2012 թ-ի հունիսի սկզբին լույս ընծայեցի. "Հայկազունիներ. առասպել և իրականություն" գիրքը:
Գրքում փաստագրական հարուստ նյութի և պատմա-համեմատական հստակ վերլուծության կիրառմամբ ցույց եմ տալիս մինչ այժմ հիմնականում վիպական հռչակված Հայկազունիների տոհմի պատմականությունը և ուրվագծում եմ վերջինիս իրական տեղն ու դերը տարածաշրջանի պատմության համայնապատկերում: Հիմնավորում եմ, որ, որոշակի ճշգրտումներով, այնուհանդերձ պատմական են ոչ միայն Հայկազունի տոհմին պատկանող արքաները, այլ նաև այն, որ իրականությանը համապատասխանում են նաև Միքայել Չամչյանի կողմից մատնանշված` նրանց գահակալության տարիները:
Աշխատանքը կոչված է ցույց տալու Հայկազունիների փառահեղ տոհմի իրական տեղն ու դերը Հայոց հնագույն պատմության համայնապատկերում, ինչպես նաև համեստ մի փորձ է` ուղղված Հայոց հնագուն պատմության կարևորագույն դրվագներից մեկի վերականգմանը:
Գիրքը կարող է հետաքրքրել ինչպես մասնագետներին, այնպես էլ բոլոր նրանց, ովքեր հետաքրքրվում են Հայոց հնագույն պատմությամբ:
Էջանիշներ