«Ա1+» հեռուստաընկերությունն իր ինտերնետային եթերում սկսել է եթեր հեռարձակել «e Ակումբ» հաղորդաշարը: Հեռուստաընկերության լրատվության համաձայն Երևանի Մամուլի Ակումբի հետ համատեղ պատրաստվող հաղորդաշարը կպատմի ինտերնետի օգուտների և վնասների, ինտերնետում ընթացող ամենաթեժ քննարկումների և համացանցին վերաբերող այլ հետաքրքիր թեմաների մասին:
Արդեն հեռարձակվել է հաղորդման առաջին թողարկումը` բաղկացած երեք մասից: Ինտերնետի ուղիղ եթերում այն եղել է հունվարի 18-ին՝ երեքշաբթի օրը, ժամը 13:45-ի, 14:45-ի, 15:45-ի «Այբ-Ֆե»-ի թողարկումներից անմիջապես հետո: Հաղորդման հիմնական թեմաներն են եղել.
- Շուշան Պետրոսյան. մեկ ամիս առանց ինտերնետի: Ի՞նչ է փոխել երգչուհու կյանքում ինտերնետը:
- 79 տարեկան Լևոնն առաջին անգամ փորձում է ինտերնետային թերթ կարդալ: Լրատվական ռինգ` թերթերն ընդդեմ ինտերնետի:
- 2010 թվականն ինտերնետային մրցանակաբաշխությունների տարի էր: Ի-Կոնտենտ` Էլեկտրոնային բովանդակություն:
- Ինտերնետը և Ալավերդու փոքր գործարարներն արդեն իրար ծանոթ են: Ինչպե՞ս կերակրել գյուղը ինտերնետային սնկերով:
Հաղորդման թողարկումները ոչ միայն ուղիղ եթերով են հեռարձակվելու, այլև տեղադրվելու են YouTube համակարգում:
Ստորև կներկայացնեմ առաջին հաղորդումը՝ YouTube-ից: Միանգամից ասեմ, որ միացրել էի այն տրամադրությամբ, որ մեկ րոպե անց փակելու եմ, բայց հետաքրքրությամբ նայեցի ողջ հաղորդումը, սպասում եմ հաջորդ թողարկմանը:
Մեջբերել
Մեկ էլ, այնքան էլ բարձր մասնագիտական հմտություն չէր մամուլի 2009թ.-ի վիճակագրությունը վկայակոչելը` թերթերը համացանցի հետ համեմատելիս. ինտեՌնետի (բոլորն այդպես էին արտասանում այդ բառը) համար երկու տարով ետ մնալը համարյա անցյալ դարի «տեխնիկական նվաճումներով բավարարվել է»: 
ars83-ի խոսքերից
Էջանիշներ