Համաշխարհային շախմատ

[Moonwalker]

Քիթ սրբելու ժամանակ չունեմ, բայց չէի կարող չգրել: Վիշվանաթան Անանդը պաշտպանեց շախմատի աշխարհի չեմպիոնի իր տիտղոսը:
Ընդհանուր հաշիվը՝ դասական պարտիաներում՝ 6-6, արագ պարտիաներում՝ 2,5-1,5: Ոչ օպտիմալ խաղ ցուցադրող հնդիկը գործնականում հավասար դիրքում հաջողացրեց հաղթանակ կորզել 2-րդ արագ պարտիայում և փրկվել գործնականում պարտված դիրքում 3-րդ արագ պարտիայում: Հաղթողներին չեն դատում:
Գելֆանդին՝



Հ.Գ. Սպասում ենք նոր ցիկլին՝ 2013-ի մարտ:

[Varzor]

Մենակ ափսոսում եմ, որ Անանդ-Արոնյան դիմակայությունը չտեսանք: Ոնց որ գիտենք Արոնյանը արագ շախմատում բավականին ուժեղ է:

[Moonwalker]

Լեւոն Արոնյանը հունիսի 7-19-ը կմասնակցի Մոսկվայում անցկացվելիք Միխայիլ Տալի 7-րդ հուշամրցաշարին: Արոնյանի մրցակիցները կլինեն Կարլսենը, Կրամնիկը, Ռաջաբովը, Նակամուրան, Կարուանան, Մորոզեւիչը, Գրիշչուկը, Տոմաշեւսկին, Մաքշեյնը:
Հունիսի 7-ին` բացման արարողության ժամանակ (18:30`Երևանի ժամանակով), կկայանա կայծակնային մրցաշար, որի արդյունքներով կորոշվի մասնակիցների դասավորությունը հիմնական մրցաշարի աղյուսակում:
Սկիզբը` ժամը 15:00-ին (Երեւանի ժամանակով):

Աղբյուր
Մանրամասն

[Moonwalker]

...և առաջին հաղթանակը:

[Moonwalker]

90-ամյա հասակում ի Տեր հանգչեց համաշխարհային շախմատի ամենավառ անհատականություններից մեկը, Հին հնդկական պաշտպանության ասպետ Սվետոզար Գլիգորիչը:


Տալը (կանգնած), Ֆիշերը (աջից) ու Գլիգորիչը (ձախից):

[Moonwalker]

Մի քանի օրից Սան Պաուլու քաղաքում մեկնարկելու է հայտնի Մասթերս մրցաշարը: Ինչպես միշտ այն անցնելու է երկու շրջանով՝ երկու քաղաքներում (սեպտեմբերի 24-29-ը՝ բրազիլական Սան Պաուլուում/հանգստյան օրը՝ 27-ը/ և հոկտեմբերի 8-13-ը՝ իսպանական Բիլբաոյում/հանգստյան օրը՝ 11-ը): Կազմն ինչպես միշտ ներկայացուցչական է՝

№	Խաղացող	Երկիր	Գործող ELO/կենդանի ELO	Դասակարգման №
1.	Մագնուս Կարլսեն	Նորվեգիա	2843/2843.0	1
2.	Լևոն Արոնյան	Հայաստան	2816/2820.8	2
3.	Վիշվանաթան Անանդ	Հնդկաստան	2780/2780.0	6
4.	Սերգեյ Կարյակին	Ռուսաստան	2778/2779.9	7
5.	Ֆաբիանո Կարուանա	Իտալիա	2773/2769.8	8
6.	Ֆրանսիսկո Վալյեխո Պոնս	Իսպանիա	2697/2700.0	51

Մի շարք ինտրիգներ կլինեն մրցաշարում՝ կհաջողվի՞ արդյոք Վիկինգին վերջապես հաղթահարել կասպարովյան 2851 վարկանշային պիկը, ԱՉ-ի կոչումը պաշպանելուց հետո առաջին մրցաշարում ի՞նչ ցույց կտա Վիշին ևն: Հաշվի առնելով, որ միավորները հաշվվելու են ֆուտբոլային համակարգով՝ սպասելու ենք անզիջում պայքարի:

Հ.Գ. Հաշվի առնելով պաշտոնական կայքի անմխիթար վիճակը, ցավոք, պիտի ենթադրել, որ վիդեոհեռարձակումը անցյալ անգամվանից դժվար ավելի լավը լինի:
Հ.Գ.Գ. Այսօր Լոնդոնում մեկնարկում է մեկ այլ մեծ շախմատային իրադարձություն FIDE-ի Գրան Պրի շարքի առաջին մրցաշարը: Նույնպես բավականին պատկառազդու կազմ՝ մի խոսքով շախմատասերները ձանձրանալու առիթ չեն ունենալու:

[Moonwalker]

Մի քանի օրից Սան Պաուլու քաղաքում մեկնարկելու է հայտնի Մասթերս մրցաշարը:

Առաջին տուրի մեկնարկն այսօր Երևանի ժամանակով բավական անհարմար՝ 22:00-ին:

Անանդ - Վալյեխո
Արոնյան - Կարյակին
Կարուանա - Կարլսեն

[Moonwalker]

Անանդ - Վալյեխո ½-½ (Չստացվեց տպավորիչ «վերադարձ» չեմպիոնի մոտ: Անգամ ինչ որ պահերի իսպանացին ավելի լավ էր նայվում: )
Կարուանա - Կարլսեն 1-0 ( Անտաղանդ խաղարկված Ֆրանսիական սկզբնախաղից հետո նորվեգացին իրեն բնորոշ ձևով նախաձեռնություն ստացավ, բայց իրացնել այն չստացվեց: Ու երբ թվում էր, որ կգրանցվի ոչ ոքի Կարուն զոհաբերեց որակը (79.Նxe4? ՝ այնուամենայիվ ոչ կոռեկտ զոհաբերություն), ինչից հետո Մագնուսն անհասկանալիորեն կորցրեց խաղի թելն ու անփառունակ կերպով պարտվեց: )
Արոնյան - Կարյակին 1-0 (Հաղթանակ Լևոնի ֆիրմային ոճով: Սկզբնախաղային տնային պատրաստությունը ուղղակի հոգեբանորեն սպանեց մրցակցի դիմադրական կորովը: Չնայած մինչև 23-րդ քայլը Կարյակինը վատ չէր պաշտպանվում, բայց քանի որ ստիպված էր շատ մտածել, շուտով հայտնվեց ցայտնոտի մեջ

Պարտիայի դիրքը սպիտակների 23-րդ քայլից հետո:

Կարյակինը խաղաց 23...Ձd7?! (պետք էր փորձել ...Ձd3!?): Լևոնն արձագանքում է 24.Ձe4՝ սպառնալով Նxd7!: Սևերի միակ շանսն էր 24...Թc8 (այս դեպքում 25.Նxd7-ին ի պատասխան 25...Փxe4-ն աշխատում է), բայց տախտակին հայտնվեց 24...Թa4? ու սևերն արդեն գործնականում պարտված են:



Այսօրվա տուրում՝

Վալյեխո - Կարլսեն
Կարյակին - Կարուանա
Անանդ - Արոնյան

[Moonwalker]

Շնորհավոր ծնունդդ, մե՛ծ չեմպիոն: Համարյա ամեն ինչ ունես՝ շախմատային թագն եմ ցանկանում:




Հ.Գ. Մասթերսի երկրորդ շրջանը մեկնարկում է երկուշաբթի:

[Moonwalker]

Շախմատային աշխարհը նոր թագուհի ունի: Կանանց համաշխարհային դասակարգման 38-րդ համար 27-ամյա ուկրաինուհի Աննա Ուշենինան (2452) իր կյանքի մրցաշարն անցկացրեց Խանտի-Մանսիյսկում: Բրավո՜, Աննուշկա



Հ.Գ. Հա, մի երկու ժամից մեկնարկում է 4-րդ London Chess Classic-ը: Սպասում ենք, Լևոնի խաղից կարոտներս առնենք:

[Tiger29]

Շախմատային աշխարհը նոր թագուհի ունի: Կանանց համաշխարհային դասակարգման 38-րդ համար 27-ամյա ուկրաինուհի Աննա Ուշենինան (2452) իր կյանքի մրցաշարն անցկացրեց Խանտի-Մանսիյսկում: Բրավո՜, Աննուշկա



Հ.Գ. Հա, մի երկու ժամից մեկնարկում է 4-րդ London Chess Classic-ը: Սպասում ենք, Լևոնի խաղից կարոտներս առնենք:

Շնորհավորում եմ Աննային, ուղղակի փայլեց: Չէի հավատում, որ Ստեֆանովային էլ կարա անցնի:
Բայց դե էս ինչ դարձրեց Իլյումժինովը: Մյուս տարի պատմություն կդառնա Աննան

[Tiger29]

Գարի Կասպարով. մեծ շախմատիստի 50 ամյակին

[Tiger29]

Մահացել է Վուգար Հաշիմովը



Ցավալի կորուստ շախմատի համար:

[Tiger29]

Մագնուս Կառլսեն. նորից լավագույնը արագ շախմատում




Հղում


Այսօր` նույն Բեռլին քաղաքում, կավարտվի բլիցի աշխարհի առաջնությունը:
Երեկ խաղացվել են առաջին 11 խաղերը: Այսօր մնացած 10-ը կխաղան:
Առաջատարը Ֆրանսիացի շախմատիստ Վաշիե-Լագրավն է-9,5, երկրորդը` Մագնուս Կառլսենը`9 միավորով:
Հղում:

Հայերից ամենալավը այս պահին խաղում են Լևոն Արոնյանը, Տիգրան Լևոնի Պետրոսյանը և Սերգեյ Մովսիսյանը:
Հղում:


Խաղերին անմիջապես կարող եք հետևել հետևյալ հղումով` 17:00-ից սկսած` ռուսերեն մեկնաբանությամբ:

[Tiger29]

Ալեքսանդր Գրիշչուկ. <<Կարլսենի հաղթանակներից արդեն սկսել էի հոգնել>>:





Հայերի մասնակցությունը:


Կյանքի տղա ա Գրիշչուկը: Շատ եմ հավանում իր ոճը` թե սպորտին նվիրվածությունը, թե կյանքում իր պահվածքը: Երևում ա, որ <<թքած>> ունի շատ բաների վրա, բայց բացառիկ տաղանդ ա ու միամիտ չէր, որ Արոնյանը հավակնորդների մրցաշարերից մեկում հենց իրանից դուրս մնաց:
Ֆրանսիացի Լագրավն էլ ա շատ առաջադիմել: Վերջին հաջողությունները այլևս անակնկալ չեն:
Կրամնիկին ու Իվանչուկին էլ հալալ ա <<Շախմատային պապիկները>> ապացուցում են, որ դեռ շատ անգամ են խանգարելու երիտասարդներին:
Մենակ ցավալի էր, որ Նակամուրան չէր խաղում: Արագ շախմատում ու բլիցում ֆավորիտներից մեկն էլ ինքը կլիներ:


Հ.Գ. Հիշեցնեմ, որ ինքը էդ օրերին Ամերիկայի միլիոնանոց մրցաշարը հաղթեց`