Հարաբերությունների պահպանում «սեփականատեր» զուգընկերոջ հետ

[ars83]

Որոշեցի թեմա բացել, քննարկման հնարավորություն լինի (սկզբնական գրառումը տեղադրված էր «Անկապ օրագրում»):

Բացարձակապես չեմ կարողանում ընդունել, երբ տղամարդն արգելում է կնոջը շփվել այլ տղամարդկանց հետ (կամ էլ հակառակը՝ կնոջ կողմից): Չմտնել ֆորումներ, ֆեյսբուքներ, 1մ-ից ավել չմոտենալ, և այլն: Մի-տեսակ նսեմացուցիչ է. վերջիվերջո զուգընկերը մարդ է, առարկա չէ, որ քո ուզած տեղում դնես, 8 ժամից գաս, նույն տեղից վերցնես: Բայց ավելի շատ ինձ զարմացնում է, որ զուգընկերը կարող է հանդուրժել նման վերաբերմունքն իր նկատմամբ. հիմնականում դա կանայք են: Հանուն ինչի՞: Ասենք, եթե ընտանիք է կազմվել, երեխա կա, դեռ կարող եմ ինչ-որ պատճառնել մատնանշել, բայց դա էլ համոզիչ չէ: Եթե երեխան (հատկապես տղա) տեսնում է, որ հայրը մորը վերաբերվում է որպես անօտարելի սեփականություն հանդիսացող առարկայի, հավանականությունը, որ ինքն էլ կմեծանա այդպիսի «սեփականատեր-արքայիկ», ավելանում է: Աղջիկը, որ մեծանում է նման ընտանիքում, հավանաբար ակնկալելու է, որ ինքն էլ մեկի «սեփական առարկան» է դառնալու հետագայում: Դա մի կողմ, իսկ չամուսնացածնե՞րը (ընկերություն անողները): Մեկ-մեկ որ փողոցում տեսնում ես մի տղա բղավում է աղջկա վրա, հաճախ հայհոյանքներով, մտածում ես՝ այս աղջիկը հանուն ինչի՞ է այս տղայի հետ հարաբերությունները պահպանում: Ինքնամոռաց, խելագար սիրահարությանը նման դեպքերում չեմ հավատում: Եվ ընդհանրապես չեմ հասկանում ինչ սիրո մասին կարելի է լինել խոսքը «տերն ու ծառա» (կլիենտ-սերվեր, եթե ուզում եք ) հարաբերություններում: Բա հանուն ինչի՞: Մի կանացի հոգեբանությունից գլուխ հանող մարդ լիներ, բացատրեր:

[einnA]

ես էլ ուզում էի առանձին քեզ գրել, մեկ էլ տեսա թեման բացվել է
հենց էսօր խոսում էի էտ մասին հակառակ սեռի այնպիսի ներկայացուցչի հետ, որի ընկերուհին հենց քո ասած կարգավիճակում է:
Ես ինքս էտ հասկանալու ունակ չեմ ու բացատրել չեմ կարող, թե էտ ոնց են դառնում անխոս ենթարկվող էակներ: Պարզապես եկա էն եզրակացության, որ նման հարաբերություն ընդունող զույգերից և ոչ մեկ կայացաց ու հասուն մտածելակերպ ունեցող մարդկանցից հեռու են` էն էլ շատ:
Մարդիկ կան դրանից ուղղակի ոգևորվում են. եթե այդպես է վարվում, ուրեմ խանդում է,իսկ եթե խանդում է, սիրում է, իսկ եթե սիրում է, վախենում է կորցնել.... ու էտպես հեքիաթների շարան
լավ քիչ խոսամ, հետո էն որ ասում են գլխիս չգա

[Մանուլ]

Հանուն ինչի՞: Էն պատճառով, որ աղջիկներին թվում ա, որ եթե տղան իրենց առջև արգելքներ ա դնում, ուրեմն անհանգստանում ա իրենց համար, հետևաբար սիրում ա : Ու շատ մեծ ա հավանակնությունը, որ էդ աղջիկը լինի հենց էնպիսի ընտանիքից, որտեղ հայրը մորը վերաբերվում ա որպես սեփականություն:

[Whyspher Whisper]

Մի ուրիշ տարբերակ էլ կա, կարծում եմ՝ "փախուստ ազատությունից" շարքից… Ավելի լավ է, լինես ինչ-որ մեկի հետ, ինքը կանոնակարգի վարքդ և այլն, քան թե լինես ինքդ քո գլխի տեր, բայց միայնակ

[Ռուֆուս]

Տղան կոմպլեքսավորված անձնավորություն է, ով հաճույք է ստանում իր սեփականատեր, ես կասեի ստրկատեր վիճակից

Աղջիկը անինքնասեր անձնավորություն է, ով հաճույք է ստանում, երբ իր հետ վարվում են ինչպես ստրուկի հետ

Չեմ հարգի թե նման տղայի, թե աղջկա

[Ռեդ]

Մի կանացի հոգեբանությունից գլուխ հանող մարդ լիներ, բացատրեր:

Արս ջան, էն լսե՞լ ես, որ ասում ա՝
Есть два способа понять женщину, но никто их не знает.
Թարգմանաբար՝
Կնոջը հասկանալու երկու տարբերակ կա, բայց ոչ ոք դրանք չգիտի:

[ars83]

Հանուն ինչի՞: Էն պատճառով, որ աղջիկներին թվում ա, որ եթե տղան իրենց առջև արգելքներ ա դնում, ուրեմն անհանգստանում ա իրենց համար, հետևաբար սիրում ա :

Էլի թող անհանգստանա, բայց ի՞նչ վտանգ է պարունակում կնոջ (տղամարդու) շփումը այլ տղամարդկանց (կանանց) հետ: Ինչի՞ց է (ըստ պաշտպանյալի) նրան պաշտպանում զուգընկերը:

[Ամպ]

Զուգընկերների նմանատիպ հարաբերություններն էլ ամրապնդվում են ամուսնության հենց սկզբից՝ եկեղեցական արարողության ժամանակ «տեր եմ», «հնազանդ եմ» խոստումներով: Հետո էլ, երբ կինը ինչ-որ հարցում անհամաձայնություն է արտահայտում, ամուսինը հնազանդության երդումն է հիշեցնում:
Երբեք չեմ հասկացել բռնակալական հարաբերությունները:
Միայն տղաները չեն բռնակալ լինում… Բա աղջիկնե՜րը. իրենց խանդով:
Դրանով հարաբերությունները ոչ թե ամուր են լինում, այլ ավելի են խարխլվում:
Իսկ թե հանուն ինչի են ենթարկվում, չգիտեմ:

[ministr]

ես էլ ուզում էի առանձին քեզ գրել, մեկ էլ տեսա թեման բացվել է
հենց էսօր խոսում էի էտ մասին հակառակ սեռի այնպիսի ներկայացուցչի հետ, որի ընկերուհին հենց քո ասած կարգավիճակում է:
Ես ինքս էտ հասկանալու ունակ չեմ ու բացատրել չեմ կարող, թե էտ ոնց են դառնում անխոս ենթարկվող էակներ: Պարզապես եկա էն եզրակացության, որ նման հարաբերություն ընդունող զույգերից և ոչ մեկ կայացաց ու հասուն մտածելակերպ ունեցող մարդկանցից հեռու են` էն էլ շատ:
Մարդիկ կան դրանից ուղղակի ոգևորվում են. եթե այդպես է վարվում, ուրեմ խանդում է,իսկ եթե խանդում է, սիրում է, իսկ եթե սիրում է, վախենում է կորցնել.... ու էտպես հեքիաթների շարան
լավ քիչ խոսամ, հետո էն որ ասում են գլխիս չգա

Եթե պաթոլոգիկ դեպքերը դնենք մի կողմ (կնստես մառշուտնու շոֆեռի հետևի նստարանին ու մենակ դուրս կնայես), ապա ինչքան էլ բացատրեմ չես հասկանա, մինչև կյանքիդ մեջ էդ փուլին չհասնես, թե չէ հիմա գրքային, դեմոկրատական բաներ ես ասում ու մի 18 հատ վարկանիշա գալու

Կինը իրականում ոտից գլուխ զգացմունքային էակա, ու ինքն իրեն հանձնելը կարող ա բավականին վտանգավոր լինի, որովհետև երբեմն իրենք էլ չգիտեն ինչ են ուզում: Դրա համար էլ կնոջը պետք ա դնես այնտեղ, որտեղ ուզում ես իրեն տեսնել: Ու անպայման չի կնոջը տվյալ դեպքում կպցնել "հավ" ածականը, իսկ տղամարդուն էլ՝ "ահաբեկիչը": Էլի եմ ասում, խոսքը հիստերիկների մասին չի

[ars83]

Մի ուրիշ տարբերակ էլ կա, կարծում եմ՝ "փախուստ ազատությունից" շարքից… Ավելի լավ է, լինես ինչ-որ մեկի հետ, ինքը կանոնակարգի վարքդ և այլն, քան թե լինես ինքդ քո գլխի տեր, բայց միայնակ

Հա, այս տարբերակի մասին հաճախ են խոսում: Այսպիսի մտածելակերպի պատճառներից, երևի, կարող է լինել նկարագրածս տիպի ընտանիքում մեծանալը, կամ էլ հասարակական կարգը: Բայց ցանկացած մարդու մեջ ի սկզբանե ինքնուրույնության ձգտում կա (անձնավորության զգացողությո՞ւն). արդյո՞ք դա կարող է վերանալ մարդու միջից:

[Nare-M]

Էլի թող անհանգստանա, բայց ի՞նչ վտանգ է պարունակում կնոջ (տղամարդու) շփումը այլ տղամարդկանց (կանանց) հետ: Ինչի՞ց է (ըստ պաշտպանյալի) նրան պաշտպանում զուգընկերը:

Ես օրինակ լսել եմ, որ տղայի համար ամոթ կլինի, եթե, ասենք, իր ընկերներից մեկը, ասի իրեն, թե տեսել է ընկերուհուն ինչ-որ մեկ ուրիշ տղայի հետ խոսելիս: Իսկ թե ինչից են խոսել, դա արդեն կարևոր չէ

[ministr]

Ես օրինակ լսել եմ, որ տղայի համար ամոթ կլինի, եթե, ասենք, իր ընկերներից մեկը, ասի իրեն, թե տեսել է ընկերուհուն ինչ-որ մեկ ուրիշ տղայի հետ խոսելիս: Իսկ թե ինչից են խոսել, դա արդեն կարևոր չէ

Խոսելու մեջ վատ բան կա?

[ars83]

Զուգընկերների նմանատիպ հարաբերություններն էլ ամրապնդվում են ամուսնության հենց սկզբից՝ եկեղեցական արարողության ժամանակ «տեր եմ»,

«Տեր եմ» արտահայտությունը տղամարդու կողմից ավելի շատ պարտականության հաստատում է, քան իրավունքի, իմ կարծիքով: Այսինքն՝ ապահովելու այն հիմնական, կենսական միջավայրի իր մասը (եկամուտ, ֆիզիկական աշխատանք, երեխաների դաստիարակություն, սեփական ժամանակի հատկացում), որին, եթե գումարվի կնոջ մասը, կդառնա լիարժեք ընտանիք:

«հնազանդ եմ» խոստումներով:

Սա էլ ավելի շատ համաձայնության բնույթ ունի. այսինքն՝ համաձայն եմ, որ հետայսու ապրելու ենք համատեղ, միասին ուժերով ընտանիք ենք կառուցելու, և այլն:
Համենայն դեպս ես այդպես եմ հասկանում:

Միայն տղաները չեն բռնակալ լինում… Բա աղջիկնե՜րը. իրենց խանդով:

Թեման հավասարապես վերաբերում է երկու սեռերին:

[einnA]

Եթե պաթոլոգիկ դեպքերը դնենք մի կողմ (կնստես մառշուտնու շոֆեռի հետևի նստարանին ու մենակ դուրս կնայես), ապա ինչքան էլ բացատրեմ չես հասկանա, մինչև կյանքիդ մեջ էդ փուլին չհասնես, թե չէ հիմա գրքային, դեմոկրատական բաներ ես ասում ու մի 18 հատ վարկանիշա գալու

Կինը իրականում ոտից գլուխ զգացմունքային էակա, ու ինքն իրեն հանձնելը կարող ա բավականին վտանգավոր լինի, որովհետև երբեմն իրենք էլ չգիտեն ինչ են ուզում: Դրա համար էլ կնոջը պետք ա դնես այնտեղ, որտեղ ուզում ես իրեն տեսնել: Ու անպայման չի կնոջը տվյալ դեպքում կպցնել "հավ" ածականը, իսկ տղամարդուն էլ՝ "ահաբեկիչը": Էլի եմ ասում, խոսքը հիստերիկների մասին չի

Ministr ջան դեռ վարկանիշ չի եկել, հանգիստ եղեք
չեմ պնդի, թե շատ բան եմ հասկանում, դեռ չեմ ընկել նման վիճակում, փառք Աստծո

իսկ որ կինը զգացմունքային է, համաձայն եմ, ու էտ լավ է շատ:Իսկ ինչու եք կարծում, որ զգացմունքային մարդը չի իմանում, թե ինչ է ուզում ու անպայման պետք է "տղամարդ տղա", որ իրան իր տեղը դնի?
դե իսկ եթե նույն տղամարդը ցանկանում է կնոջը դնել այնտեղ, որտեղ ինքն է ուզում, կարող է իր համար զգացմունքային տիկնիկ առնի ու դնի սերվանտի գլխին: Էտ տիկնիկն էլ սուսուփուս մի քանի լավ "տուրուդմփոցից" հետո հաստատ կընկնի տղամարդու ցանկացած տեղում ու կլինի իդեալական հարաբերություններ

[Nare-M]

Խոսելու մեջ վատ բան կա?

Ես չեմ ասում, թե խոսելու մեջ վատ բան կա, անձամբ ես դեմ եմ նմանատիպ հարաբերություններին: Ուղղակի հանդիպել եմ այդպես մտածող մարդկանց: