Մեր ժամանակների Գալիլեյը :)

**One_Way_Ticket** · 26.01.2011, 01:03

Առաջարկում եմ թեման տեղափոխել "Զվարճալի" բաժին

Մի երկու օր առաջ ծիծաղից մեռել էի վիդեոն նայելիս։ Իսկ այ Յութուբի քոմմենթների վրա չգիտեի՝ ծիծաղեի, թե լացեի։

**One_Way_Ticket** · 26.01.2011, 01:07

Բայց վիդեոները դեռ վերջը չեն։ Դուք սա կարդացեք։

Артур, используя компьютерные технологии, добыл номер сотового телефона... В. В. Путина и позвонил по нему Президенту. Тот сильно удивился, но согласился на встречу.

Թարգմանություն․
Արթուրը, օգտագործելով կոմպյուտերային տեխնոլոգիաները, ճարել է Վ․ Վ․ Պուտինի բջջային հեռախոսի համարը և զանգահարել նախագահին։ Վերջինս շատ է զարմացել, բայց համաձայնվել է հանդիպել

**Աշոտ Երկաթ** · 09.03.2011, 23:35

Վիստ արի խոստովանի ես դու ես բացել՞

**Norton** · 10.03.2011, 10:02

Սփյուռքի նախարարությունը սխալմամբ շնորհակալագիր հանձնեց հսկա չիզբուրգերի

ԵՐԵՎԱՆ, ՍՓՅՈՒՌՔԻ ՆԱԽԱՐԱՐՈՒԹՅՈՒՆ - Մարտի երեքին Սփյուռքի նախարարությունը շնորհակալագիր հանձնեց անսովոր արտաքինով անձնավորության, որը ներկայացավ որպես Օքսֆորդի համալսարանի բանասիրական ֆակուլտետի 17-ամյա «վունդերկինդ», դոկտոր՝ Արթուր Բունիաթյան: Միայն 6 օր անց հայտնի դարձավ, որ տեղի է ունեցել թյուրիմացություն և շնորհակալագիրը հանձնվել է անսովոր չափսերի չիզբուրգերի:

Հիշեցնենք, որ «Արթուր Բունիաթյանը» նաև կարողացել է մոլորության մեջ գցել Ռուսաստանում Բաշկիրիայի կրթական օղակները, ինչպես նաև որոշ նշանակալի ռուս քաղաքական գործիչների:

«Բունիաթյանը» պնդում է, որ 5 տարեկանից զբաղվում է լեզվաբանությամբ և 2009 թ.-ին հայտնաբերել է նոր բառ՝ «ֆստյուլ», որի համար իր պնդմամբ ստացել է Օքսֆորդի համալսարանի բանասիրական գիտությունի կոչում: Իսկ 2016 թվականին պետք է լինի առաջին հայը, որը Բրիտանիայի թագուհու համար կպատրաստի ուրցով թեյ:

"Մենք չունենք չիզբուրգեր ճանաչող-հայտնաբերող սարքեր", Հակոբյան

«Ակադեմիական համագործակցության և օժանդակության հայկական ասոցիացիա» – ԱՐՄԱԿԱԴ-ի ջանքերով բացահայտվեց, որ Արթուր Բունիաթյանը իրականում հանդիսանում է McDonald’s ռեստորանի ոչ ստանդարտ չափսերի չիզբուրգեր և նրա Օքսֆորդի դիպլոմը և դոկտորի վկայականը կեղծ են:

ԱՐՄԱԿԱԴ-ի նախագահ Խաչիկ Գևորգյանը կիսվեց մեզ հետ. «Իհարկե կեղծիքը մեզ համար ակնհայտ էր հենց սկզբից: Սակայն իրավիճակը բոլորին թվում էր զվարճալի, մինչև նա չսկսեց ճանաչում ստանալ պետական մակարդակով…»

«Մենք ստիպված էինք միջամտել, քանի որ այդ տեմպերով նա կարող էր լուրջ հավակնություններ ներկայացնել քաղաքական դաշտում, իսկ առջևում խորհրդարանական և նախագահական ընտրություններ են: Մեզ միանշանակ պետք չէ ավելորդ չիզբուրգեր օրենսդրական կամ գործադիր մարմնում», ամփոփեց Գևորգյանը:

Ռուսաստանի քաղաքական էլիտան ընդունել է Արթուրին

Սփյուռքի նախարարությունը կայքում հրապարակել է մամլո հաղորդագրություն, որում նշում է. «Խորհուրդ կտանք ցնցումներ չապրել և ավելորդ անգամ չհուզվել այս միջադեպի կապակցությամբ: Իհարկե, հասկանալի է, որ շնորհակալագիր ենք հանձնել… մեծ չիզբուրգերի, սակայն պետք է հաշվի առնել, որ նախարարությունում աշխատում և ամեն օր մուտք են գործում տարաբնույթ արտաքինով անձիք: Եվ բնականաբար երբեմն դժվար է տարբերել իրական մարդկանց… մեծ բրդուճներից»:

Նախարարություն կատարած իր այցի ժամանակ, Արթուրը ներկայացրել է սփյուռքի հետ համագործակցության իր տեսլականը, որը ողջունել և հաշվի է առել նախարարության ավագ աշխատակազմը: Վերջիններիս պնդմամբ նոր հանգամանքների լույսի ներքո նրանք պատրաստվում են հանել չիզբուրգերի առաջարկները, մասնավորապես երկպալատ խորհրդարանի գաղափարը:

Հատկանշական է, որ Արթուրին հանձնված վկայականում Հրանուշ Հակոբյանը բարձր է գնահատում երիտասարդի ինտելեկտուալ ներուժը և ներդնումը հայապահպանության և հայկական արժեքների տարածման գործում: Այնտեղ նաև կոչ է արված Արթուրին իր ունակություններն ու տաղանդը օգտագործել հայանպաստ նպատակներով:

"Երեք տարեկանում երազումս ինձ Շեքսպիրը այցելեց ու ասեց՝ ես դու եմ, դու ես ես", Արթուր

armcomedy.com

**Chuk** · 10.03.2011, 10:59

ԺԱՄԱՆԱԿԻ ՄԵՔԵՆԱ ԴԵՌ ՉՈՒՆԵՆՔ

Օրերս տեղեկացանք, որ ՀՀ Սփյուռքի նախարար Հրանուշ Հակոբյանը մարտի 3-ին հանդիպել է իրեն մեծն գիտնական հռչակած Արթուր Պողոսյանի հետ:

Այն, որ Արթուր Պողոսյանը իրականում ֆիզիկայի, աստղաֆիզիկայի, կամ որևէ այլ բնական գիտության հետ կապ չունի, 37 երիտասարդ ուսանող ու ասպիրանտ ֆիզիկոսներով (այդ թվում ներքոստորագրյալներս) արդեն հայտարարել ենք` փետրվարի 7-ին բաց նամակ հղելով հայրենական ԶԼՄ-ներին: Այդ իսկ պատճառով բավականին զարմացանք, երբ իմացանք, որ կրթությամբ ճշգրիտ գիտությունների մասնագետ Հրանուշ Հակոբյանը հանդիպել է Արթուր Պողոսյանին: Դա դեռ հնարավոր է, որ ըմբռնելի լիներ, եթե չհաջորդեր Սփյուռքի նախարարության տարածած հաղորդագրությունը, որում, ըստ էության, փառաբանվում էր «հայ տաղանդաշատ գիտնական» Արթուր Պողոսյանը:

Երևի թե, այդ թեման մի քիչ կքննարկվեր սոցիալական ցանցերում, ու վաղ թե ուշ կմարեր, եթե Սփյուռքի նախարարության կայքից չհանվեր վերոնշյալ հաղորդագրությունը, իսկ փոխարենը մարտի 9-ին չտարածվեր նորը` «Բոլոր նրանց, ովքեր «ցնցում» ապրեցին» խորագրով:

Դրանով, փաստացիորեն, նախարարությունը արդարանում է` ասելով, որ «ՀՀ սփյուռքի նախարարը չի ստուգել Արթուր Պողոսյանի փաստաթղթերը նրան ընդունելուց առաջ»: Դժվար է ասել, թե ինչից են խոսել նախարարն ու Ա. Պողոսյանը, բայց ակամայից հռետորական հարց է առաջանում. «Լավ, իսկ նախարարը այդ տղայի հետ խոսելի՞ս էլ նույնիսկ չհասկացավ, որ այդ տղան բացահայտ ինքնակոչ է»:

Սակայն, Սփյուռքի նախարարության և մասնավորապես, դրա լրատվական ծառայության գործունեության կուլիմինացիան երեկվա հաղորդագրության վերջին պարբերությունն է, որտեղ ասված է. «Իսկ «ֆիզիկոս ուսանողներ և ասպիրանտներ (37 ստորագրություն)» ստորագրությամբ հայտարարության հեղինակները, լինելով այդքան հետաքրքիր մասնագիտության տեր մարդիկ, կարծում ենք` չպետք է իջնեին պարզունակության այն աստիճանի, որ այս միջադեպով որակեին ամբողջ մի նախարարության աշխատանքային գործունեությունը»: Այսինքն, մենք անհիմն քննադատել ենք նախարարությանը:

Փաստորեն, ըստ Սփյուռքի նախարարության, 37 ֆիզիկոսներս փետրվարի 7-ին քննադատել ենք նախարարի մարտի 3-ի արարքը, երբ դա նախապես հնարավոր չէր կանխատեսել, և երբ մեր տարածած բաց նամակում Սփյուռքի նախարարության վերաբերյալ ոչինչ չկար:

Ստեղծված իրավիճակից եզրակացնում ենք, որ ՀՀ Սփյուռքի նախարարությունում մեզ քննադատելուց և «պարզունակության այդ աստիճանի» չիջնելու խորհուրդ տալուց առաջ ոչ միայն չէին կարդացել մեր բաց նամակը, այլև չգիտեին, որ մենք դեռ չունենք ժամանակի մեքենա, և չէինք կարող արձագանքել մի բանի, որը տեղի էր ունենալու մեկ ամիս հետո:

Հիմնվելով վերոգրյալի վրա, ներքոստորագրյալներս պահանջում ենք ՀՀ Սփյուռքի նախարարությունից ողջամիտ ժամկետներում հրապարակավ հերքել «Բոլոր նրանց, ովքեր «ցնցում» ապրեցին» հաղորդագրության վերջին պարբերությունում տեղ գտած տեղեկատվությունը և նույն կերպ ներողություն խնդրել 37 ֆիզիկոս ուսանողներիցս և ասպիրանտներիցս` մեզ մասին սուտ տեղեկատվություն տարածելու, և դրանով իսկ մեր բարի համբավը կասկածի տակ դնելու համար:

Դանիել Իոաննիսյան (ԵՊՀ)
Հովսեփ Ղազարյան (ԵՊՀ)
Ռաֆայել Պետրոսյան (Դրեզդենի տեխնիկական համալսարան, Գերմանիա)
Սարգիս Կարապետյան (Դյուքի համալսարան, ԱՄՆ)

Աղբյուր՝ Լրագիր

**Chilly** · 10.03.2011, 11:07

աղջիկ լինեի՝ առանց երկմտելու Արթուրի հետ կամուսնանայի

**VisTolog** · 10.03.2011, 11:07

**Ռուֆուս** · 10.03.2011, 11:21

Հայալեզու ինտերնետի ամբողջ պատության ընթացքում դեռևս այսպիսի հաջողված ու ծիծաղելի meme չէր եղել:

Հ.Գ. Միմ բառը ակումբի Meme անդամի հետ ոչ մի կապ չունի, բոլոր համընկումները պատահական են

**Jarre** · 10.03.2011, 12:45

Այ մարդ սաղ հեչ։ Բա էտ խեղճ նշանածը ինչ վիճակում ա հիմա.... Զոքանչը արդեն պայմանգիր էր կնքել և այլն, իսկ հիմա սենց խայտառակ բաներ.....

ՀԳ՝ գիտեի, որ դեգրադացիայի ամենակուլմինացիոն կետում ա գտնվում մեր պետությունը, բայց էս օրինակը չլիներ ողբերգության մասշտաբները չէի հասկանա։ Մի կողմից ես իմ ինչ չի և ուղղակի ծիծաղելի է, բայց մյուս կողմից էլ գիտակցում ես մի դաժար իրականություն, որ այն մարդիկ որոնց ըստ էության մենք պետք է վստահենք մեր և մեր հարազատների կյանքը կատարյալ դեբիլներ են։ Ու դա համահանրապետական մասշտաբների ա հասնում։

Հիշում եմ մի քանի տարի առաջ մի եվրոպացի ուսանող Վիքիփեդիայում մի հայտնի մարդու կենսագրության մեջ դիտմամբ սուտ տեղեկությունն էր էր ավելացրել, ինչը ժամերի տարբերությամբ հայտնվել էր աշխարհի ամենավստահելի և հեղինակավոր թերթերում և պարբերականներում։ Այդպիսով նպատակ էր ունեցել ապացուցել, թե որքան խեղաթյուրված և անվստահելի կարող են լինել ԶԼՄ-ները։

Ուստի, հաշվի առնելով այս ամենը, ես իսկապես կարծում եմ, որ Արթուրը մեծ մարդ է և որ ինքը իրոք կստանա Նոբելյըվսկիյ պրեմիա։ Ուղղակի ոչ թե էն պատճառով, որ ինքը Նյուտոնին ա սխալ հանել, այլ այն պատճառով, որ վերջին տասը տարիների ընթացքում առաջին մարդն ա, ով հավեսով ղժժաց սրա նրավ վրա ղժժացող Վայլուրի վրա և մեր ամենաբարձր IQ ունեցող կառավարության անդամների վրա։