է՛վրիկա», 9 քվե
4-5. Սելավի, «Է՜խ, Տարոնիչ, Տարոնիչ» և einnA, «Անվերնագիր», 8-ական քվե
6. Սելավի, «Պատրանք», 5 քվե

Շնորհավորում եմ Վահիկին՝ համոզիչ հաղթանակի համար:
Շնորհավորում ու շնորհակալություն եմ հայտնում նաև բոլոր մյուս մասնակիցներին՝ մասնակցության համար: Լիահույս եմ, որ հնչած քննադատությունը ոչ թե կհիասթափեցնի, այլ խթան կլինի նորից ստեղծագործելու ու ինքնակատարելագործվելու համար:

[Հայուհի]

Ախր ո՞նց ժամանակին չհասկացա, որ Հրաչնա վերջինի հեղինակը
Ինքը նույն Stairway-ը Վահիկի մասին էր գրել, ես էլ սրբագրում էի

[Yellow Raven]

Հա լավ պարզա
Ժողովրդի լեզվով ասած արագի մեջ եմ գրել(նույնիսկ վերջում մոռացա հարցական նշանները դնեմ, եթե ուշադիր եք եղել ), դրա համար մի քիչ հնարավոր է հարթ չի ստացվել ընթերցելու համար, ընդունում եմ Բայց ամեն դեպքում փորձել եմ այլաբանորեն ներկայացնել Արթուրի արկածները ու չեմ սահմանափակվել մի բնագավառով... Եթե ժամանակս մի քիչ շատ լիներ վերջում նույնիսկ մտածել էի դեպի հունական առասպելաբանություն գնայի, բայց ամեն դեպքում գրեցի այսքանը
Մերսի հետաքրքիր մրցույթի համար

[Chuk]

Քանի որ ինձ հեղինակները հայտնի էին՝ իրավունք չվերապահեցի ինձ ոչ առանձին գործերի մասին կարծիք հայտնել (մինչ անունների հրապարակումը), ոչ էլ մասնակցել քվեարկությանը: Առայժմ կասեմ, որ վերահաստատելով թեմայում գրածս, որ գործերից ոչ մեկն էլ առանձնապես չեմ հավանել, մրցույթի համատեքստում ու համեմատական կարգով քվեարկելու դեպքում կքվեարկեի երկու «Անանուն»-ների օգտին, այն է տարբերակ 3-ն ու տարբերակ 5-ը

[Ariadna]

Բա էն արտամրցութայինը չեք դնու՞մ Հովոյի։

[Chuk]

Բա էն արտամրցութայինը չեք դնու՞մ Հովոյի։

Էդ ինքը պետք ա դնի
Ես չունեմ, չեմ կարդացել:

[My World My Space]

էսա դնում եմ
բայց վերջնական սրբագրված տարբերակը գործի տեղն ա....
դնում եմ նախնական տարբերակը....

[My World My Space]

ԱՐՏԱՄՐՑՈՒԹԱՅԻՆ ՏԱՐԲԵՐԱԿ....


Սևանի "Կապուտակ" տիեզերադրոմում տոնական տրամադրություն էր:
Այդ օրը երկինք էր արձակվելու հայկական առաջին տիեզերանավը` "Երազ 1"-ը:
Տիեզերանավի անձնակազմն իր վերջին հրահանգավորումն էր ստանում, որին անմիջապես հաջորդելու էր խմբակային երդման արարողությունն ու հրթիռի մեկնարկը:
Տիեզերադրոմին հարող այգում տեղ ու դադար չկար: Սևան էին գալիս ողջ աշխարհի առաջավոր մարդկության ներկայացուցիչները: Մեծ բազմություն էր հավաքվել նաև բեմական կամրջակի մոտ:
Ահա մեր առաջին տիեզերագնացները "Երազ"-ի հրամանատար` առաջին դասի տիեզերական կապիտան Արթուր Պողոսյանի գլխավորությամբ դուրս են գալիս կամրջակի վրա:
Պողոսյանը մոտենում է խոսափողին, մաքրում է կոկորդն ու կարդում է երդման տեքստը: Անձնակազմի անդամները ձեռքերը սրտին դրած լուռ հետևում են:
- Ես, ստանձնելով Հայաստանի առաջին Տիեզերագնացի չափազանց պատվավոր և պատասխանատու գործը, ահա Գալիլեյի նկարի մոտ երդվում եմ պատվով կրել իմ վեհ կոչումը, միշտ հիշել, որ ես դու եմ, դու` ես: Երդվո՜ւմ եմ:
Երդվում եմ` բարձր պահել հայ գիտնական-տիեզերագնացի սուրբ անունը:
Աձնակազմը մի հոգու նման կրկնում է
- Երդվու՜մ ենք:
Այգին ցնցվում է ծափահարություններից: Կամրջակի դիմաց պատվավոր հյուրերի շարքում նստած հայ գիտության մեծ բարեփոխիչ Աշոտյանը թեքվում է դեպի Համահայկական Սենատի փոխխոսնակ Հրանուշ Հակոբյանն ու ասում.
- Տիկին Հակոբյան, երդման տեքստը մեր նորամուծությունն է:
- Շնորհավորում եմ, հիանալի էր, պարզապես ցնցող:
Հանիսավոր մասի ավարտից հետո Երազ-ի անձնակազմն ուղևորվում է դեպի տիեզերանավ: Թռիչքը մեկ ժամ անց կսկսվի:
Հրամանատար Արթուր Պողոսյանը օգնականի հետ մի երկտող է ուղարկում կնոջը. "Դառագայա, տոչնը պոլունըչին կնայես լուսնին, սյուռպռիզ ունեմ քեզ համար: Ցեղիս լավ կնայես, մինչև գամ..."
Մեկ ժամ անց Տիեզերադրոմի ստորջրյա անգարից կապույտ լույս արձակելով դեպի երկինք է թռչում "Երազ"-ը, մարդկության միակ հույսը ահռելի աստերոիդի դեմ պայքարում:
Օլյան` Արթուրի կինը, սրտատրոփ սպասում է կեսգիշերին:
Ժամացույցի սլաքների հետ զուգընթաց գիշերային երկինքը լուսավորվում է աստերոիդի պայթյունից, իսկ տիեզերանավի հազար կիլոմետրանոց պառուսների վրա գրվում է "Օլյա Նավսեգդա" արտահայտությունը: Օլյան անսպասելի շիկնում է այս տեսարանից և գլուխը իջեցնում, նրան թվում է, թե այգում կանգնած բոլոր մարդիկ իրեն են նայում:
Քիչ անց այգում տեղադրված բարձրախոսներից լսվում է դիկտորի ձայնը:
- Խոսում է Երևանը: Բարեկամներ, "Երազ"-ը պատվով կատարեց իր առջև դրված բարդ պարտականությունը: Կյանքը շարունակվում է...
Այգին թնդաց ծափահարություններից:
Երկինքը լուսավառվեց հայոց եռագույնի գույներով հրավառությունից:
Ու սկսվեց տոնախմբությունը:
***
Հայկական Տիեզերական ասոցիացիան սկսում էր նախապատրաստվել հաջորդ առաքելությանը` ուղևորությանը դեպի X մոլորակ....

[Chuk]

Ուզում եմ մի քանի բառով խոսել Սելավիի տարբերակների մասին:
Ճիշտն ասած առաջին զգացումս հաճելի զարմանքն էր, որ մրցույթին մասնակցում է: Իսկ երբ ստացա երկրորդ տարբերակ, այդ հաճելի զարմանքս բազմապատկվեց:
Ցավոք բավական երկար ժամանակ կարդալ չէի կարողանում՝ ժամանակ չէի գտնում: Երբ ի վերջո կարդացի՝ հաճելի զարմանքս ցրվեց:

Իմ տպավորությամբ, որը կարող է և սխալ լինել, Սելավիի մասնակցությունը զուտ մրցույթին հակադրվելու համար էր: Ու կարծում եմ, որ նաև սա էր առաջին տարբերակի չմշակված լինելու պատճառը, ներկայացվել էր ընդամենը էս ողջ պատմությանը փոքր-ինչ ալտերնատիվ մոտեցումը, որը կարելի էր զարգացնել, մշակել ու գեղեցիկ գործ ստանալ, բայց քանի-որ, իմ կարծիքով, նպատակը ոչ թե գեղարվեստական գործ կերտելն է եղել, այլ մրցույթին հակադրվելը, Սելավին դրան ժամանակ չի տրամադրել: Ինչևէ: Մոտեցումային իմաստով նորից նույն կարծիքին եմ, որ տարբերակ 1-ը ուներ զարգացման, մշակման ու լավ գործ դառնալու հեռանկար:

Տարբերակ 4-ը, ըստ իս, նույնպես հակադրվել էր: Կարդալուց հետո նույնիսկ երկար մտածել եմ՝ հրապարակե՞մ, թե՞ ոչ, ի վերջո որոշելով, որ դե լավ, հրապարակեմ: Բայց տպավորությունս այնպիսին էր, որ Սելավին ինձ ուզում էր հարցնել «Է՞ս էիր ուզում տեսնել»: Հստակ ու հաստատակամ պատասխանեմ. ո՛չ, դա չէի ուզում, լրիվ ուրիշ բան էի ուզում տեսնել, որն այդպես էլ չտեսա, ցավոք:
Այս տարբերակը, ըստ իս, առանձնանում է իր խիստ արհեստականությամբ: Ակնհայտ է, որ գրողի լեզուն այն լեզուն չի, որով գրել է, որ գրողը չի տիրապետում իր տարբերակում օգտավործված ժարգոին, ներկայացրած մշակույթի լեզվական ու կոլորիտային առանձնահատկություններին:

Ինչևէ: Սա քննադատություն չի, այլ իմ տպավորությունների շարադրում: Իսկ վերջնական տպավորությունս կշարադրեմ այսպես: Սելավի, անկեղծորեն հուսով եմ, որ կմասնակցես նաև այլ մրցույթների, որովհետև չնայած այս վերևում գրածներիս ես նկատեցի, որ ցանկության դեպքում կարող ես իսկապես լավ գործեր գրել, պետք է պարզապես ոչ թե ի հակադրություն տվյալ մրցույթի ասելիքի գրել, այլ, այսպես ասեմ, հանուն արվեստի:

Շնորհակալություն մասնակցության ու ուղարկած երկու տարբերակների համար

[Chuk]

Հով, պիտի անկեղծ լինեմ. քո համար շատ թույլ ա:
Բայց նաև շնորհակալ եմ էս զարգացումը տալու, ոչ թե եղածը վերաշարադրելու համար

[ars83]

Մի փոքր «առնետային» հարց այս մրցույթի պարոն կազմակերպչին:
Դատելով մասնակցողների, քվեարկողների և թեմայում հնչած կարծիքների (որոնց ճնշող մեծամասնությունը բացասական էր) համեմատաբար փոքր թվից, չե՞ք համարում արդյոք, որ մրցույթային թեման ի սկզբանե անհաջող էր ընտրված:

[My World My Space]

Քանի որ մրցույթն ավարտված ա, անուններն էլ հայտնի,մի քանի դիտարկում անեմ:
1. Չկար զարգացում: Բոլոր պատմվածքները չնչին շեղումներով արտահայտում էին էն ամեն ինչը, որ քննարկվել էր հարևան թեմայում, այկսինքն էն, ինչ բոլորս գիտեինք:
2. Բոլոր հեղինակները պատմվածքի հիմք էին վերցրել Արթուրի գեղեցիկ մտքերը, կարծես թե մտածելով` ինչքան շատ, էնքան` լավ....
3. Ըստ այդմ չկարդացի որևէ նորություն, ուստի և չքվերակցեցի տարբերակներից ոչ մեկի օգտին:
4. Պատմվածքներում չտեսա մեր իրականությունը, մեր պատասխանը, ինչ շատ կարևոր էր էս իրադարձությունների համատեքստում:
5. Արտամրցության տարբերակը, որ տեղադրել եմ էն զարգացումն էր, որ կուզենայի տեսնել: Այսինքն ի՞նչ էր լինելու 2016 գօդա-յում: Ցավոք ոչ մեկն էս մասին չխոսեց:
6. Ներողություն իհարկե, բայց մրցույթը համարում եմ չստացված: Սա իմ սուբյեկտիվ կարծիքն է:

[Chuk]

Մի փոքր «առնետային» հարց այս մրցույթի պարոն կազմակերպչին:
Դատելով մասնակցողների, քվեարկողների և թեմայում հնչած կարծիքների (որոնց ճնշող մեծամասնությունը բացասական էր) համեմատաբար փոքր թվից, չե՞ք համարում արդյոք, որ մրցույթային թեման ի սկզբանե անհաջող էր ընտրված:

Արս ջան, «Առնետային» է այն իմաստով, որ պատասխանս շատերին ազնիվ չի թվալու: Ո՛չ, չեմ կարծում:
Կարծում եմ, որ շատերի կողմից է սխալ ընկալվել: Իսկ իրականում, վստահ եմ, որ այս նյութի հիման վրա կարելի էր լավ գործեր կերտել

[Chuk]

Հետգրության կարգով մի կարծիք էլ ասեմ: Եթե մրցույթը հայտարարվեր փոքր-ինչ ավելի շուտ, երբ ասենք Սփյուռքի նախարարի հետ կապված դեպքերը նոր էին սկսում զարգանալ, ապա ակումբցիների մեծ մասի կողմից էլ, կարծում եմ, որ նյութը չէր համարվի անհաջող ընտրված, կլիներ ակտիվ մասնակցություն: Այս իմաստով կարող եք հարց տալ. չե՞մ ափսոսում, որ շուտ չեմ հայտարարել: Ասեմ. ո՛չ: Չե՛մ ափսոսում: Այդ դեպքում ստանալու ենք լիքը ղժժոցի տարբերակներ, բայց ոչ այն, ինչն ակնկալում էի այս մրցույթից ես: Ստանալու էինք, որովհետև «ղժժալու թեման» դեռևս ակտուալ էր ու շատ բան այդ հողում դեռ չէր ասված ողջ հանրության ու մասնավորապես ինտերնետային հանրության շրջանում: Բայց ես որևէ մրցույթ չեմ բացել ու չեմ բացի ղժժոցիի ակնկալիքով:

Ինչ վերաբերվում է շարունակությանը, ապա որքան էլ որ ես համարում եմ, որ թեման անհաջող չէր ընտրված, այլ դրա նկատմամբ ոմանց կամ շատերի կողմից վերաբերմունքն էր սխալ, միևնույն է, ես պատրաստ եմ հաշվի նստել նաև ձեր կարծիքների, այլ կերպ ասած մրցույթին պոտենցիալ մասնակցողների ինչպես նաև այն հետևողների կարծիքների հետ, դրա համար հաջորդ մրցույթը հարևան թեմայում միասին կորոշենք, թե ինչ ֆորմատով, ինչ բնույթի ենք անելու: Այնպես որ բոլորին առաջարկում եմ շտապել «Ստեղծագործական նախագծերի քննարկումներ» բաժին՝ առաջարկելով ու ներկայացնելով, թե հաջորդ մրցույթը, որը հավանաբար կմեկնարկի հաջորդ շաբաթվա վերջին, ինչ տեսքով եք ցանկանում տեսնել: Հուշեմ նաև, որ Արսի գրառման տիպի գրառումները ավելի շատ այդ թեմայի, այլ ոչ թե այս թեմայի ապրանք են: